天龍海鮮火鍋 (已結業)

突然好想食雞煲，但雞煲吾辣又吾好食，太辣又無左個雞味，真係好難整到好好味。向向角行過一間新開既餐廳，個名好型，叫天龍雞煲，見佢都吾少客食緊，就決定試一試佢。門口放左餐牌，有二人餐及4人餐。大家可以按人數選擇套裝，或者好似我地咁，自選火鍋及配料。餐廳用圓枱設計，好有大排檔Feel👍🏻我地無選二人餐，原因係想食個靚啲既肥牛，我地叫左個澳洲霜降手切和牛，跟住老闆話叫靚牛係會送平啲既雞鍋，咁我地就選左麻辣海鮮雞鍋。重叫左個菜同白飯，雞煲送飯，真係一流😊其實重有好多野可以選擇，太多了，真係食吾晒。雞煲上菜時，店員會將啲酒加落去個雞煲道，再點火，好靚🥰睇完點火表演，就要炒下個雞煲。我地開大個爐，炒左一陣就食得，香噴噴👍🏻雞煲都好足料，有蝦有蜆，吸左雞煲既辣味，好好食👍🏻白飯加雞煲，呢個配搭無得輸😂😂兩個人份量非常夠食，清晒啲雞就加湯打邊爐。果碟牛肉呢，好好味，脂肪好似落霜咁向牛肉表面，好靚，睇到都流口水🤤入口食果一下，雖然牛味吾會好濃，但已經好夠，可能食左好濃味既雞煲既關係😂 但依然食到牛味，一食就知呢個牛肉係高素既👍🏻👍🏻一路食牛一路食菜，非常健康，均衡嘅飲食習慣😂😂努力咁食晒所有野，飽飽，真係

雞煲食極都唔厭，但想搵個好食既雞煲都唔容易，今次試左天龍嘅雞鍋，原來OpenRice book位主餐牌有半價，可惜我冇book到！二人套餐都係$258，都幾抵食入去坐低見到張凳記得意，所以影低左入到去店員俾咗呢張order紙我哋，而我哋都遺忘左有二人餐，店員介紹如果叫$288或以上既和牛可以免費送一個$200下既鍋底，咁都幾抵送既鍋底我地叫左麻辣海鮮雞鍋$198，好大個鍋😱，上菜果陣我好好奇點解d芫茜同洋蔥係生嘅原來係要加二窩頭落去炒炒佢炒完出黎的確好香，個雞醃得好入味，個醬汁又惹味，完全融入左個雞件度，好味👍🏻個霜降和牛牛味都幾香，叫和牛送雞煲的確幾抵！下次黎之前一定要OpenRice book定位先！

估唔到呢間火鍋有驚喜，位置雖然唔係算咩旺區，但勝在性價比高，個椰子雞真係落足料，好香椰子味，相信係用全個椰子黎煲。其實都登呢間食市唔抵，因為地點關係又冇點做宣傳，所以當時食飯果陣冇乜人，但食落後真係好抵食，好大機會翻啅，讚

鍾意食火鍋嘅我，周圍捐窿捐啦搵到間位於旺角花園街利興大樓地鋪叫「天龍海鮮火鍋」入到去環境都好乾淨，地方夠大。等緊佢準備期間，先來兩碟酸酸美美辣辣既前菜，食完當堂開胃起來呀正當心大心細唔知揀咩火鍋之時，店員向我哋介紹佢哋嘅麻辣鍋。個鍋好有氣勢，D火絕對吸睛，可惜呢度冇得Upload 片段比大家睇聽佢地講個鍋材料十足，用咗五香，八角，小茴香.... 食落味道同辣到都好夠我哋就揀咗個麻辣鍋海鮮雞煲，BB辣(怕太辣😂😂)。當然一定要揀我最鍾意食嘅炸響鈴，呢間鋪頭嘅炸響鈴加埋紫菜的，唔使考慮一定要一試👍🏼👍🏼玫瑰花之丸 - 店員話係用咗新鮮嘅玫瑰花整出黎，食落真係有陣清香嘅玫瑰花味，幾特別，其他地方未食過四川米豆腐 煮耐啲勁好食，好彈牙即包韭菜 好重料，食到我好飽當然唔少得食火鍋必備嘅安格斯牛肉啦

見到半價就去試吓。入座前，待應講解海鮮頮和飲品冇半價，一般餐廳都是這樣。於是我叫了麻辣海鮮雞煲，澳洲和牛和一些配料。當埋單時候，原來麻辣海鮮雞煲冇半價。因為有海鮮的字眼所以是正價，(其實如果好食，比正價有乜所謂)，但冇半隻雞的份量，海鮮又唔新鮮就唔值。澳洲和牛是在海鮮欄，所以也是正價。最搞笑，半價配料有兩樣冇嚟。但隔離枱，有雲吞感覺不良好。真心評論＂中伏＂又搵笨。即使半價或有折的餐廳也很有質素(如:養心殿)，但呢一間天龍可以話以不良手法去宣傳。千萬不要抱着半價而來吃。

本身勁喜歡打邊邊的我, 基本上可以每1日都打, 同朋友行過旺角小巴站有間打邊邊小店就入了去試試, 人唔會太多, 店內傢俬聽店員講係訂造, 真係幾特別。老闆娘好Nice會過來同我哋傾計, 會問平時出街食飯喜歡食啲咩?莞茜皮蛋湯底超多莞茜同埋皮蛋, 對於我這個莞茜腔同埋蛋腔的人當然係十分喜愛啦美國肥牛肥牛, 肥瘦適中, 灼兩灼已經可以食得。鮮枝竹好香豆味, 差不多次次打邊邊都會叫鮮枝竹, 因為喜歡佢可以吸收湯的精華。蜂巢豆腐係好友介紹我食蜂巢豆腐, 有豆香同埋口感夠特別, 又係可以吸收牛肉在莞茜湯裏的華。白牛柏葉, 夠爽口即包韮菜水餃喜歡食水餃的我, 仲要係即包韮菜水餃, 覺得好正, 最緊要係新鮮, 好味。即炸魚皮魚皮香口, 就咁食都唔會覺得油, 夠脆, 灼一灼有另一番風味。唐生菜菜係打邊邊另一度主菜, 一定要夠新鮮, 唐生菜夠爽甜, 已經係滿足到我成晚個胃。 

天氣一時熱一時凍，睇嚟春天都好快到，所以趁仲係凍冰冰嘅時候約咗朋友打邊爐！今次呢間火鍋店喺旺角店B出口附近，非常就腳。餐廳內面唔算好大，但我地都幾早就到，所以唔洗得位。老闆娘人幾好，推薦地我地食一個椰子雞煲，再加點小菜打邊爐。喺我地等嘅時間，店員先遞咗啲小食同調味比我地先，再可以一邊吹下水一邊等上鍋了。今次嘅椰子雞煲幾好食，老闆娘話用咗椰青、椰果、海底椰，唔怪得食未已經咁香，原來咁足料。趁煮咗十幾分鐘，就可以早啲食咗隻雞先，咁就食到又滑又多肉嘅雞啦。之後再叫咗牛肉、紫菜響鈴、娃娃菜、出前一丁打邊爐，同啲椰子雞湯一齊食，特別清甜。

依家係旺角打邊爐實在有太多選擇了，上星期同女朋友去左呢間天龍火鍋店，有返咁上下水準👍🏻一入到去見到四邊既牆，顯然有經過悉心佈置、具現代感。 因為只係兩個人食無叫好多，嗌左一個椰子雞鍋加幾個餸。本來有選擇困難症，老闆娘專登嚟介紹個椰子雞湯底，話落左好多個椰清同椰果，確實食落個湯係幾清潤同鮮甜，加上杞子明目。之前係深圳食過一次，但個隻一黎唔足料、湯又淡、雞又乾，係無得同呢個比，呢個真係會專登裝嚟飲既湯。另外，呢度既雞係有肉但肉質鮮嫩唔乾身，啖啖肉果隻，可以唔點醬料都好食。紫菜響鈴有好多紫菜，中意食紫菜既話推薦。牛肉肉質唔散。醬料多款，每張台都大大盒任簡。總括而言，各方面都好滿意，大讚新鮮食材，會再返嚟食。

去旺角行街隨便揀左呢間火鍋店就入左去，店員服務好好幫我地洗下啲碗碟，又推介招牌野食俾我地。蕃茄薯仔龍蝦鍋: 龍蝦好大隻，拆肉出黎都幾大工程，肉質彈牙吸哂蕃茄湯既味。鍋入面仲有幾隻蝦，食落好新鮮。蕃茄湯比想像濃好多，食到最尾就咁飲左半碗。即炸紫菜響鈴: 必食既一樣野，比普通響鈴甜少少，紫菜同響鈴就咁食好脆，浸落湯就會吸哂蕃茄味。四川米豆腐: 食落似米糕，會吸左好多蕃茄湯南京鴨血: 幾好味既鴨血，唔會有怪味，可以點少少豉油食手打墨汁墨魚滑: 彈牙有咬口，墨魚味幾重，入面有墨魚粒玫瑰花之丸: 玫瑰味好重，蓋過哂蝦丸既味道紅薯粉: 必食既粉類，好吸湯之餘又好煙韌，份量非常多

可以一試，平時都係旺角食飯.都食到冇咩好食一，今晚漫無目地發現一間火鍋.鸡煲，串燒一體店，就入來試下，首先叫咗我的最愛鸡煲，店員将鸡煲上桌後一，又用花雕酒加工，香味十足，而且，店員服務好nice.

我覺得的菜都幾新鮮 ，上臺滴緊水 ，見到至少有洗過 ，有的店鋪菜似乎未洗過 ，的湯底都幾濃郁，的牛肉粉紅色上臺見到似乎幾新鮮下 ，用手切幾厚 入口淡淡牛肉味好濃郁牛味有的串燒幾好味 幾濃郁的味道 ，蒜茸元貝好大雙 好鮮甜 ，的鮮幾新鮮在魚缸即撈 ，但見到有豆卜 ，唔見其它人講的芝士豆卜O,佢哋黃金炸魚皮有咸蛋黃 幾特別 好香口 幾脆 ❤️的炸響玲都好香脆 內面包住的紫菜 同第二間的唔同味的，幾特別的味 原來重可以即食都可以 放落湯度浸完食重正的裝修幾靚下 似70年代西部牛仔FEEL

4個人去左雞煲.一坐低就叫麻辣海鮮雞煲.等左都幾耐.麻辣海鮮雞煲一味得麻.一D辣味都無.食到個咀變哂.食完雞就加水例牌烚下烚下.叫左美國肥牛,豬肉,牛丸,墨魚滑.仲有其他野...肥牛唔算太新鮮.算系中規中矩.食得洛口...個個芝士豆卜真係不知所謂，完全唔脆口，仲要有油溢味。救命好難食D菜完全唔新鮮.娃娃菜.皇帝菜又系..蟹柳就......一淥就散.D丸就叫咩無咩.野都未食完.D侍應狗衝出黎收台...服務差到死.

春節前，嚟同朋友食雞煲大餐。加入二窩頭烹調，熊熊烈火逼出雞嘅鮮味。我們二人ko了一隻雞，好滿足！前菜也十分美味，脆炒花生和辣蘿蔔，配上青島啤酒，實在是絕配！店內環境寬敞，服務員樣貌娟好，實在是色香味俱全！哲古華拉的檯布，極有品味，適合文青聚會！其他食材，如時蔬，分量十足，配上濃郁湯底，perfect match!訂檯十分方便，特定時段有七五折，十分吸引。We will visit here again and again and again!

这个点刚刚忙完，我们一共8个人黎到呢间好有特色的火锅店，试下招牌花雕醉鸡一打开即时闻到花雕的香味，即刻开胃左五少。呢个天气，吃点火锅可以暖下胃。花雕醉鸡火锅的药材很多，有淮山同红枣仲有桂圆，相当滋补清润。配合埋自己调出黎的蒜蓉姜葱花生碎，感觉非常好味。点菜小哥哥服务非常梧错，一边帮我地落野一边教我地应该点品尝呢个火锅。一落锅，煮开之后好香好香好香花雕酒的味道。呢鸡肉味道好浓，确实系唔错。小哥哥颜值高服务好，值得推荐

琴日陪人去旺角，夜晚行到见到先达附近有间火锅店，几多人下就入左去食。离地铁站几近，D出口直走过两条马路左转就到，好方便...嘢食唔算太贵，仲有野送，几正囖。佢个粟米湯劲甜，汤底又浓，仲有人好心帮我地汤滚揭煲盖，服务超好！推荐花丸，好好味！芝士丸鲜虾丸几好味，鲜虾丸仲系手打架，除左新鲜，又唔骗钱，里面唔系全面粉，得果几粒之类，里面好多虾肉，又大粒，唔太贵，好似30蚊到啦，平平地。下次试下其他汤底，再黎食啊！