天龍咖喱

營業中

休息中

第一次去食咖哩牛脷飯覺得幾好，但今次食左大四囍飯個人覺得中伏，好似變左湯咖哩。中意食湯咖哩既人可以一試。咖喱味極淡，如果想食咖哩既人唔好order呢款。每款餸都係得一舊，性價比較低。呢個價錢去其他餐廳食會開心啲。佢以前食落係滿滿洋蔥底既咖哩，香料味十足，而今次幫趁就缺乏香料既刺激，得返咖哩粉同埋少量洋蔥碎。本來覺得天龍咖哩係同區少有既誠意咖哩店，但估唔到水準保持唔到，可以預見將來未必做得住。而肉餅煎得香脆、調味可口，但份量太少，大概三塊小圓餅，食唔飽。特飲比普通汽水多一粒話梅，飲唔出太大分別⋯可能叫返普通汽水較抵。