天龍燒鵝 (新禧大樓)

營業中

休息中

本嚟系要食嗰家网红烧鹅店 排队好耐唔想等了 嚟呢家尝一尝结果... 服务唔讲了 嚟睇睇烧排骨饭第一次食咁可惊嘅烧排骨饭 吓到我了 哈哈哈哈哈😁有时间仲系去排嗰家吧 下次嚟香港唔会再嚟呢家了

咁岩想食燶邊叉燒，朋友話呢一間好出名，依稀記得我都食過係好食嘅，所以再次幫襯！.叫咗一個叉燒燒鵝瀨粉，叉燒燶邊超級好食，肥瘦均勻肉質唔柴，仲有啲肉汁非常出色。燒鵝俾啲咩位多數都係睇緣份，今次呢個部位唔錯唔錯，厚肉皮脆，油脂好香但係唔膩。連個瀨粉都係軟硬適中，湯底有少少調味，襯埋燒味嚟食一流！.另一個叫咗燒腩仔豉油雞飯，燒腩仔個皮好香脆，半肥瘦嘅肉又唔會話太鹹。至於豉油雞就普普通通，正常發揮，咁啱係個雞髀位，所以啲肉都嫩滑。燒味下面淋咗少少豉油，好啱用嚟撈飯。.跟餐仲會送多個例湯，係真係一個湯而唔係水嚟。入面仲有啲粟米紅蘿蔔豬骨，就算唔嗌嘢飲都得。飲完暖笠笠，最緊要係唔口渴，即係唔係好多味精。.灣仔區嚟講呢間燒味算係數一數二好食，價錢又唔算好貴，下次都會再食！

呢間坐落於灣仔嘅燒味舖 係由曾經喺米芝蓮二星中菜館主廚主理 所以呢日行開附近特登去食佢😊 燒味質素有保證👍🏼而且可以用大件夾抵食來形容😋-🍗原隻燒鵝脾拼油雞套餐（$150）燒鵝髀超大隻😱肥瘦適中份量多🍗而且皮脆肉嫩🦆油雞肉質鮮嫩🐥隨餐除左白飯同老火湯之外😌仲有涼拌青瓜同油菜🥗豐富又滿足😋-🐷金牌蜜汁叉燒王（$90）半肥瘦叉燒肉質鬆化🐷蜜汁味濃而且燶邊微微焦香味🤤十分出色👍🏼-🥗燻蹄拼海蜇（$40）海蜇爽脆彈牙😬燻蹄夠入味😋-🥗油菜（$20）新鮮菜心煮得啱啱好😌鮮甜又爽口👍🏼-天龍燒鵝📍灣仔軒尼詩道68-76號新禧大櫌地下D號舖

鍾意食西餐嘅港女其實都鍾意食燒味飯，以為燒味係一樣好普通嘅事其實要整得好食，真係個廚藝表現，燒鵝更唔簡單！燒鵝都係我最鍾意食嘅一樣美食！朋友帶我去到灣仔呢間燒味店門口已經掛滿咗好多隻靚靚大燒鵝！有得散賣叉燒油雞燒鵝，我就選擇下一個一人套餐先！燒鵝髀套餐$140 跟湯+油菜+涼拌1隻原隻燒鵝髀每日即燒即製嘅燒鵝髀皮脆肉滑，皮與肉之間夾住脂肪，比例岩岩好，香而不膩。跟餐油菜：一小份菜心加蠔油，軟身易咬，為今晚增加咗一份纖維！跟餐：涼拌青瓜酸酸辣辣，特別解膩。跟餐老火湯+白飯老火湯係紅蘿蔔青蘿蔔，火湯潤喉又清甜叉燒皇 例牌$90叉燒肥瘦剛好，入口豐富嘅蜂蜜香味送飯一流。四寶飯$60四寶飯份量都幾大碟，裏面有四款燒味好物：燒肉、切雞、鹹蛋、紅腸～白飯上面再淋咗燒味汁，相當吸引。我特別鍾意食切雞，肉滑皮薄，沾上蔥油特別惹味！再食嗰啖飯零舍滿足。

之前都同老婆食過一次燒鵝同叉燒兩樣都整得唔錯咁啱近日去港島心思思又返去食多次但今次就冇叫返燒鵝了反而想試吓其他燒味所以專程再嚟灣仔試多次天龍燒鵝嘅燒味😂今日係星期六 我同老婆中午去到店舖內都坐滿大約七成人好彩啱啱仲有一張長枱俾我地坐照舊同老婆一樣都係叫套餐我就叫咗燒肉瀨粉老婆就叫咗叉燒飯套餐就多咗個湯同埋小食講返燒味先 燒肉係燒腩仔嚟皮好脆 腩仔肉間肥間瘦 每一啖都充滿油香叉燒就有少少燶邊 脆口得黎唔硬仲有好多蜜汁 味道非常香濃兩樣燒味套餐份量都唔少我地都食唔停口😂7-80蚊一個套餐 喺港島都叫可以吧冇影到燒腩仔😢

2023年12月31日，行完山，特登帶姨生黎食燒味，今日竟然比平日清閒好多，完全唔洗等位（唉…個個北上消費），我就留港支持下，因為呢間店我認為值得回頭。叫左2份燒鵝叉燒雙併。燒鵝夠juicy，叉燒半肥，正。👍前面個枱叫左隻燒鵝，賣相好靚。姨生食完話10分滿分，佢俾9.5分，哈哈，估唔到佢甘滿意。🤭

餐廳位於馬路旁，非常吸睛。餐廳每晚都滿座，好旺場。♥️餐廳內張貼著大大張海報寫住「限量自家燒乳豬」，乳豬飯/乳豬併燒鵝飯係依間餐廳既招牌菜，餐廳全日不停燒製乳豬，燒鵝！係餐廳食飯聽得最多係依兩個食物名，超多人叫，連旁邊既客人都同朋友講依間乳豬好好食🤤我都覺！♦️乳豬併燒鵝飯切好一塊塊，咬落勁香同好脆口，同朋友一人一舊點乳豬醬1分鐘就食晒。♦️燒鵝併（升級燶邊叉燒）燒鵝皮好香又juicy，黏住既肉係特別好食😋燶邊叉燒會比普通叉燒更香口，兩邊有肥膏送飯一流。小食：♦️生腸併燻蹄生腸小食爽口彈牙，肉質軟身軟邊點埋酸汁好正！♦️滷水豬腳仔唔係間間都有得食，豬腳仔好大隻，滷水汁好正而且滷得好入味！

少少離題。今日放假路經灣仔順便2:00去食個下午茶。知道呢間燒鵝好多好評，所以去試一試。舖頭雖然細間，但坐得都算舒服。樓面阿姐都算好好服務。燒鵝正常發揮是好食嗰一種。但我今日嗌肥叉拼燒鵝瀨，肥叉超香超腍，係呢幾年很難食到咁好食的肥叉，仲有燶邊添。一個字，好食。試過喺第二度燒臘舖嗌肥叉都係唔肥，叉燒又瘦又乾，呢間啲肥叉真係一流。望向舖頭後邊，原來佢哋自己有爐燒燒味的，希望下次再嚟的時候，水準可以保持到啦。

記得開業初期，雷聲非常大，人龍絡繹不絕，所以都係等熱潮過去再去一探究竟。預早order去到有得攞，每日都有唔同款既老火湯，寫得清清楚楚。個例湯出奇好飲，似冇味精。戲肉來了，燒鵝燒腩仔瀨粉，分湯上既，但燒腩仔就唔脆，燒鵝的皮又燶晒，食到最後幾舊鵝，竟然乾到咬唔開瀨粉還好，幾彈牙外賣平少少

✨原隻燒鵝髀拼乳豬燒鵝髀 肥瘦適中 皮下脂肪唔算好多外皮脆 肉質結實軟腍 有肉香 帶油脂甘香調味剛好 唔會過鹹 沾上酸梅醬味道更豐富乳豬 皮薄脆鬆化 肉夠厚身 啖啖肉 肥美軟嫩 一人套餐跟左油菜 小食 白飯同老火湯今次冇要白飯 揀左瀨粉 偏粗身 口感爽滑軟彈油菜 菜心加蠔油 口感爽脆 幾嫩小食 涼拌木耳 爽口清新 幾開胃老火湯 飲得出落足料去煲 味道鮮甜總結：一人套餐夠豐富 份量十足食物味道可以 環境服務正常 價錢可以 去開附近想食燒味 呢度都係個唔錯嘅選擇

🇭🇰天龍燒鵝·呢間我哋之前見到米紙推介已經勁有興趣 所以前排放工就去咗啦😎佢係一位米芝蓮2星中餐廳既燒味部主廚開既 感覺超正 而且佢係全日不停燒乳豬 燒鵝😈😈·原隻燒鵝髀拼乳豬一人套餐$180所以今次我哋就先嗌咗佢必點嘅燒鵝拼乳豬😍佢呢一個雙拼本身就比普通嘅燒味雙拼貴啲 本身都要$90🤑但係因為我哋想食燒鵝髀 所以就再俾貴啲直接要燒鵝髀🍗佢上之前你會見到佢喺廚房再用火槍燒一燒個燒鵝皮 所以上到嚟佢油脂係勁香 而且個鵝髀啲肉都好嫩 我自己都幾鍾意🦢之後佢個乳豬都好出色 佢個皮係鬆脆 個肉都好嫩 配埋少少肥膏咁樣咬落去油脂勁正🐷之後佢呢個一人套餐係有埋油菜 小食 白飯同埋老火湯 都幾豐富😚😚·燒味雙拼飯 l 涼拌海蜇$50之後另外個雙拼我哋就揀咗燒排骨同埋燒腩仔 佢個燒排骨其實就係用叉燒嗰個做法整排骨 出到嚟啖啖肉都幾好食🐷之後佢個燒肉個皮都係好脆既 不過佢個肉質就係比較實少少既 我自己鍾意乳豬多啲😈😈·#rbyeat#rby港式#rby灣仔·📍灣仔軒尼詩道68-76號新禧大樓地下D號舖

餐廳是米芝蓮2星中餐廳燒味部主廚創業，全日不停燒製乳豬和燒鵝，燒味現燒現賣。天龍燒鵝皇成隻都唔駛五嚿水。🔸乳豬雙拼 $100呢個係【一人套餐】，除咗乳豬之外，揀咗拼燒排骨 跟 蠔油菜心 一碟小食  一碗白飯同埋老火湯一碗餐廳幫我哋先上咗個 蠔油菜心 同埋好醒胃嘅前菜小食 黑木耳伴青瓜，瓜菜咬落都十分爽脆，另外先上咗碗 老火湯，湯煲得好濃鬱，熱騰騰，係花生雞腳湯，好夠味。跟住主角出場──雙拼燒排骨同乳豬件，燒排骨有4大枚，係閃令令新鮮出爐嘅燒味，每件肋骨肉都好多，大口大口地咬燒骨肉，滿口燒肉嘅甜鮮味，感覺好滿足；乳豬件亦佔咗半個碟，燒乳豬香味四溢，未食都已經流曬口水😚 乳豬咬落燒豬皮好脆口，乳豬肉鮮嫩，一點也不肥膩，特別好味嘅係肉底近骨處，有恰到好處嘅鹹味，而且仲有陣陣廣東米酒嘅酒香味，好特別。味道：8/10性價比：7/10🔸燒鵝五寶飯 $80五寶係燒鵝、豉油雞、叉燒、紅腸、鹹蛋一大堆美味燒味上碟，除咗半块鹹蛋外，其他各樣燒味都有5枚，豉油雞都畀咗隻雞脾，叉燒薄薄五大片，睇落好瘦，以為會口感較柴，原來食落係好軟淋嘅，好惹味。味道：7/10性價比：7/10🔸下午茶：燒鵝飯 $45   餐加

灣仔新開冇耐嘅燒味店，由米芝蓮2星中菜廳燒味部主廚主理招牌主打明爐手轆乳豬同燒鵝，每日不停燒製，保持新鮮出爐狀態-👍🏻明爐乳豬飯 $78一般燒味舖比較少見有得食乳豬飯！熱辣辣新鮮出爐，皮薄身極脆口，肉質鬆軟，皮下脂肪啱啱好，入口充滿濃濃油香🤪-👍🏻燒鵝飯 $68鵝皮爆油油香重，鵝肉偏瘦但唔算太鞋，味道調味正常發揮兩款招牌相比，乳豬比較出色但呢個價錢嚟講份量好足料，全日同價送埋老火湯，係灣仔區性價比高-👍🏻燒味三拼 $138揀咗燒腩仔、叉燒、油雞，整體味道唔錯，賣相幾靚仔🤤叉燒肥瘦適中，麥芽味濃，軟嫩入味油雞肉勁滑，雞皮爽彈，豉油醃料唔會太鹹，仲食到雞味，另配蔥油燒腩仔就不過不失，偏肥肉嫩，皮薄香脆，但豬肉香唔算好突出🤏🏻-味道：8/10性價比：8/10-📍#天龍燒鵝 灣仔軒尼詩道68-76號新禧大樓地下D號舖

燒鵝脾拼雞脾套餐，188蚊份💰招牌菜式燒鵝脾肉質嫩酥香，鵝脾美麗外觀所震撼，鵝脾外皮金黃酥脆，充滿誘人的焦糖香氣，鮮嫩多汁肉質露出而有彈性。每一口都帶來濃郁燒香味，外酥內嫩的口感完美結合，雞脾肉質鮮嫩，入口即化，帶有微妙雞香味。米飯粒粒飽滿，香氣在嘴裡交織，配菜的清爽蔬菜和醬料的微妙調味為整道菜增添滋味🥰涼拌海哲，48蚊例牌💰新鮮海哲肉質有彈性，帶有淡淡麻辣，每一片海哲都經過精心處理，海哲口感清爽，入口即化，帶來一種令人愉悅的咀嚼體驗😋

我們坐的位置在餐廳較入，望到廚房，可以見證餐廳全日不停燒製乳豬和燒鵝，保証新鮮。*我和先生一人一個「一人套餐」加個小食。*燒鵝和乳豬果然出色，米芝蓮2星中餐廳燒味部主廚的出品，真的無令人失望。*一人套餐跟油菜、小食、白飯和老火湯。價錢由$78-$188，絕對合理。*🏅原隻燒鵝髀拼叉燒（$148）🏅燒鵝拼乳豬（$100）🏅滷水豬仔腳（$38）*燒鵝皮脆肉嫩，鵝皮深褐色，飽滿不縐，肉質細嫩，咬下去，皮下那層薄薄的油脂溢出，滿口鮮香，味道一流。*乳豬是師傅每天親自在廚房利岭火爐烤製，限量供應。乳豬烤得透，外皮酥脆，肉質燻香嫩滑。*滷水豬仔腳肉嫩Q彈，外皮爽滑。