大飯糖甜品小食屋

唔係住喺附近/去開都未必會知呢間，佢係喺大圍美林嗰邊嘅冬菇亭，又有主食又有甜品，而且都非常抵食！所以小編有段時間都成日去🥭芒果三點盛 (芒果迷城+芒果小丸子配椰凍+楊枝甘露）鍾意食楊枝甘露、芒果小丸子嘅話，好推薦大家叫呢個同朋友share，一次過可以得到三款嘅滿足！三款都唔會死甜，而且份量其實都幾多～ 小編就最鍾意食芒果小丸子配椰凍！-味道: 7.5/10服務: 7.5/10環境: 7/10回頭率: 7.5/10…查看更多

而家有半自助都幾吸引，食到好飽餐湯、沙津、飲品都係無限食/飲最中意佢既手撕雞飯，好抵食😆💕雞好多！調味又正🫰🏻😍甜品款式又多又好食😍 絕對係我既大飯堂！…查看更多

美林冬菇亭，我最鍾意嚟呢間大飯堂🤣🤣💪🏼食完飯又可以直落食埋糖水😘而家仲有埋buffet吧，沙律湯嘢飲都可以任添！🥰👌🏾座位都幾寬敞，間舖嘅裝修有幾舒服好適合約朋友嚟傾吓偈價錢又唔算太貴，連埋飲品甜品主菜等，都係$100有找，係食到好飽嗰種🤪我都已經幫襯咗幾年！最鍾意係食佢個蛋白杏仁茶😍之前間唔時都有做啲星期一至五嘅糖水優惠，大概係$30一碗☝🏼同埋手撕雞飯都幾好食，好多手撕雞😙…查看更多

大飯糖以大份量日式料理聞名，這次試了招牌滑蛋鰻魚飯，鰻魚厚身軟嫩，醬汁甜度適中，滑蛋蓬鬆帶奶香，整體味道不錯，但飯量比記憶中略縮水。另點 鐵板豬扒，外皮酥脆肉質紮實，搭配黑椒醬頗惹味，但略嫌油膩。 餐廳仍保持 沙律、湯品任食，沙律菜新鮮，算是加分位。可惜的是，以往 晚市套餐包甜品和小食，現在卻要額外加錢，性價比明顯降低。例如炸雞翼等小食，單點價錢不便宜，感覺沒以前划算。 環境依舊熱鬧，適合三五好友聚餐，但服務節奏偏慢。整體而言，食物水準尚可，但價格調整後吸引力大減，若懷念舊日「大件夾抵食」的風格，可能會有點失望。建議趁午市來，價格較合理，或純粹來吃碗滑蛋鰻魚飯解饞！…查看更多

今次嚟到大圍呢間隱世小店「大飯糖」，試吓佢哋嘅超值午市套餐！有齊主食、沙律、湯同飲品，凡惠顧每個套餐可加購一個甜品同一個小食，性價比高到嚇親人！🔥 麻香海蜇手撕雞飯陣陣麻油香！手撕雞肉質嫩滑，爽脆海蜇，口感豐富到爆。最正係佢個麻香醬汁，微辣得嚟好開胃，撈飯食一流！🥗 免費自助區（沙律+餐湯+烏龍茶）雖然係免費但絕唔馬虎！沙律菜新鮮爽脆。是日餐湯係蘑菇湯，濃郁creamy。白桃烏龍茶解膩一流，可以無限添飲！楊枝甘露芒果肉多到誇張，柚子粒爆汁，西米煮得剛剛好，甜度適中，飯後食真係超滿足！炸燒賣個人私心最想食，炸到外脆內軟，表面加少少椒鹽超惹味！大飯糖絕對係大圍街坊嘅秘密飯堂，$60食到咁高質嘅午餐，無得頂！…查看更多