天慶 (已結業)

今日情人節, 諗住 好開心咁黎左中環食情人節晚餐黎到個陣其實唔係好肚餓,我地大約用左15分鐘決定左大部分食咩好,先落左單,之後再加單再叫左兩個小食.其實主要黎我地係黎食野,唔係好似其他人咁過黎飲酒/食水煙不過一黎到既時候帶位個個已經帶左我地出露天位,隔離個枱正正係到食緊水煙,經常噴到過黎同吹哂過黎不過我見佢地都就黎走,所以忍一陣都唔係好介意,不過最令人失望既係等左成粒鐘先黎第一樣野,食左成個鐘頭西北風,你眼望我眼,望埋人地,全部人成個鐘都無野食,完全人都顛埋眼見有幾張枱既人都等唔到,走埋,我發覺自己都幾好耐性無即時走到,不過之後我覺得人地走係完全正確！！！第一樣黎到既野食係南蠻炸雞,炸粉好厚,不過黎到已經好過無黎。之後隨即到既係海膽剌身,我真係唔明點解刺身都可以搞成個鐘都未上到碟囉,刺身都幾新鮮,可以一試有幾種不同既品種擺埋一齊。之後仲有黎到既係羊架同軟殼蟹,軟殼蟹我真係唔明點解要拎條竹籤插住黎上碟,不過一擺入口超級鹹,上面仲有勁多胡椒粉,將貨就價,無咩可能要求咁多啦。羊架既質數真係同ikea快餐買到既無咩分別,食唔食都無所謂。跟住黎野時間都夠正常,仲有個烤魚荼漬飯,份量都夠兩個人食既

😬中環難道只可搵到咁樣嘅燒物？蘭桂坊入口有間串燒其實又抵又好食，可惜只做外賣🙈如果唔係唔會嚟試呢間囉👉🏻👈🏻 好彩係用優惠嚟食咋 Maybe I should've looked for japanese skewers elsewhere... Glad I ate with a discount👌🏻蟹肉麵豉醬焗牛油果 Grilled Avocado with Miso Sauce and Crab meat麵豉醬嘅咸甜味同牛油果嘅青味平衡道，蟹肉亦為軟lum嘅牛油果加多一點口感Balance between the miso sauce sweet&slightly savoury taste and the "fresh" taste of the avocado, also the crab meat adds texture to the buttery avocado 👌🏻柚子胡椒豬肉白雞湯拉麵 Yuzu And Pepper in Chicken broth Ramen with Pork：重胡椒味所以有d辣，雞味唔濃，食到幾條柚皮絲先有柚香味，普通拉麵普通肉Heavy

好開心表妹請我去呢間餐廳食晚飯，未去之前已經充滿期待，因為上網睇過評價，呢一間係高級嘅日本餐廳，而網絡嘅評價亦都非常高，所以充滿期待。入到餐廳，就被佢非常靚嘅裝修所吸引，餐廳氣氛非常之好，好適合同朋友傾計聚下，環境、燈光同埋座位都非常舒服。講吓食物方面，佢嘅菜式選擇都算幾多，我哋嗰晚叫咗鰻魚蛋包飯，帶子刺身，壽司拼盤，同埋牛面頰肉。佢每一道菜上菜都好有驚喜，首先係壽司拼盤，佢嘅擺盆就好似藝術品咁樣，除咗賣相靚，食材亦都非常新鮮，尤其係海膽壽司，非常鮮甜，食一件真係唔夠喉。鰻魚蛋包飯就好有驚喜，上菜嘅時候侍應會幫你將鰻魚暫時拎開，然後用刀叉將蛋包係中間切開，蛋係非常之嫩滑，切開後蛋汁會包裹着啲白飯，配合非常之香嘅鰻魚，真係10分美味。而帶子刺身亦都非常鮮甜，配以牛油果蓉，口感同埋味道都非常清新。牛面頰肉係我最覺得最好味嘅菜式，牛味香濃，口感軟綿，配以獨特嘅醬汁，非常惹味。總括而言，呢間餐廳無論環境同埋菜式都係非常唔錯，而價位響中環來講亦都唔算太高，加上食物美味，真係值得一試。

今日同屋企人嚟到食下新野本身媽咪都幾鍾意食日本野所以就帶佢去食日本野啦不過其實我之前都食過㗎啦但係果次嘅質素真係好一般佢哋嘅海膽係臭嘅不過當我同佢講左之後佢就幫我換翻同埋嗰陣漏單嘅問題都幾嚴重我哋等個蜆等左差唔多一個鐘等左半個鐘嗰陣佢哋居然將個蜆俾咗隔離枱果下真係又嬲又無奈唔知係咪因為呢2樣樣嘢 所以令到我對呢間餐廳冇咩好感不過既然今日咁啱經過中環阿媽又想食日本野就俾多次機會佢啦 估唔到又幾好食叫咗生蠔非常之新鮮雖然係燒嘅但係都係超級多汁好juicy又好鮮甜另外我覺得海膽都係必吃海膽先$88但係又好新鮮好大分量而個豚肉香腸就有啲似台灣香腸完全係兒時嘅味道 記得中學放學嘅時候都會成日去食亦都叫咗個油金魚胶燒$58但係肉好多 算係好抵食 總括而言喺中環來講呢個質素同埋價錢 性價比可以話好高

呢度有團購優惠，即使係最多人嘅節日都仲有promotion，唔揀呢度真係笨😝上網睇食評啲樣都好唔錯，點知去到得小食menu，應該其他人嘅午餐餐牌，所以比較夠份量雖然係小食餐牌，其實都有少許大份啲嘅選擇嘅，所以我地都揀左飽肚之選，再加啲小食侍度都好細心提醒我地，食物都係一人份量，要留意返👍串燒要左牛脷，冬菇前菜要左呑拿魚漬沙律，味噌蟹肉牛油果牛肉烏冬，飯團等等本來無諗住寫食評，所以無影相不過後尾大家都覺得食物高質，同服務好好，所以都諗住打返篇食評讚揚下

Chill out for sometimes!日本野食得多 呢間行高檔路線環境同氣氛都係入流級別但價錢吾代表好貴 中環黎講算叫做親民2人埋單都係講緊$400-500樓下食物素質尚可 但有d失望係食物選擇吾多同埋有d食物定價有點高昂! 好似係和牛烏冬 烏冬坦白講無乜特別,但可能就貴在和牛到 不過賣$128都係有d唔抵而且份量相對少, 不過都有d好抵食! 鹽燒雞翼$38 2隻發現燒羊扒係最最最抵食 $38就一大件 仲要超好味!食完忍唔住再嗌多2round 

呢間係中環蘭桂坊附近 一間日本居酒屋🏮有VIP房 環境舒服最啱同朋友飲酒🍻談心.#鹽麴手撕春雞 $98手撕雞用嚟佐酒份量算多👍🏻鹽麴係用米麴 鹽🧂同水撈埋再發酵令到雞肉有米香同甜味😋春雞食落更加有鮮味 多哂滑☺️.#鹽麴燒羊扒 $38超正‼️羊扒用鹽麴醃過後 肉質更加鬆軟 燒完之後好香😍一咬落去好juicy 肉汁流哂出嚟羊扒一啲都唔羶🤤暫時係我食過最好食既羊扒 記得點旁邊既醬‼️更加惹味.#燒松葉蟹腳 $48蟹腳🦀燒過後 有少少炙燒味 更加香我好鐘意炙燒味🤣 蟹肉絲新鮮 食得出蟹既鮮味 一條條蟹絲🤤好掛住係大阪既蟹道樂🙈.#汁燒雞脾串 $28🤤雞脾肉啖啖肉 加上非一般既燒汁燒過同雞肉融合左 個皮有小小脆🤪水準高👍🏻雞肉keep到juicy☺️.#DAI DAI ALE $48Happy Hour 時段只係48蚊🤑呢個係日本啤酒🍻配陣陣既橙皮味味道易入口👍🏻.平晚都幾full 記得去飲野前要book位啊🍻👯‍♀️.#天慶中環安慶臺1號安慶大廈3樓

收工去中環拎野，就梗係喺附近食埋dinner先番去，不過中環真係唔熟路😶唯有上網睇吓邊間又好食又食得起既餐廳🤭🤭最後就搵到呢間食啦🥳呢間係食串燒飲🍺為主既日式餐廳，一上到去就已經見到大大隻字既招牌，而且地方都唔少，都起碼可以坐70人到，而且空間感都好夠，都幾舒服吓😌😌我地都叫咗唔少食物，都想推介其中三樣俾大家試吓😃😃首先就係宮崎燒牛肉烏冬，塊牛肉真係正👍🏻佢係一塊上，但係好易咬，冇筋，唔會有韌既感覺，好滿足😆個烏冬同湯又夾，好快就已經清哂了😋跟著就係鹽麴燒羊扒，雖然唔知鹽麴同鹽有咩分別，但佢又唔會死咸蓋過塊羊扒，佢哋可以相輔相成，而且羊扒本身已經好嫩滑，令到呢塊羊扒變得唔簡單了🤩🤩最後就燒蝴蝶雞腿🍗，佢將雞腿肉切開燒，所以個外型都真係幾似🤗🤗佢隻雞腿都幾大隻吓，都可以覆蓋到大半隻碟，佢燒得啱啱好，聞到佢既焦香味，外表見到佢係脆口，但入面都有肉汁💦💦，所以呢樣真係要嗌黎食吓🤤🤤最後我地2個人食咗$59x，但確實喺中環黎講，已經算係咁，而且食物真係有水準，完全可以接受👍🏻👍🏻

今晚約左好姊妹談心，記起中環呢間餐廳坐得舒服，適合飲野傾計，就再次光顧啦～黎到發現餐廳改了新餐牌，食物價錢更相宜，亦有多款以「雞」做食材既菜式。柚子胡椒肉燥雞白湯拉麵好濃郁及鮮味既湯配以肉燥同雞肉片，口質豐富且食得出層次。芝士焗蜆肉菌蓉咖啡菇大菇一分四，拎起時芝士扯出....配以木魚絲及菌蓉，令本身清淡既咖啡菇帶有咸鮮香。月見沖繩好特別既菜式名，原來係餐廳自創的！專為飲完酒既人解酒。成份有蛋黃、海葡萄同海帶，店員建議一啖過飲入口，第一感覺係酸，然後開始食到蛋香....醬油漬刺身手卷今晚時令新鮮食材係帶子刺身，以特製醬油醃製過後既帶子製成手卷，非常美味。香辣蒜雞尖小食店必食既小食，呢間餐廳既汁就唔算辣，但雞翼尖好入味風沙雞翼鎚炸雞鎚，若用黎配啤酒食就正啦仲有最後一款小食- 炸和牛雲吞雲吞皮薄，炸完一咬即碎，餡料係和牛肉碎，高級雲吞啊！

呢間位於中環嘅日本料理門口已經覺得好似幾高級咁， 裝修環境都幾靚，入到去餐牌好似話轉咗新嘅午餐menu，選擇都算多。我地揀咗雞扒定食，雞扒有啲意大利醋味咁，幾特別，而且雞扒唔dry都算幾好食，不過如果多啲汁同埋熱啲就更加好另外配有味噌湯及太卷唔錯。我地仲叫咗拉麵，拉麵柚子味湯底唔算濃， 比較清清淡淡，但係overall呢個味道唔錯，都ok 。而且叉燒都算林。餐廳仲有戶外地方充滿櫻花怖置，仲有日本歌聽，都幾寫意。 悠悠閒閒一個下午，之後又返工

本身見到之前啲食評勁吸引，已經揀好幾款諗住去試，點知去到睇menu, 搵極都搵唔到果啲野食，再問職員先知上星期換左新menu😢😢真係好失望。好啦咁都去到咁就照叫啦，叫左個帶子手卷，都幾多帶子，味道不錯！和牛烏冬有四件和牛，烏冬份量都偏少，好似食兩啖就食完咁，但味道還好。蟹肉麵豉牛油果係最好味，多蟹肉，個沙律底有花生醬，估唔到都幾Match. 重口味者可以叫呢個，因都偏咸。黃金豆腐唔好睇張相咁大件咁，其實份量勁少，一件得手指公咁大🙈 好似有啲蟹膏味係面頭，但係因為真係太細件都試唔真。醬油漬飯團真係勁難食外表飯焦咁硬得滯，然後入面啲飯又痴埋曬一舊，一啲都冇醬油味，極度唔建議食！ 芝士蜆肉大啡菇，一啲蜆肉味都冇，賣呢個價錢真係好唔抵！ 下次唔會再黎喇...

天慶 (中環).⚜️ 鰻重⚜️$98.以為中環食lunch實好貴？鰻魚飯lunch set先$98仲要唔洗加⼀😍💕 位於中環貴價地段之餘，食物嘅質素都好高，鰻魚肉質嫩滑，外皮有少少脆，再配上鰻魚汁！雖然有少少漏，但係好好食！.⚜️柚子豬骨湯叉燒拉麵🍜⚜️$98.豬骨湯味濃郁，配上少量的柚子清新可口，麵質幼而爽口，有叉燒兩大片同四塊紫菜！食完後仲有杯free coffee飲(⁎⁍̴̛ᴗ⁍̴̛⁎)！—————————————————————-環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️大推(⁎⁍̴̛ᴗ⁍̴̛⁎)！ .📌天慶 (中環)中環安慶臺1號安慶大廈3樓

難食到一個點可即刻埋單走人我從來未試過飲第一啖酒，寧願埋單都要走，油甘魚鮫得過咸，仲醒到暈牛舌硬到暈 ，服務仲9唔搭8，其實都唔知呢間店為咩堅持落去，可能搞下退休，過日子

中環食野就比較貴，今次誤打誤撞去到間 既好食 價錢又比較合理既日本餐廳 天慶 一上到去見到個格局好高級，係外面都忍唔住自拍咗幾張入面有個大mon，一班朋友係到睇波一流右邊個有個bar枱，放滿囇各種酒類餐牌汁煮雞什 $58入面有雞心 雞肝 雞腎 等等 前菜食相當開胃！味道唔太重 爽口唔會話做到好淋宮崎燒牛肉烏冬 $128 牛，相信大家食得多嫁啦 但係呢個放咗落烏冬都咁好食就真係少有！嫩滑又有口感 牛味越咬越有 慢慢浸出黎 掂呀！海膽 $88首先要讚下呢到幾大膽 餐牌只係寫海膽2字 無話邊到黎既亦無d咩加減 就叫海膽！我就膽粗粗嗌咗係到同大家講 零後悔 完全唔腥份量又多 無得頂汁燒雞脾串 $28雞有雞味，燒得剛剛好無冷藏味黃金燒豆腐 $28好特別 個人認為必試 上面舖滿咗d味道似吞拿魚既醬 mix埋豆腐燒！油甘魚餃燒 $58大大件魚餃 三文魚餃就食得多 今次試下油甘魚餃味道比三文魚無咁重油味 肉質鮮美 配埋酸汁 唔經唔覺食囇！燒松葉蟹腳 $48溫馨提示 呢味一黎到就要食，唔好放涼 天婦羅-海老 $48用上新鮮大蝦去炸，炸粉的比例適中完全唔油膩，十分推薦鹽燒蝴蝶雞腿 $48味道同雞脾串差不多

Happy Humpday 既星期三放左工就同朋友去happy hour，搵到呢間起蘭桂坊既日式居酒屋，好適合附近返工既人放工黎飲杯野，happy hour 酒類飲品都係$48 - $58咁，小食價錢都係$28 - $48，中環黎講呢個價位都幾親民！-環境好大，好舒服，可能當日係平日同埋比較早，晚市時間walk in都有位～我地2個人被安排坐一張2人枱，張枱唔係好大，不過勝在侍應服務好好，收碟收得好快，先有位放哂咁多食物～特別要讚賞侍應好專業既服務態度，佢好用心同我地推介有咩好食！亦都提醒我地小食份量每道都係一人份，如果2個人食可能要嗌2份，不過我地就想試多d唔同種類既野～我地一路飲野一路食，都食左唔少野：黃金燒豆腐(2件) $28上面係蟹黃，好香！燒魷魚筒 $88燒雞翼(2隻) $28關東煮 $48燒松葉蟹腳(2件) $48炸和牛雲吞(4隻) $38香草牛油煮蜆 $108柚子胡椒肉燥雞白湯拉麵 $108個湯底好有驚喜，同平時出面食既拉麵好唔同！冇諗過胡椒同肉燥可以咁配！宮崎燒牛肉烏冬 $128-埋單食左$800倒，下次飲野又多一個地方～