大門橫丁串燒手打烏龍麵店 (山東街)

營業中

休息中

夜遊旺角，宵夜時段附近都無咩嘢食，周圍行吓就選擇左呢間專食烏冬嘅餐廳。餐廳主打手打烏冬，所以一人叫咗一個試吓。辛辣蕃茄湯叉燒手打烏冬嘅湯底都幾濃，而且烏冬淋得來亦保持彈牙，主角叉燒有驚喜，好嫩，肥瘦啱啱好，值得一試。另一個烏冬係極上牛肉冷手打烏冬，首先個汁太酸，蓋過咗食材嘅味道。牛肉同其他配菜都一般般，同叉燒烏冬相比，遜色不少。見到餐牌話宵夜時段嘅燒物有特價，一於試吓佢。呢個特式燒茄子好惹味，醃料好足，十分美味，茄子肉亦燒得啱啱好。呢個汁燒魷魚筒係今晚焦點！魷魚好大條，足夠兩個人食。佢地搽上特別既醬汁來燒，亦燒得啱啱好，爽口多汁，下次會再叫！呢個鹽燒萵筍就不過不失，冇咩特別。