大雄海南雞 (已結業)

係附近返工，見平時呢間海南雞都爆滿人，一於試下。食物: 我今次叫左佢個無骨海南雞撈檬，大約都等左10分鐘先到菜。 雞既味道新鮮冇異味，檬粉就硬左少少，但整體上好味。(p.s. 想講下佢比有一支醋我自己落落去，但係支醋明顯上下分開2層，而我落之前冇辦法搖均勻，以致落果陣只係倒到最面果層種醋)環境: 算乾淨，如果一個或者兩個去一般都要預左同人搭台，但係有冷氣，所以大熱天時都坐得好舒服。服務態度: 整體上職員都有禮貌。唯獨是有一位男士(可以係老闆)負責傳菜，比較惡少少，但都唔會令你覺得唔舒服既，始終繁忙時段大壓力d都正常既。總結: 但得再黎食，午餐55蚊送野飲。岩哂鐘意食海南雞既人。…查看更多

熟食市場內的好吃無骨海南雞！不用加錢也能享用啖啖肉又嫩滑的雞髀和雞翼😍，價錢便宜又好吃，滑滑雞件沾上海南雞醬汁、再淋上檬粉的酸辣汁、配以炸蒜和清爽的青瓜，很不錯呢！不過還是建議店主整理一下店內環境，桌子油油黏黏的，令人容易聯想起熟食中心打烊後會出現的小昆蟲和小動物。。。在觀塘上班的好處就是可以不停食好西🤤除了下班，每天最期待就是午餐時段了哈哈~.Raise your hand if you love Hainan chicken! What a nice lunch in cooked food market again, with boneless and tender chicken fillet and al dente vermicelli😋! Having meals in cooked food market is definitely a wise choice as it’ll never disappoint you.…查看更多

天氣熱辣辣冇咩胃口比張banner啲海南雞吸引咗🤤🤤🤤即刻上去試試先鋪頭唔大但坐得舒服👍🏼👍🏼食咗兩啖忍唔住要補影番張相留個comment啲雞真係超滑！超滑！同超級滑！堅係好味喎！仲要唔肥嗰下先正嘛！個飯加埋醬食超好味😍一定要會再三光顧👍🏼👍🏼👍🏼👍🏼👍🏼…查看更多

今日諗住求其食個lunch, 點知俾我發現左觀塘駿業街街市有間唔錯既海南雞飯原本想食咖哩海南雞飯，好特別，相信無咩地方有得食不過今日我唔太舒服，唔食得咁熱氣既野好彩呢間餐廳好近我公司，下星期就黎食你喇暹邏無骨海南雞飯油飯做得特別香而且又唔會好油膩啲雞係無骨的，滑溜得黎仲係啖啖肉架唯獨要挑剔的就是個醬汁，比一般的咸左啲清邁酸辣海南雞飯我同事叫左呢個，味道酸酸辣辣幾開胃呢間卧虎藏龍既餐廳真係值得黎食價錢又唔貴雖然呢間餐廳開係街市裡面，但感覺好乾淨，完全無濕苙苙既感覺…查看更多

大雄海南雞，大大話話都幫襯左幾年，平均一星期都都食一兩次，但每次都係食海南雞飯，因為自己都係獨孤一味既人，今次就試下跳出自己個comfort zone，試芭堤雅燒雞飯。雞飯黎到，d雞熱辣辣，香噴噴，雖然唔係配海南雞既油飯，只配白飯，但賣相都相當吸引。燒雞入口皮脆肉滑，再加上特製醬汁，只配白飯就岩岩好，如配油飯反而會太heavy，食落真係有一種在泰國街頭飯店既風味。問一下老闆點解海南雞飯同芭堤雅燒雞飯都甘掂，原來老闆真係泰國華僑，難怪佢d雞做得如此出色，連埋飲品都係五十幾蚊，在觀塘區食個午餐有如此質素，都真係物超所值，以後黎大雄我又多個選擇唔洗獨孤一味。…查看更多

之前都有去開呢個熟食街市食飯，不過多數係夜晚時間，今次中午係附近加上有朋友推介，就膽粗粗去試下，因為係食飯時間去到已經坐滿人，幸好我自己一個比較易搵到位，坐底望下個餐牌，選擇吾算太多，加上本人鐘情海南雞，朋友雖然推介海南雞飯，我自己就喜歡食辣所以就揀左個酸辣海南雞飯飯一到就聞到油飯香味，已經好想食，由於本人有飲食次序，所以試左個雞先，雞肉好嫩加上啲酸辣汁非常開胃😋再食啖油飯，好有滿足感☺️仲有啲配菜，所以食落吾會太油膩，好耐都未過好食既海南飯🍛，歎完個飯之後即刻就再望下個餐牌，諗下下次再黎既時候試邊樣😆不過我係個好專一既人，食開個樣好味就會繼續食，之後要帶埋朋友黎食先得，好野要開心share❤️…查看更多

本來一心同同事試下d 唔同嘅店鋪， 亦都諗住支持下1d小店啦~~~ 食過附近幾間其實都平平無奇，冇咩特別好寫，但係呢間真係真係唔得呀!  座位小 要逼住逼住  唔怪你~  但點解d服務員可以好似老馮咁  態度又差!  然後呢d都事小呀~  最慘係我個晏就..媽!! 好_難食呀!!!  三寶海南雞湯粉!  係我成世人咁多年食過最難食嘅!!   D海南雞 點的汁超難食  怪味 x(     D材料又唔新鮮 蛋都有臭味...  然後....個湯都係超難食-.-............ 我完全係食左兩淡就頂唔順放低左.....  /_\  (原諒我晒野) 然後同事點的豬頸肉飯 都係好難食呀= =    豬頸肉好韌..  d汁又係怪味= =  真係想講粗口.....好似比錢買難受咁= =.. 所以我同我同事最尾去左食7仔-.- 就要番上樓開工了   嗚嗚.......T^T…查看更多

今日工作非常忙碌，行程也非常緊湊，因此上午在觀塘工作完畢，我和同事二人需要吃過快飯，下午便要到西營盤工作。但是正著是中午午飯時間，觀塘工業區每處都是趕著吃飯的人潮。在駿業街的路上看到這間海南雞專門店的易拉架，因此便來到這裏 看過究竟。原來在駿業街上的駿業熟食市場，如果不是剛巧看到易拉架，實在也不能察覺 這個熟食市場的存在，而且這種富有香港本地歷史文化的熟食市場 已經 是 寥寥可數。但出乎意料的，這個駿業熟食市場環境尚算清潔衛生，因為要快吃午飯的關係，有空位便坐下，點算了暹羅無骨海南雞飯 炸蝦餅。暹羅無骨海南雞飯油飯呈黃色的，看似很黃味，嚐了一口後，沒有一般的油膩感，飯中混入了香矛，味感反而更覺清新，而且飯粒分明，口感輕柔軟熟。海南當然沒有半點碎骨，嫩滑潤口，不油不膩，反覺清新開胃，是喜出望外的。炸蝦餅蝦餅呈金黃的，外層看似香脆，口感外脆內嫩， 蝦味豐富。是欠恰巧偶遇此間隱世海南雞飯專門店，實在走運。 原來晚市時間是雞煲火鍋，如時間許可， 下次再和這位同事，晚上回來再次光顧。…查看更多

今晚收工男朋友提議去食雞煲，其實原本唔係去食呢間大雄，男朋友本身係search一間叫發記，我地係熟食市場兜左個圈都搵唔到，原來發記一早已經結業，發記就係大雄ge前身！所以神推鬼㧬之下，就照入左去食啦，心諗雞煲都應該唔差得去邊！？點知真係中哂伏！炸鱆魚餅因為好肚餓，所以叫左個小食食住先，呢個炸鱆魚餅外皮一d都唔脆口，好似擺左好耐之後叮返熱拎俾我地食咁，裡面ge餡味道亦好淡。泰式麻辣雞鍋叫左半隻雞，就咁睇好似份量好多咁？其實係隻雞切得好細碎，夾起泥食好多都係骨！成個鍋ge麻辣汁好少，雞肉都唔太索到d味，根本完全唔值$178:(！頂級墨魚丸同平時係街市急凍舖買果d墨魚丸冇分別，不值一提了。日本廣島蠔原本諗住點脆鯇腩，點知話賣哂，所以叫左廣島蠔，一碟有6隻，煮完之後縮細左唔少，食落還好都算鮮味。手打蝦丸又係一粒星都唔想俾系列，入口一d都唔爽口彈牙，實的的咁。唐生菜洗得乾淨，份量算多。成間舖都係得一個職員，佢一個人負責哂落單、送餐、收銀，除左係佢服務態度比較好之外，食物質素真係完全唔店，埋單竟然要成$414，貴夾唔飽，呢個價錢絕對可以有更加好選擇。…查看更多

太遲去食lunch無咩選擇見大雄海南雞仲有就入去試下叫左一個海南雞飯本身跟餐只有汽水選擇油飯完全無雞油既香味質感完全係淋過毛巾，用太多水去煲個飯個飯係完全無味海南雞係一半一半既胸+脾食左第一啖已經唔想再食舊雞係可以完全無味成餐飯只可以靠個醬去食埋佢個醬仲要得一個選擇連平時三個選擇既雞醬都欠奉未食過一個難食到咁既海南雞飯仲要成$50食左個劣食如果無個醬我諗成餐飯都食唔到仲要我一放低筷子未食完已經成碟野收走左野食又唔掂，服務態度又唔掂完全無誠意去做餐飲…查看更多

街市中又一選擇, 打正旗號海南雞, 無理由唔試吓 外賣一盒海南雞湯河丫 無錯! 海南雞配湯河試下佢先 外賣會將分開湯分開放, 唔使擔心面被浸泡 試落口  海南雞滑滑嘅外皮再配上肉質都係好嫩滑的 雞肉分量都算多, 食極都仲有, 而且再睇睇啲湯, 其實都唔係好油. 湯河質感有點咬口, 幾好! 跟餐仲有野飲, 當然叫一個可樂配海南雞啦~ 外賣的確唔錯, 但係如果堂食嘅環境就可能會比差, 因為街市始終都唔夠乾淨! …查看更多

觀塘駿業熟食市場2樓，泰式菜。午市叫主食送罐裝汽水，亦可加$3 轉冷或熱飲。為想一次試齊三款食物，叫了海南雞三寶飯，碟飯送到，啲餸有些少，仲幾乾吓。個飯有濃的椰香，飯水多煑成漿糊似的。咸肉唔太鹹，但就柴柴地，個燒皮靱到咬唔開。豬頸肉無乜味，都是很乾。到海南雞，唔知是否放得太耐，連啲雞肉都有些收縮變硬了。加了$4，有2條小春卷，皮脆，餡是素料，如紅蘿白絲、薯仔蓉、青豆等。唯獨金桔蜜比較對味，潤喉最合適。…查看更多

是日lunch，可愛小同事帶我們來駿業街熟食市場試新嘢。這裏隔局與平時的不同，不是一大個common area任你坐，而且每個檔口各自有鋪，入室內吃的。 暹邏無骨海南雞飯 $48 午市海南雞客飯配飲品$48，對比其實熟食中心，價錢略貴，飯的份量也不多。可能我食量驚人吧，作為女生只是剛好夠飽。佬同事們吃罷，完全不夠飽，仲要追加小食。 海南雞蠻滑，皮薄脂肪少，但没什麼雞味。 黃油飯帶點椰香，蠻特別，但偏軟腍。雞飯還算okay，但其他同事選了$42的經濟雙拼飯，則更不濟。豬扒size比扎肉更細塊，而且份量超少。以這個價錢，同區可以有更多選擇。…查看更多

觀塘熟食市場真係幾多野食大雄海南雞, 招牌又寫住暹羅又盛, 點都要試試舖裏面無乜點裝修, 白色牆, 啡色枱, 唔見靚但都算衛生地方細自然要撘枱呢度係寫紙叫野食, 個價錢唔平佢個名叫海南雞, 更係點招牌海南雞飯個飯上黎, 第一個感覺係賣相認真麻麻盛點係黃, 白, 綠, 望落去偏冷, 少左蘿白果種暖色1. 雞油糯米: 食到有油份, 但無雞汁味同糯米味2. 海南雞: 無骨, 軟, 連皮但唔肥, 零雞味, 連雞汁味都欠奉, 完全靠碟醬料撐起3. 配菜: 青瓜, 椰菜絲, 無一般既酸蘿白, 感覺上味道欠左D野4. 跟餐送罐裝紅茶, 好似本身無咖啡午餐50蚊, 跟同區甚至同一層比都唔平個海南雞飯無特色, 可以話係普通以下份量又差D, 未放工又肚餓同埋海南雞無薑蓉真係唔慣試一次OK, 唔會試第二次:(…查看更多

平時行過呢個街巿, 見個牌見寫有海南雞飯，就行上去試吓。雖然個街巿唔靚仔，但去到1樓發覺有另一番景象。離遠改望到「大雄海南雞飯」，好似有唔止一個單位，好丫，serve到多d人。呢個時候梗係叫海南雞飯啦。等一陣已經有，好快。d雞好鮮嫩喎，好滑，好味！d醬都幾惹味！個飯正喎，比平時小一點，軟軟地，仲有d煙un咁，正喎！應該係貴嘢！落本而且like and share facrbook有雞翼送，d甜酸醬好好味呀要多d 黎支持先！…查看更多