大飯糖甜品小食屋

營業中

休息中

之前去開洪水橋個間食 後尾知道大圍開左 所以就唔洗走咁遠 我之所以鐘意食哩間係因為佢個心太軟真係整得幾好食先介紹我最鐘意既超級三兄弟有朱古力雪糕 奶凍 同心太軟 可以一次過滿足哂3種口感 雪糕朱古力味濃郁 而且唔係容易被溶個隻雪糕奶凍好滑 朱古力都夠 心太軟唔洗講 真係幾好食 完講佢size係正常 唔似其他糖水鋪咁 個心太軟變細左 其次佢真係流心既 蛋糕同流心既比例使做得唔錯之後到超級榴槤山一黎就已經聞到好香榴槤味佢個榴槤雪糕整得幾出色 連平是少食榴槤都覺得佢幾好食 佢個雪糕榴槤味做得濃郁 而雪花冰都係榴槤味 不過係清淡既口感 所以幾清新 另外小丸子啲都幾彈牙唔錯

以前中學成日去美林邨打波，都一定會四圍搵野食，最近放工之後同女友經開美林，發現左呢間熟食亭的餐廳～K9牛展二人晚餐二人晚餐平靚正，四個餸兩個飯或麵，一向鐘意貪小便宜的女朋友見咁多餸又抵食，當然好快就話想試下～哈哈牛展牛展係我地呢餐最愛，牛展的質素我相當滿意，腌得好入味之餘，用入口即溶來形容絕不過分，鹽酥雞扒脆炸的外層包著嫩滑的雞肉，以外脆內嫩來形容我想是再適合不過了。蜜汁魷魚鬚甜甜的蜜汁與魷魚鬚配合得相當完美，令人食指大動～我同女友叫左一飯一麵，迷你肉燥飯，牛骨湯麵個湯頭最抵讚，一齊開心Share，唔洗爭~特別一提是這裡的凍奶茶，用一個杯口較大的杯盛著，別於一般的台式奶茶，有另一番風味～

正所謂念念不忘，必有迴響。自從上次於大飯糖吃過榴槤綿綿冰，見到餐牌還有Baileys綿綿冰都想吃所以特意前來順道探朋友一家三口。這裡提供 BB 櫈，最合適一家人來晚饍。雖則為甜品而來，但總不能只吃甜品當正餐。於是 L 點了一個晚餐香菇肉燥飯，起初沒有期望的但卻有驚喜!上桌時老實說論賣相真的沒有期望，畢竟只是晚餐但隨肉燥飯附上的大冬菇、白蘿蔔及紅蘿蔔都很大塊，而且很腍! 頓時令整個飯變得很健康，而肉燥本身亦不算，未知是否太肚餓瞬間就吃光了。但更重要的是這個可稱為糧尾恩物的晚餐只是36蚊，不選餐飲的話有腐竹糖水送!!!!! 這個糖水本身都不是省油的燈，真材實料。未知是這晚餐太豐富😜打消了 L 吃綿綿冰的念頭但卻無損吃到 Baileys 甜品的誠意，於是轉戰吃了 Baileys 河粉配 3.6 軟雪糕。白雪雪的賣相雖未能很吸睛，但河粉及雪糕確實很幼滑。唯獨未知是否酒精份量不能超出某標準，Baileys 的濃度不太夠，希望店主能稍後直接引進 Baileys 雪糕，相信會更出色!似乎為了Baileys 綿綿冰， L 要再幫襯了 !

Happy Friday 宜吃糖水～是晚來了大圍火車站附近的美林村的新型冬菇亭之一-大飯糖。從大飯糖的名字，已經了解這裡有飯供應，同時都有糖水賣。先說糖水，糖水實在是琳琅滿目，配搭亦很有彈性。我點了楊枝甘露配3.6牛奶雪糕，另加 $7 加河粉。楊枝甘露配3.6牛奶雪糕3.6 牛奶雪糕，果然奶味很夠香濃，奶迷必點。楊枝甘露的芒果醬很豐富，橙黃色的芒果醬又甜又香。脹卜卜的柚子粒酸酸甜甜，跟芒果味非常夾，難怪楊枝甘露自推出至今受歡迎程度不減。河粉是大飯糖的招牌甜品配料，以椰奶製成，超級滑溜，口感又爽，值得推介。肉燥鹽酥雞扒飯這飯是同行友人點的，試了一口，感覺味道很不錯。鹽酥雞扒炸得非常香脆，調味得宜，味感甚佳。跟餐可配甜品或飲品，免費可配腐竹糖水，黑糖薑茶或台式奶茶等，加錢可配特色飲品或甜品，友人則加了$7 配椰皇水，味道很fresh，抵飲！

雖則 L 並不算是一個專業的榴槤控，但以榴槤造的甜品都吃過不小。探訪住在美林的朋友關係，飯後跟女友到巴士總站附近的大飯糖吃甜品。看到餐牌實在有太多選擇，但見到超級榴槤山後都不作他選。L 覺得反正一場來到，無謂為了慳十五元而放棄了超級版。結果，真的沒有失望 !份量相當之大，兩人份量都足夠。當中包括特濃榴槤綿綿冰、榴槤球、水晶、小丸子及椰奶忌廉。綿綿冰當然份量很多而且味道的確算濃，但當中最令人驚喜的非榴槤球莫屬! 每一口簡直尤如將冰凍的新鮮榴槤放入口中，即使質感並不相同但味道是頂級的。至於女友則選了芒果椰椰，鮮芒果收藏於椰皇底部，配上 3.6 北海道牛奶軟雪糕及鮮椰皇果凍。芒果夠凍而且滑嘟嘟。軟雪糕亦好好甜好大份。

住係大圍既關係差唔多食翻勻唔同既糖品店。而當中既大飯糖就係我常去既糖品店之一。皆因佢價錢合理，而且選擇多。最近仲推出了每日不同的糖品優惠。今次同媽咪散完步來食甜品。未食糖品前暖一暖胃先，點了「三炆三焗牛展麵」，套餐仲有埋飲品。牛展味道稍遜，不過牛湯香濃，而麵條分量多。---之後就點了呢度出名既「楊枝甘露配3.6牛乳雪糕」。當中既芒果份量好足，而且都幾甜。西米露彈牙唔會韌。當中既3.6牛乳雪糕奶味超濃，同一般雪糕唔同。味道真係好正！抵食！---而我就推薦「北海道3.6奶昔」。媽咪都讚奶味香濃又滑。真係好正。大飯糖既糖品真係做的唔錯。

話說吃貨小妹真係戒不了肥 呢頭係美林做完運動keep fit 果頭又忍唔住走左去冬菇亭間大飯糖食邪惡既鹽酥雞扒同甜品首先要讚下個熱既台式奶茶 好香茶味 最特別用蔗糖既糖水代替白沙糖 健康一點之餘 香味亦提升同小胖男友叫左一碗牛展麵同肉燥鹽酥雞扒飯share食餐牌寫明呢個三炆三焗牛展麵既湯底係牛骨湯 的確個湯底好濃郁 蘿蔔同牛展都好淋同入味肉燥鹽酥雞扒飯 雞扒炸得乾身好脆 肉燥同台灣食到既一樣 帶少少甜味 其實一坐低已經比d甜品吸引因為真係好多款揀 保守估計至少有30幾40款諗左起埋10分鐘 最終我地揀左超級三兄弟即係心太軟+朱古力奶凍+朱古力軟雪糕🍫🍦講真 心太軟真係唔係度度整到流心同好食 小妹用叉切落去時都有擔心過個心太軟會無流心效果結果🍴一切落去 d朱古力醬即時湧出黎睇黎小妹食完要再做更多運動先得了

今日家姐喺大圍放工，佢話想搵我食糖水傾下計，於是我地去左大飯糖甜品小食屋。家姐叫嘅係榴槤山（$60）佢話榴槤味濃郁，勁正！而我仲未食晚餐，所以叫左陳醋酸辣伴日本讚岐烏冬配冬菇鮮肉水餃（$51）個酸辣度適中，水餃好足料咬落好juicy！餐飲我就叫左黑糖珍珠鮮奶（期間限定，免費升級餐飲）唔會太甜，珍珠亦夠煙韌，家姐都偷飲左幾啖XD咖哩魷魚（$30）係我家姐最愛嘅小食，佢自己一個食曬成碟XD而我就比較鍾意蜜脆雞翼（$28），咬落去d蜜汁會滲曬出黎，好惹味！呢到地方比其他同區嘅甜品鋪大，就算有一大班人一齊食亦唔洗擔心冇位，更加唔怕同人迫埋一齊坐。坐得幾舒服，下次會再黎！

美林邨有三座冬菇亭獨立單幢式o既餐廳，成間屋仔咁，令我諗番起太和麥x 勞舊o個個樣，而家真係已經買少見少了，等我幫襯番一次先。內裡因為樓底好高，空間感十足，俾人感覺好舒服。裝修台式設計，木系為主，有好多長型bench，配合番餐廳叫自己做「飯堂」o既gimmick。有一面天花畫o左藍天白雲，而一塊室內招牌則以綠草襯托。適逢快要halloween，仲掛o左d 應節燈籠添。點o左一份下午茶餐：迷你豚肉叉燒麵($32)，以下午茶o黎講size 都ok 啦。半肥瘦o既豚肉薄切而腍，鬆化入口。湯底係豬骨湯，可能加o左蘿蔔去熬，多o左一份青甜同無咁肥膩，唔錯o既。雖然無寫明，但個麵其實係拉麵底，亦都可以另外加$3 改讚岐烏冬。餐飲我揀o左杯黑糖薑茶，黑糖甘甜，而薑味都有番一定重，但未去到火燒喉嚨咁。個糖水o岩o岩上o個陣熱辣辣，飲落好滋潤，秋冬更加適合。唉呀……我落完單先至見到個餐牌架上有個promotion，原來可以免費升級餐飲去黑糖珍珠鮮奶，須知呢d 虎紋台奶最近都幾hit，唯有下次。餐廳以「飯、糖」自居，咁甜品相信都應該幾有特色，當然要試埋，嗌o左一個baileys 河粉配3.6 軟雪糕($4

大圍其實好多隱世餐廳都好好食今日我同朋友唔係太肚餓，所以我哋就去咗大飯糖。真係估唔到喎，地方大坐得舒服！光猛又企理。店員都好友善，又有cantonpop聽好多唔同選擇，午餐下午茶同晚餐都有哂，吹水啱哂。野飲大大杯，但就甜左少少！食飽d又得，嘆個雪糕都冇問題3.6牛奶雪糕，香滑又濃郁！焦糖布丁唔會太甜，大愛勁多款可以配搭，睇餐牌都睇到流口水。飲品好有香港特式！肚餓嘅仲有宵夜推薦，酥炸拼盤，4種不同口味，好野味食到好滿足，仲傾計傾到夠哂添！

酒平時較少飲，但以前自家整tiramisu 所用的baileys 就愛上了。 係大圍大飯糖見到bailey’s 做甜品時雙眼發光了！ 再睇下去見到「河粉」3.6軟雪糕便腦海中跳出很多問號。 職員解釋呢個跟外邊所吃的「芒果腸粉」的腸粉部份差不多口感，但呈條狀。價錢親民, 只係HKD42 ～買相很乾淨，比一搬腸粉厚度厚、滑嘟嘟，配合上bailey’s酒頗特別。餐廳提供多種食物，既有晚飯也有甜品。旁邊有BB 用椅子，應該很多家庭攜帶一家大小時使用～

在大圍探完朋友，想找個地方吃點東西，大圍附近有很多食店，就到附近走找點特別的東西吃，見到大飯糖門面外型東菇亭，裏面裝修都好搶眼，用了色彩繽紛的顏色墻點綴左整個空間， 裡面的藍白色手繪雲天花好耀眼！於是就被吸引了入去……看看餐牌，看到有各式各樣的飯麺套餐，也有不同的創意甜品，飲品，小食等等。今天和朋友點了一份酸辣伴麺配鹽酥雞排( $48 )，迷你肉燥飯( $18 )，咖喱魷魚拼盤( $38 )，和一個Baileys綿綿冰+小丸子( $60+7 )。首先上枱的是酸辣伴麺配鹽酥雞排，雞排好香口好酥脆，大大件，肉質juicy，伴麵旁還有羅卜，醬汁是像四川口水雞汁的味道，酸酸辣辣十分開胃，吃拌麵最重要的就是拌醬能夠均勻分佈在麵條上，這個麺口感特別彈牙，又很好咬口，麻辣拌醬食得出用了花椒、大紅袍、辣椒、蒜頭、豆豉、八角的味道，配上酥酥脆脆的雞排簡直停不了口，大推介!!迷你肉燥飯細細碗，不會讓你覺得很膩， 肉燥很好吃！份量夠一個人食， 餸飯一流， 不會太咸 ，肉粒也很腍，好易入口 ，價錢又夠抵食！咖喱魷魚拼盤，是我很喜歡的一款街頭小食，魷魚很爽口，豬皮充滿咖哩汁，咖哩汁加了沙茶醬很濃香，蘿蔔很腍很甜

其實都黎呢間食甜品食過好多次貪佢夠就腳，味道好，最重要係咩呀，價錢相宜令我就算黎左咁多次都仍然會想再黎就好似「飯堂」咁==============================主menu就冇乜點變既但係...多左呢個每日優惠每款都只係30蚊仲要每日唔同真係非常之咁抵咁又點可以唔叫呢先黎係每日優惠既彩虹橋入面有3.6軟雪糕+鮮雜果+爆珠+3.6奶凍呢個真係超級超級超級抵可以一次過試晒咁多樣唔同既野仲要除左有3.6軟雪糕仲有3.6奶凍簡直係3.6既盛宴！食完之後滿口既牛奶香味可以話係齒頰留香，繞樑三日心太軟配朱古力軟雪糕想食心太軟既朋友記住一坐低就要盡快落單因為佢係即整既，要花少少時間整，大約十分鐘左右啦不過真係得來全不費工夫真係不枉我為佢而黎心太軟味道香濃，焗得岩岩好，唔會太熟／太生而且佢味道唔會較到太甜或太苦又可以保留到濃濃既朱古力香好味道！而朱古力軟雪糕都好幼滑雖然佢係凍食，因為人既味蕾對凍食感覺會遲鈍ｄ，一般黎講係會爭ｄ但係拍埋隔離暖暖既心太軟到，佢既朱古力味一ｄ都唔輸蝕而且更重要係，兩個溝埋一齊食，冰火交融既感覺真係好正呀濃濃既朱古力漿就好似羊媽媽肚入面既羔羊咁樣急不及待破繭而

呢日黎到大圍呢間小食亭。呢到外表非常可愛, 係香港少有座落路邊既獨立屋餐廳。主力賣港台式食物同甜品。見到二人餐, 二話不說就嗌左啦～先上既係芝麻雞翼同炸餃子~雞翼熱辣辣, 沾一沾泰式酸辣醬, 過過口引, 好食!再黎咖哩蘿蔔魷魚~~非常港式風味既菜式。魷魚夠冧又爽口, 非常好。接住黎既係燒豬頸肉, 豬頸肉一般黎講脂肪分布比一般豬肉平均, 所以咬開會有少少溶既口感, 正。而跟餐可選配麵同滷肉飯。蘿蔔麵湯底超濃, 配上海麵好好食。而滷肉飯 滷肉可不少!主菜過後係甜品, 跟餐加廿蚊可配焦糖蛋白配朱古力雪糕!厚厚焦糖破開後係非常滑既蛋白, 再配雪糕真係非常邪惡!有機會再黎食!

下班時分，特別的肚餓😭 辛苦工作一天，如果有美味的宵夜應該是最佳的獎勵😆大圍一帶有不小美食，而大飯糖名符其實真的有飯和糖！🤙🏼飯—指咸食熱食吧，我選了咖哩併盤、蜜脆雞翼及酥炸燒賣。咖喱拼盤份量多，白蘿蔔好入味好甜👍🏿蜜脆雞翼超讚，外皮超脆又充滿甜甜的蜜糖香味！本人超喜歡💕糖—指甜品啦！刨冰吃得多，而baileys綿綿冰真的第一次嚐🤭超有驚喜，酒味特出。配料有脆口的穀類早餐和椰汁味的河粉。十分配！超級三兄弟包含朱古力心太軟，奶凍及雪糕。本人認為雪糕和奶凍太淡了，朱古力味未夠濃郁，如果有所提升朱古力味會更好。但整體來說，性價比超高。價錢特惠，有咸又有甜食，宵夜之選😍👍🏿