大門橫丁串燒手打烏龍麵店 (山東街)

營業中

休息中

因為我實在太肚餓喇!!!!!一放工就立即趕住去食完嘢做運動， 但我朋友就話做運動前唔可以食太多嘢所以佢淨係嗌咗個蟹子沙律。佢哋嘅蟹子沙律嘅青瓜 ，係用細青瓜所以可以切到圓形一片片， 裏面係配合咗好多蟹柳肉啦同埋蟹子+ 沙律醬…… 其實同我叫一碗烏冬一樣咁肥我自己就好鍾意食蕃茄嘅所以我一定會揀蕃茄湯烏冬, 有一番茄湯呢都算好囉蕃茄味同埋舊結身，正!!啲湯入面配合埋幾條荷蘭豆，一堆粟米， 兩片日本魚蛋， 仲有蕃茄。 每次我叫蕃茄湯都差唔多會畀我飲曬~~~~而吉列豬扒都好大塊同好惹味， 呢個烏冬大約都係80蚊超抵食!!!!!!

夜遊旺角，宵夜時段附近都無咩嘢食，周圍行吓就選擇左呢間專食烏冬嘅餐廳。餐廳主打手打烏冬，所以一人叫咗一個試吓。辛辣蕃茄湯叉燒手打烏冬嘅湯底都幾濃，而且烏冬淋得來亦保持彈牙，主角叉燒有驚喜，好嫩，肥瘦啱啱好，值得一試。另一個烏冬係極上牛肉冷手打烏冬，首先個汁太酸，蓋過咗食材嘅味道。牛肉同其他配菜都一般般，同叉燒烏冬相比，遜色不少。見到餐牌話宵夜時段嘅燒物有特價，一於試吓佢。呢個特式燒茄子好惹味，醃料好足，十分美味，茄子肉亦燒得啱啱好。呢個汁燒魷魚筒係今晚焦點！魷魚好大條，足夠兩個人食。佢地搽上特別既醬汁來燒，亦燒得啱啱好，爽口多汁，下次會再叫！呢個鹽燒萵筍就不過不失，冇咩特別。

侍應服務極差，野又難食。叫左個極上牛肉冷手打烏冬，係好怪既咸味酸味烏冬，手唔手打我就唔知喇，我只知係惠康百佳買到既讚歧烏冬，又凍又咸又酸臭味。。另外一碗叫左和風炒牛肉溫泉蛋撈手打烏冬，兩碗牛都係好薄好柴既牛肉，加讚歧烏冬，之後搵一搵，原來係冇溫泉蛋的，我問侍應：隻蛋呢？侍應：咪有啲蛋汁囉！我再用筷子搞一搞，完全係冇蛋黃另一個肥既侍應話：乜事呢？。完全係態度極差，而家恐嚇啊？。（上面隻溏心蛋係另外比錢加）

棒棒噠十星好評烏冬彈牙，湯底濃郁，尤其要試蕃茄湯，雞柳同炸蠔都好食，我們也試了牛油焗金菇，份量多兩個人吃剛剛好，上菜速度快，以晚餐價錢來講也很合理。服務態度好好，員工細心，場地裝修方面麻雀雖小 五臟俱全，下次會再來！

今日約咗朋友去食手打烏冬舖頭主打係手打烏冬而且湯底方面種類好多選擇 分別有鮮番茄湯 辛辣蕃茄湯 地獄湯 豬骨湯等等今次我就叫咗燒鳥蕃茄手打烏冬湯底方面蕃茄湯底鮮甜 唔會只食到蕃茄膏味道烏冬亦都好煙韌彈牙 燒雞扒方面 雖然要等十分鐘左右 但因為即叫即燒關係 雞扒煎得好脆好香口 好多肉汁 值得一試

星期五晚上等埋阿妹收工已經差唔多八點，想食日本野，佢就揀左呢間好多人排隊嘅居酒屋。好彩都係大約15分鐘就已經有位，因為我已經勁肚餓喇！座位唔算闊，不過佢有個籃喺地下俾人放袋，所以都算坐得幾舒服。叫左吉列豬扒鮮番茄湯烏冬同埋吉列蠔辛辣番茄湯烏冬。烏冬彈牙，食得出係日本貨黎，番茄湯幾鮮甜呀，味道有層次，食得出由多種材料熬出黎，唔係得茄膏嘅酸甜味，仲有幾舊番茄，配埋甜豆、魚片同栗米一齊食，感覺清新健康。辛辣番茄湯我冇試到，但阿妹已經黎過呢間店好多次，相信係OK先會翻兜掛。吉列豬扒香脆，豬扒本身脂肪唔算多但都唔鞋，熱辣辣食加埋特製沙律醬，冇唔好食嘅理由啦~~吉列蠔都炸得剛好，唔會太厚粉，如果可以配吉列醬食就更好。本身仲想叫多個南瓜薯餅不過冇貨，好彩者，因為已經非常之飽喇~我會為左番茄烏冬再返黎架！

係山東街見到掛住好多紅色大燈籠🏮，就俾佢吸引左我入去幫襯。仲要咁岩係宵夜時段，我實在太好彩😍我同朋友一人叫咗一個麵，冇叫到串燒食。叫咗辛辣番茄麵🍅我覺得都幾意外，起初以為辣嘅蕃茄面會唔好食，但竟然又幾入味😋另外有一個麵好耐先黎！不過職員都一早講定，哈哈。北海道牛乳濃芝士豬頸肉撈手打烏冬（$50）佢一黎到我真係俾佢嚇親，因為勁細兜😂😂😂不過呢食落又幾好味喎，雖然唔係好抵食，但味道加返分😝

呢間店主打食烏冬，每次夜晚行過都見倒排哂長龍架，都係我最愛既烏冬店食店賣既係手打烏冬，最特別係佢有好多唔同款既湯底，大路既豬骨湯蕃茄湯到沙嗲湯地獄湯都有，仲有好多唔同配料，好似係牛肉、日式叉燒、豬軟骨、蜆肉同吉烈蠔等等。今晚就揀左豬軟骨配我至愛既辛辣蕃茄湯底，蕃茄配辣真係好夾！豬軟骨有成四五舊仲炆到好腍配料有蜜糖豆，粟米粒同溏心蛋，溏心蛋都係精粹，好入味又夠流心！呢個係吉烈豬扒蕃茄烏冬，蕃茄湯底好濃郁，酸甜度適中。豬扒熱辣辣，好脆口亦唔會炸到好鞋。紫芋甘栗餅，入面真係有原粒栗子，都好香芋頭味除左烏冬仲有串燒，沙律同小食，宵夜時段仲有特價添！

假日同男朋友黎食午餐，由於位置無咁近鬧市，人流並不多，即時就可以入座，兩個人坐了張四人枱，夠晒舒服。我叫左個黑毛豬豬骨湯底烏冬，男朋友就叫左個吉列豬扒咖哩飯，烏冬嘅豬骨湯底好好味，夠濃，好味到飲晒成鍋，但咖哩很普通，沒有驚喜。

趕住睇演唱會，想喺場館附近搵間餐廳食個快，行行下見到有烏冬，仲係蕃茄湯底好吸引，就走咗入去試下啦。餐廳入面的裝修很日式，加上晚飯時段很多人很熱鬧，突然有一下真係有點喺日本的感覺。見佢餐牌有新推介: 自家製鮮蕃茄湯紐西蘭大蜆手打烏冬，就比佢吸引咗。10分鐘左右就上餐，貌相也不錯，先飲一啖湯，蕃茄挺濃的，酸酸甜甜，非常開胃！再加上烏冬，非常好吃蜆有5大隻，吃起上來也不錯，但吃蜆時總會有蕃茄的酸甜一起，反而蓋過了海鮮的鮮味，令蜆在這個配合下稍為有點失色。

我終於來到食大門橫丁的烏冬了！很久很久以前已經bookmark了餐廳，今天朋友說想食烏冬問我旺角有甚麼餐廳好介紹，我突然想起這大門橫丁，我們就立即前往試試。我們要選一個湯底，然後再選一個有不同餸菜的麵食。我跟朋友都不約而同地選了招牌的自家製鮮番茄濃湯配秘製雞柳手打烏冬，餐飲則選了熱的蜂蜜綠茶。這裡凍的蜂蜜綠茶只可少冰不可走冰，十分奇特。熱蜂蜜綠茶味道少淡不太甜，普通可接受。等了一回會，用煲裝著的烏冬送上來了。當然要先飲頭啖湯，嘩！有驚喜！番茄湯跟外邊的不同，外邊飲到的通常顏色稀味道更稀，但這裡不但顏色深，味道是在外用膳少有的濃度，很香的番茄味，是真的有放番茄下去煮的味道，也有兩件番茄件。食到最後我都差不多飲盡所以湯，真的很少能夠在外食到這樣的味道。雞柳比想像中多，稱不上很滑但仍然是容易食的。吸收了番茄的味道也不錯啊。這裡主打手打烏冬，又真是幾好食烏冬是不是手打我不清楚，但吃下去有質感又彈牙，最怕食到那些沒有質感一咬下去就會融會爛那些質地不好的，加上番茄的香濃好味啊！這裡有好食的烏冬和番茄湯，愛好這兩樣的人不能放過！

大門橫丁於旺角山東街76號，日本串燒店水準幾高。近麥花臣附近，成日經過都未試過，琴晚就黎左試😋叫左個叉燒拉麵🍜黑松露金菇肥牛卷，牛肩肉同羊架 佢d串燒幾好食！ 燒汁也很美味，又唔會好乾，肥牛卷好多肉汁，鹹味適中，唔會蓋過牛本身既味道，羊架都好食 好淋d肉 ，不過忌廉蟹肉餅同拉麵就麻麻，下次都係再黎食串燒，同埋價錢就一般，不過味道很吸引，所以有機會都會再來試試叉燒拉麵🍜黑松露金菇肥牛卷+牛肩肉串燒+羊架

晚上黎到旺角 突然興之所至 想食烏冬 就入左大門橫丁其實呢間餐廳已經吃過不下數次了 今次一黎就叫左最愛既番茄湯雞柳手打烏冬雖然已經一段時間無食但佢地既番茄湯依舊係咁鮮甜濃郁仲有果半隻糖心蛋 滷得十分入味 不愧係小編最愛之一除烏冬外 我地仲點左串燒秋葵同鹽燒蒜芯秋葵有些略嫌燒得焦了一點 以致帶有苦味但鹽燒蒜芯卻燒得剛好 蒜味加上淡淡的鹽調味實在有驚喜

星期五夜約左朋友食飯，因為我想食烏冬，上網搵下見到有人推薦呢間大門橫丁，就一於去試下！餐廳位於山東街的轉角，非常易搵。我7點左右去到已經開始要等位了！等左大約15分鐘就可以入得！店員安排我地坐門口附近，由於一邊係圍欄，所以我地可以兩個人獨霸4人枱，真係非常好運！👏🏼👏🏼因爲其他位置係有可能要搭枱的！打開menu發現烏冬的款色非常多，有牛肉、蜆、雞肉、豬扒等等，湯底都有好多選擇，有豬骨湯、蕃茄湯、魚介湯，仲有沙爹湯底tim呀！🙈🙈🙈🙈淨係諗食咩烏冬都諗都頭大埋呀！但係仲有好多好多串燒揀！所以我地淨係睇menu都睇左10幾分鐘😂😂😂最後我地不約而同地都揀左蕃茄湯！其實我去到所有地方，見到蕃茄湯都會忍唔住叫！試下個蕃茄湯，就知佢足唔足料喇😎烏冬一上枱係見唔到d牛肉，因佢地俾d配料遮住左！烏冬賣相普通，但係味道十分唔錯！屬於蕃茄湯愛好者的我第一時間梗係試下個湯先啦！蕃茄湯有香濃的蕃茄味，好開胃！☺️☺️牛肉唔係肥牛咁普通，係厚切牛肉片，有肉味，一d都唔敷衍！烏冬煙韌，略嫌唔夠彈牙！最有驚喜的係隻糖心蛋！非常入味，蛋黃仲食到有少少酒味！係非常好味！👍🏼👍🏼👍🏼👍🏼 朋友叫左燒鳥烏冬，即係燒雞扒！雞扒

曾經係尖沙咀分店食過大門橫丁既手打烏冬，當時一試難忘，今日特意喺旺角分店再嚐烏冬！因為我好鍾意番茄湯，所以諗都冇諗就揀咗最出名嘅蕃茄湯底，而配料方面我就叫咗豬軟骨。烏冬都有唔少嘅配菜，例如粟米粒同一啲蔬菜。湯底同我當時試嘅一樣，都係有十分濃郁嘅蕃茄味道，而豬軟骨煮得非常之淋，做到入口即溶嘅口感，而且十分入味。至於烏冬方面，烏冬的確十分煙韌，咬感唔錯。以50幾60蚊嘅價錢來講，性價比相當高。當日我係食午餐，同一碗麵來講價錢好似比晚餐平少少，約平10蚊。如果好鍾意食烏冬嘅話，呢間餐廳既烏冬應該都不會令你失望！濃郁嘅蕃茄湯底⬇️煮得超淋嘅豬軟骨，入口即溶啊⬇️