大鼻滷 (祥華市場)

營業中

休息中

今日陪媽媽去祥華新開街市買餸，買餸前食個午餐😋 經過見到「大鼻滷」覺得個名幾搞笑，餐廳格局又幾乾淨企理就諗住入去試下～見到餐牌有崩沙腩，加$5仲可以轉伊麵底，二話不說即刻落單🤪媽媽叫咗碟牛三寶飯，我哋再另加咗兩碟小食，一份汕頭牛丸同一份牛肚。牛三寶飯都算好大碟，有牛肚、牛腩、牛筋，仲搭幾條生菜🥬啲餸好入味，牛筋滷到入口即化，牛腩又唔un，牛肚超！級！軟！再加埋佢哋嘅秘製辣椒油，本身話唔係好肚餓嘅媽媽都食哂成碟飯😂😂我自己就叫咗碗崩沙腩伊麵，上兩個星期去完中環🐶記食過碗上湯牛腩伊麵之後就好想再食，見到呢度仲要係崩沙腩即刻試吓先😋個崩沙腩比起🐶記更加淋，但係咬落又有口感，好香牛味，份量仲要比好多！！！！個伊麵底煮得啱啱好，煙韌又唔會好重油味。係略嫌個湯底薄咗少少，但係加啲辣油即刻加勁多分😋😋住附近又鍾意食牛腩麵、牛雜嘅話一定要試下！

今日冇食早餐就一早落咗街市買餸，買完都餓到頭暈眼花，梗係即刻搵個地方醫下肚第一次試呢間嘅招牌牛腩飯，食落好香D飯唔知點煮，粒粒分明；牛腩亦都好juicy，分量好足，個飯仲有送杯熱飲，食落真係好飽。我本身冇叫油菜，但係見隔離枱碟腐乳通菜好似好吸引，又追加咗一碟，凈係要七蚊，真係平到傻XD題外話~ 食飯嗰時見住樓面姐姐用消毒藥水浸過嘅布逐張枱清潔（我坐嗰個位見到佢哋將D布掉落一個桶度浸住一段時間再攞出嚟，加上隱隱約約聞到陣消毒藥水味），D職員全程都有戴口罩（街市見到有D檔主口罩戴咗等於冇戴T.T），個人都感覺安心D。下次會再幫襯~