天池日式放題 (已結業)

譽發廣場其實真係好多好野食，今次試下呢間日式放題餐廳面積唔大，位亦唔係密密放，所以唔會太多人，唔會好嘈落單係用手機scan QR code，完全電子化，無咁易漏單，又可以睇返自己嗌左咩，不過飲品同甜品就要自己拎食放題好易叫到一枱都係，呢間收碟速度好快，呢點非常好__________________________原本個menu 真係唔算好多選擇，不過$178黎講都好合理，$88既升級版幾推薦加，食物種類差唔多多成倍，而且都係一啲幾好食既野，重會有兩款啤酒同清酒任飲.🔹刺身先講大家一坐低一定會叫刺身先刺身上得快，不過有一兩款落左無黎到都算厚切，升級版既大蝦，吞拿魚，油甘魚，帆立貝都可以多叫，質素不錯就算係普通menu既甜蝦一啲都唔細隻.🔹海膽刺身蝦甜筒初頭以為係手卷黎，點知真係硬身雪糕筒海膽刺身蝦比較有水份，用紫菜好易淋，脆食真係正好多.🔹焗海膽黃金蠔呢隻蠔真係回本推介！勁大隻，上面鋪左滿滿滿滿既芝士，所以重芝士味。平時放題既燒蠔，食沙律醬多過蠔肉，但呢個只係有少少調下味，蠔肉都ok厚肉大隻，好食到蠔鮮味！.扇貝位已經起左，幾香蒜味，帶點甜味.🔹辣味吞拿魚脆脆餅底夠脆，少有地配吞拿魚，大

一大堆人去食飯，各有要求，所以決定食放題，自己鍾意食咩就食咩！呢間天池似乎唔係開咗好耐，地方新淨，冷氣夠哂凍！而且我們人多，佢仲安排我哋坐到最入，自成一角，小朋友走來走去都唔怕，非常好！食物款式都唔少，採用電話落單，環保之餘仲可以睇到大家點咗咩，好方便！周未成人$228，食物包括刺身、壽司、炸物、沙律、天婦羅、鍋物等多款選擇，另外可加$88升級有多啲好嘢食！當然一加就全枱加，大家無反對就加啦！加左就梗係狂叫升級食物啦！刺身方面就最鍾意珍寶阿根廷赤蝦，真係好大隻！北海道帆立貝一樣大大粒，好味呀！另外海膽刺身甜蝦甜筒杯又係升級必點，海膽新鮮，而且個迷你甜筒杯都好得意！熟食方面個海膽黃金蠔又係好正， 蠔味十足。和風繪牛尾都好入味，炆得好腍。仲有黃金大虎蝦、白汁芝士焗扇貝都好味。升左級之後仲可以任飲清酒，對於喜歡飲番杯嘅朋友真係飲幾杯已經抵返晒。當然其他飲品同甜品都係任食啦！

今日同朋友行完街好肚餓就決定食放題因為行街太努力好肚餓我地仲升級埋好好大食一餐放題第一樣野當然係刺身最緊要第一樣無雪味仲要黎得好足加上師傅切得三文魚夠厚身有口感帶子嫩滑又有彈性所以淨係刺身我地都食左三輪嘩哈哈壽司類竟然有海膽最緊要海膽夠新鮮無怪味分量小小但味道好夠仲加左蛋糕筒好新奇燒物種類都幾多其中我覺得牛舌係必食因燒到恰到好處依度仲有d特別野袋越南春卷內面有三文魚加上青瓜清新好食最後自家攞埋甜品🍮雪條.野飲兩個好朋友飽飽地好味食左一大餐

媽媽好少去食放題今日就同佢一齊為咗令到佢食好d所以我就升級咗啦媽咪始終唔係太好食魚生所以刺身全部都係我叫雖然我嗌左個份量唔係好多但虎蝦質素必須都要讚一個虎蝦佢保留彈性而且晶凝通透彈牙好食😋呢度竟然仲有白雲鳳爪酸酸甜甜，我就好鍾意❤️自已仲可以加埋啱虎蝦變做泰國風味嗯嗯因為升級左所以就有鮑魚媽咪同我覺得個鮑魚好味彈牙爽口美濃而且格離既冬菇都好厚身其中媽媽好鐘意依度燒靖魚依款好似好簡單既野食但要燒到好食又有難度但依間店係做到既另一樣媽媽鐘意既係菜放題食炒菜係⋯不過又真係好食依度既菜夠熯氣真估唔到最後媽媽對燒菠蘿讚不絕口因為燒完菠蘿🍍甜度更出媽媽對是次放題好満意食到開心好味

好耐無同老公食飯，為左方便大家，去左位於油麻地嘅天池食放題，一出地鐵站5分鐘唔洗就到，交通好方便。入到去見到地方闊落，坐得舒服，好彩地座窗邊位，真係可以慢慢食呢餐放題，佢地設有bb 櫈，帶埋小朋友都無問題。本身唔貴，我地加$88升級，再食多啲款式同任飲3款啤酒。另設有甜品角落，雪糕櫃，飲品櫃任君選擇食物方便，有唔同冷物熱食，上至刺身冷盤、下至炒飯炒菜都有。其中海膽甜蝦筒好特別，海膽甜蝦鮮甜，加上脆卜卜的甜筒，口感豐富。多款刺身同樣新鮮，有櫻花蝦炒通菜，壽喜燒，羊架，蒜香牛柳粒，天婦羅，佢個炸雞翼係必食推介，仲有燒蠔，確係聚會之選

舊朋友聚舊，佢話想食放題，揀左天池日式放題，彌敦道地點夠方便。 假日全場滿坐，好彩訂左位！ 餐廳好乾淨，喺一般平價放題比較少見，抵讚！ 可以任食三個鐘，傾吓食吓最正啦。 食品七十幾款唔算話好多，所以我哋加$88升級，啲嘢食正好多，大滿足！可以任飲啤酒同清酒，飲勝🍻焗黃金大虎蝦大大隻好吸引，最正係開晒邊，唔駛剝殼，一夾起就食得。焗海膽黃金蠔絕對唔係一般行貨，係超大隻，原隻焗，回本之選。刺身當然必食，珍寶阿根廷赤蝦鮮甜膠質重，啖啖肉。 其他刺身都唔錯，顏色靚又無雪味。胭脂蜜香燒菠蘿串同日本蕃薯仔串係我至愛，好香甜。海膽刺身蝦甜筒遠望以為係手卷，以為外皮係紫菜，原來係脆脆筒，好有趣。蒜蓉牛油焗扇貝亦都係唔錯嘅選擇。檸檬牛油鐵板蝦用鐵板上熱辣辣，牛油味入晒隻蝦度。出面仲有甜品杯、麵豉湯、雪糕杯、罐裝飲品任飲添。整體算係幾高質素，遠超預期。

好耐冇見d friends, 之後同左佢地行完mong kok 黎左呢間新既日式放題到食，我覺得個到既岩燒三文魚好好味，之後又有KIRIN既啤酒任飲，好正！同埋因為升級左，所以仲有個鮑魚食 真係幾唔錯！其實個餐廳既feel 同裝式都好日式，坐得都幾舒服。其實本身都幾中意食日本野既，例如壽司，刺身。但我覺得呢一間唔似同區其他既放題, 我覺得呢間啲野都幾足料，而且款式又多，除左啲common日本野，仲有燒羊仔骨個啲。

今年冬至，一家大細BOOK餐廳食團年飯，老豆話年年都飲茶食到悶，唔想又去酒樓食中菜。於是今年搞下新意思，試下做冬食日式放題。我地琴晚去左油麻地呢間天池日式放題，一家大細BOOK左兩張大枱。呢間店嘅門面唔算好大，所以冇好似其他大餐廳咁將啲食物攞晒出黎。我地想食嘅食物都係即叫即上，店面嘅情況水吧有自助啤酒任飲及面豉湯因為難得齊人一家人食晚飯，所以決定食豪少少，叫左呢個加$88升級優惠。叫左升級優惠之後多好多厚切刺身食（例如老豆最鍾意食的厚切油甘魚）。另外一個好處就係可以清酒任叫任飲。呢間放題嘅食物種類都唔少，除左刺身仲有好多小食同炸物。例如我媽就叫左兩盆枝豆送酒，老豆就鍾意叫右邊呢個炸榴槤波波。不過我地入席時間入得晚（八點半左右先齊人），所以我地點菜嗰陣發現有幾款食物已經售㷫。不過未售㷫嘅食物都好食，但見到有啲想食嘅刺身冇得叫係有啲啲婉惜嘅。刺身大概係咁樣。有時好運嘅話啲魚生會係厚切。但有時又係薄切，睇黎係隨機睇師傅手勢好唔好。另外熟食方面有呢個燉牛尾。趁熱食就好好食！凍左就麻麻地。所以千祈唔好貪心叫到全枱都係，要分單一次一次叫。另外比較有特色嘅升級之選，係呢個海膽甜筒。上面係海膽同蝦肉，

好耐冇食放題喇， 自從有咗比卡超🐽之後 都好少去食日本嘢 ，而家比卡超 大個咗，可以帶埋佢去一齊食喇😋😋， 今次揀咗呢間近旺角嘅， 地點都算方便 仲要有𨋢 啱曬可以推bb車 入到去店員都好熱情招呼 環境都算闊落， 店員提議加多88蚊會有多啲嘢食 咁我哋照星級啦， 刺身我哋叫咗 珍寶阿根廷赤蝦 馬刀貝 帶子 珍寶赤蝦😍真係成隻手掌咁大， 鮮甜👍🏻， 另外嘅海膽壽司甜蝦雪糕筒都好特別 略嫌海膽少咗啲😋， 估唔到個香蒜大蔥牛柳粒 非常入味淋身 絕對可以encall😋😋， 仲有佢個雪糕 雖然唔係什麼名牌子但係真係好滑好好食 佢仲有海鹽味㗎 仲有榴槤雪條呀 臨走都忍唔住食多一支🤣🤣 差啲唔記得話畀大家知 升級咗之後生啤任飲㗎

抵食日式放題就嚟聖誕節 諗唔到去邊慶祝不如放題因為咩種類美食都有🤣滿足每個人口味今次冇去兆萬試伏 發現譽發有新店！位於2/F 裝潢非常日本風 間隔舒服唔會迫掃QR code 落單 上菜又快又冇漏空碟10秒內就有人收走 成餐飯好順暢.強烈建議大家要加$88升級因為會多好多食物種類的選擇重點是任飲麒麟/黑啤/清酒 勁易番本另外飲品&雪糕款式同一般放題不同有新鮮感 整體來說很不錯 食足三個鐘.✨💖✨必食推薦✨💖✨1️⃣刺身蝦🦐見我叫咁多隻就知好食啦2️⃣厚燒玉子🍳encore左兩次 好甜又多汁 夠滑唔乾3️⃣炆牛尾🐄令人眼前一亮竟然係熟食全部都好淋又入味 其實鐵板牛舌&羊扒也很不錯4️⃣串燒配啤酒一流🍻特別係燒蠔/帶子/海蝦 勁大隻5️⃣雪糕🍨推介奶茶&玄米茶 茶味超級濃！海鹽味都幾好 原來係本地製作 好出色 要支持下

聖誕節就來到啦~~~我哋一班朋友仔提早預祝聖誕節🎄！！ 一齊出嚟食返餐好嘅！ 我哋入座嗰陣專登加左88蚊做咗升級放題~~連酒都有架！！正啊正啊🥢係嘢食未到嗰陣我哋出去拎左啲甜品 明月米卷超級好味啊😋口感軟軟糯糯的~~ 入面仲包住d紅豆！ 真係忍唔住食多咗幾舊啊 hahaha食放題當然有刺身架啦三文魚超級肥美 仲有阿根廷大蝦🍤 wow 🤩 真係要無限Encore啊 仲有花之戀又係必試~~ 真係食刺身同壽司都扺番哂啦！！鰻魚炒飯🍽 呢個炒到超級有鑊氣🥢🥢 一上枱已經香噴噴~~ 每一粒飯都包住鰻魚汁嘅味道~~ 最重要係米飯🍚粒粒分明~~ 好味喔芝士焗生蠔😋 對於芝士迷既我黎講一定要試架啦 呢個生蠔簡直係重芝士啊🤤🤤 鮮甜既生蠔加上濃濃既芝士絕配喔！海底生蝦刺身甜筒🍦 呢個真係估佢唔到個底竟然係甜筒哈哈 放少少飯同刺身落去真係另一番風味~~黃金魚生塔 呢個最好味嘅係佢個底啊~~底部超級脆啵啵！！ 鍾意食香口野嘅朋友仔一定會狂食架 哈哈~~最後食埋雪糕🍦 真係超級飽超級滿足啊 扺食啊

老公突然想食日式放題，就到了這兒探新店。入座後，店員給我一張印有二維碼的紙條，原來是用手提電話掃描二維碼後，自行點餐的。星期一至四，午市放題收費每人$138 ，今天是星期五，要加$20。可以點的食物種類包括沙律、刺身、壽司、天婦羅、串燒、炸物、鐵板燒、鍋物、一品料理（飯、烏冬）等，若升級再加$88 ，可以點的食物就更多，不過我們沒有升級。至於飲品和甜品，就是自助形式，自行拿取。我們點了很多食物，食過後覺得串燒、鐵板燒和鍋物都很好吃，刺身和壽司就一般。自取的飲品種類很多，甜品就包括冰淇淋、冰棒和糕點，冰棒有三種口味，分別是榴槤、芝麻和紫米，大推紫米口味，我一個人心也吃了兩條。這點裝潢簡約，給人舒服乾淨的感覺，店員的服務態度也很好，點餐後上菜的速度也很快，而且沒有漏單的情況，美中不足的是，店家所派的宣傳單張中的一些食物缺貨，在點餐時才獲告知。

聖誕節🎄 又到啦 一年一度 ，約埋一大班朋友仔 交換禮物🎁 慶祝食飯時間又到啦 😎😎 ，今次我哋揀咗呢間 新開高質放題 環境唔錯唔會太逼 。 每人都係 $198 想升級食多啲種類 都係加多$88咋 😆 刺身好肥美 ，特別係吞拿魚 🐟 同三文魚🍣 大大件 又新鮮又肥美 ，刺身蝦都有兩種㗎 🤩🤩 有甜蝦細細隻 同 大大隻嘅阿根廷赤蝦 。 手卷 有一款好搞笑 海膽生蝦刺身甜筒 ， 真係用細細個甜筒裝住㗎 好似食緊雪糕咁 哈哈 😄 焗芝士海鮮 - 有焗大蝦 🦐 焗帶子 焗生蠔 ，全部焗完出嚟都有滿滿嘅芝士系面 入邊焗得一啲都唔乾架 。食到飽飽哂 🥳🥳 出邊仲有杯裝雪糕 豆腐花 雪條 少量甜品🍮 可以交換禮物慢慢食 。

首先, 上到去入坐之後, 一直無人理我地, 個落單QR CODE遲遲都比唔到我地,  要自己行出去問佢先有, 落好哂單, 食物開始一碟碟上枱, 由於我地得2個人, 張枱比較細,  所以有少少唔夠位擺, 個職員阿姐居然同我地講: 唔可以慢慢食架, 因為我地出餐會好快架!我心諗咩料阿你? 食咁快我不如去食大快活喇!食物質素真係唔值呢個價: 所謂既吞拿魚腩,  有筋既, 同埋成舊都係冰, 根本未溶哂雪就比客人食....芝士焗虎蝦, 用沙律醬當芝士焗, 仲要蝦肉係梅既....燒牛脷, 切得太簿, 燒到柴哂, 好似食香口膠咁...海膽甜蝦甜筒, 係勁古怪, 又咸又甜咁....任飲啤酒, 居然飲左2杯, 想再飲已經話無貨.....其他食物只係不過不失, 沒太大驚喜全晚最好食既, 居然係杯雪糕.....海鹽味最好味我地係食升級既,  即係$198+$88+1%=$330/位但升級咗都好似唔太多食物款式選擇, 如果以呢個價錢, 食呢個質素既食物, 講真, 真係唔抵食!!

慶祝紀念日當然要食好少少，今次就揀左呢間放題試試。好欣賞呢到座位好寬落，坐得好舒服唔迫，連條路都寬過人，環境都無咁嘈。加$88升級優惠會多三十幾款野食，同無限飲啤酒清酒，覺得唔太貴就加左，每人平均$320左右。呢到點野食係用自己電話掃佢比個Code就得，比用ipad用紙更方便得多，而飲品酒類甜品雪糕就放係出面自助形式。食物選擇都算多，雖然比起極上無咁多款揀，但點過黎食嘅都覺得好滿意。焗蠔明顯係用上新鮮蠔黎整珍寶赤蝦又大又有口感牛舌好淋好入味榴槤芝士波波真係好香濃，心又滑口茄子會介左一格格方便食，唔乾好惹味清酒好易入口，唔口又唔會好甜仲有好多都好好味，各方面都做得當相唔錯。