天外天 (已結業)

我從來沒有吃過這樣美味的蘿蔔糕, 很多料, 又多蘿蔔, 比翠苑好100倍。

一星期前約既飯局, 朋友極力推介話唔錯, 咁一行7人就試下坐部好舊式既拉門電梯上去, 一打開門似一般酒樓格局, 有落地玻璃望住無敵大海景, 地方比想像中好, 但星期六坐滿晒人就好嘈一坐底侍應就好落力推介菜式, 因未來過所以大部分茶式都係朋友點芥末雲耳- 雲耳好爽口, 但好重芥末味, 麻麻凍豆腐- 面頭蓋滿好多炸過既蝦米(?), 好香口, 醬汁鹹鹹酸酸幾醒胃砂窩娃娃菜- 娃娃菜同肉片等材料放係大砂窩內, 份量都幾多, 肉片算滑, 而娃娃菜都清甜, 唔錯南瓜芋頭白鱈魚- 鱈魚煎得幾滑, 但個汁椰味太重, 又甜又鹹有D怪蝴蝶骨- 無食, 但侍應就勁推介炸茄子- 無食, 但見食淨唔少xx雞- 無食, 賣相類似豉油雞, 朋友話好重桂花味, 同檯唔係人人喜好白飯3碗茶$12位, 因無花生酸菜等前菜所以可接受埋單每位$115, 價錢唔貴, 下次希望可以再試多d款式

雖然呢度有無敵海景，睇煙花好靚，但超級應聲，所以好嘈。今晚餸菜質素一般，個人最喜歡是砂鍋蝦膏唐生菜。個清燉獅子頭果然夠哂清，好似食肉碎甘。芙蓉海鮮煎蛋白油左少少，風沙雞如一般炸子雞。炸泡飯幾得意，不過好玩唔好食，感覺好油。其他還有XO牛肉粉絲煲，帶子豆腐，芥末雲耳等。

15/2(四) 8:00pm跟另一組友人之團年夜,女友人推介此處多時,何不言聽計從?友人兩天前才致電訂座,無可奈可地得到門口位一個.此店屬私房菜格局,位處百德新街的盡頭;乘搭過教人膽顫心驚的升降機後終告抵達;甫入內感覺截然不同;變頓風雅悠適的中菜館;仿古紅木桌,一列落地玻璃,遠眺維港,景觀開揚,環境企理光鮮.4人點了5味菜:芥末雲耳$48,香草蝴蝶骨$78,香芒子薑脆肉甫$78,砂鍋蝦膏唐生菜$58,鮑汁什菌雞球炒年糕$98.芥末雲耳--刺激味蕾的一道涼拌前菜;辛辣的芥末沾滿爽口的雲耳中,撒上芝麻增添香口,融會中西的心思菜!香草蝴蝶骨--一碟5件,帶叉燒紅的色澤,賣相討好!混入香草及蜜糖同焗的蝴蝶骨質地恍若嚡口版豬扒,而不盡入味是其另一弊端!香芒子薑脆肉甫--做法跟咕嚕肉大同小異,肉甫炸至香脆,而味道天然的甜酸汁加上青椒及芒果肉則中和不少肥膩感,有所不足是炸漿過重手,肉感因而有所不足!砂鍋蝦膏唐生菜--挺惹味的一味菜,唐生菜沾滿蝦膏鹹香,唯唐生菜質地略腍身!鮑汁什菌雞球炒年糕--鮑汁欠鮮度,雞球乃屬絲,沒甚纖細口感,而年糕同樣毫不煙韌軟糯,讓人敗興!中年的侍應招呼慇懃落力,與友人們詳談

嫲嫲和姨婆去了九寨溝旅行，於是便相約契哥一家六口到天外天做節。我已預先訂了房間，因為人數不夠多(只11人)，所以只能包下環境較迫陝的細房。Minimum charge $220蚊/每，收費不算貴，同係大堂食差唔多價錢。冷盤：- 最推介芥末雲耳，雲耳爽口，帶些少日本芥辣味道- 秘汁凍豆腐亦唔錯，面頭鋪滿炸過的肉鬆和薑絲，醬汁酸甜- 蒜泥白肉大部份人都嫌辣，白肉有少少鞋- 柚子沙律未見突出，過柚子十分清甜整體上，天外天的冷盤算十分出色，眾人皆滿意。主菜：- 淮杞螺頭燉豬展，十分足料，過個人認為咸咗啲- 清燉獅子頭我一向欣賞，過今晚獅子頭夠熱，小小失準- 香芒子羗脆肉脯是招牌菜，味道和咕嚕肉無異，用脆肉脯代替了肥豬肉，破有創意，不過大家唔多鍾意- 芙蓉海鮮煎蛋白大獲好評，香口推介- 金沙雞亦唔錯，雞肉嫰滑，不過廚師調味好似重手咗啲- 清蒸海石斑蒸得啱啱好，可惜條魚本身有好大陣泥味- 鮑汁荷葉飯好普通，有好多蝦係面，有點兒格格入眾人都OK滿意，唯獨媽媽嫌菜式濃味。甜品：- 菊花桂圓茶出奇討好，一啲都唔甜，菊花味好香埋單$3000蚊，契哥用詭計成功搶灘結賬，牽起了一場惹笑的駡戰，哈！

今日同屋企人去做節, 5 個人叫左.. 柚子沙律(幾鹹, 唔係咁好食.. )菜遠牛肉(ok, normal)砂鍋蝦醬生菜(幾好, a little bit 鹹)砂鍋蠔(好香, but 食落麻麻地... )蛋白賽旁蟹(唔錯)粟米魚肚羹(ok)芉頭雪魚(好, but 少左d雪魚)薑茶黃金湯圓(薑好辣, 飲左少少冇飲, 湯圓唔得)有D失望, 可能叫d餸唔係主打.. 油煙超勁~~幾嘈.. 有海景服務態度ok 結賬$900 個別菜式要預訂部lift好懷舊

在朋友推介下,上星期一眾7隻為食貓到此用膳.朋友更有心地一早訂下餐單及房間...頭盤-柚子沙律(一般,如其他fushion or 泰國菜)-肉鬆皮蛋豆腐(幾好,肉鬆脆脆,皮蛋糖心,豆腐滑滑)-芥末木耳(用日本wasabi,既特別又好味)主菜-冬瓜盅(鮮甜,用料足)-荷香籠仔糯米蝦(超好味,特別是糯米飯,充滿荷葉香及蝦甜味,但完全沒有黏牙.令我失控地吃了3碗!)-海參扣鵝掌(入味.口感剛好)-砂鍋蝦醬生菜(略喊.如餸飯則剛好)-香檳雞(沒有酒香.倒像不俗的炸子雞)-上湯泡飯(原以為如一般潮州湯飯,但見侍應把一大湯匙已炸好的飯放進熱湯,立時發出滋滋聲響.吃時依然脆脆,像吃粒粒狀的鍋巴,好得意.但只可惜太飽,只能象徵式淺嚐)甜品-薑茶湯圓(勁薑味,配芝麻湯圓.好味,但實在太飽,只能喝薑茶)房間收minimum charge,面對維港海景,配以美食良朋,開心!服務態度良好,只是結賬時多收了$800,還好及早發現.我會有興趣再訪,試其他特別菜式,但一定要記得預訂.

同屋企人食生日飯，去左未試過既天外天。有大海景，不過有啲嘈，可能比較應聲。去到先知有啲餸要訂，所以本來想叫嗰啲都無，下次黎一定會訂定菜。今次食左醉雞煲，幾特別，醉雞係生既，放入去湯度煮下先食，啲湯有幾強既藥材味。另外芙蓉蛋都幾好，薑蔥蠔煲啲蠔好大隻，不過我覺得有啲'醒'。

之前嚟過一次，對這裡的環境、食物、價錢都滿意，於是便提意一眾SJC男和MSS女來此眾餐。約了七點半，眾人例牌遲到，好彩有男友陪，唔洗好似以前一個人等咁慘。等等吓見餓，點了皮蛋豆腐($58蚊)醫肚。值得推介:皮蛋超級糖心，算是近期吃過最好的，豆腐是百福豆腐，既是sell「用心做」的小店，可以有空間source比百福更具豆香的豆腐。汁非常惹味，不過份量太多，食到尾有點過咸。薑葱美國生蠔煲($138蚊)，蠔非常肥美，薑葱夠多夠香口，男友至愛。芙蓉海鮮煎蛋白($88蚊)，有點像韓式的煎餅，夠獲氣，蛋白鮮奶煎後仍保持內裡濕潤。清燉獅子頭($136蚊六大粒)，非帝鬆軟，湯底清甜，我的至愛。普普通通:荷香雙冬蒸滑雞($98蚊半隻)，敗筆之作，雞肉鞋；砂窩娃娃菜($68蚊)，湯底太濃。南瓜芋頭白鱈魚($118蚊)，讚彈參半，條魚其實煎得唔錯，皮脆肉嫩，大部份朋友都嚴醬汁太多，又咸又甜，太重椰子味。金菇瑤柱伊麵($78蚊)，一般水準。甜品:煎八寶飯($78蚊)，價錢貴portion細，個人認為豆沙陷太多太甜，糯米煎炸得太脆，但亦有朋友讚好。薑茶芝麻湯丸($18蚊/碗)，薑味超勁，湯丸非常一般，個人略嚴糯

想試天外天好耐，終於有機會相約兩位很要好的舊同事來此店聚舊。雖然只三位女仕，仍點了不少菜式：- 沙蔘肉竹煲雪耳(例湯)，非常清甜，每人起碼飲了兩碗半- 蒜泥白肉(見圖)，白肉不過肥，醬汁微辣，混了點XO醬，連上海人朋友都讚好- 烤夫(見圖)，切得頗碎，不夠甜，亦不夠酸- 鮮芒子薑咕嚕肉，鮮芒和子薑都炒得非常好，子薑非常嫩，芒果清香，不會被炒至溶爛；姑老肉十分香脆，幾乎吃不出那被咕嚕包着的是豬肉- 清炖獅子頭，非常鬆化，入口即溶，絕不肥膩- 金銀蛋浸莧菜，超大碟，各樣食料都十分新鮮Service唔錯，室內環境亦頗骨緻，個view亦有「天外天」feel。唯一美中不足是那舊式摺門電梯，十足鬼片feel。

這間餐廳我已去過三四次，到現在才有時間寫少少食評，希望不會太遲吧。這間餐廳雖然是上樓的，但格局和一般酒家（當然是小形的）無異。而這裡的其中一個賣點是維港景，很不錯的！我特別推薦這裡的美國生蠔煲，除了每隻蠔份量十足外，還有爆香了的薑蔥也非常惹味，我和我的朋友們個個也讚不絕口。另外這裡有個比較特別的炸泡飯，飯是經過油炸到好像米通一樣，上枱時，侍應才把上湯淋上面，你會聽到"咋咋"聲，味道也不錯，可以試試。之前有朋友介紹過蝦醬生菜煲，我覺得還可以（可能以前在海都食過）。另外我也試過一些較特別的烏魚子湯（季節限定和需要預定，八十元一位），烏魚子很有咬口，味道蠻不錯，聽老板講這是其中一道中國國宴菜式。至於其他我試過的菜式包括前菜的凍豆腐，木耳（唔記得個全名），主菜的黃金蝦，蒸勝瓜，風沙雞，蝦兵蟹將．．．其實味道也不錯，只是覺得不太特別，我想在外邊很多地方也吃到，所以在這裡不特別提到罷了。

正日家人大哥唔得閒，夾夾下就夾左今日。選址都係大哥的決定，即管試試。地方難去，部lift都幾經典。六個人，點了皮蛋，大千蝦球，西檸雞，砂窩唐生菜，鎮江小排骨，瑤柱蛋白炒飯海鮮煎蛋白，同塊一碟XO醬。唔大碟，都幾好食，尤其是個唐生菜，十分惹味。其他就一般水準，不過XO醬超唔抵，28蚊一細碟仔。有海景，服務都幾好。

位處一棟幾舊的大廈頂樓. 在towngas側.入大廈要登記, lift是舊式的, 要訂位.到逹後環境真是意外...幾大, 相信可以容納四五十人.好像一家酒家. 無敵大海景.這間天外天真是有少少天外有天的感覺.說回食物, 我們訂了華梅雞, 點了黃金蝦, 牛油田雞腿, 風沙骨, 還有湯和一些冷盤.份量不多, 每樣都是小試...但很好吃, 幾特別.價錢都ok.如果少人吃便很難點菜了.有機會如果多人的話都想再試.

各位食客如果訂嘢食時要小心, 因我事先係電話訂了一個翅(預定菜單這一項無註明用每位計,其他有), 他就來够5個翅(我一家4大1小, 細的唔食翅), 當時我問佢是不是一個翅分出來的, 佢無答, 好啦,到埋單時,第一張打一個翅$300,比了錢之後, 轉個頭佢話張單唔對, 應該是5個翅. 但因嘢已食, 我也只話了幾句就算了.其他嘢食ok啦, 但環境好大煙, 有成十幾張枱, 唔似係私坊菜.

由於入口位置同架電梯比較殘舊本來以為食肆內都係黑黑暗暗點知原來除了光猛清潔外未食咩之前已經比個海景吸引食物質素都很好金沙雞的調味很特別很容易會便會食多幾件特別喜歡那個泡飯(需預訂)