大飯糖甜品小食屋

營業中

休息中

之前叫過這間外賣覺得還不錯，早陣子不想去太遠，但又想出門走走，便決定走路過去堂食。原來餐廳頗大，位置亦算寬敞，環境亦算整潔舒適。見到餐廳名會以為主要是甜品店，但其實有飯有麵有小食，選擇亦不算少呢。每日都會有單點精選，飯麵餐亦可以優惠價點指定甜品或飲品。咖喱魷魚拼盤 $38 (特價$34）拼盤包括魷魚、豬皮、蘿蔔、魚蛋、腸仔。肉燥鹽酥雞扒飯 $46飯對我而言是很大碗的，有少量肉燥，一大塊雞扒，紅白蘿蔔也很稔很甜，整體味道不錯。雞扒算大件，炸得夠酥脆，內裡的雞肉口感不會太乾硬。黑牛 跟餐加 $12原罐未開的可樂跟冰底上，朱古力軟雪糕有好幾圈，口感軟滑且朱古力味濃，但我會覺得略甜，不過這杯黑牛雪糕的份量真的誇張，絕對可以增加飽肚感。芒雪奇緣 $60雖然索價$60好像不便宜，但一上桌便可看到真的很大份，有4-5圈3.6牛奶軟雪糕、一大份芒果、厚厚綿綿冰底、大量小丸子和星星，建議2人共享。軟雪糕入口啖啖奶香，口感很軟滑，味道不算太甜；芒果的熟成度剛好，味道香甜；綿綿冰不算綿，但口感尚算順滑，芒果味十足，入口清爽不會太甜。相信這裡會成為我們外賣或留在大圍覓食時的一個經常選擇。

記得當初大飯糖試業果陣黎個一次，當時可以點既糖水甜品有限。呢排散開步見佢多左好多野食就諗住同男友試下啦。大飯糖座落美林邨，美林邨邨內真係無甜品店，所以得知呢頭有間甜品店都好開心，因為又多左個食甜品既好地方。入面坐都好舒服，又寬敞。地方都好乾淨衛生。價錢都唔貴，依家仲有埋小食同晚餐，係真係好多元化呀！呢度好既地方就係好多由3.6牛奶製作而成既甜品。岩曬我呢個「奶精」。所以我一口氣點左「芒果楊枝甘露加3.6軟雪糕」同埋「3.6牛奶奶昔」。芒果楊枝甘露加3.6軟雪糕：芒果分量好足，而且都幾甜幾新鮮。楊枝甘露酸酸甜甜，加埋西米露。椰香十足，再撈埋芒果同芒果汁一齊食真係好好味。而3.6軟雪糕真係好正，好重奶香味而且好滑，我就鐘意一口雪糕再一口楊枝甘露，將奶香和椰香兩隻味mix埋一齊品嚐！只食甜品有少少美中不足，所以小妹就點埋3.6牛奶奶昔。呢個真係要推薦，雖然簡簡單單，但奶香味濃郁，滿口都係3.6濃濃既奶味，真係好正！配埋個3.6軟雪糕咁食真係一流！大飯糖既甜品整得唔錯，而且價錢又唔貴，仲可以任坐，地方又舒服，值得再試。👍🏻

今日幫朋友搬屋，執頭執尾搞到成九點幾，好鬼肚餓，朋友話請我落街食飯，好啦！食完再回來執過落到街烏天黑地咁，我地對這裏又非常陌生，四處張望，只見黎遠有兩間白色屋仔燈光火著好養眼，行過去睇睇啦！原來係兩間食店，揀左尼間大飯糖試下店內都算好旺場，裝修幾別緻，樓底好高，感覺不錯尼度主打甜品，睇到menu都覺得吸引，連甜品名都改得好特別，幾得意咼不過飯都未食，食左正餐先啦！最後我地叫左豚肉叉燒湯飯同㗎喱雞扒飯朋友叫左尼個豚肉叉燒湯飯，其實我覺得個配搭怪怪地，不過由得佢啦！個湯飯有三大塊叉燒，佢分左一塊比我食，又幾好味咼，佢仲話個湯底好濃，味道不錯我個咖喱雞扒飯正呀！夠曬辣啱我口味，起初仲以為係日式甜㗎喱，雞扒係炸過的，又脆又嫩滑，好辣人士值得一試跟飯有飲品送，我揀左椰汁涼粉冰，香甜冰凍，食完辣野飲真係一流，我朋友係奶茶精，叫左凍奶茶，杯奶茶又幾得意咼，成碗湯咁，奶茶非常夠凍，應該冰震過，糖漿自己落，佢話味道不錯最後叫多個甜品share食，我地都係朱古力控，所以叫左尼個超級三兄弟，有心太軟，朱古力奶凍同朱古力軟雪糕，賣相好吸引，味道都算高水準咼，做得非常出色，下次有機會試下其他甜品先

食完晚飯，在附近又無街行，但女友想食甜品，就黎左大飯糖試下。都幾多選擇下，咁就入左去榴蓮山比想像中好食好多，雖然以為只是普通的榴蓮甜品，但第一口綿綿冰已經好重榴蓮味，而且好甜，好好味。另外仲有其他的配料，有白色的小丸子同好似係透明的'姐'喱，雖然兩款配料都無咩味，但好有咬口，再配埋個綿綿冰，真係唔錯。而我最愛的係有一個好似雪糕的球，但食落唔係雪糕，有少少似雪巴的感覺，而且有榴蓮肉在內，真係一定要試試。芒果之城其實我無實質試過，女友唔俾我的榴蓮味污染佢的糖水（因為佢覺得榴蓮味好臭，但我就覺好香），佢話都幾重芒果味，而且都算足料，不過俾我食我會選榴蓮山多d。益力多沙冰感覺味道唔係太濃，有少少受到榴蓮味的影響，不過都唔係無味，只係唔夠出，份影係正常飲品的size。我見除左糖水仲有晚餐食，有機會可以下次試試。

顧名思義呢間大飯糖的確幾大間，平時食開甜品鋪或糖水鋪都係超迫嘅，但呢到好多位，又夠闊，枱櫈都係淺色嘅木，一入去已經覺得好舒服，可以慢慢嘆甜品。Menu 中有好多常見嘅甜品但佢用未食過嘅材料去整。baileys 綿綿冰就是喇。Baileys 算係我最鐘意的酒之一，creamy 又甜甜地。不過baileys 的綿綿冰就第一次食啦。估唔到baileys 都可以做到綿綿冰。食落去當然係綿綿的，口感十分正，一層層的在口中慢慢融化。而且佢個baileys 應該係落重料，濃度同直接飲baileys 似乎一樣。綿綿冰之上還有雪糕，佢奶味充足，而且是滑滑的，簡直係雙重享受。加埋朱古力脆脆, 河粉，紅豆，把口感再度昇華。其實食完都幾飽，但我本身超鐘意榴槤，想試多樣但真係食唔落。又見到有杯飲品叫榴槤奶，就試試。杯榴槤奶一入口已經好似食緊榴槤咁，好香好滑，因為又加左牛奶，好飲到幾分鐘已經飲哂！

剛轉公司後很難約朋友吃飯了，難得她增取便到附近吃糖水也滿足。她帶我到美林邨內的熟食亭即大圍火車站A 出口再步行約10分鐘的 《大飯糖甜品小屋》。地方很大，可容納多人楊枝金露 配 3.6 軟雪糕 HKD 47 份量很驚人，足夠二人份量！ 點少得有主角西柚，味道甜中帶酸，而致愛的熟透的芒果, 濃厚的香味,而且很多肉，再配上3.6軟雪糕，質感滑滑，夠凍不易溶 - 這就是 prefect match 芒果爺爺 （芒果 + 3.6 軟雪糕 + 鮮椰皇果凍 HKD 60 小妹就最喜愛椰子可以消消暑啦。平時多吃椰子其他配料而今次有致愛3.6 雪糕又有芒果及椰凍吃，實在滿足！

唔係朋友介紹我跟本唔會知係美林邨口有兩個冬🍄亭， 因為平日就算搭車經過，嗰個位都會對出天橋遮住。店家名稱好明顯是甜品舖，但其實餐牌上包羅萬有， 由粉麵飯到街頭小吃，以至甜品都有😅。不過我一心以為呢度係食甜品嘅，所以嚟之前已經食左午餐。甜品選擇出奇地多，整整一大張A3 size嘅餐牌， 而且仲要都係精緻有技巧嘅甜品，真係估佢唔到噃👍。媽咪其實都係貪靚為食鬼，所以佢一睇相就話要點芒果爺爺，而我就打算試佢嘅超級三兄弟，一份有齊三款朱朱力甜品，滿足哂我三個願望。心太軟制作需時，所以芒果爺爺先上。睇賣相已經知道好味，事關大大座山咁嘅軟雪糕係用左3.6牛乳做嘅，雪糕有好濃厚牛乳香味，我想剛回英國讀書嘅姨甥肯定會鍾意，噢！點解我唔早一個星期發現呢？我唔知除左雪糕之外個椰青入邊仲有啲咩， 因為媽咪一直掛住自己食， 跟本冇打算同我分享囉😒。好不容易我先可以吃一口，原來佢係將椰青水整成果凍，再配上新鮮芒果肉，果凍好清新，椰青水原汁原味， 芒果肉都好甜。呢個甜品份量都幾大， 其實兩個人share都夠， 唔知點解媽咪可以自己KO😏😝。到我嗰三兄弟出場喇！我當然第一時間銳個心太軟啦，做得唔錯， 濃濃嘅朱朱力岩漿

大飯糖係大圍應該無乜人唔識，地方寛敞之餘，食物種類又多選擇，無論醫肚抑或口痕想食下小食、糖水甜品都一應俱全整體感覺乾淨企理，服務員💁效率高態度好，大部分都係年輕人，好有活力的感覺價錢定位比市區便宜，款式又多，一定可以滿足你和朋友的不同需要為咗寫食評，就一定係手機食先啦呢個「朱古力森林」，圓睩睩嘅西瓜🍉粒，鮮甜又多汁，加埋我至愛嘅朱古力沙冰和雪糕🍦無得頂「超級三兄弟」，心太軟、奶凍、軟雪糕，呢三兄弟，絕對唔係我對手喇我地手口並用，好快就做低佢哋了再黎幾款街頭小食，真係極大🈵️足，尤其是炸燒賣，唔係度度有架，唔試就笨呢度靠近巴士總站，所以幾時都咁旺場，價錢亦十分親民，唔錯唔錯

講起大圍食甜品可能多數都會去積富街/積福街果邊但係朋友介紹原來一街之隔既美林都有好食既甜品鋪就黎會一會佢==============================海帶綠豆沙($21)綠豆料好足而且煲到起晒沙,正!係炎炎夏日食個冰涼既綠豆沙簡直就係完美!海帶味都幾香,又唔會遮到綠豆既香味心太軟配軟雪糕($56)心太軟做得好好可以見到流心效果做得好靚唔會焗過龍,岩岩好而且朱古力味好濃郁好有水準既一個心太軟朱古力味軟雪糕都好好味朱古力味好香濃,由味蕾直達成個口腔軟雪糕夠晒軟滑暖暖地既心太軟同透心涼既雪糕一齊冰火交融令口感更有層次食完之後成口既朱古力味係口到充斥住岩晒同我一樣都係朱古力控既朋友

大飯糖位於大圍美林邨的熟食亭，店內寬敞光猛，木色格調簡約，簡單清爽。糖水甜品出色外，原來主食也有驚喜。天天有精選套餐，送飲品外還可加錢轉甜品或特色飲品，每天都有不同選擇，多心的我又開始選擇困難症上身。因為已到下午二時，發現下午茶餐有迷你牛展/牛腱麵，24小時淆製牛骨湯底頗濃，三炆三焗牛展麵，厚切慢煮五香牛展鬆腍軟滑無得輸，難得還有炒酸菜配搭，跟紅白蘿蔔充滿台灣風味，台南關廟幼麵吸收湯汁但仍爽身，整體我好喜歡喔。 大飯糖甜品小食全日供應，早利亞當然不會錯過，Baileys 河粉配 3.6 軟雪糕，原裝是配牛奶雪糕，但早利亞想一次嘗試兩種味道，所以選了扭紋軟雪糕，雪糕質感軟滑有奶香，朱古力味道也很香濃，河粉又爽又滑，入口帶點酒香，立即暑氣全消。見餐單還有很多款式，中式糖水或綿綿冰也有供應，而且價錢合理，飯後糖水又多一選擇了。 早前大飯糖與「亞太地區社工學生研討會」合作，舉行「兒」動藝術館 X 大飯糖［天空掛畫+玻璃櫥窗設計活動］，當日小畫家們與社工學生們攜手完成藍天白雲掛畫和櫥窗設計，踏入大門後便見到藍藍天空高掛我的夢，活動很有意思。這麼有heart，你會支持大飯糖嗎？

是晚約了大佬食糖水，已經好耐冇兩個人出去食了！相約係糖水店林立的大圍，但選擇行遠少少到美林邨的大飯糖；之前來過兩三次，環境舒適，坐耐一點都可以，不用吃到趕頭趕命。除了飲品、糖滑，還有小食。*超級三兄弟 ($63)先來大佬最愛的超級三兄弟；這個最好就是二人分享，一人獨食的話真的會太heavy!心太軟超級流心；朱古力醬味濃，蛋糕層很薄；甜度適中；其實最好先食朱古力軟雪糕；雪糕幼滑，朱古力味都濃；最後就是朱古力奶凍；食之前最好飲一啖水清一清；因奶凍不會太甜；魚膠粉不會太多，奶凍很厚滑。*焦糖燉蛋配軟雪糕 ($44)第一次食這裡的焦糖燉蛋；焦糖燉蛋很重忌廉味和蛋味，不會太甜；牛乳雪糕較重，質感軟滑。*蛋白杏仁茶 ($36) + 湯圓 ($7)杏仁茶很香杏仁味，超熱辣辣；中間有蛋白塊，很滑溜；再加了三粒湯圓，每粒都皮薄多餡。

幾個朋友聚下，擇左其中一個朋友屋企附近食下野。佢介紹依間又食甜品又可以食到飯同小食。環境係用木設計，好舒服好大，估唔到屋村樓下有個咁正既地方！咖哩魷魚 $30多汁配飯應該唔錯！白蘿蔔特別好食，好香林同好甜多汁！可惜得3舊，多d就好啦！魷魚比小辣高d，未到中辣，野味既！蜜脆雞翼 $28一上枱就要食啦，熱辣辣！外型似脆香雞翼，食落另一風味。炸皮唔太熱氣同厚，芝麻蜜糖甜甜地，入面雞肉都幾厚肉！補腦合桃糊 熱既 $29好大碗，兩人份量咁。淡淡微甜，合桃味都ok啦！超級三兄弟 $63心太軟擺耐左，微流心，讚係朱古味唔會太甜而夠味。3.6牛奶朱古力凍同軟雪糕混合食哂都係飲一杯水咋，哈哈！水杯成隻碗咁，好趣怪！下次再嚟，唔錯呀！

近年屋邨冬菇亭活化，令以住有的古舊感完全抹掉，今日特意去試下尼間位於大圍美林邨由冬菇亭改建的新甜品餐廳行到門外已感到其外觀很有特色，因為其實我對冬菇亭並沒有太深的印象同記憶一踏入門口發現裡面極之寬倘，細看餐牌才知此店不止有甜品，亦有飯類咸食供應👍剛巧我們下午二時到來，還可以點下午茶，我點了一個迷你咖哩雞扒飯，跟餐還有飲品，而且職員話而家做緊promotion，椰汁涼粉冰不用另加錢咁我當然唔客氣，order試一試，嚟到甜品店無理由只食飯，於是我亦加左個鮮雜果配3.6軟雪糕而同行友人就話要食特色野‘芒果爺爺’咖喱🍛幾香，初頭吃落覺得辣度很微，但佢有小小慢辣的after taste，但仍不算太辣，雞扒方面很嫩滑，三十幾蚊一個tea set來說，佢個量都唔算小椰汁涼粉冰勁正，涼粉大大粒，椰汁超濃，食飯時覺得辣，飲一啖即解辣兼解渴鮮什果配3.6牛奶軟雪糕，鮮雜果非常新鮮，應該係即叫即切，3.6牛奶軟雪糕超滑，而且唔太甜而友人個‘芒果爺爺’真係好有特色，首先係椰皇頂先有一個3.6牛奶軟雪糕，雪糕下有大量芒果粒，粒粒芒果粒都好甜，在下層有個椰子水果凍，好特別，從未係其他地方見過，很清甜，有椰子水的清

舊式屋村食肆令人感覺溫暖和有人情味，當然現在好多的食肆都是大品牌連鎖式經營的，不過仍然間唔中想去屋村搵啲獨立經營小店試吓。和朋友在大圍食完飯後散步，就走到黎美林村入邊哩間甜品店。雖然話係甜品店，但係格局似茶餐廳，菜單除咗主打甜品外，就連飯麵小食亦有供應。超級三兄弟朱古力心太軟+朱古力軟雪糕+3.6朱古力奶凍。軟雪糕入口香滑，亦有濃濃的朱古力味，最重要是不會死甜的。3.6朱古力奶凍很重奶香味，但質地可以再軟身啲。而朱古力心太軟就絕對做到流心效果，很有水準哩。三種朱古力甜品，三重享受芒果山這個綿綿冰絕對不欺場，大大個綿花冰加芒果雪糕球，芒果，水晶及小丸子一大堆砌而成，真係山一樣的雄偉，味道亦是意料中到位但係現在問題是兩個人食這個再加上述的三兄弟甜品，睇怕要行到去火炭站先可以消化到了

今日真係好熱 行行下要食飯碗糖水解熱！黎到呢間超大間既糖品店 就揀左一個我好鐘意食既糖品！我好鐘意食芒果所以今次都揀番芒果味既 今次叫左呢款叫冰雪奇緣既甜品 聽到個名即刻諗起frozen❄️其實係3.6牛乳雪糕加埋芒果綿綿冰 而配料就有芒果味嘅星星啫喱同埋最愛既小丸子😍呢款甜品好驚喜呀 因為個感覺係成座雪山禁大 超級低食！！兩個人share既話岩岩好呀3.6牛乳好香濃 🐄質感好軟滑 而且雪糕下面有冰涼用芒果汁打成的沙冰配搭一齊食味道好match!!芒果汁嘅酸甜味好開胃🍧🍦小丸子亦唔會煮得太淋 煙煙韌韌岩岩好！而最底層嘅芒果綿綿冰好幼細好似一塊塊紙禁薄 比起平日食開嘅沙冰我更加鍾意有芒果味嘅綿綿冰 每一啖都係鮮甜芒果味🍨🍧🍦