天龍海鮮火鍋 (已結業)

本身勁喜歡打邊邊的我, 基本上可以每1日都打, 同朋友行過旺角小巴站有間打邊邊小店就入了去試試, 人唔會太多, 店內傢俬聽店員講係訂造, 真係幾特別。老闆娘好Nice會過來同我哋傾計, 會問平時出街食飯喜歡食啲咩?莞茜皮蛋湯底超多莞茜同埋皮蛋, 對於我這個莞茜腔同埋蛋腔的人當然係十分喜愛啦美國肥牛肥牛, 肥瘦適中, 灼兩灼已經可以食得。鮮枝竹好香豆味, 差不多次次打邊邊都會叫鮮枝竹, 因為喜歡佢可以吸收湯的精華。蜂巢豆腐係好友介紹我食蜂巢豆腐, 有豆香同埋口感夠特別, 又係可以吸收牛肉在莞茜湯裏的華。白牛柏葉, 夠爽口即包韮菜水餃喜歡食水餃的我, 仲要係即包韮菜水餃, 覺得好正, 最緊要係新鮮, 好味。即炸魚皮魚皮香口, 就咁食都唔會覺得油, 夠脆, 灼一灼有另一番風味。唐生菜菜係打邊邊另一度主菜, 一定要夠新鮮, 唐生菜夠爽甜, 已經係滿足到我成晚個胃。