太平館餐廳

營業中

休息中

一心來想吃的就是瑞士雞翼及乾炒牛河,看見有套餐供應便不用再想.其實這應也算是陋習！因向來出外吃飯也是懶看餐牌,只要檯面上的套餐介紹內五款選擇中有兩款是想吃的便會選擇套餐.就算對其它的並沒興趣！有那家餐廳檯面上會同時出現刀叉及筷子?向來不喜歡經微波爐加熱的餐包,水份全無迅速變硬.海龍皇湯----這湯有點蝦肉在內,質感杰杰的是加了麵撈在內吧?喝起來帶少許酒味及蝦殼熬出來的味道.蒜蓉炒雜菜----清淡得像沒有放鹽一樣!乾炒牛河----河粉的韌度比一般的高,每條也均勻地沾上醬油,在差不多的價位下論火候不及港島廳的佳,但味道卻是喜歡這裡的多一點.瑞士雞翼----坊間的複制品極多但就是沒有一家能做到這種味道出來.雞翼浸得僅熟肉質嫩滑,入味而不過鹹.餐飲----是和水杯一樣的大小.奶油蛋糕----還以為是眼花！當吃下去才確定這結實的質感不是忌廉。一家經營了150年仍屹立不倒的餐廳,幾款招牌菜的出品水準尚保持得到.上了年紀的侍應們仍採用家長式招呼服務,就真是有點脫節.

大好嘅星期日，竟然要去聽talk。報名時真係好想聽，不過到咗當天又唔多想去，人就是這樣。唯一嘅好處係可以同朋友去太平館食晏。早一日已同朋友傾定去邊度食，由於佢11點先開，而我地嗰個時間又唔係break，加上友人話12點應該唔太多人，所以無訂到位。一放lunch，我地就衝過去。都有少許人喎，同埋間舖都幾細，枱唔多。我地一行五人，坐唔落卡位，所以坐咗卡位隔離嘅四人枱再加多張櫈。一人點一樣食物，瑞士雞翼、瑞士牛河、咖哩牛腩飯、烚鹹牛脷同鮮茄蝦球飯。所有食物份量都幾多，我地都食唔晒。不過呢度嘅阿叔服務態度真係好搞笑，卡位嘅客人(都係我地嘅fds不過分開坐)未點食物就每人有個餐包。相反，我地落完單都無包食，於是就問佢啦，佢話瑞士雞翼先有包，但其實卡位嘅客人係無叫瑞士雞翼囉。最後佢都有拎番包俾我地，但只得2個，2個包五個人分...瑞士雞翼都有幾多隻喎。雞翼連雞翼尖，唔食雞翼尖嘅朋友或許食嘅時候有難度切走隻尖。雞翼隻隻都幾肥美，上色均勻。瑞士汁濃味，又帶甜，很香很入味，肉質好嫩滑。瑞士牛河very good~牛河顏色炒得均勻，瑞士汁剛好，唔會太杰。河粉質素好好，炒完之後都唔易碎，仲有點彈力，真係好食

差不多兩年沒有到過太平館,這晚剛好到auntie屋企探貓,附近就是佐敦太平館.雖然明知午飯幫襯吃相同的東西價錢會平一半,還是選擇在這裡吃晚飯緬懷一吓.說是緬懷或許有點兒太過,太平館這間老式豉油西餐廳或許是我父母那一代老香港的集體回憶但我本身對它倒沒有什麼感情包袱,反而它的乾炒牛河是值得回味的.裝修十分懷舊,那些鴿子燈箱年紀也許比我還大.一間老店能夠屹立這麼多年,只需要保留傳統已經足夠作招倈了除了裝修,老的還有它的服務員,可是太平館的服務員並不像其他老店般愛耍大牌態度非常殷勤,當晚我們沒有訂位,而我女朋友的性子是特急的,不斷追問何時有位部長陳先生也很有禮貌很有耐性地回答我們,值得一讚.太平館出名的食物有很多,牛尾湯,瑞士雞翼,乾炒牛河等等...點一份二人套餐就可以試勻這幾種食物.餐湯方面要了海龍皇湯(點了之後才記起這裡的牛尾湯很出名)水準不過不失,有酒香有蝦香,也有一塊蝦肉.合格之作.另一客餐湯改了要頭盤煙三文魚沙律.既是煙三文魚,也就沒有新不新鮮的問題,不過太平館的煙三文魚不算肥美而且份量頗少.沙律底也是普通貨色,要餐湯其實較好.太平館的瑞士雞翼是很出名的,出名到李錦記都會有瑞士汁賣,

是日元旦日，同家人去老字號食番餐。去到都唔係太多人，坐落就越黎越多，好彩早DD到。一睇餐牌，就知元旦日只可散叫同埋好多食物都唔整，如梳乎里。唔緊要啦，一心黎食鴿，其他都無所謂。食物：招牌鴿鴿、瑞士雞翼、瑞士牛河、咖哩石班飯招牌鴿鴿一d都唔肥，而且Size適中，有肉得黎唔會好老（龍華果d巨大版真係鞋過沙紙）。汁分開上所以唔會未食就浸淰哂。食落好香（因為個內臟汁），但係同其他燒(or炸)乳鴿無咩特別。瑞士雞翼非常入味之餘雞皮完好無缺，爽夾滑！極讚！瑞士牛河牛滑且甜，不過都係「lar」過，食得出有些少梳打粉味。不過個人認為比「米芝蓮級」的何洪記好食，原因係口味較甜（廢話呢個係瑞士汁整，果邊係乾炒方式）；另外唔會成碟成口都係油。咖哩石班飯完全唔辣的咖哩，普通。老字號總有點人情味，隔離台客外國黎一心食梳乎里侍應好心幫佢地問廚師，又真係特別造比佢地，如果係連鎖店？明天請早啦

2010年8月太平館是本港歷史悠久的豉油西餐廳，其招牌菜瑞士雞翼、燒乳鴿、干炒牛河及人頭梳乎厘等，可以說是頗具盛名，而大家對於這些菜式的評價，有譽亦有毀。我也到過太平館數次，每次都只為兩味至愛而來，不是雞翼，不是炒河，而是雙牛至尊 ~ 牛脷和牛尾。這一天，很想吃牛脷，又跑到太平館來。太平館有四間分店，分到在佐敦、尖沙咀、銅鑼灣及中環，我只到過兩間九龍店，感覺上佐敦店水準較佳。由於樓下有小巴直達，所以這次選了佐敦店。傳統豉油西餐廳格房，環境略為擠迫嘈吵，但總算乾淨企理。一心為雙牛而來，但是次在席有雞翼愛好者，有想喝湯的，又想一拼試試牛河，見有二人套餐，包含了大家想吃的，於是乾脆來個二人餐，另加散叫的雙牛，分別是岑味牛脷及砵酒燴鮮牛尾。1) 二人套餐 ($315)： 海龍皇湯／鮮蝦沙律 ＋ 瑞士雞翼(6隻)／乳鴿(1隻)／烚鹹牛脷(3塊) ＋ 干炒牛河／瑞士汁炒牛河／燒豬髀飯 ＋甜品及餐茶i) 餐包先來規格餐包，但規格不代表求其，這個包上檯時是暖的，表皮微脆，內裡鬆軟。本來可以馬上塗上牛油把它吃掉，但它還有更重要的任務，就是用來醮牛脷的汁。ii) 海龍皇湯夠熱，味道濃郁鮮美，很不錯，而且還

一路都好想試下0個個頭咁大既梳乎里...又有生日飯食..所以就決定左黎試下LEE 度啦!!一早就係OPENRICE 做左功課決定左食D咩啦!!其實都有少少難搵...我搵到身水身汗...我地叫左一個SET食咩鱸魚定..同埋叫左個瑞士汁牛河..當然仲有主角梳乎里啦!先講個SET先1. 麵包 - 真係熱熱地既餐包..好軟,好味呀!2. 忌廉湯 - 冇咩特別,好"杰"3. 鱸魚 - 雖然話推介..不過我覺得麻麻地咋~但個沙律唔錯4. 凍檸茶 - 好細杯咋..好似人地熱飲杯咁5. 甜品cake - 好似0個d古舊既cream cake...完全冇食既意慾6. 瑞士汁牛河 - 味道真係唔錯..都好大碟..但真係好油囉7. 梳乎里 - 真係好似頭咁大呀~~超級大個...不過其實都係d泡黎0家咋~好快就ko晒lu..hehed服務可能有睇openrice..有晒心理準備...但今次又唔覺得真係好差wor..都唔係態度有問題呀..只係快同埋聲音掘左少少0者~不過都幾貴..所以試過就算了

說到在香港吃豉油西餐，太平館當是其中之表表者。年幼時間中"掹衫尾"跟父母前來，對那味燒乳鴿及瑞汁牛河的記憶仍是猶新。人長大後，覓食的閱歷多了，就對此等較為港式一些的豉油西吃沒太大興趣。不過開始步入人生的另一階段，可說是老了，懷舊的情懷也就加重不少，對這類屹立多年的老店亦越發尊敬，重臨之心及欲望也再度燃起...燒乳鴿、燒豬脾、葡國雞、煙魚....味蕾好像在重做從前唸書的練習一般，頓時勾起了不少美好的回憶。可幸隔了一排沒吃，味依舊沒有改變 ---- 乳鴿肉仍是嫩口的，皮夠金黃亦夠脆；豬脾片成薄片，若淨吃時可能感到味有一點"寡"，尤如在吃白烚肉一般，但醮上那個的確夠"sweet"的swiss sauce之後，卻又覺煥然一新了；葡國雞熱騰騰的端出來，面頭焗得微焦，香氣十足，葡汁極惹味，是伴飯的極品，雞肉不嚡，但相比起那惹味醬汁，它亦只能是配角而已；倉魚的確帶着幽幽的煙燻香，肉雖稍微嚡口了一些，但仍是無傷大雅....紅白二湯仍是套餐唯一選擇。紅湯的水準一向在這些豉油西餐的地方也很穩陣，起碼夠杰夠濃夠足料，用小個甜餐包來伴吃，一吃便是兩個，連牛油不用塗也可以；白湯不是想有的燕窩腿茸作料。只是一小

心血內潮想食太平館，無訂枱的代價換來等35分鐘的等待，幸好當日不太餓，又不算多人，八點幾就可以入座，環境不俗，飯前諗住抺下D 刀叉，拎上手，所有器具都好黏立立，衛生度欠奉。 瑞士雞翼 ($130)︰買相一絕，呃到人，好似好瑞士汁咁，一咬落，個雞翼都無味，可能廚師不夠時間醃製，渣!! HKD130 先得7隻雞翼，好貴囉!!!瑞士牛河 ($78)︰依個正，雖然賣相似堆虫，但牛河滑，牛肉淋，有瑞士汁味，好好食。本來想叫埋個疏乎厘，但係好飽，食唔落lu。依度冷氣好大，建議女士門一定預備外套，我問部長可否調高冷氣，他回答說︰依D 舊式冷氣機，得一個制開關無其它GA LA。之後食食下有其它顧客 ( 應該係老顧客 ) 叫調高冷氣，佢即話︰無問題!!! SEE??? 太平館伙計之兩邊面囉....

2個人黎食生日飯點左瑞士汁雞翼餐, 窩旦免治牛肉飯, 跟個海龍皇湯, 同一件旦糕仔真係好好味, 2個女仔真係食唔晒, 最後要打包拎走其實好想食埋個梳乎厘, 但真係食唔落啦海龍皇湯: 啖啖蝦肉, 好足料瑞士汁雞翼: 勁入味, 但一d 都唔老, 肉質好鮮嫩窩旦免治牛肉飯: 炒飯底, 肉醬真係好好味, 真係估唔倒, 一食愛上旦糕仔: 味道正正就係細個係酒樓食o既甜品味, 一食就諗返細個, 好懷念, 睇怕冇其他地方可以食倒!所有伙記都好醒目, 勁Nice, 勁讚!

三月上旬朋友常說太平館無特別，其實是未摸對門路而已，連皮鮮牛尾，他們將炆牛尾剩下的汁來熬湯，甘腴濃郁，比起坊間用肉粒煲的牛尾湯，水準不之高幾班。有說瑞士汁炒河不行，對不起，每次來自己只會叫乾炒牛河，水準也是很好（詳文見於網誌 http://foodxfile.blogspot.com ），簡單的午餐埋單也不過$90左右，傳統豉油西餐味道，此中尋。

有朋自遠方來,想帶她去些地道的店去吃飯。去新斗記一問,沒訂位就連等位的機會也不會給,於是就近的選了這一家。6時多就要等位了,留了名就要我們在外食風。天氣冷,還真怕讓穿著單薄的友人著涼。友人想要問問,得到阿叔的一句冷語,真的讓人有點生氣。等了一個小時,終於有位了,給了我們一張8人大枱。叫了2人餐,乳鴿餐及焗飯餐。要了2個餐湯,2個沙律。先上的是餐包,熱烘烘及包面是脆脆,很驚喜!湯我沒喝,聽說味道很好。先是名物的乳鴿,上桌已覺得很香,不太好乳鴿的我,只吃了一點點,肉是嫩的,不錯吃。瑞士汁牛河,味道很濃,好吃,但真的有點太油。焗石斑大蝦飯,沒驚喜,飯不夠乾身,普通。瑞士雞翼,入味但有點甜,份量不算太多。餐的海鮮焗飯,同樣問題,不夠乾身,我是用瑞士汁來送的。見人家的梳乎里很吸引,很飽,但大家都說是一陣風,於是還是叫了,上桌,馬上把握機會拍照。侍應叔叔幫我們拍照,也問我們要不要拍白鴿圖那邊,Nice。充滿蛋味,有些地方焦了,不過早知道好玩多於好吃的,我個人是覺得合理了。因為有大量熟客光顧,而店很細的關係,更早來也落得等待的下場,我想...我應該是去別的分店吧。(雖然出面人滿為患,但聽到侍應叫熟客

名過於實~ 食物唔係唔好食~不過個人認為唔係特別好食到要俾呢個價錢去食~服務態度極唔願做~攪到我都唔太想食~ 即覺乃左野~猛話要走~ 但係阿媽輩話唔係咁好~ 焗食~一家四口去食~ 坐得唔舒服~ 食物份量唔夠~ 野食黎得好快~無叫餐~ 散叫瑞士雞翼~ 干炒牛河同梳乎利~ 總括 : 無特別~ 貴~ 同極唔鍾意佢服務態度~ 唔係要你好好招呼~ 但至少對人要有份尊重~

尋日(30-10-09 Fri)放工後,約男友出去佢推介一間牛脷好好食o既餐廳食飯,就係呢間.我o地大約o係6:45pm到達,卡位方面剩返兩張,侍應叔叔叫我o地坐最入面o個張.我o地叫個$315.00o既招牌二人套餐.list o左好多o野出o黎,但其實係三類o野,每樣o野揀一款,第一樣係海龍皇湯同鮮蝦沙律揀其中一樣.第二樣係瑞士雞翼(6隻),燒乳鴿(1隻)或烚鹹牛脷(3片)揀一樣.最後係干炒牛河,瑞士汁炒牛河或燒豬髀飯揀一樣.最後有甜品同餐茶.我o地揀o左烚鹹牛脷(3片)同燒豬髀飯,落單後,侍應叔叔問我o地要湯嘛?我問有咩湯?(其實我冇為意第一樣o野)佢話海龍皇湯,我未睇清楚佢就幫我出主意話湯.好快,兩個餐包到o黎,我同男友都食唔等湯,餐包暖暖的,外皮脆口,令平凡o既餐包顯得不平凡.味道: 4分食完後,我o地諗係咪可以食同樣出名o既梳乎厘?因為其實我o地只係食兩樣o野呢.男友話係叫就早啲叫,因製作須時,啊,咁叫啦.等o左一陣, 海龍皇湯o黎喇,都幾滿幾多料喎,有鮮蝦肉同魚塊,湯都幾濃同好熱,飲得到龍蝦味,男友開頭嫌佢淡,但飲完就覺得o岩o岩好.味道: 4.8分未飲晒啲湯,燒豬髀飯就到

約朋友特地去食雞翼, 因為我倆都住佐敦!!瑞士雞翼 – 一定要食,D瑞士汁甜甜地; 表皮好入味, 但裡面要點汁食, 不過有好多汁既. (其實自己在家都可以煮到)瑞士汁肉片炒河 -- D汁無雞翼咁好味; 底是炒河有D似干牛河味道, 只是上面加左瑞士汁咋甜品 – 普通西餅, 無新意咖啡 – 又幾好飲服務 -- 上菜速度快見人食焗梳乎厘好大呀, 好想食, 但友人唔食!! 唔知有無 take away 呢?P.S. 可以訂檯家!!!

記得讀書的時候 , 常常聽見什麼達官貴人 , 明星去太平館 , 久而久之就覺得它是一間非常高級的餐館 , 今天終於的起心肝和朋友來品嚐聞名已久的瑞士雞翼 . 我們訂了 7 點 , 朋友先到步 , 看過 menu , 大多數也是炒粉麵類 , 和茶餐廳確實有些相似 , 不過 , 這裡的價錢當然貴好多 . 舊式的裝潢就是這裡特別之處 . 我們先叫一個套餐 , 有 salad , 瑞士雞翼 , 瑞士汁肉片炒河和兩杯飲品 . 另外再加多一碟肉醬意粉. 套餐的瑞士雞翼只有 6 隻 , 如果散叫就有 8 隻 . 沒有所謂 , 一人也可以吃到兩隻 . 夢寐以求的瑞士雞翼終於來了 , 先吃一口 , 感覺有些像豉油汁加鹵水汁 , 頗特別 , 但嫌醃的時間不夠 , 只是外面的皮有味道 , 裡面有些淡 , 如果一面吃一面加汁味道會比較好 , 說真的 , 有點兒失望因為沒有預期的好. 瑞士汁肉片炒河 , 賣相不太吸引 , 一堆黑色的河粉 , 但吃下去 , 感覺又不同 . 味道好濃 , 肉片好 "稔" 好入味 . 不知怎麼說 , 就是想吃 . 明明自己不吃牛肉 , 但又偏偏叫了肉醬意粉 , 來到才醒起 ,