奧壽司

營業中

休息中

今日帶小朋友去數碼港放電，放到自己啲電都冇埋，又攰又餓仲要湊住大老闆。好彩老闆終於餓，可以放飯啦～入到商場抬頭見到間日本餐廳，就入咗去，事關老闆話要食烏冬。我幾欣賞呢張枱金目鯛刺身，燒過魚皮後令魚油味更香，更煙韌，最重要係新鮮。活赤貝，夠爽口又鮮甜值得order，牡丹蝦肉質成半透明，唔會浸到白晒，所以相信都係用頂級貨，而食落蝦甜味濃，最緊要係個蝦頭，黃金橙色嘅蝦膏，撈飯食簡直係一絕。銀鱈魚西京燒，魚身滑口燒到金黃色，外皮仲帶啲脆口，味道帶少少甜，廚師控制火嘅能力都應該非常熟練。呢個天婦羅蝦烏冬，份量十足，有雞脾肉，兩隻大蝦天婦羅(炸到好脆)仲有半熟蛋，蟹柳，野菜。白飯用上日本珍珠米，飯香味濃煙韌，撈蝦膏同銀鱈魚超正。魚生吧～呢間餐廳嘅食物質素同服務都好ok,下次睇完戲可以過嚟食。餐牌1號餐牌2號

今日同老婆去左數碼港睇戲,夜晚就黎左呢到食日本野,餐廳客人唔多,加上餐廳燈光好溫暖,顯得格外寧靜,感覺好舒適。壽士盛一共有10件 都好新鮮又靚仔。海膽壽士一流,海膽嘅鮮味好出剌身盛合:三文魚色澤鮮明,餐廳厚切上,口感唔錯,牡丹蝦幾大隻,好鲜甜仲有帆立貝,吞拿魚,八爪魚等,全部都好新鮮鰻魚蟹子炒飯，炒飯夠香口,好足料,加上蟹子係飯上面，吃落去爽口,非常感覺不錯。牛肉火鍋，送上一隻生雞蛋。火鍋以菜因主。蔬菜滲入牛肉湯非常入味,肥牛夠新鮮

忙左成2個月，終於叫做得閒返少少，見聽日唔洗返學，就帶埋阿囡去數碼港食飯，順便睇場戲喇。數碼港晚上食飯選擇其實唔算係好多。見忙左禁耐，又唔想求其食就算數，所以最後揀左奧壽司！夜晚7:30左右去到，人唔算好多。入到去坐低，樓底好高，空間感好夠，所以整體感覺好好！肚餓了！快啲睇下食咩野！睇左一輪，阿囡好有主意。玉子手卷+蟹柳手卷+三文魚子手卷我無份食，不過我見阿囡食到津津有味，一定唔會差啲去邊。燒雞翼串好食喎！有驚喜喎！燒得啱啱好！一人一串2隻！免治雞肉串好有心機，我同大人一人一串，佢就一串一隻碟，一串一隻蛋！雞肉串加生蛋加佢個汁，無得頂！燒牛柳粒串牛柳粒串，燒到剛好，唔會太老，唔會太林。無辨法，大人實在太中意食打邊爐，連去食日本野，都要打返個邊爐！限定蟹加牛肉火鍋二人前稻庭烏冬一窩上到黎，好大窩。入面有3隻蟹，好多好多菜，豆腐，薯粉，冬菇，金菇。我地煮見滾起咗，就一人夾左一隻蟹食住先，等啲菜慢慢煮林啲，入味啲！其實呢煲野，真心好大煲，食完其實已經好飽。不過一向眼闊肚窄的我地，又點會禁快完。重叫左雲丹蟹粥雖然已經好飽，不過個粥唔差，一人都食左成碗。地方好得，串燒好得，邊爐好得，蟹粥ok，最

今日嚟到數碼港食壽司！人流唔算多餐廳環境寬敞🧡🧡..........火炙壽司盛合（特上）$280呢個壽司盛有三文魚海膽吞拿魚等等好豐富！而且火炙嘅壽司特別香🤣好足料 件件都厚切唔錯！🧡..........壽司盛$238呢個同火炙壽司盛差唔多不過壽司就唔係用火灸啦件件壽司都好新鮮又精緻😍..........海膽炒飯$128呢個炒飯好惹味！面頭會有海膽同紫菜撈埋左之後同炒飯味道好夾👍🏻👍🏻有海膽嘅鮮味🤣🤣..........牛脷串$35好重牛味識落彈牙又嫩滑👍🏻..........大蔥雞肉串$26將大蔥同雞肉一齊燒雞肉非常嫩🤣又有啲蔥味好食🤤..........雞軟骨串$16不過不失🤣燒得剛剛好香口彈牙🧡..........奧壽司Oh Sushi and Tappas餐廳：薄扶林數碼港100號數碼港商場307號舖 .

最近食過好滿意嘅日本菜 樣樣都份量好足又好食🤩鵝肝多士$138最愛食鵝肝 🤩 奧壽司嘅鵝肝係一定要叫 好大塊 厚度切得啱啱好 外脆內軟 入口即溶 入面keep到有少少生💕 塊多士又夠脆😆好吃得令人感動！芝士蝦天婦羅卷$88入面嘅蝦天婦羅仲係脆卜卜 飯粒好煙軔 😻豚肉餃子$48餃子煎得好乾爽 皮薄餡靚 豚肉又唔肥 👍鐵板牛肉炒烏冬$82用稻庭烏冬炒😻 烏冬質感彈牙 牛肉份量都好多 好香牛味 😽蟹膏炒飯$118蟹膏非常鹹鮮 炒飯勁香同好大碟 網燒和牛扒$198真和牛 好有牛味好林 肥瘦適中 👏

#鵝肝多士$138一份有兩件，多士上的鵝肝大大塊，而且縮到剛剛好，不會太生也不會太老。多士上有塗上少量汁再烤。惟多士有少少淋，脆些會更好.#網燒和牛扒$198和牛扒叫左五成熟，上碟見稍為有點過熟，但食落就覺得還好。和牛扒是以鐵板上，另會配上特製醬汁。.#火炙壽司盛盒（特上）$280呢款盛盒都幾推薦架，一款有齊12件壽司🍣唔使逐個諗叫咩。而且盛盒仲會有個海膽壽司😯壽司上的魚生片份量誠意十足，塊塊魚生片都長過下面舊飯🤤.#海膽手卷$58海膽幾新鮮.🏠奧壽司 (薄扶林)薄扶林數碼港100號數碼港商場307號舖

因為 HAPPY FRIDAY 既關係, 今日同老公入左數碼港睇戲. 咁睇戲之前緊係唔少得要搵食啦, 所以就去左試數碼港商場既 "奧壽司". 估唔到有出乎意料的驚喜... 超YUMMY啊! 今晚大約7 點抵達餐廳, 可能因為時間尚早既關係, 不用等候便可直接入坐. 而店員亦好細心, 安排了舒適的4 人卡坐給我們. 至於食物既選擇, 除了基本既 MENU之外, 餐廳還有"季節限定推介" 和 TODAY SPECIAL 選擇. 今晚我點了明太子炒露筍和立魚湯蜆鍋作為我既頭盤, 點解簡 LI 兩樣, 因為要係一間日本餐廳搵一碟炒菜食真係好難, 再加上佢用我既至愛明太子炒, 點可以唔點呢. 而叫立魚湯蜆鍋既原因, 係因為係 OPEN RICE 有不少人推介. 真係冇叫錯呀...  因為露筍好嫩和明太子的鹹味調得恰到好處, 絕配啊~ 而立魚湯蜆鍋, 因它的湯底是用魚湯, 跟一般的清酒煮蜆不同, 味道更鮮和更特出.至於我同老公今晚既主菜緊係壽司啦,  叫左一盤壽司盛, 另加雲丹海膽壽司和特上吞拿魚腩壽司各兩件. 我真係估唔到佢既魚生可以咁鮮甜同好食. 特上吞拿魚腩入口即溶, 完全唔會有根.  而雲

今天到了數碼港工作，難得來到這裏，當然食埋晚餐先走啦😃今晚決定吃日本菜， 見到有一間餐廳叫做奧壽司餐牌的選擇很多，有熟食的，有壽司，有刺身，也有火鍋。店員推介三文魚刺身，所以我們便叫了一碟。😌三文魚色澤鮮艷，而且切得夠厚身，吃下去非常美味。三文魚芝士燒鰻魚卷，份量也不少，有六件😋鰻魚孩蟹子炒飯，炒飯配上蟹子，吃下去爽口的感覺不錯。見到有特別推介牛肉火鍋，再配上一隻生雞蛋。火鍋裏有很多配菜。蔬菜再滲入牛肉湯非常入味。叫了一些串燒，有牛舌，雞翼，蘆筍😍😍最喜歡吃牛舌！！天婦羅冷麵，冷麵汁配有鵪鶉蛋，芝麻，葱，放入湯內。這種食法很懷舊，很久沒有在其他餐廳試過了🙂🙂炸豆腐共有4塊，炸生蠔份量也不少，炸得脆口，旁邊還有沙律菜。最後以綠茶雪糕作為總結，雪糕的味道不會太甜，而且有濃厚的綠茶味，這個有驚喜。👍👍

今日情人節男朋友訂了這間唔太多人的數碼港日本餐廳。幾好的環境，安靜的慢慢享受，但原來都好多客人，差不多滿滿；地方幾舒服又大大，有個大廚房見師傅在準備刺身。選擇都算可以、餐具及枱子好別緻我們點了燒粟米（好香又甜）鰻魚露筍卷（好香好野味的鰻魚汁、鰻魚肉香軟露筍健康）炸雞軟骨（好脆口好香）餃子雞翼（外面脆口燒得野味內餡是菜肉餡）魷魚筒（比較乾身，這個普通）泡菜炒飯（微微辣味、其他配料有煙肉火腿及雜豆等，也是普通）服務就普通，服務員不是好熱心主動幫忙，要等好耐才有人來

今日約左朋友團拜，地點係數碼港既「 奧壽司 」。已經有幾年冇去數碼港啦，唔知係咪因為新年啦，商場人流好少，但係「 奧壽司 」就幾多人，餐廳差不多有 8 成坐滿 。打開 menu 👀, 選擇頗多，刺身、壽司、串燒、拉麵、鍋物⋯樣樣有，就連Hot Pot 都有。前菜先點三文魚、帆立貝刺身，牡丹蝦壽司，厚切肥美，新鮮！三文魚色澤鮮明，紋路清澈，油脂分佈平均。帆立貝鮮甜，啖啖肉，有口感。牡丹蝦好鲜甜主菜：清酒煮蜆，鷄腎七味燒、燒鯖魚、吉列炸生蠔、冷稻庭烏冬。燒物做得唔錯，非常惹味，唔乾身！鷄腎爽口有嚼勁，燒鯖魚皮脆肉香，吉列炸生蠔炸得金黃，外層酥脆，內裏多汁。冷稻庭烏冬，烏冬柔軟彈牙煙靭，再配以獨特醬油汁，口味濃郁。下次去數碼港會再光顧。

數碼港對我來說真係好遠，但為左食嘢我會專程入來....😜網上睇資料哩間餐廳應該係全商場最多人選擇的一間，所以專登入試試。沒有失望，魚生新鮮，熟食味道都ok。兩口子叫左個魚生拼盤，牛肉鍋，蟹粥，及三串串燒。魚生新鮮，八款都好食，喜歡厚切既朋友一定唔好錯過。個人喜歡薄切多d，感覺無咁肥😜雲丹蟹粥，個人好鍾意，似泡飯多d好入味。牛肉鍋，日式甜豉油湯底，不算太甜，但個人唔太鍾意甜湯底，下次可能會問下可否改清湯😋😋配料全部可另追加。串燒最喜歡雞翼，燒得啱啱好燒粟米牛油跟碟另上👍最可惜係牛脷燒得過左火，太乾整體來說我會再來😋😋

在9月中當晚3號風球 (百里嘉)，幸好！強勁的10號颱風 (生竹) 尚未殺到！好街坊揸車接我由上環到薄扶林數碼港，平日夜晚走來數碼港商場已經好冷清！商場內也較為燈光昏暗！ 猶如一個死城！連玻璃門也貼上膠紙做足防風措施！我們走到 3 樓日式餐廳 <奧壽司>，只有大約 5枱食客，環境寧靜，坐得闊落舒適，是跟朋友或另一半飯聚的好地方！供應多元化的日式美食！依上菜次序！日式生蠔 $98一客3隻，每隻廣島蠔肥美大隻， 配上入口酸咪咪的日式柚子醋！令人打開味蕾！立魚湯蜆鍋 $88奶白色的魚湯，味鮮味美，浸住滿載飽滿鮮甜的蜆！雲丹蟹粥 $98 似是食湯飯，並非預期綿綿的口感，勝在混合鮮美的海膽提升鮮美度！北海道帆立貝黃金燒 $148這款跟蟹籽芝士燒蠔用上同款醬汁，況且只得一隻，超唔抵食！帆立貝切成粒，感覺較入味！蟹籽芝士燒蠔 $78一客兩隻，價錢合理！燒蠔都幾大隻！ 芝士的鹹香，跟蠔也幾夾得來！露筍串 $20/串 露筍簡單灑上木魚絲，木魚絲獨特的味道，令露筍食落更清甜！牛脷串 $28/串點串燒時，大家都好有默契地說出牛脷！最緊要沒有腥臭味，這點店方也做得到！以黑椒粒調味，其發揮最大作

今日去左數碼港睇戲😎睇完戲四處遊蕩😝見到呢間為於數碼港唯一一間嘅日本餐廳🇯🇵中意覓食嘅小妹當然入去拜訪下啦😉點左一道每日精選🐚「日式生蠔」$98一客三隻👌🏻每隻相約大小且飽滿😊係小妹中意食嘅Creamy 生蠔😙滿足有多款壽司選擇🍣但又想每款試下店員推介壽司盛🍱一客有11件每款都相當新鮮肥味😌無雪味最開心有海膽😘味道鮮甜一D都唔腥牡丹蝦size大🦐爽口彈牙中意明太子嘅朋友仔不能錯過明太子炒露筍🤗明太子份量相當多🤩但唔會過咸露筍爽脆無根😚兩者配搭相當夾

冬天的天氣還不算很冷，只有貼近秋風的涼意，天還是陰陰沉沉的，對於想去郊外野餐又怕被太陽伯伯曬著的女士們，這連日來的天氣確實不錯，所以趁這天的天氣到了數碼港的大遍草地玩了一轉，接著便在商場裏的奧壽司吃過晚餐。商場的餐廳不多，大多是兒童補習室和一大室內遊樂場為主，恰恰留意到奧壽司的存在。門外設有餐牌觀看，看到啱食的食物才確定進場無誤。餐廳的位子多的是，所有椅子都是沙發型有靠背，自然坐得舒服，更設有四人為主的卡位，環境闊落得很。牛脷串 ($35)串燒類的率先送到，牛脷串相當厚身，爽口又帶嚼勁，中間還是呈粉紅狀，牛味香濃，簡單用鹽和黑椒調味已經很入味。雞翼串 ($22)雞翼外層炸微皮薄而甘脆，內裡肉質熟腍而沒有一絲未熟粉紅肉色，肉嫩非常，再灑上胡椒粉，咸香而鮮，口感增加。鰻魚露筍卷 ($72)鰻魚塗上香甜的燒汁，令魚肉更加肉嫩細膩，配搭露筍清爽清甜的味道，簡單又直接吃到的美味。芝士天婦羅蝦卷 ($88)炸天婦蝦的外層炸漿得薄，還若隱若現地透現鮮蝦淡淡玉白的玉身，蝦肉鮮甜不乾身。入口輕脆未有一絲油膩感，果然是新鮮炸起熱的證據，配搭咸香怡人的半融芝士，多吃幾件都唔覺得漏。特上火焰壽司盛合 ($28

今晚同老公去左數碼港睇戲，順便到數碼港商場內吃晚飯，我們揀了3/F 的奧壽司餐廳半開放式設計，環境開揚，晚上商場的遊客很少，所以格外寧靜我們點了沙律、湯物、壽司和串燒蟹子沙律：好多蟹子，開胃之選立魚湯蜆鍋：滿鍋的蜆，加上鮮味魚湯，好食到了令人期待的壽司出場有我最愛的劍魚腩，厚切，口感豐盈，要encore!海膽壽司很肥美鮮甜，特上吞拿魚腩入口即溶，老公讚不絕口帶子和赤貝都好新鮮；還有大大隻的牡丹蝦，肉質彈牙，誠意之作！串燒方面我們點了和牛、雞軟骨、牛脷、餃子雞翼和免治雞肉串值得一讚是我的大愛--免治雞肉串，咬落帶點爽脆加上日本雞蛋黃，真係好好食！！數碼港內餐廳的選擇不多，幸好有這間高質的日本餐廳