大鼻滷 (祥華市場)

在這家餐廳品嚐了他們的牛腩河，整體體驗令人印象深刻。湯頭清澈透明，散發出濃郁的牛肉香氣，每一口都令人感到溫暖。牛肉片切得厚實，肉質鮮嫩，入口即化，搭配滑順的河粉，絕對是完美的組合。然而，湯底的鹹度稍顯不足，對於喜歡強烈口味的食客來說，可能會感到有些平淡。雖然加了香菜和蔥花，但仍然無法完全提升湯頭的風味。魚片的口感也略顯普通，沒有特別的驚喜。總的來說，這碗牛腩魚片河的基礎相當扎實，適合喜愛清淡風味的食客。如果能在調味上再加強一些層次感，這道菜絕對會更加出色。值得一試！…查看更多

大鼻鹵潮式粉麵舖食評最近收工收得遲，食兩餸飯又食得太厭倦，我就感到非常疲累和厭倦。所以，我就揀咗呢間大鼻鹵潮式粉麵舖，希望能夠食返啲蔬菜，解解我對植物的渴望。牛腩的選擇很多，可以揀崩沙腩、半肥腩、邊腩或坑腩。我通常不太鍾意食麵，所以最後揀咗半肥腩河粉，因為崩沙腩需要加錢。蔬菜方面可以選擇菜心、芥蘭、通菜或生菜，可以選擇三種不同的調味：蠔油、腩汁和腐乳。我因為想食腐乳，所以就揀咗通菜。食物上桌後，我發現半肥腩非常嫩滑，河粉也煮得恰到好處。腐乳的味道也很濃郁，與牛腩和河粉搭配得非常好。整個菜式的味道非常和諧，讓我感到非常滿足。環境方面，大鼻鹵潮式粉麵舖的氛圍非常一般，典型的潮州粉麵鋪風格。但是，這種簡單的氛圍也讓我感到非常舒適和放鬆。服務態度方面，因為是自己生意，所以服務態度非常好。服務員非常友善和熱情，讓我感到好像非常受歡迎。最後，我還點了一杯凍齋啡，少甜少冰，非常適合我口味。總的來說，大鼻鹵潮式粉麵舖的食物非常好吃，價錢也很合理。如果你也想食返啲菜，推薦你來試試！…查看更多

事隔半年再次光顧也在數星期分開試了幾款可是說一句質素及味道都回來了無論是牛雜或是牛三寶那個牛羶臭味已沒了,而且湯也不再是死咸了一切也回復好的水平,當然跟初業時還是有一點差距但在於現在市況來說已經是可以接受之內雖然是加了點價,但換回食物質素值了以這區附近的粉麵店來說,它的cp值又再次提升可以回到我的飯堂例了,希望可以一直保持下去吧…查看更多

今日有嚟到附近工作， 簡簡單單快快趣趣 食一餐， 店舖姐姐態度友善， 今日點了牛雜河 凍齋啡，河粉份量 好足 ，牛什質素 中規中矩 ，感覺今日 湯底比較淡， 凍齋啡好好飲， 好多冰 飲完透心涼。 好正 ！！…查看更多

這店開業不久有一段很長時間有去光顧當時它的牛腩、牛腸、牛肚等都很鮮甜奶茶亦非常滑醇可是今天下午茶時間去買外賣發現價格上漲了不少，這也不是重點了重點是這店也開始犯一些香港做牛內臟生意的問題就是牛臭味的問題而且湯底也沒了以前那種清湯感有點味精咸問題奶茶由香滑的變成苦澀味濃的奶茶當然這幾年食肆能撐過也不是容易可是當出現食物質素將價就貨沒吃開的人可能沒對比沒傷害但以前吃開的人嘛，這樣的情形是十分趕客如果以同區的來比較下午茶價錢上是完勝可是當初這店真的是我覺得做得不錯的一間粉麵店今天變成這樣也是有點可惜希望之後收支平衡後質素會提升回去吧總括來說以粉中、名都及祥華來說價錢及味道上這店是比較好一家可是現在已不算CP值高的店如果去聯和墟有比它更好的粉麵店所以應該短期內不會回頭再試了…查看更多

話說放假訓醒都會打開外賣app叫午餐，而多數都係叫大鼻鹵，而且慣性都係點牛腩拼雲吞河多蔥加辣油，我覺得食雲吞麵間野得唔得就睇呢兩樣野同辣椒油,而我出去食都係多數唔洗諗即刻叫雲吞牛腩河／粗。先講下個份量，我覺得河粉就多d抵食d 上次食極都食唔完，但我覺得呢間野好似粗麵好似好食d,但份量唔多，但訓醒第一餐我覺得ok😂。牛腩方面，我揀左普通牛腩，我覺得幾好食，佢做到我想要既口感，不韌，不過淋，入味，不過鹹，不易散，唔痴牙，我認為做到呢個水準雖然應該係好基本，但實在坊間好多雲吞麵舖牛腩都做得唔好，所以o係粉嶺黎講我食到呢種牛腩已經好滿意，而且佢份量都多啊，外賣app應該會貴dd先好似$41？我唔太記得，但可以接受啦。雲吞方面雙拼就有3-4粒，上次有4粒，今次得3粒，btw我ok啦，訓醒通常肚餓但無乜胃口，我覺得雲吞就未夠足料既，有肉有蝦，蝦可能我prefer多少少會鮮d甜d隻雲吞先會爽口彈牙d,btw +$10 我接受呢個質素既。湯底方面，係比較濃味，感覺味精有d過多，但我prefer濃味好過無味。然後雲吞麵既重點我真心覺得係辣椒油，嗜辣的我覺得佢地既辣椒油都幾好味，不過就唔太辣（係我個人嗜辣啫🥲），應該呢個都係普遍接受到既辣度，然後可能外賣比得少少，唔夠過癮😆.另外有時同屋企人食都會加d小食，豬手啊，牛筋蘿蔔咁樣，豬手最緊要淋同入味，佢做到既，正正常常，但印象唔太深刻。牛筋都真心唔錯，我出面好少叫牛筋，因為多數得好少，佢三十幾蚊，我覺得都算多，因為都會漏，呢d比得多都食唔到，而且d精華係底層d蘿蔔。最後餐飲方面基本野都有既，好似堂食外賣都要加$10？？外賣app要囉，堂食唔知道，印象間舖好細坐得逼又唔舒服，有時要搭檯，所以外賣就無呢d問題，餐飲今日無加，平時有，一般都係凍奶茶，正正常常一杯奶茶，因為次次都飽到飲唔到野，但今日後悔無叫野飲，食完都幾口渴😅…查看更多

最近天氣涼涼地，朝早食返換熱辣辣嘅粉麵就最好不過啦。叫咗碗牛筋河，牛筋都好腍又幾入味，幾好食😋碗河粉都幾大碗㗎，加埋啲辣油就正喇。凍奶茶都幾多奶，唔錯。早餐連埋凍飲都係三十幾蚊，幾抵食。…查看更多

之前睇某電視台推薦過呢間大鼻滷粉麵店好味·'，趁早上吃個早餐試試透過app外賣,疫情下外賣有9折'疫情下算幫補少少'，因我早餐叫了金牌崩砂腩連凍檸茶折後也要$50元,不算太貴亦不平~鋪面算新淨,比一般粉麵檔企理乾淨·崩砂腩切得比較幼'，腩份量不算多'衹屬一般份量'反而河粉可免費加底,呢樣讚!但主角崩砂腩入口可以,夠淋,但味道衹屬可以未到美味,冇電視台講得甘好,湯底不咸',可以,不是味精湯,凍檸茶冇乜特別·整體上呢碗崩砂腩值65分'，若腩份量再多番D會值70分·…查看更多

同事今日請咗我食粒雲吞好好味，還分享店舖資料給我。於是即晚去試吓。雲吞:鮮蝦和豬肉弄碎後包塊雲吞皮，可能咁樣造，給人感覺材料比例較平衡。整體味道平均和豬肉彈牙，雲吞皮也不太厚。牛雜幼麵: 32港元(全部size都是一大一細: 牛肺兩片，牛膀兩片，牛腸三件，金錢牛肚三件，還有一件唔知咩黎的牛內臟。)嘩! 湯底好咸 《唉! 還是我口太淡? 沒理由。》。份量其實很足夠 《對於天氣熱無咩謂口，平日食大半碗飯的女生來說》。金錢牛肚有點騷味 《我接受唔到，但都硬著頭皮食哂佢。》牛腸邊很多脂肪，不吃的，便要咬掉喔。其實味道不太出衆。未吃過也可以試吓，因每個人口味都不同。吃完碗麵便碰到介紹我來的同事，事後，竟然告訴我這裡的雲吞和水餃好吃外，就沒了。。。。《唉！又唔早講。🤪》食後感: 無人招呼我入店就坐，又無堅持do apps，真係自由。但竟然專業外賣公司人員到店，店員即彩取主動服務他們 《可能我只得一個人幫襯😂》。明白。牛雜造得好味，真是很困難。…查看更多

之前在tvb東張西望介紹，在粉嶺，主要賣潮式粉麵。經過見到都幾多人食，要排長龍，可能電視吸引力牛三寶米$42牛三寶包括有牛腩、牛根、金錢肚。1️⃣牛腩痴牙，唔太濃牛味，切得好求其，幾鹹2️⃣牛根，唔會話太林有口感，但唔太入味，得個鹹，幾鐘意呢種質感。3️⃣金錢肚普普通通加$20有個牛雜（小）有金錢肚，牛腸、牛膀、白蘿蔔。1️⃣白蘿蔔有少少苦同埋有渣2️⃣牛雜個汁偏鹹朋友叫潮式四寶丸米$38佢話麻麻地。…查看更多

今日由手機外賣app 叫左大鼻滷呢間鋪頭曾經有電視節目介紹過所以就叫黎試一試一共點左5碗麵42蚊一碗, 如果你點雙餸就已經係6x 蚊當然, 外賣平台一定會貴啲, 至於貴幾多, 我叫個時無留意另外再點左一例牛雜 一例崩沙腩同埋一例雲吞雲吞一例42(外賣平台價)粒數好似6/8粒, 食完都唔記得老實講, 無乜驚喜, 好普通, 食唔到蝦嘅鮮味同其他粉麵鋪專食雲吞啲乒乓球咁大粒嘅雲吞無得比呢一例崩沙腩份量都唔少, 但呢到一例係值HKD128都係佢地嘅招牌, 的確, 位置唔同, 味道都唔同呢個崩沙腩係比起普通牛腩好食如果你地都想試下, 可以堂食, 然後加錢轉崩沙腩牛雜一例, 有牛磅 牛肚 牛腸....足料 同埋 夠入味 淋我覺得呢餐外賣最好地方係鋪頭會俾埋啲辣椒油同埋醋你, 佢地個辣椒油都係唔錯, 用黎食麵就岩晒!…查看更多

職員態度差劣！！！事源我剛剛到店買外賣，因為我聽講2:00是下午茶時段我比左錢後，看見單上的價錢和牆上的價錢是一樣所以我禮拜地問一句：「想問一下，呢個係咪下午餐價錢？」但這個收銀員態度差劣，叫我自己睇單！眼神勁惡！！皺晒眉頭！！但係當時並唔繁忙，亦冇其他客人等緊佢我再問一句：「我就係睇單唔明白，先問一句吧」佢就擰轉頭啤下我😒到最後沒有答案地行返出去等外賣。如果做生意做到咁佢唔好做啦！！一定唔會再幫襯！我諗佢幫老細倒米！除咗佢態度差劣其實嘢食都唔好食！湯底好像沒有味！差！嘢食又唔得！態度又唔得！…查看更多

之前電視東張x望介紹呢間話D牛腩幾正幾正，今日收工在美孚坐車入去試，一小時車程後，找到呢間大鼻滷，入去試碗崩沙腩伊麵，碗麵到左沒有驚喜，份量少，崩腩太瘦無味，有些失望，冇下次。本人第一次寫食評，不好莫怪！…查看更多

咁啱今日去附近。聽到人哋話新街市好多嘢食。咁就入去試下啦，見到大鼻滷呢個名改得好搞笑，我見都唔少人幫襯。咁就試吓你啦。叫咗碗腩肉，佢啲牛腩唔算肥。咬落好有口感。湯底索晒牛腩嘅味道，而且牛腩嘅份量非常之多。又夠煙韌。米粉亦唔會有煮得太淋。份外惹味。而且佢啲辣椒油好好食。加兩滴落去碗米粉到。可以吊一吊味。本來想試埋佢個牛丸，因為見到隔離枱食，好似好吸引咁樣。但係呢碗牛腩咪實在太大碗啦。我真係再食唔落，唯有下次再幫襯啦。…查看更多

外賣自取有九折夜晚八點去嗌外賣冇人唔使等一碗牛雜麵$32折完之後$29好抵食不過見到廚房個師傅處理食物嘅時候冇戴口罩口裏面仲好似食緊野一邊煮麵做一邊同啲店員姐姐傾偈.....感覺真係唔係好衛生....至於碗麵都正常嘅係個湯底鹹咗啲同油咗啲牛雜就幾好味算係足料唔同部位都有啲外賣都會附送一個細嘅辣椒油呢個價錢其實冇咩可以挑剔希望店家可以著重下衛生明白廚房好熱 但你個廚房係半開放式帶返個口罩好啲囉...…查看更多