太興 (翠怡商場)

營業中

休息中

原來我之前都寫過幾次太興，真是自己都不記得了😅，但是歷史已經久遠，太興，在我的印象中，好像已經裝修過幾次，室內環境完全不同，服務人員亦都完全不同了。即使現在，星期四晚上，大概七八時進去，也可以自由坐低，沒有什麼人在等位。太興，以往比我的感覺，好像非常之貴，一個燒味飯，雙拼都大概要五＄60。現在，好像非常之不同，餐牌上有很多特價選擇，先看到牛尾，其餘還有雞，如果特價小菜上面有雞，便可以不用叫燒味那一種。紅酒牛尾，只覺得面頭很多油，非常之油膩，而又未不算太多肉，亦都比較薄切，所以牛尾的肉不太多，一大盤，覺得油膩。極尙魚露蔥油雞，以特價小菜來說，這個蔥油雞算是非常划算，因為半隻放在碟上，童叟無欺，雞皮不算太肥膩，亦都不算油光滿雞。雞的外皮及表面那層肉，的確有點兒雨露的鮮味，微咸，不用再點薑蔥。然後，由於母親非常之喜愛太興的豬肺湯，於是迫我們也一起喝，便帶了三盎。結果，我覺得豬肺湯，味道還好，雖然不算是火候十足味道香濃，但是杏仁味亦都比較出色，味道可以吧。豬肺只有三兩件，但是已這麼一大盎豬肺湯，都只需48還有第二第三盎特價的話，其實價錢已經比以往便宜得多。由於帶了兩個肉類，害怕沒什麼菜，所以點

今日再次同朋友去太興食下午茶，由於大家都好肚餓的關係，一坐低我同友人好快睇完餐牌就决定叫2個茶餐一齊分享食，侍應亦好快手甘幫我地落order！不到3分鐘侍應就好快上左香煎雙蛋豬扒飯比我地，我地立即開餐，一試！嘩！雙蛋煎得太老太硬，食落完全無蛋香味，味道真是麻麻！至於個豬扒，我諗大家都見到非常細塊，味道亦好一般，得过咸字！肉質好嚡口好硬，完全唔好食，杯熱菜蜜就一般啦，不夠濃味，太淡口！跟住食埋個大都牛肉麵，D麵質都算唔錯，好弹牙好爽口，但D牛肉真是唔得，煮得唔夠淋，好硬好難食！至於杯凍檸茶就一般啦，不過不失！今次太興的食物真是令我完全失望，希望下次再來會有所改善啦

今日母親節同屋企人去左太興食晚飯，知道今晚一定多人食飯，所以晚上六點就即刻走去等位，可能時間尚早，去到太興好快就有侍應安排位置比我地，坐低後望望餐牌，都有好多選擇，樣樣餸都好吸引好想食最後大家决定叫3個晚饭套餐一齊分享！點餐後不到5分鐘侍應就放低左第一道菜，就是义燒 燒鵝雙拼，D义燒真是好好食，肉質超嫩，入口鬆化，再加上D醬汁甜甜地好惹味，至於個燒鵝就一般喇，肉質食落好嚡口，味道一般，好彩有碟酸梅醬點先可以好食D第二道菜好快就上枱，梅菜扣肉，D扣肉都好好食，肥瘦適中，入口即溶，再加埋D梅菜真是送飯一流，甜甜地好惹味，可惜份量太少，反而加D菜芯味道完全唔配合，菜芯又硬又老，好難食侍應好快上埋第三道菜就是豉汁蒸倉魚，條魚食落好新鲜好好味，蒸得啱啱好唔會過火，抵讚整體D食物質素都算唔錯，可惜份量偏少，價錢亦偏貴！

今日一早去左友人屋企玩遊戲機兼吹下水，友人家住青衣碼頭，打打下機我同友人都感覺有D肚餓，大家望下時間2點半啱啱好可以去食個茶餐醫肚，於是拿拿臨落楼去食野，友人話佢屋企楼下有間太興，D食物質素唔錯可以一試！去到太興好快有位坐低，即刻攞個餐牌望下先，見到下午茶有好多好多選擇，有炒飯有炒麵，連我最爱的湯粉湯麵都有，樣樣野都好想食，點算？有選擇困難症的我地最後終於决定叫乾炒牛河同埋牛丸湯米粉，不用幾分鐘，侍應好快就上左碟乾炒牛河比我朋友！一上到枱已聞到好香豉油味，我同朋友都急不及待試下D河粉先，嘩！炒得非常惹味，食落完全唔會覺得好油，味道啱啱好，咸淡適中，再試埋D牛肉，都好好味，D牛肉炒得刚刚好，唔會過老，而且仲好有咬口添我地食食下乾炒牛河，好快又再上埋我的牛丸湯米粉，一上枱我已聞到好香牛丸味，即刻夾粒試下，太好味了！牛丸好弹牙好有咬口，而且仲超濃牛肉味添，跟住再食下米粉，米粉已經索晒個湯D味，好好食，味道一流！最後飲埋杯凍o茶，味道都唔錯，飲落一D都唔會有苦澀味，甜度適中，簡直透心涼太興的價錢雖然比一般餐廳貴左小小，但食物質素真是完全值回票價，我下次一定會再來光顧的

太興我一直都非常支持，須然比一般茶記稍貴，但質素係有保証的！今日放假再次去食早餐，先黎杯凍O茶，一望已覺得有D唔妥，睇真D發覺原來換咗D細粒D既冰粒，以前圓圓地而家散D再望吓凍O茶嗰顏色比之前淡色，飲啖試吓嘩…… 酸嘅而且冇茶味，叫個侍應生比D糖水我加，但依然不像從前既味道，下次都係飲番冰鎮奶茶穩陣D！多士、旦、腸、雞扒還算正常，但之後既火煺出前一丁就……圖中呢碗係咪正正常常冇乜特別呢？但其實係換過黎第二碗，第一碗送來，我從未試過在太興會出品一碗完全發水既出前一丁囉，誇張D好似麻繩咁粗，心諗唔通水吧換咗人？（水吧好似需協助煮麵）以往我一直讚太興既出品貴得黎有價值，但今日比我感覺直係水準下降，希望只係一日失手啦，須然今日D食物麻麻，但有樣嘢係可以保持水準，就係侍應生既服務，今日我咁多不滿及要求，但各個待應依然禮貌非常，我有不滿他們很有禮貌道歉並保持笑容，值得一讚！

早上外出嘆早茶回家後，等到下午茶時間先再落樓下間太興下午茶，平時都幾多人，今日假期更加多要等位，都等咗成十幾分鐘先有位，望望餐牌有新發現多咗兩三款飯喎，最後選擇咗巨型雞扒飯及食過好多次既大都牛肉麵，侍應話雞扒飯很多人點，所以可能要等15分鐘，我又唔趕時間所以照點，結果唔駛10分鐘就送到啦嘩……雞扒真係好巨型喎，而且顏色炸得唔錯，試吓先……唔會太乾仍有肉汁，有用少少酒醃過，加埋其他醃料醃出黎既味道比我期望有D出入囉（見仁見智啦）唔係唔好味但我個人覺得不合我自己，如果配上其他醬汁可能會好D！至於大都牛肉麵保持一貫水準幾好味，牛肉夠淋而且好入味今次既雞扒飯一般般，下次再試埋豬扒雙蛋飯

OT完10點鐘先番到青衣, 都冇咩邊間餐廳仲有開門, 諗黎諗去都係食太興平時菜單都唔多睇, 都係食開鴨脾飯, 今次手痕望左兩望, 俾我發現到佢個胡椒豬肚煲, 所以就叫點知真係有SURPRISE, 成個煲連爐咁上, KEEP住D湯係熱, 已經覺得好有誠意, 仲要個味都唔錯, D雞滑到呢~最正係佢D胡椒既份量岩岩好, 辣辣地但又唔太辣, 岩晒我呢D想食小小辣但太辣又頂唔順既麻煩友另外加左個豬肺湯, 個湯就都係咁冇咩特別, 仲要貴貴地唔係好底

太興好多時都係我既飯堂，須然價錢未必比一般茶記平，但勝在付出一元就真係比番一元既質素你今日放假瞓死咗，成14:00才起身，之後去屋企樓下既太興tea一tea先，上次食咗唔錯既干炒牛河，今日改食星洲炒米，加杯凍鎮奶茶48元下午茶星洲炒米稍稍比茶記貴，但我覺得合理，因為食落真係有分別，即炒出來送到我已被味道引到口水流，比較濃烈既味道啱我配料又多，中蝦有4-5隻而且並不是平時多用來炒飯嗰D冇味蝦，兩個字……好味冰鎮奶茶一直都保持到應有既水準環境在青衣海旁邊，一個悠閒而滿足既下午茶

在海邊的太興，而且有位泊車。嘆過下午茶，在海濱長廊散步，看看風景，看看釣魚郎。下午茶餐如何？仿佛沒甚要求亦唔記得細味。心目中太興不會太差的。但是，去商場洗手間就好有印象，因為好遙遠哦。

有時候不想在家煮，會很方便地去樓下的太興解決。下午茶算是第一次首先被它的外型吸引，仔細一看，原來是棉花糖，一向不喜歡食甜品的我，被它吸引了。拿起刀叉，切一小塊放進口中，棉花糖的甜配上多士的香，配合的很好，很有層次，平時單食棉花糖會太甜，單食多士又會太乾，這樣一起食，還真不錯呀。算是一個小驚喜。再來一杯冰震奶茶。我比較喜歡重奶味，所以覺得奶味不夠，冰涼的感覺帶給你透心涼的感覺，特別刺激。不是嗎？冬天的飲料放在冰上，喝起來怎麼不刺激呢⋯⋯

星期六放假，知道太興的燒味一向都出名，同埋又想飲佢杯奶茶，決定同屋企人黎屋企附近的太興食午餐。午餐價錢套餐價(連野飲)都要50至60蚊，因為想食燒味，嗌左個乳豬飯加奶茶。乳豬皮脆, 脂肪厚過肉...至於個飯唔夠熱，不過整體係好食既

星期日的晚上，咱們一家通常在外用膳，多數在青衣區覓食，很多時候會在同一食店吃飯，不過今晚卻有點不同。今晚來到太興，同樣地要等位，而且在下已來過好幾次，因此不用多說餐廳環境了。在餐牌中，雖然有燒味和小菜可以選擇的，但是咱們還是點了多款燒味來吃。薰蹄。似乎已經後久沒吃了，今晚點來，可以回憶一下它的味道。薰蹄本身沒甚味道，要靠醬汁提起味兒，薰蹄咬下有鬆化現象，皮有點煙靭，蘸上醬汁，是酸酸微微的，也能帶來醒胃作用。叉燒。一向是在下的至愛吧，每次吃起叉燒，總會有鬆化和軟腍的，而這叉燒也有燶邊位置，吃起來也有點脆口感覺。雖然是差不多全是瘦叉，可是卻又帶又有肥脂在內，因此吃起來不會太過硬和乾。燒鵝。總是吃到的是皮脆，皮下脂妨也有一點。肉質軟腍和有咬口，雖有骨在內，但是卻不成問題，重要的是連骨也都好吃呢。燒肉。這燒肉的皮與肥脂和瘦肉相連著，賣相不錯，吃下時皮夠脆，但有稍微硬了一點，肉質不錯，夠軟腍而且不會太鹹，味道剛剛好吧。油菜。今次點來菜心，菜心都幾甜的，雖有蠔油蘸上，但可以提提菜的鮮味。菜淥得夠腍，稍多爽口的話，就更好。這晚點的全是例牌，而且幾乎把全部的燒味都點了，可謂是一餐燒餐呢！

上次來這間太興，給在下的印象是麻麻，不過今晚也是不多想，不妨再來一次。今次點來一客叉燒飯，沒有像上次般黐黏黏的，不過蜜味都豐富，肉質就有點腍，但未至於鬆化。叉燒是全瘦的，沒有半點油脂，在這情況下叉燒腍的話，都係咁啦。油菜是菜心，今次用上了蠔油，不過蠔油偏少，沒把整碟菜都是蠔油。菜也是淥得腍腍，沒有爽脆的感覺，只是多一碟食吓。柚子蜜都是甜的，喝一杯都是滋潤一下乾燥的天氣。杯底裡有柚子，加上是沖濟，把水和沖濟混和，就是甜甜的一杯柚子蜜了。今次好像是好了一點，叉燒至少不會硬屈屈的。由於時間不早，店舖要收工，因此還未吃完，便收在下的飯錢，有點莫名其妙的感覺。

一個人食晚飯，求求其其便算了，今晚只有一個人，不想想得太多，是但求其去一間食店搞掂便算了吧。今冕來到青衣翠怡，就是求其去了太興燒味，在下去過荃灣及尖沙嘴分店，其實這兩間都是ＯＫ麻麻地，而這間分店也不會寄予厚望。來到太興，想到的只有他們的燒味，其他甚麼小炒，在下不會去試的，原因就是太興以燒味起家，所以亦只有吃燒味好了。來一客叉燒飯，似乎成了在下不二之選，可能就是在下喜歡吃的食物。今趙的叉燒有燶邊，是在下喜愛的，沒有燶邊的，好像少了一樣東西似的。不過看過這碟叉燒飯中的叉燒，似乎顏色暗淡了一些，不是光亮如澤的，而且蜜汁也頗多，令叉燒黐黏黏的，而且有點硬柴柴的。另外腐乳通菜中的通菜只是淥過了，再加上腐乳。然後通菜未見淥得夠淋，有點硬屈，而腐乳卻好像有點怪怪的，有點沙的感覺，不像以往吃過的腐乳一般的味道。冰鎮奶茶可說是太興的名物，奶茶是有茶的味道，但是卻又不夠厚道，回甘味也欠缺了，滑就夠滑但奶就落得多了一點吧。雖然叉燒有燶邊，但整體味道不太如意。

新年團拜，除了打邊爐，其實吃盤菜也不錯，因為洗的東西比較少，收拾方便些，可以大家圍著一起玩遊戲的時間也多了。有朋友說元朗還是屯門那邊的圍村有很好吃的盤菜，可是最後因為時間緊迫，就由屋主自己決定到哪裡去訂，她就選了家裡樓下的太興盤菜，一來不用煩怎樣從新界把盤菜搬回家，而且她說這個盤菜有鮑魚，感覺豪華一些。這個集團今年推出了三款盤菜，我們只有七個人，所以只可選擇其中兩款，一款是$730的鮑魚海味豐盛盆菜，另一款是$1680的極品鮑參花膠至尊盆菜，同樣都是8人用的，但價錢相差一倍以上，我們還是小朋友，不用吃那麼貴的盤菜，最後就買了最平的一款。盤菜裡面的食物本身都已經煮熟了，吃的時候把店家附送的兩盒南乳汁倒進去，再用電磁爐一直熱著。盤菜看起來很豐富，裡面有8隻原隻鮑魚、冬菇、髮菜、花膠、大海蝦、海鰻鱔肚、油雞、燒鵝、蘿蔔、雲耳、枝竹、芋頭、魚蛋、燒腩仔、豬手、吊片、素翅和西蘭花。雖然加了兩盒南乳汁，可是味道仍然有點淡，某些食材本身沒什麼味道，始終加入南乳去滾才十多分鐘就開始吃，但店家應該不會是打算靠這些後期加入的南乳汁調味吧，一開始煮的時候應該就要把食物炆得入味，就算沒有南乳汁也不會覺得淡，可