天天燒鵝皇

營業中

休息中

普通貨色,比人講到天下無敵🤭橋唔怕舊,一樣有人落搭.....一碟叉鵝飯70蚊,一碗例湯18蚊,如果唔信且,咪比一百幾拾去試下囉,收錢嗰個人無任歡迎🙏🙏賣曬就可以早D收工,睬你都傻

見網上好多人推介此飯店也被po出的美食相片吸引着，我又住係附近，今晚放工便特登走來食晚飯，試下聞名的燒鵝和油雞。滿心歡喜叫了燒鵝油雞飯和凍奶茶，碟飯1上枱我臉色1沉。。點解和我在網上見到的差咁遠？斬埋d係頭頭尾尾冇乜肉，油雞只斬隻雞翼！唉。。心諗做飯的咪又係斬d頭頭尾尾。。同其他燒味舖冇乜分別，只係好食d就賣貴d囉。。點知坐我對面的男人叫了燒鵝飯，1上枱，嘩。。仲乜咁啖啖肉嘅？肉類份量不單止多過我，仲要係全燒鵝+平過我碟飯！ 有冇搞錯呀？真係極度懷疑呢間店係咪性別歧視？男人就份量多d正d, 女人就只斬d頭尾冇肉嘅！坐多1陣，見到1家3口叫了都係鵝雞飯，叉鵝飯，賣相都係吸引過我碟飯好多，都係啖啖肉大大碟，同樣係鵝雞飯呀！有冇搞錯呀？！見佢3個好熟手咁，1定係熟客喇！熟客碟飯就靚d? 大家同樣畀咁嘅價錢，但碟飯就差咁遠，我呢個新客第1次來真係食到好失望囉！😢＃雖然我外型瘦削但唔駛咁對我吧！😭＃油雞只斬1隻翼當1餸，燒鵝起碼1半係下欄嘢皮包⻣冇肉食仲要燒燶皮，另1半就算有肉都又乾又瘦＃$63 （下欄）燒鵝油雞飯＃$9 跟餐（冇味）凍奶茶

第一次比負評，無論店舖有幾難食，最多都係下次唔再幫襯啫，但今次真心嬲咗囉！4月29日係呢間店買咗1盒燒鵝飯同1盒义鵝飯走背，點知係等候其間就聽到女店員對燒味師父講走背喎，燒味師父就話呢D係腩嚟，無背喎；女店員就再話你一陣就比人投訴喇。當時都不以為然嘅！點知返到屋企打開盒飯嗰陣見到全部燒鵝同我所認知嘅背無分別囉！（即係連女店員都分唔到，而燒味師父所講嘅燒鵝腩囉！）$120買2盒皮包骨燒鵝腩飯，真係嬲到爆囉！真係要多謝燒味師父咁用心將全隻燒鵝腩都放晒係我嗰2盒飯度囉，同時亦自動幫我將呢間店加入我黑名單囉！

次次經過都見到呢間天天燒鵝皇全場滿座，好耐冇食過頹頹嘅燒味飯，梗係要來食返次啦！估唔到呢到嘅燒味飯一啲都唔頹～叉燒油雞飯💰HK$50朋友呢碟要求咗要瘦叉燒同埋豉油雞雞胸肉，叉燒真係舊舊都好瘦，但口感又唔會柴！雞胸肉亦好嫩，控制緊飲食嘅人都啱食～叉燒燒鵝飯💰HK$65呢碟嘅叉燒就係半肥瘦，識食一定係食半肥瘦，外層仲有少少焦香！而呢個嘅皇牌燒鵝更加係高水準，燒鵝皮舊舊都係好脆，燒鵝肉味道亦唔會太咸，略嫌份量較少～

每次自己去天水圍做嘢都會係天天斬料今次試埋堂食 無menu 隨心叫 叫完寫單先知價錢😂叉燒燒鵝瀨粉💲65跟2集菜 心理平衡啲 好多肉 燒鵝偏油 叉燒有燶邊略肥 跟埋個醬好邪惡 瀨粉唔會太硬熱檸茶💲9只收現金 姐姐nice

天天燒鵝皇以其招牌燒鵝聞名，是許多人心目中的美食天堂。我在這裡嚐到了他們的招牌菜，燒鵝。這道燒鵝色澤金黃，皮脆肉嫩，香氣四溢。每一口都能品味到鵝皮的脆爽和鵝肉的鮮嫩，令人回味無窮。他們的燒鵝醬更是獨特，酸甜適中，與鵝肉完美搭配。除了燒鵝，天天燒鵝皇還提供了多種精緻的港式燒味。我嚐了他們的燒肉和燒鴨，都非常美味。燒肉的外皮酥脆，肉質嫩滑，入口即化。燒鴨肉質鮮嫩多汁，皮脆肉嫩，讓人難以抗拒。他們的燒味絕對是肉食愛好者的天堂。

平時食開玫瑰豉油雞再加燒肉～點知今日賣晒，好傷心！唯有食燒肉，紅腸la…講講玫瑰豉油雞 佢嘅雞肉好嫩滑味道-鹹嘅味道啱啱好雞都好重新鮮雞嘅味道燒肉可以自己揀肥啲同瘦啲佢嘅燒肉皮外賣拎到返屋企都係卜卜聲超鍾意食 最重要係冇嗰種臭嘅蘇味如果有嘅話，真係好鬼難頂紅腸第一次食 味道同平時嗰啲都係一樣份量都幾多下另外叫咗多色 有少少後悔，因為真係好多😂所以搞到有少少鹹….$40咁多份量OK啦 ！新北江我會食既頭五位！

今天媽媽生日，專程去呢間斬料！果然傳統老店是不會令人失望！不單單只燒鵝好味，連乳豬叉燒的口感和味道也非常好，好明顯是新鮮既燒，沒有隔夜的肉so 味，食後連媽媽都很滿意！

臥虎藏龍脆皮燒乳豬提起天天燒鵝皇，個人覺得最正係燒鵝，其他都合格，但今次試試乳豬真係好驚喜，拎到返屋企，仲係好熱好脆！好食過好多酒樓嘅出品呀。由於得兩個人食，我地就唔敢買咁多，天天燒鵝皇嘅姐姐一般都好有禮貌嘅，佢地話如果怕食唔晒，可以買1/8隻。好呀，我本身仲以為乳豬得1/4隻、半隻同埋一隻之分。今次我地就order左1/8隻試試佢。拎到返去即刻食，外皮烤得酥脆，脂肪不多。乳豬皮好薄, 皮層脂肪已被去走, 而乳豬肉都被切食一件件, 方便食用。肥瘦相間，真係正到無倫呀！乳豬皮入口脆卜卜, 脆得咬開時有聲, 乳豬肉肉質嫩滑juicy, 很入味。肉不會死硬，沾醬或不沾醬都不錯吃。我自己就無沾醬，因為就係食，到已經好夠味，再沾醬怕太咸，所以我就無點醬啦，下次有機會再買嚟試！

今日做孤獨的美食家，話說近排係元朗食過幾間燒味店既燒鵝都比較一般，有d更稱為名店，至於係呢間係天水圍既天天燒鵝皇既燒鵝我都食過好多次，每次經過都會俾佢既鵝香味吸引，所以今日再黎回味下啦。平時黎買都係外賣多，多數收工後買外賣，今日放假就黎堂食，由於黎到只係下午5點左右，所以店內暫時無客，但食食下都開始有客了，可惜今日無乳豬，有時好彩會有乳豬賣，食過2次都係好好食，又係必食之選。外賣同堂食好似分左2個餐牌，堂食相對貴d。燒鵝飯黎天天燒鵝皇燒鵝係必食既，先講飯量超多，燒鵝俾左翼位同少少胸位，都算比較有肉食，皮好夠脆，鵝香味又足，調味都一如以往做得好，肉質夠爽仲有肉汁，其實真係好過好多所謂名店。例湯未試過佢地既例湯今日試下，例湯好多料，不過比較淡，一定無落味精先，但比較淡唔算好好好飲，加15蚊黎講就唔太值了。天天燒鵝皇既定價其實比較進取，價錢加幅都比較密，係同區比較更算為高，但好在質素有保證，一分錢一分貨，如果攞之前食過果幾間黎我就寧願食返佢啦，未試過既朋友都推薦一試。

以前一直以為天水圍好遠，荃灣西地鐵15分鐘就到，一位朋友知道我鐘意食燒味，特登帶我來天水圍數一數二燒臘餐廳天天燒鵝皇，超級多人食飯同斬料，好好生意。叉燒飯（HKD 60）：雙拼要加5蚊，我要左半肥瘦叉燒，肉汁鮮美嫩滑，好多蜜汁，微微燶邊，真系好好食，加上叉燒份量特別多，十分抵食，另外+9蚊可以加野飲。燒鵝髀瀨粉（HKD 125）：瀨粉比較普通，燒鵝有Ｄ肥，不過燒鵝味道真系好，連骨都好入味，皮又脆，不愧系天天燒鵝皇。

天水圍既燒味舖天天都應該系相當出名。好耐之前未咁出名食過，正正常常，今日想食燒鵝就黎揾下佢啦要食得好燒鵝既，個價值就唔系貴一一一今日叫左雙拼 $65-燒鵝 叉燒飯賣相唔錯，燒得幾好但就相當之 咸！咸！咸！真係要一個強健既腎臟先頂得順🥵燒鵝要點好多甜酸醬先中和到小小而啲叉燒既蜜汁都多，但都系蓋唔到啲咸😵‍💫同埋啲叉燒都幾瘦下，一啲肥都無(我無叫瘦叉既)重要幾干添，咬落都比較諧既一一一凍飲跟餐要加 $9，都幾多埋單$74

八時多到達新北江商場，不熟路找了許久才找到舖面，最想吃的燒鵝已售罄，只有叉燒和油雞。叉燒少少焦，最喜歡的狀態，水準之作。油雞則普普通通，肉質不錯，但個人認為不夠入味。

講起天水圍美食一定要嚟「新北江商場」可以用三個字來形容「平」「靚」「正」，有林林總總嘅舖頭，有各式各樣嘅商店，入邊有如迷宮一樣，有行不完嘅盡頭，因為每一間舖頭可以滿足你行街嘅慾望，就係shopping🤩講到美食其中最出名嘅一定係天天燒鵝王，店舖雖然細小但食物嘅品質絕對係超乎想像嘅好味😋今日就叫咗個叉燒燒鵝飯淨係睇個賣相已經不得了，半肥瘦叉燒又嫩又滑，表面有滿滿嘅蜜糖味，超，而燒鵝今次有脾食真係行運了🤩燒鵝皮脆多汁，仲要啖啖肉🤩不過個飯今次嫌佢硬咗少少🤏總括來講絕對強烈推介比鍾意食燒味嘅朋友👍🏻👍🏻👍🏻

今次叫咗叉燒、貴妃雞瀨粉($47)😋好細心肉同湯麵分開，唔會浸淋啲脆皮👍🏻叉燒超好食‼️味道偏咸，但勝在外層燶邊位脆卜卜而同時肉質軟腍😍貴妃雞好嫩滑，都多肉🥹覺得每次燒味叫雞餓都係一場賭博，有時候運氣差啲真係食骨🥲食燒味蔥油醬絕對不可缺少😠呢到嘅蔥油醬好香，唔會太咸，而且有薑味，very good😚麵份量超級多，下次一定要叫少麵，明明好肚餓咁去最後都食唔曬🤪另外大家可以上網search天天燒鵝皇，老闆嘅訪問好感人，係一間絕對值得支持嘅黃店🥹