天池日式放題 (已結業)

舊朋友聚舊，佢話想食放題，揀左天池日式放題，彌敦道地點夠方便。 假日全場滿坐，好彩訂左位！ 餐廳好乾淨，喺一般平價放題比較少見，抵讚！ 可以任食三個鐘，傾吓食吓最正啦。 食品七十幾款唔算話好多，所以我哋加$88升級，啲嘢食正好多，大滿足！可以任飲啤酒同清酒，飲勝🍻焗黃金大虎蝦大大隻好吸引，最正係開晒邊，唔駛剝殼，一夾起就食得。焗海膽黃金蠔絕對唔係一般行貨，係超大隻，原隻焗，回本之選。刺身當然必食，珍寶阿根廷赤蝦鮮甜膠質重，啖啖肉。 其他刺身都唔錯，顏色靚又無雪味。胭脂蜜香燒菠蘿串同日本蕃薯仔串係我至愛，好香甜。海膽刺身蝦甜筒遠望以為係手卷，以為外皮係紫菜，原來係脆脆筒，好有趣。蒜蓉牛油焗扇貝亦都係唔錯嘅選擇。檸檬牛油鐵板蝦用鐵板上熱辣辣，牛油味入晒隻蝦度。出面仲有甜品杯、麵豉湯、雪糕杯、罐裝飲品任飲添。整體算係幾高質素，遠超預期。