天天燒鵝皇

營業中

休息中

講起天水圍美食一定要嚟「新北江商場」可以用三個字來形容「平」「靚」「正」，有林林總總嘅舖頭，有各式各樣嘅商店，入邊有如迷宮一樣，有行不完嘅盡頭，因為每一間舖頭可以滿足你行街嘅慾望，就係shopping🤩講到美食其中最出名嘅一定係天天燒鵝王，店舖雖然細小但食物嘅品質絕對係超乎想像嘅好味😋今日就叫咗個叉燒燒鵝飯淨係睇個賣相已經不得了，半肥瘦叉燒又嫩又滑，表面有滿滿嘅蜜糖味，超，而燒鵝今次有脾食真係行運了🤩燒鵝皮脆多汁，仲要啖啖肉🤩不過個飯今次嫌佢硬咗少少🤏總括來講絕對強烈推介比鍾意食燒味嘅朋友👍🏻👍🏻👍🏻

今次叫咗叉燒、貴妃雞瀨粉($47)😋好細心肉同湯麵分開，唔會浸淋啲脆皮👍🏻叉燒超好食‼️味道偏咸，但勝在外層燶邊位脆卜卜而同時肉質軟腍😍貴妃雞好嫩滑，都多肉🥹覺得每次燒味叫雞餓都係一場賭博，有時候運氣差啲真係食骨🥲食燒味蔥油醬絕對不可缺少😠呢到嘅蔥油醬好香，唔會太咸，而且有薑味，very good😚麵份量超級多，下次一定要叫少麵，明明好肚餓咁去最後都食唔曬🤪另外大家可以上網search天天燒鵝皇，老闆嘅訪問好感人，係一間絕對值得支持嘅黃店🥹

天瑞之水天上來，涓流到海涓復回。天生我才昨日用，天天鵝才今日來。天瑞徑賞天水翠流，下午茶可到此隱世燒鵝店。城門河景著名，天水圍河更翠更巒。天水圍鵝原來別有風味。茶檔格局，很有荒村隱世之感。58元下午茶套餐包凍飲，鵝肉比一般燒鵝瀨粉多了三分之一，所以是廉價。燒鵝入口微熱，已增好感，客人滿席，更有信心。鵝肉是軟稔風格，與一樂等大有分別。味道入骨，皮則不脆。瀨粉勁多，但嫌太硬。再來一碗，米粉是河源風格，很有口感。嚐了天鵝肉了。

去食過四五次，每一次都唔會有燒腩仔，唔知點解仲要寫喺個餐牌度，啲侍應掛住吹水，整體來講食物算唔錯，燒肉其實都唔錯，但係都真係好想試一試佢個燒腩仔，希望真係有一日可以試到

Well, I haven't eaten any traditional Chinese barbecue for a while and I think today would be a good idea to try out the best Chinese barbecue restaurant in my current living area. Opened the Openrice app and it recommended me go to this restaurant. it is extremely aromatic when I walk close to the shop and I thought Openrice did a good job this time. I sat inside the restaurant immediately and I am ready to have some fantastic Chinese barbecue dishes! I read the manual and I saw there was some

收工翻屋企，路過天天燒鵝，呢間燒味舖喺天水圍都好出名，見咁啱唔算太多人等，就叫咗加叉燒叉肉飯，加隻鹹蛋，拎翻屋企食。打開盒飯，賣相都幾正，完全冇因為我係拎翻屋企食而俾啲求其嘅嘢我。燒肉皮脆，而且好香，亦都唔會太鹹，有一兩嚿仲有軟過可以趙吓，正！叉燒有少少焦邊，食落好香，又唔會好鹹。而且佢有一啲啲肥，食落口唔會好乾。鹹蛋要加10蚊，不過鹹蛋正！鹹蛋黃漏油㗎，所以撈飯食真係好香。天天燒鵝喺新北江咁方便，大家要去多啲食。

天水圍新北江大家都耳熟能詳 但入面有一間叫天天燒鵝皇既燒味鋪 認真！食咁多年燒味 佢都算數一數二 好好食（你地唔好用d 米之蓮級去比 因為價錢已經差好多 同埋燒味係平民 日常加餸既好地方 ）已經數不清已經第幾次黎食 已經晚上7點45分 叉燒已經售罄 所以今次就點左燒肉燒鵝雙拼 咁次好好彩斬隻鵝脾黎嘆下 咁介紹下啦 燒肉味道真係岩岩好 唔會死咸 就咁食 唔送飯都岩岩好去到咁夜d 燒肉皮都仲係脆卜卜 咁燒鵝啦 其他出名既燒鵝鋪都會有好多肥 膏 係入面。 但依到完完全全唔一樣 去左肥 同埋 d 燒鵝皮係燒到好香脆 。其實叉燒仲好食 但到晚上時間都唔會食到叉燒

今日去天水圍朋友屋企 順便買個外賣去佢屋企食於是我地揀左食燒味飯呢間燒味檔之前係社交平台都見過 睇相覺得幾吸引所以我揀左燒鵝飯 配凍奶茶一打開個飯盒 聞到好香嘅燒鵝味! 而且咁啱佢俾我嘅位都幾多肉! 燒鵝d汁都好香! 我本身係唔鐘意食雞皮鵝皮嘅人 但係佢d燒鵝嘅皮燒到脆脆地 所以我都食左幾塊皮杯凍奶茶都幾有驚喜 有水準! 好好飲!整體黎講 呢間只係燒味檔 所以我諗堂食嘅話唔好期望會坐得好舒服但係佢嘅野食質素的確好唔錯, 推薦!

新北江有好多嘢食，當中呢間天天燒鵝王係成日聽人提起嘅，其實之前已經有食過呢間，不過上次係食燒肉飯，今次再來係聽朋友講佢啲叉燒先係最正，所以就嚟食咗叉燒飯🤩雖然佢係燒鵝皇，但係絕對冇諗過佢啲叉燒一食過真係令我好難忘。叉燒嘅賣相已經令我流曬口水，厚厚嘅蜜汁令叉燒充滿光澤（我好怕食一啲乾身嘅叉燒😂），一入口果然無令我失望，完全係bbq嘅感覺，肉質肥瘦適中唔油膩，蜜汁完全入曬味，非常Juicy!雖然簡簡單單一碟叉燒飯整體賣相平平，但淨係叉燒已經值回票價👍

計之前係東九龍食過美味嘅燒鵝，今日就離天水圍試吓一間區內幾出名嘅燒鵝舖頭！佢曾經接受過訪問！就想過嚟試一試！其實我個人覺得，味道真係唔錯嘅！而且性價比高！燒鵝又入味！而且又唔會太咸，而且份量又唔會太少。出餸嘅溫度都係適中嘅，唔會太凍！只係賣相差左少少！但我相信十間燒味舖，十間都會係咁！呢個並唔重要，最重要係好食，個汁都幾多下，匯左落飯到，令人感到特別開胃！同埋啲肉唔會太韌。至於環境都係比較狹窄！其實整個商場所有餐廳都有呢個問題！最後講埋服務啦！樓面都係啲姐姐做，佢哋非常之有禮貌，有熱誠去做！👍整體來說，值得一試

天天燒鵝皇相信係天水圍都好多人識 買過幾次佢d燒鵝真係好正 皮夠脆 肉質夠爽同好有鵝味 質素好過附近d酒樓 好多人話佢d叉燒好正 但食過幾次都一般 燒太濃 唔係濃邊 係好濃 唔知係咪我唔好彩 最正都係燒鵝 唔知係咪生意太好經常加價 近1年見佢都加左幾次 主要加落燒鵝度 有食開既朋友應該都留意到

＜天天燒鵝皇＞住係大西北既朋友，相信都冇人唔識佢，除左因為佢立場夠鮮明之外，係天水圍呢個地方，賣既係鑼銅灣地舖既價錢，而且仲要大排長龍，質素唔使講都知有保證。呢度最出名既2大名物係叉燒同燒鵝，今次會介紹叉燒先。個人黎講唔係太鍾意食肥肉，所以都係食瘦叉，但瘦叉一般都會比較鞋同韌，但天天既瘦叉就非常淋身，連我冇乜牙力既老娘都食到,難怪可以賣到140蚊一斤。真係日日食都唔會厭😍😍

這間燒味餐廳從來沒讓人失望過~由開業到現在每天都大排長龍買餸時間唔早d去排隊人氣商品既叉燒/油雞等更會火速售罄🥺✨當天去買飯盒時，有很多家庭主婦及剛放工的上班族排緊隊，堂食都坐滿客人。果日就叫左盒肥叉切雞飯，等候時間很快，5分鐘內就有拎！等侯時留意到其他客人叫剩燒味比較多！回到家後打開飯盒，令我急不及待拿起雙筷！叉燒肥瘦剛剛好！切雞骨好少，啖啖肉醬油同薑蔥份量都okay~真係太好食令我覺得好滿足！

某日晚飯想斬料加餸，之前經過這間燒臘飯店都一直想試吓，於是便到這間斬料，叫了半斤叉燒同半隻燒鵝，買的時候都有5-6個顧客買外賣，堂食也有十個八個人。由於顧客也不少，落單後在門口等，也等約十分鐘左右，回家馬上打開外賣盒，叉燒肥瘦適中，肥的部份入口甘香，瘦肉部份也軟熟不會鞋口，有燶邊，蜜汁味也恰到好處，整體而言，是近年食過最好食嘅叉燒，超讚再來打開燒鵝的外賣盒，燒鵝醃的味道沒有像其他燒臘舖過鹹的情況出現，皮薄薄又甘香，肉嫩多汁，皮下脂肪比例適中，有淡淡的鵝油香味，也是近年食過較為好味嘅燒鵝這家燒臘飯店絕對是要回頭食多幾次，希望下次幫襯再試其他燒臘。

喜歡一樣食物，未必因為它超級好吃，更大可能是它給你的溫馨感。每當我想放空一人的時候，便會來到在家附近的天天燒鵝王，叫一份燒鵝拼叉燒飯，再配一杯港式熱奶茶。邊吃著燒味飯，邊聽著店內播放的音樂，邊看看燒味哥哥手起刀落，很麻甩很治癒。天水圍明明被説是美食沙漠，但有些餐廳有些食物我總不會吃厭。燒鵝拼叉燒飯 - 7/10 (蜜汁肥叉很不錯唷)😋😋