天龍海鮮火鍋 (已結業)

天氣一時熱一時凍，睇嚟春天都好快到，所以趁仲係凍冰冰嘅時候約咗朋友打邊爐！今次呢間火鍋店喺旺角店B出口附近，非常就腳。餐廳內面唔算好大，但我地都幾早就到，所以唔洗得位。老闆娘人幾好，推薦地我地食一個椰子雞煲，再加點小菜打邊爐。喺我地等嘅時間，店員先遞咗啲小食同調味比我地先，再可以一邊吹下水一邊等上鍋了。今次嘅椰子雞煲幾好食，老闆娘話用咗椰青、椰果、海底椰，唔怪得食未已經咁香，原來咁足料。趁煮咗十幾分鐘，就可以早啲食咗隻雞先，咁就食到又滑又多肉嘅雞啦。之後再叫咗牛肉、紫菜響鈴、娃娃菜、出前一丁打邊爐，同啲椰子雞湯一齊食，特別清甜。