太興 (已搬遷) 新店位置

今日同朋友出左去尖沙咀食午餐，所以返黎陪返老公食下午茶補數，YOHO MALL食肆太多，下午茶選擇都非常多，要數價錢合理又唔差既，我會選太興。每逢假期都經常大排長龍，今日都唔例外，幸好等左一陣就有位。重量級三文治三文治好厚好足料，配料有雞蛋、生菜、蕃茄、火腿、芝士和沙律醬。餐肉滑蛋錢仔麵餐肉超厚身，而且有兩塊，仲有幾滑的滑蛋，而麵煮得剛剛好，唔會太腍。凍檸茶、柑桔蜜餐飲選柑桔蜜不用加錢，柑桔味濃，不會太甜，非常潤喉。

好多時3點3肚餓想食下午茶, 就會諗起太興, 因為佢個餐肉滑蛋公仔麵真係好好食, 不過以前個價錢好似平D, 依家要$45, 唔算話好平.餐肉滑蛋公仔麵+凍檸茶2大塊厚切午餐肉+滑蛋, 好味又飽肚. 如果用埋出前一丁麵就仲正!重量級三文治+柑桔蜜正常三文治, 其實都唔算重量級, Size又唔係好大件, 又唔係好多配料, 同埋無乜醬汁, 如果多D醬汁, 食落去無咁乾柑桔蜜ok喎, 飲得出有柑桔味又有蜜糖味, 唔係淡到1比99份水咁淡嗰D.

端午節去完街唔想返屋企再煮飯，係附近商埸食埋先回家。簡簡單單最好去茶餐廳，所以去咗太興。過去前先用手機app攞定飛，到餐廳好快就有位，慳咗好多等位時間。🔸梅菜扣肉 $72扣肉切薄片，肥瘦分明、香軟滑溜易入口、唔怕膩，多食都冇罪惡感🤣 ，墊底的梅菜香甜爽口的，推👍🏻🔸蠔豉生菜煲$58上枱賣相跟餐牌有d出入，茨汁太多太杰，蠔豉只有三隻，冬🍄切片上，份量👌🏻所有鎹菜加$19轉套餐有一碗飯及一杯飲品。

不嬲🎈太興茶餐廳都是買乳豬出名的 ，我也食過好幾次，水準十分穩定 ，價錢都算合理，但每晚的銷售都很好，賣曬就無， 所以如果想食嘅就要早少少去買😋由於今是係端午節，估很多人，所以用咗電話book位系統訂位食晚飯，果然去到等唔使好耐，幾分鐘就有位 ，很方便，坐低之後睇睇菜牌 ，都是50蚊至60蚊左右，都唔係好貴👍當然比起快餐店就貴一D，但一分錢一分貨✨梅菜扣肉煲套餐（$72+19）套餐包一碗白飯及一杯飲品， 扣肉切到一片一片， 肥肉與瘦肉都有幾層 ，好腍， 梅菜有甜味， 跟扣肉很夾 ， 整個餸熱辣辣配白飯一流。 下次外賣加這餸回家慢慢食也不錯唷😁這個餐廳晚飯時段都挺多人， 環境都舒服，服務員的態度也很親切， 出菜時間也很快，讚👍 

今早想食炒蛋又想飲凍奶茶 就來太興了 叫左G餐 $38 有雪米炒蛋多士 雪米個米比坊間既米粉來講偏向喇感似粉絲多d 幾大碗 食完夠飽 多士都係熱脆既 炒蛋算滑但份量偏少大大杯凍奶茶+$3 太興茶膽唔錯 唔使叫冰鎮都唔會好淡 全份早餐$41 來講有d貴 但杯奶茶好味 淨係野飲都值15-20蚊既 🤭🤭 以yoho 早餐來講 係穩陣選擇

#太興 (元朗)元朗朗日路8號形點二期2樓A231號舖～～～在形點逛街逛了一天走累了 累到不行 突然眼前看到一家太興 簡直是像沙漠中看到綠洲的感覺啊 食物選擇非常多 3點剛好有下午茶 就直接點比較划算的下午茶了 最後選了我最愛的瑞士雞翼撈丁 瑞士雞翼好大隻超級入味 真的是到骨頭都有瑞士汁的味道 而出前一丁這麼簡單的東西都被煮得好好吃沒有煮🉐太爛 撈上瑞士汁 簡直是此美食只應天上有啊！不過雖然好吃 還是不太健康的 哈哈 還是少吃多滋味啊～～～推薦度：🔥🔥🔥🔥🔥（最高5🔥）

見難得唔洗返工，就決定同媽咪兩個人去太興撐枱腳。啱啱去到係午餐同下午餐之間，當我地叫完午餐set嘅時候，就出下午餐set餐牌。店長(應該係)好好人，竟然幫我地轉返下午茶餐，服務實在太好！媽咪叫左個八寶飯連熱飲哇！好大碟。墨魚係我至愛，勁哂爽口又入味、叉燒半肥瘦，帶甜、鹹蛋有鹹香、其他都中規中矩。我就叫咗蠔仔冬瓜泡飯連熱飲呢個泡飯都好足料，嗰湯好鮮，蠔味十足，冬瓜夠淋。飯後甜品奶油豬真係冇得輸，豬仔包個外皮極度鬆脆，入面又好軟熟，熱辣辣加埋融化左嘅煉奶同埋牛油，好邪惡。食完個正餐都忍唔住成個豬仔包食晒。

間中不想煮飯都會黎太興叫餸食飯，鍾意飲佢個白肺湯呀，是晚又黎左，嘩嘩，排滿人等位，平時晚都咁旺場呀。等左半個鐘先有位，係門口已經睇定餐牌，一埋位即刻落單先，好肚餓！杏汁潤肺湯（+$38）勁鍾意飲呢度個白肺湯，好濃好香杏仁味，鹹鹹地幾正，功夫咁多，出街飲好過自己煲。馬來椰香春鴨（$35）間中就有一兩款餸做特價，今期係鴨，半隻呢個價堅抵，好香椰汁味，鴨肉嫩滑。見網上有人嫌骨多，個人又覺得唔算喎，都好多肉食吖。豉汁蒸倉魚（$71）另一樣喜歡嘅就係蒸倉魚，又係次次都點嘅。大大條魚札實，豉汁夠濃，魚肉點豉油特別好送飯。不過由於即叫即蒸，等大概25分鐘先上枱，趕時間人仕三思啦。鹹檸水叫餸加（$19）可以改成餐，有白飯一碗同餐飲，見有啲咳就要左鹹檸水，真係幾鹹下，哈哈，加多兩次水都仲有鹹檸味，抵飲啦。熱奶茶阿媽要左熱奶茶，佢話杯茶好得，可惜細杯啲。兩個人食左$182算係咁啦，隻鴨食唔哂仲打包左一半聽日帶飯，呵呵～

下雨天搵食最便利就係去商場，太興既餐牌選擇多，燒味、常餐、蒸魚、炒粉麵咩都有，入到泥一定楝到岩口味。再加上招牌冰鎮奶茶，直接將下雨天既藍色心情即刻踢走叫化皮乳豬飯係指定動作，個皮真係好脆好鬆化，同甜甜既乳豬醬係絕配。$72係有啲貴，但有時心思思都想泥食下佢除此之外，今次仲叫左叉燒飯$65，但失策忘記叫半肥瘦🥺🥺。以瘦叉泥講，太興既叉燒算係好腍，份糧又夠，只係我更愛肥叉其實叫雙拼都係一樣$72，但單叫乳豬份量多啲嚕😈😈 有時心大心細的話，叫個八寶飯有齊燒鵝、叉燒、燒肉、切雞、墨魚、油雞、紅腸、鹹蛋，一次過滿足八個願望

作為一間食肆，連最基本的讓客人坐低都做不到。次次去親這間太興，就算明明有好多張吉枱，即使冇乜人的時候，職員都系慣性，強調系慣性叫你搭枱，完全不合理。街坊茶記都吾駛啦，点解吾比人先坐低，到真係人多時咪搭枱啦，這是常識吧。評分方面，服務系0分，只是系统設定最少要比1分。

出街食咗幾晚飯，都係食西餐同打邊爐，今日突然間好想食燒味，咁當然係揀最出名燒味嘅太興！剛好係七點鐘食飯時間人流非常多我等左成40分鐘先有位，YOHO MALL呢間太興地方都好大，光線又夠充足舒服👍🏻叫咗個燒鴨髀飯，配埋個湯$115 ！咬落第一啖已經知道是燒鵝，並不是燒鴨👍🏻，燒鵝沒有蘇味，而且肉質嫩滑，又不是太肥膩☺️仲有一碟油菜心份量好少，飯嘅份量也不多如果大食嘅可以嘗試叫職員加多一些飯加左$要中湯就不可以再配冰鎮奶茶了，唯有留返下次再飲吧

已經有一段時間沒有來過太興食飯，今天專門來到食燒味每次來到餐廳總是很多人流，這裏環境尚算可以這裏餐廳已燒味最出名這個燒鵝髀飯，食一口皮脆肉嫩多汁，皮下脂肪甘香，滿口鵝油真是很好味加$28有這個杏汁豬肺湯，埋單100有多但是我很滿足

這間餐廳是我經常來食的，也變咗我的飯堂，中午時段十分多人又要等位，今天我和老婆來食等了大約15分鐘終於到我太興嘅燒味主打一條龍，由飼養到燒制是有自己的工場，而中午的時段我覺得他的燒味是最新鮮的這個多士加炒蛋，多士他剛剛焗好所以一口咬落去，香脆而炒蛋炒得剛剛好，一食落口還有蛋漿蛋味香濃，不是一般本土的貨這個雪菜肉絲米粉很幼滑，只是雪菜肉絲份量比較少太興的燒鵝髀飯正，一口咬落去燒鵝髀皮脆肉嫩，燒鵝髀皮下脂肪甘香熱好立克都是現成的沒有特別

我去太興並不是食燒味，我是食午餐肉炒蛋出前一丁☺️午餐肉非常好味，而炒蛋亦都非常滑，我估計是牛奶炒出來的！但是出前一定煮得太耐了好林😝而我的朋友就叫了燒鵝髀飯但是他說燒鵝髀太細隻了，但是味道也是非常可口，肉質不乾😀加埋冰鎮奶茶😝😝不得了

今日約左好朋友去元朗形點yohomall睇戲，睇完戲我同好朋友都開始覺得好肚餓，我朋友話突然好想食太興，於是乎我地便立即行過去食野喇！豉油雞（例牌）~食落肉質鮮嫩，再點埋豉油汁一齊食甜甜地都幾好食！豉汁涼瓜炒牛肉~炒得好好食，牛肉嫩滑唔嚡口，涼瓜爽脆，一個字正！泰式酸辣汁炸蝶魚~呢個真是送飯一流，蝶魚炸得剛剛好，香脆可口，再配埋酸辣汁食簡直是絶配，甜甜地辣辣地好好食！最後飲埋杯冰凍檸檬茶真是好爽！！