太興 (已搬遷) 新店位置

收工收得夜左又一人晚飯, 都係去太興填飽肚既空虛. 唔想諗咁多, 要左個义燒燒肉飯, 配熱奶茶, 雖然呢度既燒味餐都幾貴下, 但好食的話可以接受吧.义燒燒得夠香, 夠火喉, 食落肉質軟熟, 而且夠入味. 少少脂肪食落無咁易起渣.至於燒肉係個皮唔夠脆, 肉部份都好軟, 肥瘦得宜, 亦唔會太咸.白飯都幾多, 熱的, 祗係唔夠汁罷, 可以再多少少.

唔想煮飯，天氣熱又廢事去太遠食，去左樓下商場度解決。八點多黎到太興，依然要等位，等左好一陣先有枱，牆邊卡坐，都幾濶落，又夠冷氣。唔係好餓，叫了兩個晚市套餐，再加燉湯，呢排少湯水好想飲下。雞半隻特價$40，真係好抵食！雞肉嫩滑，雞皮下亦沒有肥膏，靚雞呢。而且好入味，勁鍾意陣沙薑味。涼瓜炒牛肉$56，茶餐廳都要咁錢，份量又唔少，又係幾抵食。涼瓜炒得爽口硬身，少少苦味。個豉汁濃得黎無過咸，勁好下飯。加十九蚊轉套餐有白飯同餐飲，飯都好大碗。之後再要加三十八蚊有燉湯，第二盅加二十八。要了豬肺湯，奶白色幾靚，一打開就聞到勁黎杏仁味，湯清甜味道濃郁，杏汁同豬肺味好平衡，超正！食唔哂仲有得包走第日帶飯，原來太興都唔係好貴啫，無網上講得咁誇張。

今朝早左起身所以去食早餐, 太興早餐基本上都係果幾樣, 無咩點變.要左雪菜肉絲米粉同炒蛋, 雪菜份量都OK, 但肉絲就比較少, 唔夠食, 米粉都好爽口. 個炒蛋又係少左D, 炒到一堆野, 有蛋味但凍凍地. 仲有個多士烘到好似無烘, 祗係比麵包硬左少少, 講唔上脆口.最好都係個熱0茶, 因為有好多片檸檬, 夠晒味, 茶亦好濃, 不過好細杯.

放工返到元朗,又係唔知食乜做晚餐下,加懶懶地...又去左yoho mall 2期,hea住咁走左去太興食dinner...餐加錢就可以叫呢個咸檸7我叫的餐,可來有碟菜送的我就叫左呢個八寶燒味飯(我要求要少飯),但都食唔曬,因為份量真係太豐富,d燒味唔錯,唔會乾爭爭我的他就叫左呢個牛肉炒河粉,佢話味道ok其實以前唔會點幫襯太興,因為一來價錢偏貴,食物質數及服務唔太值(以前呀),家陣間唔時會幫襯晚市,食物比以前好左,價錢變相同食品及服務質數成返正比喇!希望佢呢個集團繼續keep住d食品及服務有好水平!

學車,又要入元朗,真係好鬼遠..學完車返出黎元朗市中心,行過太與比我見到,乜甘大隻菠蘿包,我唔理3721,就買左食下,食落外皮超脆口,包也很結實,用料好足wor.口感非常豐富,味道,外皮帶有小小甜味,越食越想食,但只可食1個,因為巳經很飽!

太興可以話係間間分店都有唔同味道,水準好飄忽,有D分店可以好好食,不過今日依間認真麻麻叉燒燒鵝飯,叉燒真係好乾,一D肉汁都無燒鵝就骨多肉小肥糕多,認真麻麻飯就自然非常乾身冰鎮奶茶就味道尚可,茶味都算香濃,不過出黎果下唔夠凍,仲係爭小小

上次經驗要我杯葛上水廣場太興，所以今晚特地去了元朗形點的太興試一試。今晚與太太二人光顧形點太興，叫了一份豉椒涼瓜牛肉套餐，一個鯊魚骨雞湯（話明無味精），一杯特飲咸檸七。到了太興，同樣要取飛，在門口等了也是大概十分鐘，但這次取飛開始的經歷比起上次在上水廣場有天淵之別，這次遇見的餐廳職員都非常有禮貌，服務態度，說話都是非常高的水準，真心要讚一個。十分鐘後被帶到了一個兩人座位，座位挺舒適的軟座，太太打開櫃桶見有牙籤（上次無仲講明要埋單去櫃面取）入正題，食物質素仍然是高水準，豉椒涼瓜牛肉的食材都很好，涼瓜新鮮，牛肉也不錯，只可惜廚房如果有把涼瓜出水就是出水的水不夠熱或時間不夠或兩樣都不夠，因為涼瓜吃落有生的感覺，而且比較苦。鯊魚骨湯都幾濃味，如果真的沒有味精的話，那就真的幾好，下次可以再叫另外也叫了一杯特飲，咸檸七，汽水唔使講，咸檸有半個尚算合格。整體來說，五分滿分我比四分。

繼續 YOHO Mall 食記，其中二期的太興也是我們常去的餐廳，今年年廿九，囝囝的水痘剛來得及痊癒，可以出街；然而急忙之際所有中餐都沒有位，我們都是靈機一觸、提早6點去排太興，才吃臨急吃到一頓團圓飯！當晚有得吃已經七時多，馬上急忙叫到一檯都是小菜：鹹魚蒸肉餅 ($74) 很好吃，肉餅不太肥又鬆化，重點是鹹魚超香，撈飯一流，水準極高、非常推介！粉絲蝦乾肉鬆蒸水蛋 ($56) 是點給小兄妹拌飯吃的，不過成品太鹹，不太推介呢。清炒時菜 ($57) 純是健康配菜，質素不錯，菜芯既嫩又甜。太興的燒味也很質素，當晚的 四喜臨門 ($120) 選了燒肉、油雞、切雞、叉燒，要脆的燒肉夠脆、其他的肥瘦適中，夠味又不過鹹，全部食材都令人滿意，特別切雞給妹妹吃了很多～砵酒焗蠔 ($79) 有6隻也有9隻可揀，我們要了6隻裝，味道不錯的。漁香茄子煲 ($74) 十分香口，又是送飯一流的小菜。本想點蝦類菜式，但囝囝剛好還未適合吃，就改點 豆腐青衣魚煲 ($71)，成品份量與味道都不俗，囝囝吃了不少魚柳呢。海味雜菜煲 ($71) 煲內的海味有蝦乾、鮑魚、蟹柳等，吸引力不高，不過熱騰縢的雜菜、雪耳加上粉絲，滋味的

正值午市時間，囗淡淡，對廣東燒味厭了，今曰試試它們的大都牛肉麵。麵大大碗的上枱，嘩！牛𦟌入口軟冧，非常入味，是五香鹵水味。 麵條滿滿的，是上海麵，但有點煮得過冧，欠煙靭。湯底滿有八角茴香和肉味，是頗惹味的湯底。 奶茶非常順口，香滑奶香，有茶香之餘不失奶滑，是必點之選。

太興燒味，一年總會幫趁幾次，指定動作都係食佢嘅燒肉飯或者餐蛋麵，飲就係奶茶或者係鹹甘吉。鹹甘吉食餐麵係因為佢地係用我嘅至愛牌子午餐肉，天壇牌或者長城牌午餐肉，而蛋係軟滑高質嘅滑蛋。燒肉飯 HK$55食燒肉係因為佢地嘅燒肉皮脆肉滑，我見佢地成隻燒好嘅豬，係偏細隻嘅中豬，中豬價錢比大豬貴，肉質細滑。由於流轉快，，而味道就從來都唔會過鹹，肉味好鮮，我估計他們是用新鮮豬燒嘅。咁點解唔會食佢地嘅义燒呢，因為之前有個太興廚師同我講過話佢地用嘅係四川嘅特選冰鮮梅頭，嚴格嚟講係雪藏肉，食過幾次除肉汁少啲，都幾鬆化可口嘅，不過都賣到成HK$55 一碟，性價比實在太低，呢個價錢街外選擇多的是啦！結論: 喺太興自己開餐，食燒味梗係揀燒肉啦！

之前好鐘意太興個奶茶廣告, 不過冇機會黎食飯今日終於有機會啦! 入左黎元朗食太興, 叫左佢地最拿手既燒味飯食燒腩仔飯係佢地拿手絕活, 但一睇, 燒腩仔8肥2瘦, 而且D皮又唔脆, 咸味唔重係幾好, 但食落就好似食緊豬腩肉咁, 完全不能接受要70幾蚊一碗囉!

自從“形點”開了，排隊等太興的人也少了。本來想來吃炸魚早餐，但已經沒有了這一味。改了一個懷舊沙嗲牛肉湯米。見 menu 幅相碗沙嗲牛肉湯米個樣唔錯，就諗住試下啦，點知 : 中伏！其實味道不是難食的，但牛肉嘅份量真係少。我明白佢只收$28連熱飲，但真係會令人失望。值得一讚係佢有條菜。不過，呢碗嘢真係試一次就唔會再試囉！

平日晚飯時段呢度都幾旺, 是晚嚟到都等咗一陣點咗三樣嘢:呢個老公最鍾意, 因為煮得入味唔腥, 個汁酸酸甜甜的, 送飯一流餐牌明明寫位燒腩仔&我哋張單都係咁寫, 但嚟到個樣跟本就係燒肉....仲要都幾肥, 雖然個皮夠脆, 但同我平時食開的燒腩仔係有分別喎牛好林, 不過個菜太油太咸了, 食唔到好多我就放棄, 老公包底呢度算係就腳, 坐得都舒服, 不過可以揀的菜式冇乜變化, 恐怕好快會食到厭...

OT完, 極肚餓之際, 又遇啱落雨, 真係唔知道去邊到揾食好!! 記得元朗西鐵站有太興, 諗都唔使諗就走上去攞位(太興=信心的保証)。天呀!! 8:45 仲要等位!! 好在等咗15分鐘就有位, 免餓死!!叫了半隻烤焗琶鷄, 同一客肥牛野菜鍋。琶鷄送到來的時候, 冇跟任何醬汁。問侍應, 侍應話係冇醬汁的; 因為隻鷄已經夠味(咁咪乾噌噌)。 我問, 咁有冇羗蓉? 侍應話有, 如果我需要, 可以俾我。(嘩, 多謝哂)!!點知, 羗蓉其實係葱蓉, 都算, 份量極少!! 食半隻鷄, 前後共取4次葱蓉。 唉, 可否大方D, 比多D呢; 其實葱蓉咪只得油, 味精同少量的葱, 值錢嗎??  另外個肥牛鍋, 味道適中, 不錯。但廚師可否做多少少工夫, D豆有衣好難食㗎。而最滿意的就係佢的冰鎮奶茶 下次嚟之前都要諗諗先!

有時不去期望什麼，反而會有驚喜。這次光顧新元朗中心的太興就是一個好例子。晚飯時段，太興的燒味是出了名的貴，若不是附近沒有其他方便的選擇，也只好吃它這一家。恆常地叫了「肥叉」，是日的叉燒夠軟腍，但加了汁便鹹得要命。但另一半偏重口味，也只好隨她喜好，只是自己扒多兩口飯罷了。蝦醬o者o者菜煲十分惹味，但一來要碰巧有通菜可選；二來是醬汁時鹹時淡，這次味道調得正好；三來是蝦乾的數目時多時少，這次給得夠多。歸根究底，吃這道菜一切也是要看彩數。總結：白飯跟燒味要加$19當然很貴。飲品方面，鹹檸七等特飲加$8算勉強可以接受。總而言之，別無其他更好選擇之下，別想了。滿意度：(5個為滿分)