Thai Hung (Closed)

有時候同一大班同事出去食飯個場面有時都幾似中學同一大班朋友去放飯咁～一入到去霸左人地半個場😂係幾開心既！今次都係有同事做明燈～話呢間大雄幾好食～😈👉🏿✨冬陰公海南雞三寶 Hkd 53 💸📌我個日都係覺得就咁既海南雞飯好食啲😍佢啲油飯食落口又好重椰汁味，油飯黎講係好好食架啦！講番我個面😂個人覺得個湯底只有酸，一啲辣味都冇，唔多似冬陰公喎😂佢三寶入面有燒豬肉，海南雞同豬頸肉，我自己就覺得海南雞最好食😽雞肉嫩滑，不錯！推薦大家食海南雞飯😊…Read More

如果大家想食飯食到一肚氣就叫呢間外賣啦！辛辛苦苦返過工食個飯點知食完個飯仲慘過冇飯食 一肚氣！火都嚟！叫過外賣話半個鐘到點知一個鐘頭先到😤都算 黎到個飯凍冰冰😤海南雞得嗰四舊仔仲要係鞋嘅😤啲雞啲皮多嗰啲肉😤個撈檬啲汁勁酸😤叫個檬粉又變咗做河粉😤個炸雲吞層皮仲厚陣面皮仲好大陣鹼水味😤啲皮仲炸到硬骨骨咬落去吉損個口😤一個餐仲要成＄70真係＄30我都唔會再食其實做唔切就唔好接外賣啦👺嘢食又勁難食都唔知做乜…Read More

偶然都想食啲不一樣嘅，呢日聽同事講熟食市場有間食海南雞飯，就試試佢。佢有兩個鋪位，只係轉彎，好近，我地有成十個人，就坐哂係廚房個邊。主打係海南雞飯系列，亦有啲小食食下，like fb有雞翼送（我麻麻地想食雞翼，無like）。選擇唔算多，我地都係集中叫海南雞飯系列。我叫咗三寶，有豬頸肉，腩肉同雞。飯係ok嘅，都夠油夠香。豬頸肉同腩肉麻麻，反而雞嫩啲。不過個汁怪怪地，如果想穩陣啲可以食佢酸辣，佢倒嘅汁係平時個款啦。燒雞同事話ok，男士夠飽。小食方面真心麻麻，雖說有半價，不過都唔係幾好食，一係太油，一係怪怪的。呢間都係食番海南雞穩定。…Read More

又係黎到熟食中心搵野食既時間，今次食泰菜！首先入到黎，見到即刻問老細係咪仲有呢個優惠，跟住就like fb同post加送 ~叫左個無骨海南雞飯，雞好滑 ~ 除左雞尖之外其他都去晒骨，好方便食呀。另外，飯夠香，唔少店會就咁用白飯，呢度就唔會啦 ~仲有就係，雞 VS 飯 既份量比例唔錯，不過下次我會叫少飯，或者雞多dd就更好了！呢個就係送上既生蝦 ~ 每人送2隻，所以有4隻架 ~去晒腸、咬落去脆BOKBOK咁呀 ~ 走之前影一影門口 ~比大家參考下既餐牌 ~重點都係個句，價錢低、食品高質，超抵食！所以我真係好鐘意去熟食中心覓食呢 ~~~…Read More

第一次堂食一心想試雞飯，但lunch time中段已售罄。唯有先試粉麵。它所以菜式均賣相精美。生牛河湯底濃鮮，牛丸味濃但after taste頗騷。飯腳點的叻沙。午市可半價加小食，圖中是蝦餅，雖然是十圓八塊，但份量真的太小，像一粒龍蝦丸開二，不太建議加。第二次自備餐盒外賣自取連罐裝汽水，比堂食平$5。海南雞都有兩款。雖然是外賣，但賣相也精美。雞很滑，但雞味略遜。外賣也沒有加汁。油飯有陣陣椰香，但有一點點過濕。…Read More

在觀塘區工作已年餘，近來才走遠一點覓食，特別想找一些無名小店，試試其自家特色。用手機查著附近有什麼特別店子，看到駿業街熟食市場，發現自己原來連這個地方也不認識，當然要探一探路，便選了一家泰式小店。熟食市場是舊東西，就像街市一樣。駿業街的熟食市場有兩層，多數是賣兩、三餸飯的店家，食物價錢很是便宜。而大雄海南雞位於上一層的最角落，內設冷氣，比同場其他店環境好一些。午市有不少泰式飯類如海南雞飯、煎脆肉咖哩飯等，價錢也不過是40元左右，實屬平價之選；店子晚上則有泰式雞煲供應，有機會也想一試。暹羅無骨海南雞飯第一次來點的是無骨海南雞飯，自問是個頗愛吃海南雞飯的人，新加坡、泰國、香港等地不論平貴也試過。這裏的海南雞飯不是正宗，卻有其獨特之處。這裏的醬汁只有一款，不是紅色的辣醬，也不是黑豉油和薑茸，而是一種有點椰香又帶微辣的醬，混了些香料。先用雞肉蘸些醬吃，咸辣香味齊全又平衡，不錯。雞肉方面算嫩滑，特別是脂肪較多的位置，比得起上七、八十元的質素，骨也去得乾淨；只是份量較少，不夠送飯。油飯當然也不能忽略，飯粒淺黃，煮得軟身，有一股椰香味和雞湯煮出來的咸味，也是好吃。整體來說是碟又平又靚的海南雞飯，要讚一下。泰式香辣肉碎飯另一天帶同事來光顧，今次點了另一樣我也愛的泰式飯 - 香辣肉碎飯。對比起海南雞飯，這個就比較遜色了。肉碎比平日吃的要濕身，味道有點中式，感覺泰式香料方面落得比較少，所以香味也不太夠。做得好的是辣度適中，恰好用來送飯。青檸飲品這裏的檸茶檸水什麼的都是用青檸，可惜只有薄薄兩片，味道也出不了，顯得有點孤寒。…Read More

6點鬆啲嚟到,無咁快有其他客人,舖內有冷氣,夏天食雞煲都唔會覺得熱今次係第一次嚟,就揀左個暹邏雞煲,微辣,好香,聞落去有濃濃嘅冬蔭功味,雞肉食落唔會好"鞋"好多配料都好平,大部份都係$22…Read More

在妻管嚴的情況下，朋友結婚後就愈來愈少出門～ 以前我倆日日見面吃飯，現在一年亦見不了一次。難得今晚，他老婆不在香港，終於可以找個時間一起吃個飯，見個面喇！選了觀塘駿業街街市內的大雄海南雞作這次聚腳地。大雄海南雞雖位處街市內，但設有冷氣，所以少了傳統街市大排擋的悶熱！我跟朋友可以放心一邊涼冷氣，一邊火鍋！一看點餐紙，看到清潤、滋補、養顏的椰子海南雞煲，馬上點半隻來試一下。湯底用上純天然椰青水，目測約2個-3個椰青水份量，加上有好幾大條鮮椰肉，眼見已經真材實料！這個椰青水極盡鮮甜，有良好美容功效，一會煮好後要多多喝湯^_^，先將椰青水煮開，再加入海南雞再煮。約8分鐘就煮好，一開鍋椰香撲鼻，隨之然是雞味飄散～ 記得先喝湯再吃雞，原汁原味，味道超級甜潤！湯喝下去，椰子味於口腔內打滾，游走齒頰之間。雞肉白徹，無半分雪味，咬下去肉質嫩滑。這個椰子雞鍋，確是潤肺暖胃之選！這個日本廣島蠔亦是上優之作！超～級～新～鮮！絕對正正子！這款日本廣島蠔粒粒肥美飽滿，帶光澤，入口Creamy，蠔味極香濃，鮮甜滑溜，甘香多汁，且蠔柱亦甜而無渣！我跟朋友也一邊吃一邊說新鮮好味！必點！安格斯牛肩胛，油脂滿佈，輕輕一灼，就可以吃。肉質軟嫩而肥美，肉味馥郁鮮甜，且香嫩多汁。側面看過去，每片亦非常厚切，絕不吝嗇，吃起來富口感！單看相片，已看得到這裡的牛肩胛，有別坊間的薄切版本，所以是必吃火鍋料之選之一！蟹籽蝦滑，個人建議， 吃前先將蟹籽及蝦滑拌勻，再下鍋，煮出來會更好吃！蝦滑黏度高，吃起來爽口，蝦味濃，加上爽脆蟹籽，吃起來爽爽脆脆，我一個人幾乎K.O了一碟！這個也是非常值得吃～個人很喜歡吃鮮蝦雲吞，這裡的雲吞是他們人手一粒粒包制而成，每粒漲卜卜，雲吞內餡爽實，帶有木耳香鮮香，每粒都包有蝦仁及豬肉，名符其實的內餡豐富，皮薄餡靚，非常鮮味！黑色的墨汁墨丸在坊間比較少見，細嚼下會發現微微的墨汁香，惟味道不夠濃，口感爽彈。如你未吃過黑色丸子，不妨一試。夏天是椰青的旺季，所以吃完火鍋後，我多點了一個無比清甜的椰青水為整頓飯作正個完美句號。…Read More

今晚收後同個同事就黎呢到食佢既雞煲，想滋潤下就點左個椰子雞煲，係等緊既時候，我地就點左啤酒同整碟調味粉，估唔到佢地會有辣椒粉提供，一般出面既火鍋店都未必有，正！店員話個雞煲個湯底係原個椰子整，所以煲內都有好多椰肉，煲滾後好香既椰味，之後店員就幫我地加雞，過多陣就食得，雞肉好滑，同埋沾滿啖啖既椰香。真係好味！食完雞後就上了蟹子蝦滑。佢地打得好好，蝦肉夠滑，就沾上蟹子一齊食，真係夾。鮮蝦水餃係佢地自己包的，入面除了蝦外，還有木耳，料多豐富，好食。另外再點了生蠔，墨魚丸，牛肉，材料都好新鮮。成餐飯都係每人百幾蚊，真係好抵食。雖然街市環境慢慢，但佢地既裝修都乾淨企理，我下次都會再番黎食。…Read More

每次去開觀塘一定要事前做足功課正所謂揾食唔容易㗎今次得朋友推薦 話熟食中心有好味泰菜 一於去試試原本以為熟食中心的餐廳一定好熱唔多乾淨 已經做定心理準備餐廳位於二樓 一上樓梯就見到以簡潔裝潢的 配大大隻雞頭招牌店面 相比較下污污黑黑的同場鋪頭 即時信心多咗 入到店內冷氣十足 場地都乾淨企理 座位算坐得舒服下午兩點左右 過咗午時客人唔算多 店員反應算快 落單叫咗招牌大雄海南雞飯 隔五分鐘到就上餐海南雞肉嫩滑 餐廳備有兩款醬汁：海南雞醬同酸辣醬；因為選擇困難 要求兩款醬汁而老闆又好好咁俾我試酸辣醬汁 酸甜度分配適中 加上少少辣刺激到味蕾 口感清新開胃至於海南雞醬相比下 少咗新鮮感 中規中矩至於個飯 椰香味唔重 我自己反而鐘意佢唔加雞油 唔膩 但飯粒有少少硬身 整體來說：俾到驚喜我 起嘛係乾凈有冷氣 而且夜晚有暹邏雞煲火鍋 回頭指數…Read More

禮拜一, 為jor 畀自己開心下！ 所以難得同老爸撐臺腳！ 等佢放工去食飯！ 老豆佢係高級隱世食評家, 所以今次帶佢去呢間朋友推介既店舖食椰子雞煲！ 睇佢有咩評價！ 雖然間舖叫海南雞,好似中午做lunch,而夜晚就有雞煲食！ 今次就嗌jor 椰子雞煲！ 老豆話呢個最能食出d雞靚唔靚wor！ 兩個人食嗌jor 半隻雞～ 之後嗌其他老闆推介既菜,送～第一個上台,當然係雞啦！ 見d雞好新鮮, 肉質幾好！ 而個湯底就係原隻椰汁擺落去煲,當慢慢滾既時候,就聞到好香.（老爸推薦食法：首先等湯底滾, 就擺d 雞落去,當佢再滾時候, 再轉返小火, 再微滾水的方式, 滾熟d雞）  因為咁樣先可以鎖住雞汁,而且令d雞更加滑, 係椰汁慢滾下, 雞肉吸收埋椰子汁既香甜. 更加好味！ 果真,用呢個食法,更加特出雞肉的新鮮,嫩滑！睇得出佢係新鮮雞,而且肉質真係好嫩滑！好快,兩個人食曬！之後再落廣島生蠔, 蠔都好鮮美, 爽口, 冇渣同沙. 一口咬落佢, 加埋椰汁湯雞鮮甜. 真係好正！第一隻唔加任何醬料, 享受鮮美生蠔同個湯底既味道, 第二個加jor 醬料, 更加惹味.  真心推薦呢個蠔！！！第三個主角！ 就係呢個安格斯牛肉, 肉既紋理好靚, 只需要煞幾下～ 啱啱變白時候就可以食得！！ 非常嫩滑,而且一d 都唔痴牙！！！而且一碟肉既份量好多, 好滿足～因為好多牛肉會痴牙, 而佢唔會. 肉質好qq～ .其他既配菜都好正,白魚蛋都好正, 爽滑 彈牙.煮耐jor 都唔會膨脹～  推薦食椰子雞煲～ 真係物超所值！…Read More

中午外出吃午飯， 間間餐廳都逼滿人，只好走去駿業熟食市場看看運氣有沒有位， 餐廳在2樓，還有座位，就試試吧！餐廳門上的燈箱很光猛，好易看見，收銀處就在門外，第一次見食物款式也算多元化，價錢也很平。在餐紙上寫上你需要的數量便可。黃咖哩雞飯 - 以本地紅番茄代替了泰國青番茄仔，有點遜息，可能是要控制成本吧。 黃咖哩味較淡，而且也沒有太多椰汁味，可能是要遷就香港人的口味吧。汁多飯多，這點要讚。跟餐送的飲品，罐裝的，可以拿走才飲。總結: 一分錢一分貨，這道理你懂得吧！…Read More

熟食市場通常俾人感覺都係大排檔同無冷氣，其實熟食市場都有好多，唔同種類既野食架，雞煲就食得多，泰式既雞煲你地有又有無食過呢，我都係第一次咋環境都幾衛生同乾淨，每張枱都有紙巾供應，有冷氣開放，可以嘆住冷氣咁食雞煲，除左雞煲之外，仲有其他泰國野選擇，店完都好好，為我地簡單介紹每款雞煲，最後揀左椰青海南鮮雞煲雞煲用既係新鮮雞，湯底亦係用新鮮椰青，仲有幾塊椰肉係入面，湯底好清甜，飲到陣陣既椰青味，因為啲雞無任何調味，如果想啲雞入味啲，可以放耐少少，咁啲肉就入到椰青蠔好鮮甜，熟左都唔會縮得好細粒唔係好多地方都食到，每粒丸入面都有一粒粒既墨魚肉係入面蝦滑本身已經好爽口，加埋蝦子，口感更加好牛肉脂肪分佈得好平均，厚薄適中，所以好快就熟，一啲都唔韌水餃完全係真材實料，啲蝦係原隻架，加埋雲耳，口感好清新，唔會有油膩感整體食物質素都好好，環境都坐得幾舒服，下次再黎想試下其他特式雞煲…Read More

小時候常常不明白為何大人喜歡到熟食市場吃飯，長大了才知道這裡是臥虎藏龍的地方。這次又來到這家吃泰式雞煲的餐廳。之前已經跟朋友來吃過一次，真的是一試難忘！這個熟食市場的環境真的是不太好，光顧別的餐廳的客人都情願在路邊用餐，可想而知環境是多麼差。但這家在二樓角落的泰式餐廳，上完樓梯轉右直走，就能看到這個亮眼的招牌。店內的環境清潔整齊，光線充足，跟熟食市場的完全不同，吃飯時非常舒適自在。一坐下來就馬上點了椰青海南鮮雞煲，實在等不及了！然後再點了火鍋配料和飲料，就可以靜待美味的晚餐。這款雞煲比較特別，先上菜的是是半隻新鮮雞，再來的是一鍋椰青湯。然後待應會幫忙把新鮮雞放入鍋𥚃煮，煮好了會主動過來協助，真貼心！煮好了可以看到有一層雞油浮在表面，只要除掉後就不會油膩，很適合在減肥又想吃美食的女生。雞塊煮好了就能夠看到肥瘦分明，吃起來肉質嫩滑，清甜的椰青味完全跟雞肉的鮮味融合在一起，雞肉中有濃濃的甜味，害我吃個不停！而且鍋𥚃還有幾塊椰子肉可以吃，感覺就像把整個椰青吃下去！隔了油後我還把湯拿來喝，可以看到用來煮雞肉後湯還是非常清徹。原本的椰青湯已經是 超 級 清 甜 ，煮完雞肉後更加好喝！清甜中帶著微微的雞肉香味，雞肉根本就是在幫這個湯加了很多分。如果不是要吃其他配料的話，我應該會把半鍋湯喝掉。我們還點了墨魚丸、豬頸肉、炸魚皮、水餃和響鈴。炸魚皮就是普普通通，但還是會先吃光的一碟配料。響鈴也是一般，但放入湯略略煮過後，吸收了椰青雞湯的味道，變得超好吃！墨魚丸也是一般，吃起來不過不失，也是OK的。豬頸肉反而意外的好吃，肉質新鮮嫩嫩的，煮過後也吸收了湯的精華，跟椰青雞味想像外的配合，就算吃飽了也要再吃！水餃是超大粒的，一粒就跟兩隻女生的手指一樣寬，長度也跟一隻女生食指的差不多。吃了一半就看到𥚃面有一隻頗大的蝦子，加上豬肉和木耳等配料。蝦子的鮮味加上木耳的清新，剛好把豬肉的油膩中和了。而且𥚃面調味不算太鹹，還把食材原本的味道保留著。飲料方面點了凍柑桔蜜，它沒有太興的這麼甜，喝起來不會封喉，還滿解渴的。而啤酒也不算太貴，大慨二十幾塊就有一瓶大的。整體環境都不錯，服務也很好。雞煲的價錢不貴，但是超級好吃！相對之下，配料質素沒那麼好，但價錢也算可接受。喝喝酒、吃個飯、聊聊天的話，這𥚃真的是性價比很高。唯一的缺點是餐廳本身沒有廁所，而熟食市場也只有地下的流動廁所，不太衛生和乾淨。如果女生要上廁所的話，建議到對面的蒲東，環境和衛生方面會好好多。…Read More

同同事黎過食海南雞飯，發現呢度有個椰子雞煲好吸引又近我地公司，就決定搵日放工過黎食除左打邊爐，其實仲有好多泰式小食泰式鳳爪，D辣椒細細粒唔惹小，好開胃雞，牛，羊串燒，配埋個醬汁好惹味依家讚好佢地FACEBOOK仲有得食生蝦剌身，我地有人唔食得，所以就留番下次啦燒虎蝦，啖啖肉呢度其實分左2邊，初頭無位去左另一邊吸煙區，但老闆好快見有位就幫我地搬返過黎，環境好舒服，白色磚牆牆身感覺一D都唔似熟食市場既裝修最期待既椰子雞煲雞肉好嫩滑，打開個蓋你可能覺得顏色好清淡，但由於用椰青水，仲有成舊椰青肉一齊煲，所以飲一啖就知非常清甜水滾之後，就會有人幫我地放D雞落去，一開煲就聞到陣陣椰子香味食食下先發覺我地原來無諗住拎調味料，因為個湯底本來已經好清甜D食物同雞滾完都有一陣鮮甜味日本廣島蠔，大大隻，好鮮甜炸魚皮唔少得啦！配料都係$22起，牛丸，老闆極力推介，因為係泰國牛丸，雖然細粒D，但一食見真章，彈牙好多魚腩，頂級安格斯牛肩甲，墨汁墨魚丸，全部都推介食到後期已經得返我地同另一台老闆既朋友，佢地仲送D自家製韭菜餃比我地食感覺老闆同客人可以打成一片，好好傾，又會不時問我地意見咁近公司，睇黎呢度會變OT飯堂…Read More