大街小館 (已結業)

兩個人食完個午餐都不是太滿足，路經這間糖水舖就入去食個飯後甜品。裝修十分簡單，牆上貼上各款糖水的相片，款式選擇頗多，分了很多系列，除了有港式傳統糖水，亦有新派一點的甜品，價錢比較相宜。滋潤一點，我選了椰皇系列的椰皇芋圓燉蛋白，用上原個椰皇盛上，內有滑滑的鮮奶燉蛋白，再加上香濃的椰奶，配上好有咬口的芋圓及小丸子，甜度剛好，是一人個很飽肚的糖水。另外叫了芒果至尊，用上芒果汁做底，配上滿滿的西米，奇亞籽，紅豆，涼粉及芒果肉，還有一球芒果雪葩，幾款不同口感的材料一齊食，口感很丰富，如果紅豆再煮淋身一點就更好。

街坊正店 - 皆因暖男店主Andy認真講究，曾在Hotel lcon的The Market任廚師，習慣樣樣手工製作，每日逐盅燉，花時間又花心機，潤澤一班街坊的身心。之前睇雜誌介紹過一間隱蔽既甜品店(大街小館)後, 一直念念不忘,所以知道佐敦開左間分店就急不及待去再嘗一番地點位於港鐵佐敦站 A 出口, 步行約4分鐘, 非常方便店內裝潢簡潔企理，給人一種舒服的感覺甜品選擇都很多樣化如中式糖水外, 更有滋潤燉糖水系列, 椰皇,  榴槤, 芒果, 芋圓, 還有窩夫, 西瓜盅, 綿綿冰，絕對能滿足不同食客的需要。椰皇蛋白燉桃膠 - $52來到的時候已聞到一陣陣的椰香, 上桌時很熱，還有一陣熱氣升起，整顆椰皇用一個漏斗形嘅器皿盛載著(凍的下面還會加入冰塊), 桃膠晶瑩爽滑無比，份量都唔少, 滿滿的,  而且椰皇內更有小丸子和西米露，椰皇底部原來還有蛋白，令成個甜品口感更香更滑，夠哂滋補養顏然後經過查問後, 說他們是親自購買椰皇, 然後打開完再放入蒸爐入面, 蒸約十分鐘,令椰肉蒸腍,  然後加入蛋白(一定超滑), 再燉十分鐘, 之後加入配料（小丸子，西米等等）再煮, 所以製作一個椰皇最小要半個鐘,

得知大街小館於佐敦開了分店，一場來到佐敦當然要去嚐嚐。裝潢簡約，座位寬敞；老闆熱情禮貌，侍應態度良好，價錢經濟合理。甜品選擇繁多，任君選擇。椰皇蛋白燉桃膠 ($52)椰皇放滿了桃膠、西米、小丸子和椰汁，十分足料。桃膠口感軟滑，界乎燕窩與雪蛤膏之間，更多了幾分煙韌。蛋白十分滑溜，一口吃下去口感很豐富。味道清甜，但略嫌椰味不夠重。榴槤腸粉 ($36)榴槤腸粉內包滿了榴槤蓉，一甫上枱已經香味四溢。另附上一小瓶自家製榴槤醬，可自行倒在腸粉上。小店用上D24榴槤，榴槤味道非常濃郁。一口吃下去，腸粉滑溜，加上啖啖榴槤肉，榴槤香在口中久久不散，非常滿足。喜歡吃榴槤的絕不能錯過！

星期六我和朋友都放假就一早約咗去尖沙咀睇復仇者聯盟，但是因為時間尚早，所以我們在尖沙咀找一找看一下有沒有好吃的甜品店，但是找了很久都沒有找到我們想吃的甜品店，所以朋友就看一下附近的地方有沒有，朋友最後上網查到佐敦的叫大街小館甜品店，我們馬上就坐地鐵到佐敦！甜品店地點方便左右隔離還有很多餐廳和大排檔到了甜品店外門口的玻璃已經貼滿各式各樣甜品的相片，店外都放了一本menu給在等候的朋友方便一路等位一路想好吃的甜品，我們來到甜品店的時候已經有幾枱客在吃，留意到每樣甜品份量十足非常大碗到了我們就坐的時候侍應也很快拿餐牌給我們看一下，真是有各式各樣不同的甜品有中式和西式適合每位不同口味的客人！我和朋友分別點了椰皇芋圓燉蛋白和芒果雪山甘露椰皇芋圓燉蛋白 $52椰汁味超濃厚 燉蛋白亦嫩滑 芋圓和小丸子超煙韌和超彈牙芒果雪山甘露 $48名副其實是芒果雪山，超多芒果粒和芒果醬還有很大座的芒果花冰味道清香甘甜不會是一般芒果酸酸溜溜，裡面更有數粒煙韌的小丸子

在附近食完晚餐意猶未盡當然要食糖水，唁經大街小之館見則好有位就入內試試。＊＊＊＊＊＊＊＊＊＊＊＊＊＊店內裝潢簡潔，感覺都乾淨企理，比座位沒有一般港式糖水店擠迫。甜品選擇挺豐富，港式糖水、西式甜品和窩夫、台式芋圓和綿綿冰都有，另外還有椰皇、榴槤和芒果系列，絕對能滿足不同口味的食客。榴槤雪山甘露($50)平時凡親食有榴槤的甜品，定價都較貴，這個榴槤雪山甘露$50大大碗，單看份量都抵食。榴槤雪山甘露下面是榴槤雪花冰，旁邊有西米、小丸子和榴槤肉。雪花冰都能食到榴槤味，冰打得夠綿，小丸子煙煙韌韌，榴槤肉有三球，食得出是真榴槤肉，榴槤香味適中，不算太濃烈，味道帶點甘味。新鮮椰皇水($15)雖然用玻璃瓶盛載，但飲得出真是新鮮椰皇水的味道，沒有加水，非常鮮渴。

之前都聽朋友介紹過呢間甜品，不過我嫌黃大仙太唔就腳就冇去！原來而家開咗分店喺佐敦！！咁就方便得多！同朋友喺尖沙咀食完燒肉，仲想傾多陣計就行咗去佐敦食埋甜品！我叫咗香蕉紫米露，呢碗香蕉紫米露真係勁足料，有成大半條香蕉喺入面，紫米即係黑糯米，加埋椰奶真係超好味🤤🤤，大大碗都係 $25咋！良心價😭不過就略嫌椰汁少咗啲，如果可以多啲就perfect喇！朋友叫咗杏汁雪燕燉蛋配湯丸，係熱嘅，呢款好似冇得揀凍食，喺有冷氣嘅地方食啲咁熱嘅嘢都OK嘅！朋友都好滿意，杏仁味夠重！我偷食咗一粒湯丸(一碗有四粒)，原來係芝麻餡嚟，味道都唔錯！

-行經佐敦，忽然肚餓🤣尤其看見大大個西瓜甜品，解餓又消暑，排隊也要試試😍♥《冰鎮西瓜盅配雪糕及西瓜汁》Wowww 認真超足料🤩一不小心就會滿瀉，很誇張！消暑一流，有新鮮蜜瓜和西瓜🍉還有涼粉和爆珠，口感有層次～榴槤雪糕很軟滑，榴槤味足🤓雪糕還有抹茶、椰子、黑糖等多款口味！♥《榴槤椰皇燉蛋白凍》榴槤控表示太感動😭綿綿冰很綿密不欺場～還有新鮮的榴槤波波🤤底下還有香濃的椰汁配小丸子～不僅美味，份量超大，性價比極高😱♥小提示 Tips：要排隊，不過絕對值得😋😋另外黃大仙也有分店～ 我會再回來的😎♥

係佐敦吳松街既呢間大街小館糖水舖都幾抵食，款式都幾多，價錢唔高，飯後甜品份量岩岩好～～椰皇系列都有五、六款揀，有凍有熱可以選擇～～見天氣咁熱，我就揀個凍既椰皇啦～～椰皇芒果丸子😍😍～～一次過滿足兩個願望，有得食滿滿椰子香又滑溜既蛋，又有得食甜甜既芒果丸子，丸子有嚼口，煙煙韌韌幾好味～～另外，朋友order既蜜瓜涼粉都唔錯，大大碗裝滿，蜜瓜甜蜜蜜，涼粉透心涼，撈埋花奶食都算係絕配，係一大抵食之選～～～地方尚算寬敞，同朋友都坐得幾舒服～

在廟街逛了好一會，大家想找個地方坐坐，吃個甜品，我們看見大街小館的餐牌挺合我們的味兒，就決定在這裡小休小嚐甜品一番。熱椰皇蛋白燉桃膠一送上桌，整個椰皇香就飄香出來，聞起來很舒服。椰皇蛋白燉桃膠以整顆椰皇盛裝的椰子水，蛋白，桃膠慢火燉煮，蛋白滑嫩的口感，吃進口裡入口即化。晶瑩的桃膠爽滑無比，還有軟糯的小丸子和西米露，暖心又暖胃。椰汁雪耳桃膠燉木瓜真材實料，有著木瓜的甜美，而清甜的椰汁配上爽彈的雪耳，桃膠，嚼感層次多變，好不滋潤。吃到差不多的時候，朋友用湯匙將木瓜側的果肉挖下來，軟綿的木瓜肉跟椰汁一起吃相當不賴。木瓜西米露味道濃香，這裡很會選木瓜，綿密鮮甜，每一口木瓜唇齒留香，西米露甚具咬口。對於汗流浹背的朋友來說，沁涼的木瓜西米露消除不少暑氣。最後我們點了一份懷舊糖不甩一起分享，糖不甩令我們大呼過癮，熱騰騰的糖不甩十分煙煙韌韌，沾上花生碎和椰絲，增添糖不甩的香氣滋味。

After we have finished our dinner, my wife suggested to have desserts as we were still not full. We decided to go to a nearby desserts shop named Big Sweet House. It was located at Woosung street, couple of minutes walk from Jordan MTR. They offered shaved ice, desserts, traditional desserts and drinks etc, serving a wide range of choices for customers. Watermelon juice - As the weather started to turn hot suddenly, watermelon juice was my best choice. It was made from fresh meat and was sweet,

開左無耐既糖水鋪，人流唔算多，面積算大，座位都ok，無壓迫感，簡單乾淨為主。中西甜品都有，椰皇系列好似最受歡迎 幾乎每一枱都會點一個， 我地都有點 - 冰鎮鮮果椰皇$52 以椰皇殻盛五顏六色既生果及加左花奶既奶白色椰汁🥥，好清甜，生果都好新鮮，值得推介。紅棗桂圓雪燕燉蘋果（熱）$46 足料雪燕，厚厚覆蓋成個蘋果，口感細滑，除左蘋果外仲有龍眼肉同紅棗，酸酸甜甜，食完口龍非常舒服。呢個糖水有滋陰潤肺、排毒養顏、滋潤皮膚，對皮膚乾燥很有幫助、潤肺生津，有助紓緩口乾，咽乾，乾咳，仲可以潤腸通便，促進排毒，令皮膚白滑無痘痘。👍

店鋪：大街小館 (佐敦)地址：佐敦吳松街93-103號德利樓地下C舖香港人平時除咗鍾意自製甜品之外，港式糖水亦都係唔少香港人同外地遊客經常會食嘅，今次嚟到佐敦睇吓有咩好介紹先🇭🇰佐敦吳松街一帶除咗有好多泰國菜、打冷大排檔之外，仲有一間叫大街小館嘅甜品店，神奇嘅係七點幾去到已經滿左一半嘅場，食到八點幾仲爆曬要等位添，一於睇下有咩吸引人之處啦🤓凍芒果西米露 $33原本諗住叫芒果豆腐花，但係店員表示無哂豆腐花🤒所以就揀咗另一樣芒果甜品——芒果西米露，芒果粒嘅份量大概都有半個中型size嘅芒果咁多，芒果唔酸，仲好甜添🤓不過西米露就稍為稀咗少少，如果多番啲西米就好喇香蕉窩夫配曲奇雪糕 $43呢個香蕉窩夫係極級推介😻！除咗窩夫同香蕉份量夠哂大份之餘，窩夫係脆口嘅，而且已經切好晒細細件件，非常方便顧及形象嘅乘客們(Hinson講緊自己😂)；另外香蕉隻都係有焦糖燒過！好surprised呀😆仲要砌得好靚，打卡指數好高👍🏾不過雪糕味道入邊有三隻都無晒，希望下次再嚟嘅時候可以食到榴槤雪糕啦🤓呢間甜品鋪座位都比較寬敞，老闆店員都好nice，服務好好，唯獨是因為甜品舖打開咗道門，隔離打冷鋪啲人食煙嘅煙味飄咗入

Happy Friday 食完正餐梗係要直落食甜品🤤 知道之前係黃大仙食過既甜品係佐敦開佐，就諗住帶朋友試下順便吹多兩咀😚.芒果至尊 $46滿滿既芒果肉浸佐係椰奶度🤤 真係由面到底都係芒果肉 食極都食唔完 而且仲要係好甜😍 多芒果汁到覆蓋晒椰奶味 而且仲有勁多款配料：涼粉、紅豆、黑白西米、芒果雪糕😚 有好多料口感好好 整體黎講又唔會過甜 不過椰奶味可以再重啲.冰鎮鮮果椰皇🥥 $52大大個椰皇放住勁多水果：火龍果、西瓜🍉、蜜瓜、哈蜜瓜⋯仲有丸子、西米、蛋白 雜果全部都好鮮甜 食落好重椰子味🥥 個蛋白幾滑幾好食 同椰皇好match😚 好足料~.榴槤拿破侖配雪糕 $50終於到我心目中嘅主角😍 雪糕佢有好多款可以比你簡味道 榴槤控就梗係簡返榴連😚 一份一共有三個拿破侖 每個都有超大pat榴連係面🤤 見到已經流晒口水～ 臭到我d fd係咁厭棄我 但啖啖都係榴連我食得好幸福🧡 襯埋好脆既拿破侖簡直邪惡到爆😍 肥10磅我都願意哈哈👅.總結，依個價錢食到咁足料咁大份既甜品真係好難搵😍 朋友都話未試過見到足料到咁誇張 每份都大到好似可以share咁 用料一啲都唔手軟🙈 睇黎以後唔洗煩去邊度食下場了😚

試過黃大仙店的燉品，今次黎佐敦新店試下芒果拿破崙。拿破崙好大份，仲可以選擇雪糕味道，我選了椰子味，好香濃，唔會好人工的假香料味。拿破崙有3件咁多，芒果好甜，食完好飽。，建議同人分享食。呢度可能因為新開，裝修好新淨，坐得舒適。店員亦好有禮貌，抵讚。

好耐好耐好耐好耐冇食過中式甜品，呢一日返工畀阿姐激到發癲，放工決定行落佐敦，食一個甜品去安慰返自己嘅心靈。隨意揀咗呢間大街小館，因為貪佢燈光通明，感覺唔污糟🧐.呢間甜品小店除咗典型嘅中式甜品，紅豆沙，綠豆沙，西米露有供應之外，仲有新派嘅甜品，例如綿綿冰，🥭芒果河粉...... 而不得不提一定係佢嘅燉椰皇。平時好鍾意椰子味，貪佢夠香之餘仲好滑，淨係燉椰皇都令我花多眼亂😁從來都淨係聽過桃膠點點點有營養，但係未試過，所以今次就試咗佢個✔️椰皇蛋白燉桃膠($52)上桌嘅時候熱乎乎，仲有啲煙升起，桃膠望一望份量都唔少，而且仲混合咗啲西米加埋糯米丸子，椰汁加左少少牛奶浸住，至於食咗一半就發現下面原來仲有燉咗嘅蛋白，成個甜品嘅口感係好香好滑，食完會飽肚👍.同樣養生嘅朋友揀咗✔️紅棗桂圓雪燕燉蘋果($46)。我嚐咗一口，甜到啱啱好，佢個糖水除咗甜，仲散發出蘋果嘅香味。蘋果中間加入咗紅棗，紅棗嘅天然甜亦都發揮咗作用。