天天燒鵝皇

營業中

休息中

都大大話話買咗N次外賣, 但最近兩、三次都冇叉燒飯~ 其實如果肉貴咗,大可以加一下價錢~或者索性叉燒價格另外寫開。其他燒味例如油雞、貴妃雞髀, 水準都還颇高~可以食。

茶包一直有耳聞過天水圍有間發光嘅燒味舖，終於等到茶生買咗兩盒翻黎，今日就試一試光環嘅底下嘅食物質素！　=ll 燒鵝拼燒腩飯  ll=燒鵝單睇外皮帶有棕紅色的色澤，油光十足，已經令茶包覺得食指大動。鵝肉口感鬆化，塗滿滿的香料，再配上誘人嘅香脆外皮，一入口 脂香與經香料醃過嘅鵝肉，簡值可以配上兩大口飯呢。　燒腩仔肥瘦分明，唔會太肥/太瘦，調味亦唔會過鹹，最緊要！外皮真係好脆！茶包連食3舊已經好滿足！　如果有埋芥末醬，一定好正～　茶包對燒味飯嘅飯底真係好重視，因為不論飯底乾濕度好大影響成盒飯。　=ll 飯底 ll=天天燒鵝飯底偏乾爽，和燒味或醬料搭配都很愉快。　　=ll 天天燒鵝皇 ll=📍 天水圍天湖路1號嘉湖新北江商場1樓C1號舖⠀⠀⠀⠀

#天天燒鵝皇 今日小編食左超豐富既lunch一啖咬落去，成口都係油！😋燒鵝外皮香脆，咬落都唔算多肥膏，好香口好好味特別係鵝脾既部分，真係冇得輸！成舊燒腩肉塞入口既時候，d 油脂係口腔爆發真係好幸福🤩

第一次食呢間天天燒鵝，平時成日行過，好多人買燒味返屋企加餸，燒味都係自家製，所以今日決意執試試佢嘅燒鵝樓面唔大，先量體溫，入去坐低，好快叫左鵝髀瀨，個女侍應覆左鵝髀飯，我叫第二次鵝髀瀨，佢話得我話唔駛斬，佢聽唔明，好彩有個食緊飯嘅樓面講俾佢聽先明好，野食黎到....飯黎嘅佢地話換俾我，我話唔駛喇，心諗唔換啦，陣間搞到燒味師傅盞冇運行當我唔好彩第一，鵝髀唔熱嘅第二，白飯唔熱嘅以上兩點都足以令我xx 其他都唔駛點評了 諗唔到點抒發唯一OK嘅係女侍幾好禮貌，會俾手套你食鵝髀，會俾紙巾你

今晚有一位朋友在家吃飯，此人很挑吃，就算有五六款餸菜，不合口味時只吃白飯擔心家人們的內心會感到招呼不周，破壞氣氛所以小妹破戒去砍料加餸利申：家裡已有十年以上無買過燒味門外各文宣令人感到老闆的激情同路人見到肯定忍唔住要懲罰佢買了一斤「肥燶叉」（$108）好似暗語一樣識食一定係揀明爐叉燒的極品。。。嘿肉質非常淋滑，有肉味肥瘦均勻，有燶邊配埋個豉油同叉燒汁伴飯正正子結果客人面對十款餸,只吃叉燒同菜果然識貨，欣賞天天燒鵝的叉燒有水準其他眼尾都沒看一眼所以叉燒沒買錯！下次有機會一定會買燒鵝食因為聽聞燒鵝瀨好出名，係天水圍下午茶名品~抵食夾大件

我諗住係天水圍嘅街坊應該經過或者搵嘢食會去新北江商場🏢，而今日我都唔例外都係商場到搵好嘢食🤭。但我今日就特別想去食燒味飯🥩，而今日好好彩見到間黃店，仲要係食燒味飯，所以決定諗都唔諗就揀呢個燒味店食個晚餐🍽。🎈 天天燒鵝皇飯 $47燒鵝份量適中，皮相當脆，肉質唔覺得好煙韌難咬🔥。睇住師傅即叫即斬，燒鵝色澤亦都不錯，唔怪之得咁多街坊幫襯啦🙋‍♂️。舖頭位置易去又容易搵，如果即興想食燒味飯嘅話🤙，不如就試下呢間睇下啱唔啱自己口味啦👅。

買左一盒32蚊雙拼燒味飯盒（不能選燒鵝，如選燒鵝就係45蚊一盒）。質素和份量都唔錯，服務式度奕幾好，應該係附近性價比最好質素的燒味店。唯一缺點可能係沒有燒鴨這個選擇。

平時每次經過都聞到好香鵝味 今日終於有機會食喇雖然選擇唔多 都係叉燒呀 燒鵝呀 燒腩仔果類燒味 但勝在貴精不貴多 我叫左個燒鵝瀨加熱菜蜜燒鵝啖啖油好香 店員仲好細心咁比多一隻碌碟仔放骨 碗瀨粉又夠大碗 十分抵食 係高質良心小店

見到食評甘少，呢間真係被低估既高質燒味鋪！個人認為好食到藍絲都忍唔住幫襯啊！望一望個鋪名，再望一望個餐牌，本來想叫燒鵝飯既，但見到叫叉燒既話要額外加2蚊，要額外加錢應該係招牌之一啦，同時又好想試下係好黃既燒味鋪叫好黃既叉雞飯，最終都係叫左叉雞飯啦😂本來都係用懲罰黃店既心態幫襯下姐，冇乜特別期待，反正燒味呢樣野通常都係甘上下，唔會難食得去邊點知一咬叉燒，真係未食甘鬆軟既叉燒，入口即溶既感覺（有少少誇張😂不過真係接近）成日話半肥瘦最好食，呢間真係代表作唔單止叉燒，連貴妃雞都高質，肉質嫩滑，搞到我都好期待其他燒味，會令人想再幫襯既鋪頭🥰

又黎到咁多良心小店既新北江商場行左一轉最後又係黎到食完一餐又一餐既天天燒鵝皇唔洗講又係滿座 又要買外賣今次都係食燒鵝飯加半斤叉燒一打開個飯盒叉燒係肥叉 完全符合哂口味 咬落有咬口 唔會太硬 又夠鬆化 完全就係肥叉想要個隻味道燒鵝燒得靚, 叫4盒飯竟然有兩隻鵝脾, 老闆夠哂親民我仲嗌左盒黎帶飯 估唔到番公司蒸完都係咁好食本身想試燒腩仔點知冇哂貨食完個叉飯直情係咁既情況最後, 多謝天天燒鵝皇支持我地, 我地幫親良心經濟小店

價錢公道，品質不錯。在商場一樓，第一次幫襯，位置比較難搵。下午茶好抵，$32 碗叉燒瀨，大大碗又送飲品。叉燒出色，燒鵝過得去。坐位不多，亦偏窄。有機會會再來試試其他燒味。

突然好想食燒味，天水圍又無乜特別出色既燒味鋪，所以唯有去新北江既呢間燒味飯店試一試。鋪頭其實好細，位置都唔多，聽聞佢地仲係鋪入面整叉燒同燒肉！？我覺得都真係幾犀利。不過今日唔好彩，12點幾去到個陣已經無哂叉燒。。。好耐無食過好想食。。。唯有同朋友叫左貴紀雞同燒肉瀨粉。價錢黎講，同某大連鎖店比已經抵好多，下午茶價錢仲吸引！雞肉嫩滑，調味足夠，但唔會太咸，基本上唔洗點蔥油已經好好食。份量亦都唔少，比某連鎖店好好多我平時麻麻地燒肉，但佢呢間燒肉完全唔會硬同鞋，有豬肉既紮實口感，但係又肥瘦適中，正！可惜有幾舊個皮比較硬，有啲難咬，但另外幾舊都好鬆脆！兜瀨粉真係大兜到嚇死人，而且好彈牙，一路食，啲湯彈到周圍都係仲有一樣野，我叫既時候都諗緊，燒肉放落瀨粉到咪會林哂。。。但係店家好細心，燒味同湯粉係分開上！咁樣先唔會影響到燒味既質素架嘛！我見其他人叫飯都好大碟。。。好誇張。而且個個人都係想叫叉燒。。。好可惜。。。大家都無得食。呢個絕對要翻兜，為左試佢既叉燒！！

我第一次寫食評，就貢獻左比呢間餐廳。😫😫😫😫我叫左個 叉燒 燒鵝飯對唔住都要講句，真係好難食阿！叫叉燒諗住實冇死都唔得阿！食左幾啖飯就食唔落。仲未講個燒鵝。。。食完第一啖 已經唔想再食。。。未試過咁浪費食物，對唔住。我真係食唔落去。非常大既改善空間！ 服務方面👍🏻👍🏻👍🏻阿姐 係幾好既好有服務 有效率清潔方面👍🏻👍🏻我就眼睇 都尚算整潔只係食物質素方面可能小弟真係唔識欣賞😔😔😔

好耐無黎新北江搵食了，發現開咗好多新餐廳，仲有一直欠缺嘅燒味舖，今日就捧下場啦。餐廳面積較細，大約十個位，主打燒鵝及乳豬，所有燒味都自家燒製，一碟飯都唔駛五十蚊，以食燒鵝黎計算非常抵食。既然呢度主打燒鵝，當然要試下啦，今日揀咗拼叉燒，份量都幾大碟，燒味數量亦多，叉燒雖然偏瘦，但唔會太乾太硬，食落唔會鞋身，燒鵝夠肥美，皮燒得脆身，燒鵝肉多肉汁，好好味。例湯十蚊碗，今日係蕃茄薯仔豬骨湯，例湯火喉十足，感覺無落味精，飲完唔會好口渴，食完飯飲返碗都唔錯。一路食一路見有客人斬料返屋企，下次有機會真係要試下乳豬。

今日去天水圍新北江商場搵野食，入到商場已經聞到一陣好香既燒味味，行入小小就見到有間新開既燒味舖，即刻比佢既香味吸引左入去！一坐低已經比啲叉燒燒鵝吸引住，即刻叫個叉鵝飯+例湯試下，叉燒半肥瘦燒鵝多汁仲有碗足料例湯食完真係暖入心呀老闆親力親為，不斷出黎問下食客既意見，非常體貼完全感受到一份温暖！咁有心既舖頭真係越黎越少，一完會再黎幫襯！佢地仲有滷味食下次要試埋佢P.S. 啲野食一到就掛住食唔記得影相🤦🏻‍♂️