大越越南餐廳

營業中

休息中

🍽️下午茶餐$38西貢咖哩牛腩湯檬+ 咸桔水 勁多餸...六件牛腩, 三件牛筋 炆到勁淋, 我本人就唔鍾意咁淋😬湯底唔算濃, 有咖哩味, 味道適中檬粉幼身, 正常發揮, 但份量都幾多 咸桔水味道ok鹹鹹地 追加: 廣寧炸春捲兩件$12$12蚊兩件仲跟埋生菜, 追加嘅食品都唔算揸流灘, 即叫即炸, 新鮮脆口, 內有肉碎粉絲, 甘筍絲, 木耳絲, 不過味道屬一般, 餐廳比較暗, 衛生環境ok, 食物質素屬一般, 但份量足夠食得飽又唔貴😜。  

今晚收工唔想煮飯，想食完先返屋企，經過屋企樓下俾餐廳外牆幅璧畫吸引又見佢轉左手重新裝修完一直未幫襯過，今晚就選呢間來試吓，而且又少食越南美食，就入呢間食返餐飽先，睇餐牌有：套餐、火鍋、飯、河粉、羊腩煲、小食和小菜選擇。我哋散叫左幾個來食軟殼蟹米紙卷：米紙卷入囗清淡，咬落蔬菜新鮮爽囗，連同軟殻蟹一齊食，美味可囗，覺得淡可點埋個越式醬汁，提升味道大越小食拼盤：（春卷、胡椒豬肉串、煎扎肉、牛肉蝦片）胡椒豬肉串賣晒轉左做蝦餅，春卷熱辣辣香脆可囗，蝦餅和煎扎肉味道惹味，點埋個酸甜辣醬更好味，牛肉蝦片，蝦片入囗脆咯咯大越火車頭2人份量（生牛肉、牛腩片、牛丸、牛栢葉、牛筋）：我覺得唔祇2人份量，個湯底好濃，我選左金邊粉，入囗好滑，生牛肉半生熟好嫩滑，牛腩片牛味濃唔硬，牛丸入囗彈牙，牛栢葉爽囗，牛筋腍滑唔使用力咬最終食唔晒，太大碗，要打包返屋企做宵夜，下次再來可以試埋其他

想食越南菜 見到OpenRice咁多正評 所以就去試下晚飯喇首先喺門口睇餐牌係幾吸引但入到去得一兩枱客食飯環境亦都比較殘舊枱面上有放置餐具同水餐具都比較舊d🔹🔹🔹我哋叫咗1)生牛肉牛腩湯金邊粉$60落單前已經同職員講咗d湯要熱d但湯河黎既時候係完全唔熱已經有d失望生牛肉都滑，牛腩片就唔好食 冇味又勁薄金邊粉比較粗 麵質就正常湯底味道偏淡總括只係啱啱合格🔹🔹🔹2) 蕃茄蟹膏蝦丸扎肉河粉$65蕃茄湯底都算濃郁但係亦都係完全唔熱所以飲落有浸草青味同埋亦都感覺比較油膩蝦丸同扎肉味道都正常🔹🔹🔹3) 炸春卷$42/4條炸春卷上枱係凍嘅所以我哋忍唔住叫佢返叮但係叮完上枱係極度油膩每一舊春卷d油係滴出來個餡亦都係唔好食非常失望🔹🔹🔹值得讚賞嘅係，員工態度非常有禮親切座位雖然殘舊，但位置闊落價錢上唔貴，份量都正常可惜食物唔夠熱 味道普通 環境感覺亦唔太乾淨所以都唔會再去了

呢間店除咗食評好，就係比門口幅畫吸引我，即刻係OpenRice 訂位，記憶中舊店是M3 Italian,店內仍然保留舊店裝修，同燈光較暗，呢點有些格格不入。但服務方面幾唔錯，侍應是幾位中年女士，說話溫柔細聲，不是大叫幾條街個類型。至於食物，睇食評已經好吸引，實際味道亦唔錯，生牛肉牛丸河材料十足，味道正宗，和我在越南食既味一樣，一路添食都唔覺飽滯。芝士蝦多士有厚厚芝士及蝦肉，多士面層蓋滿炒香芝麻非常香口。酸辣鳯爪份量都好多，不過份辣，好開胃好滿足。串燒雞肉味道可以，但點個汁就麻麻，不是一般串燒個花生醬汁。食完咸野，當然要品嘗個椰汁三色冰啦！很香甜又有咬口。總括以這個價錢好吸引抵食，呢間我會再返轉頭幫襯的。

今日嚟到沙田搵好嘢食👍 因為之前去過沙田圍嘅呢一間大越，抵食又好難忘，今次終於再有機會嚟試其他嘢啦~上次嘅我嗌咗佢哋嘅單品飯餐，今次同朋友決定一試佢哋嘅海南雞火車頭二人餐， 有炒菜、有海南雞再配埋二人份量嘅車頭河🤗炒菜我哋揀咗馬拉盞秋葵，因我特別鍾意食秋葵，但配上馬拉盞炒真係第一次食，惹味同時又食到秋葵嘅fresh 💚配二人餐嘅海南雞係例牌，海南雞都冇令我哋失望，肉質非常滑，再配埋我最鍾意喺越南餐廳食到嘅醋漬蘿蔔，越食越醒胃！嚟到最後嘅主角，就係二人份量嘅車頭河🤩 可能我好少食火車頭，冇諗過原來咁大碗咁多料，我同朋友見到都忍唔住影番幾張相先😆入面有牛腩、生牛肉、牛柏葉、蘿蔔、牛丸、牛筋，大大碗真係好足料！其中入面嘅牛腩真係要讚下，炆得好腍好鬆化👍嘢飲方面可以以加配價加配，價錢抵食而且份量多，啱曬鍾意性價比高同大胃王嘅人😆 會Encore~

是日打完波去左附近食，朋友話附近有一間好食又抵食既越南野😋岩哂我😋地址係沙田圍站附近，好方便，不過我覺得餐廳唔算係當眼位置，都係要搵。而家仲有30蚊抗疫麵！加埋熱飲都係38！份量同餐牌其他麵一樣，不過當然其他啲餸會大份啲啦，但係都夠食的😋我叫左撈檬，酸菜同青瓜超級多，岩哂我呢個青瓜狂😂金邊粉有剪過，好易夾👍🏻魚露比較酸，唔小心落太多會太酸🤣餸方面唔係想像中咁好食，有啲解凍唔夠野飲有咸柑桔水，酸酸甜甜好正

食了個二人餐268份量還好，味道也不錯但到付款一刻就感覺很不好。因為未比我試八達通有没有自動增值就說我不夠錢，換另一個店裏的人來看原來已付款。即係有自動增值。不過在事情未明朗之前就斷言我冇錢比，這種態度真的不值得鼓勵。也不知會否再來，所以留言讓店家留意一下是否所有員工也熟悉店的運作。另外也值得一提的是，明明有很多car位但還是安排坐圓枱，這一樣雖然不算太大問題，但坐car位應該會和旁邊的顧客隔得好一點吧？講返二人餐，雞翼挺不錯，軟殼蟹就偏咸少少。

豬頸肉 煮得非常好食 軟硬適中 有焦香 very gooooood 起碼有5-6塊 正份量夠多 價錢合理 食過返尋味芝士蝦多士 整得熱辣辣好鬆脆 必食沙田圍朋友有口福 好過隔離街嗰間越X仔 😂

這天行完山，沿路走過來河畔花園，找到附近有這間越南餐廳，見到網上評價都不錯。從河畔花園走到這間餐廳，感覺都有一點路程，可能行完山比較累。六時多來到，只有幾枱客，但一到晚飯時間，便很快滿座了。大越火車頭(二人份量) 火車頭餸菜豐富，有生牛肉、牛腩片、牛丸、牛筋、牛柏葉，充滿了🐮🐮滋味。每款餸菜都有一定份量，湯底清甜。法式蒜蓉牛油雞翼食越南菜必點的蒜蓉牛油雞翼，雞翼炸得十分香脆鬆化，帶點蒜蓉味。可惜只有四隻，令人想一食再食。餐廳價錢相宜，性價比高，下次行山經過可以再來試試。

喺沙田做完嘢，行到去花園城嗰邊，望一望錶，差五分鐘先至六點，即刻跑入去大越越南餐廳食個下午茶。對大越嘅第一印象係好抵食。我好鍾意食越式法包，於是就叫咗個經典越南扎肉法包，再加杯咸檸七。法包入面有扎肉，肝醬，芫茜，酸蘿蔔絲，青瓜等，餡料唔算多，不過由於價錢平，所以都收貨。呢度用咗通花嘅裝飾紙墊包，好配合越式傳統風格，食食下，個心又飛咗去胡志明市啦😂。

今日媽咪生日 佢話想食越南野 我就搵咗呢間隱世小店 大越越南餐廳💛💛💛雖然話佢隱世但其實都好方便去 馬鐵站沙田圍站行過去都係5分鐘左右👍🏻 其實佢有好多唔同嘅嘢食 但我唔記得咗影餐牌🥺餐牌好多都係有圖片俾你睇住你嗌嘢食👍🏻 今次我哋都叫咗好多嘢食😋 香茅豬扒叻沙 $58越式烤豬頸肉 $62芒街烤雞肉串 $38/3串大越海南雞飯配雞油飯 $68芝心蝦多士 $48/4件牙車快 $58廣寧魚餅撈檬 $55泰原香茅豬扒撈檬 $58蒜蓉包 $38/4片 仲叫左3杯椰汁珍多冰 加配價$12 不過冇影到🥺 因為我係OpenRice訂位嘅時候 打咗係慶祝生日嘅 然後食食吓嘅時候老闆突然間拎咗呢碟 酸辣無骨鳳爪過嚟 我仲呆咗咁樣話冇嗌到呢個🤨 然後老闆話因為你哋生日所以送小小心意俾我哋🤩 超好人老闆👍🏻 良心小店💛 價錢平 食物質素高 真係想推介俾多啲人去試吓🤤 真心推👍🏻

📍大越越南餐廳📮沙田沙角街8-12號花園城一期地下2號舖.又係時候陪🙎🏽‍♂️食佢最愛既越式生牛河喇, 發掘下新餐廳先.今次去咗沙田嘅河畔搵食, 馬鐵站行過去3分鐘左右, 發現到呢間外牆裝修好有特色嘅餐廳, 所以決定入去試吓.大越生牛肉什錦湯粉🐮HKD62🙎🏽‍♂️賣相唔錯, 成碗湯粉望落好豐富, 湯頭牛味濃郁, 生牛肉正常發揮, 用湯既餘溫整熟佢, 牛腩炆到好淋, 仲有大大舊煮到好入味既蘿蔔, 而最滿意既地方係湯粉入面有好多洋蔥同香葉, 加埋青檸同辣椒提起牛既鮮味, 令湯底味道更上一層樓👍🏻美中不足係牛丸唔夠彈牙, 除此之外都無咩好挑剔大越生牛肉牛丸湯粉🐮HKD57💁🏻‍♀️同岩岩果碗唔同既地方就係無牛腩, 其餘都無任何分別, 一樣咁好食飲品·青檸梳打🥤+8天時暑熱, 當然叫返杯凍野飲下啦, 青檸梳打就岩晒, 清新消暑😎越南小食·酸辣無骨鳳爪 +HKD26無諗過跟餐加二十幾蚊就有咁大份, 好似同個full portion一樣😳味道酸辣適中, 入味爽口, 配埋啲生既紫洋蔥食辣辣地好鬼正越南小食·芒街地度煎扎肉+HKD22或者係我唔識欣賞, 呢個味道只係一般, 扎肉嘅質地又唔夠爽口.總括黎講非

河畔花園一帶餐廳好多，要喺度站得住腳都唔容易。午飯時間經過，見到呢間越南餐廳坐滿人，門口仲要等位，就試吓啦，質素都幾高喎，而且價錢合理，唔怪得知咁受附近返工嘅人歡迎。大越生牛肉什錦湯檬一碗麵裏面有齊牛丸、生牛肉、牛腩片，都只係$62配埋飲品，抵啊！推介牛腩片，入口即溶㗎 ！而且牛味濃郁，唔講仲以為自己食緊炆牛腩。生牛肉都唔錯，牛味出眾不過軔咗少少。牛丸就普普通通啦。蜆港番茄蟹膏蝦丸扎肉湯檬蕃茄味湯底都幾惹味開胃，蟹膏味唔算好濃。最欣賞係個蝦丸，食得出係手打，真材實料簡單先蝦膏味，唔係喺出邊食到嘅一般丸。午市時間非常多人，但係出餐速度非常快，侍應服務態度依然好好，值得一讚。下次一定會再食。

約咗朋友過河畔花園食lucnh見個面，最後揀咗呢間之前都試過一次嘅越南餐廳。餐廳環境都算大，週末lunch time都唔使等位，同朋友食飯傾下計都坐都幾舒服。Lunch time有lunch set可以選擇，主要都係以越式湯粉為主，亦有少部分飯類。而且加＄8就可以轉飲特飲！價錢都算好平易近人。呢碗番茄蟹膏蝦丸扎肉湯檬已經係我第二次encore。同第一次食嘅味道差唔多，最鐘意佢係蕃茄湯底入面真係食到淡淡嘅海鮮味，而且蕃茄落得幾足，夠哂味！啲蝦丸同扎肉味道都唔錯，比起普通扎肉多左啲咬口～湯粉可以自由配搭金邊粉／檬粉／河粉，朋友今次就揀咗金邊粉。牛肉肥瘦均勻，而且碗粉份量都唔小，＄53真係幾抵！

番茄牛腩檬粉個蕃茄湯甜酸度啱啱好， 湯底仲有少少芫茜添！再連埋個濛粉一啖送入口。 佢牛腩好淋依一點已經贏咗市面上七成嘅越南餐廳。Sorry太緊張，食咗少少先記得影相。依條黃花魚一睇就知道佢樣靚身材正。 一入口有魚味同魚油香 外皮煎得啱啱好又脆。