大蕃薯

營業中

休息中

原本入粉嶺唸住食群記豬手米, 兩點幾去到賣完, 要三點半先有, 由於太肚餓, 唯有在附近搵嘢食. 行過兩個舖位, 比個"大蕃薯"舖名吸引, 又有報紙雜誌介紹, 於是入去試試:咸豬手蕃茄手打麵 ~ 咸豬手好淋, 幾好! 蕃茄味唔夠, 手打麵普通蕃薯西多士 ~ 十分一般用餐其間有兩隻昆蟲飛來飛去, 討厭極了衛生程度值得懷疑!

二人晚膳 甘薯蘋果沙律 (照牌沙律) ok 既 $24 >>用蕃薯甜甜地, 幾特別! 中式晚餐 : 拍薑蒜香炒豬扒根 $4x >>賣相很得, 但一食落口有種不能形容的怪豬味, 不知道是否不夠新鮮呢? 吃不下去 魚腐湯米線 $2X >>魚腐很實, 有點像豆腐乾第一次不是這樣的, 午餐叫了個香茅豬扒很好味的! 今次是第二次去幫襯, 很失望!衛生情況原本是ok既, 但耐何出菜位有塊大膠布阻隔著, 每次出菜, 也會接觸到餸菜, 不太衛生吧, 希望日後有所改善!

用網上流行的術語來形容，我應該是一個老資格的OR潛水夫了。 由OR開張到現在，我得到的遠遠多於拿出來分享的。忙是一個歷史上最悠久的藉口，但是看著後來者居上又居上，心裏的愧疚卻時不時地在那裏敲打。 今天寫這篇評論，出於那纏繞不去的罪惡感，更主要的，是出於感動。 毋庸諱言，認識‘大番薯’的Ron不是一兩年的事情了，由他的私房菜，到校園職工俱樂部，到他無法忍受一些官僚主義的限制而決心在一個隱世的地方繼續他對美食的執著追求，我一直有福份享受著他的創意和天分。 在我的生活圈子裏，從來沒有見過一個對食物的研究和創新如此奮鬥的人，也更少見到有人為了客人享受到美味而如此不惜代價 -- 財務報告上的數字不好看了，但是那個人說，客人開心他就開心了，是不是有點傻呢？還是說回主題吧。兩個月前一個頗為涼爽的星期日下午，兩位家姐一聲令下，‘去大番薯聚會！’我們老老小小一行5個人就出發了。 到達的時候，因為時間尚早，人還不算太多。 兩位家姐發板，當晚以大番薯頗受好評的炭燒食物套餐為主題。 主菜還未到達，先上來餐湯和麵包。 餐湯是蘑菇湯或者羅宋湯，記得我好像沒有喝，所以無法評論 – 因為我的注意力全部被那自製的，暖暖

這是朋友介紹的餐廳，雖然位置較偏遠，但從沙田開車也只不過是廿分鐘。為一嘗坊間美食，走這點路又算得是什麼！餐廳的裝修簡約，帶有歐洲田舍的風味。二話不說，安頓下來就馬上打開餐牌。餐廳主打各類蕃薯菜式，包括蕃薯沙律、蕃薯奶茶等。正在考慮點蕃薯沙律之際，眼角描到原來這裡還有喜歡的熱狗、漢堡，於是將計就計先點了個辣肉醬熱狗。熱狗，很基本的食物，也只不過是用餐包夾著香腸罷了，但卻讓我等了良久。然而，送到眼前卻使人眼前一亮。用法包做熱狗，還是第一次領教。服務員還說法包是自家製的，非常有誠意。咬了第一口，法包還是暖的，肉醬的味道亦恰到好處，不太濃。最後推介的是自創的蕃薯奶茶，在奶茶裡隱約帶有蕃薯的甜和質感，挺特別的。星期日百無聊賴，又想遠離人煙的話，在這hea一個下晝也未嘗不可。

專程與友人驅車前往粉嶺聯和墟吃豬手麵的，到了店前，竟關上大門，其後才了解，這所「唔休做」的名店，每月有兩天不定期的休假，算自己倒霉罷！但肚子餓了，總要找點吃的，驀地見鄰近一家叫"大蕃薯"的，儘管進內試試看，反正「好又一餐，唔好又一餐」！踏進店內，見是田園風味的傢俬擺設，隨意坐下，開始閱讀餐牌，眼前一亮的是脆皮豬手，今天誓要食豬手不可，以彌補剛才的空虛失落。 侍應員端上一塊長方形的砧板，上面擺放了主角豬手，還有薯菜，有「肉隨砧板上，任君宰割」的感覺。拿起餐刀及叉，在豬手中間偏右的位置，手起刀落，聽見輕輕的「叱吒」一聲，可知那皮層烤製得有多脆，先嚐外皮，甘香而不覺肥膩，接著品嚐內裡的肉層，筋腱層，嫩滑柔韌中帶點肉香，汁液，充斥整個口腔。再叉起一塊薯仔，原來是煎的，而不是炸的，能少吃點油，也是一件好事。管它呢！繼續操刀，才醒覺友人在虎視眈眈，割下三分之一給他品評，叫好不絕，轉瞬間，砧板上只吃剩那條主骨，仍意猶未盡，只恨剛才切割了一部份給他，謹此公告各路英雄同好，這味超值人間美食，最好獨享，才夠過癮！！！

大蕃薯,這家誠意小店,價錢抵,食物極有保證!!老闆由加拿大回流,學得一手好廚藝!!無論是麵包、意大利粉、麵條及甜品,全都是自家出品,以前他亦經營中餐館,所以小店融合中西之長,菜牌中亦有很多創意食品,我們一行八人,點了一檯的食物,吃得極之滿足~~~1.甘薯蘋果沙律~~清新又美味!!2.非一般的紅湯!!充滿雜菜~~(跟餐)3.老闆自家製法包,再塗上蒜香牛油,回味無窮~~(跟湯)4.海鮮意粉~~$68材料勁之多!!意粉是老闆自己搓的~~5.牛利極之淋!!!肉質美味,寬條麵亦是自家製,很彈牙啊~~6.大大塊的安格斯牛扒,半生熟!!很美味,又抵食!!$1687.極度美味又正的咸豬手!!!$88~~惹味呀!!!!!8.香草羊扒,亦十分抵吃!!配上自家製醬汁,美味!!9.特製非洲雞!!皮脆肉滑~~~吃罷主菜，千萬別忘了小店的甜品，都是很有homemade feel的啊!!最重要好好味~~有甘薯芝士蛋糕、合桃批、鮮果吉士撻!!!全都唔太甜,所以唔覺膩!!最特別的是薑汁蕃薯批，味道很得意,似蕃薯糖水!!剛巧新鮮出爐，真的人間極品~~不得不提,愛上了這店自創的蕃薯奶茶!!好好飲啊~~~~~飲左兩杯!!!!

今日下午由九龍去粉嶺睇牙醫，家姐住响粉嶺所以睇完醫生之後約咗佢去食下午茶，所以尋晚專登上(開飯啦)揾食，於事去咗大蕃薯。我哋食咗一碗豬扒湯麵，(個麵我食咗一撮仔好爽唔錯，因為我好飽所以無食豬扒)個侍應話麵係自己做。一個甘薯青蘋果沙律，用蕃薯做沙律好特別好好味加埋青蘋果酸酸甜甜(我鍾意)下次會再食le個沙律。家姐要咗一杯凍檸茶，我要咗一杯唔記得個名叫做咩薯奶茶~熱飲，杯奶茶唔覺有薯味同埋唔熱，不過我叫個侍應幫我叮番熱佢，佢都好有禮貌話無問題，所以唔會扣分。餐廳有播放英文歌-D歌好正，侍應有禮貌，餐廳乾淨，感覺好舒適，一定會再有下次。25/10/2008

大蕃薯是新開的餐廳, 好評甚多, 原因好簡單, 因為它給我感覺是一間誠意小店。 吃過之後, 感覺良好! 大部份菜式都離不開薯仔蕃薯, 好特別, 小妹是薯迷一名, 當然要支持啦!甘薯蘋果沙律：清新之作! 內有黃色的甜甘薯和薯仔, 夠腍份量也不孤寒, 而蘋果則用上青蘋果, 酸酸地挺開胃, 還有加上小量水蜜桃, 吃時有淡淡的水蜜桃味混在其中, GOOD!安格斯牛扖套餐(8oz)：先來一客菠菜忌廉湯, 質地幾滑又夠Creamy, 蒜茸包烘得香口, 好重牛油和蒜茸味。至於主菜的安格斯牛扖, 點了七成熟, 面頭煎得頗濃, 內裡眼見只有五成熟, 都幾血, 肉質有點韌, 但肥瘦適中, 整體來說只是ok而已。這裡的醬汁卻做得很好, 是另上的, 相信是自家調製, 黑椒汁好惹味, 又不會太辣, 配牛扖一流。香煎朧脷柳套餐：湯選了羅宋湯, 這個跟平時喝到的有點分別, 分別在於這裡用了大量的薯仔熬製, 整碗稠密度都頗高, 糊糊的, 啖啖都有薯仔茸, 蔬菜亦不少, 唔錯。主菜香煎朧脷柳, 可以一試, 煎得香口魚肉又嫩, 唯一不好就是都幾油下, 醬汁點了咖哩汁, 這個咖哩汁不辣的, 因為加了柚子皮, 甜甜酸酸的,

聽朋友講佢屋企附近開咗間餐廳，啲嘢幾特別，仲幾好食，前兩日去咗搵佢，咪同佢去試吓囉，睇吓係咪真係咁好食先...去到先知間餐廳叫做"大蕃薯"喎，個名又真係幾得意喎。坐低望吓張menu，都有幾多唔同既選擇，我本身都幾鍾意食蕃薯，因為夠健康，所以我地order咗一個甘薯蘋果沙律，蕃薯奶茶同一個4oz牛肉漢堡飽。真係一試難忘呀......估唔到甘薯同蘋果原來可以咁夾架，甜甜既甘薯配上爽口而清甜既蘋果，感覺真係好清新呀！滑滑既奶茶加入番薯蓉，又有意想不到既另一番風味喎。不過最精彩都應該係個4oz牛肉漢堡囉，外脆內軟既飽，充滿肉汁既牛肉再配合秘製既茄汁，真係冇得頂呀！原來個漢堡飽由內而外都係自家製架，怪不知特別好味啦。而且價錢超值，我一定會繼續捧場架.............

一家三口去完綠田園種有機菜, 係聯和墟食晚飯, 出名食豬手的都舖已關門, 入左去鄰邊西餐廳食, 店名甚有田園風味- 大蕃薯 幾特別, 估唔到食物仲特別新鮮, 健康, 好味. 值得推介 -鮮茄焗豬扒飯 及 香草醬海鮮意粉. 鮮茄焗豬扒飯 - 新鮮番茄肉打蓉做汁, 新鮮豬扒, 只有豬肉味, 沒有雪味. 焗的時間剛好, 豬扒仍存有肉汁, 絕不是快餐店式的豬扒飯香草醬海鮮意粉 - 我喜歡他們自制的香草醬,味道很清新,加上蒜香味的芝士粉伴意粉, 好開胃, 海鮮有鮮蝦, 有青口, 有魷魚, 有蟹柳, 材料新鮮, 用欖油, 夠健康.食得健康, 好味, 物超所值的一頓晚飯.

有一次, 原本諗住去食豬手, 點知間舖頭休息, 咁就索性搵隔離間餐廳食飯, 諗住求其食d 野.叫左個咖喱雞脾飯, 一食落口, 即刻覺得有d 唔同, d 咖喱好靚. 咁啱個老板行出黎(佢個樣一睇就知係老板型), 就問下佢, 原來間食店大部份醬料都係自己整, 真係整得唔錯.但係最想推介o既, 反而係佢杯咖啡, 我而家已經去食過幾次, 每次食物都ok, 杯咖啡就真係冇得頂. 一個午餐$28, 有杯即磨咖啡, 正!唯一差少少就係服務, 不過茶餐廳, 算係咁啦.

上兩個星期，同男友到上水粉嶺閒逛，本來諗住就腳，喺上水廣場食晚飯，但又發覺來來去去都係果D嘢，價錢又唔係好平，於是就出去D橫街雜巷搵食。我地最終求其搵左「大蕃薯」試吓。我地點左兩客套餐，一個「上湯浸豬手」(唔係好記得個正式全名)；另一個「蕃茄蓉茄子燴蟹肉」。一試之下，我地第一個反應係：「我地無搵錯地方」。浸豬手D湯裹面有很多豆，豆不會太硬；又不會太“林”，湯的味道清而不淡，豬手D肉比D湯浸透，肉質軟韌適中。蕃茄蓉用真蕃茄做出嚟，蟹肉“讓”係茄子上面。直得一提D茄子，佢能夠整得“林”而又保持茄子本身的香味(我係出面D茶餐廳同各大連鎖快餐店從未食過呢類水準，而大家價錢差不多)。要講下跟餐湯D麵包。麵包同出面D唔同，老板自家製作，質地軟熟。剛過去的星期六(8月30日)，忍唔住同男友再去多次(雖然我住係香港島噤鬼遠)。今次點左一客燒雞排意粉同龍脷柳意粉套餐，兩樣同出面茶餐廳及各大連鎖快餐店都有得食，價錢@HK$38.00今次令到我地更加驚喜就係，塊燒雞排食得出係用炭燒，而唔係普通煎個隻，還食得出有蜜煻味；塊龍脷柳味道適中，不會太鹹，最緊要係無雪味。埋單個陣，見到隔離枱叫左類似炒飯的物體(因為D

我係從沒有想過竟然可以在粉嶺找到一間做得咁出色西餐廳, 我同班同事在一次偶然機會下發現這間餐廳, 原本我地一行5人準備去群記食豬手, 點知道佢當天竟然休息, 我們好失望準備離開時候, 其中一個同事就發現旁邊這家餐廳叫"大蕃薯", 還提議大家不如入去試吓! 我們帶住失望的心情進入這家餐廳, 我就點了咖哩雞飯, 一試之下竟然發現一個新寶藏, 它們的咖哩做得非常出色, 是老闆自己研究出來的, 口感非常清新,食落不會覺油膩, 令你覺得有一種很開胃的感覺, 最重要係不只食物好味而且價錢非常超值, 所以從那天開始, 大蕃薯已經成為我們的超級飯堂, 差不多我們一星期最少有3日都會來食lunch, 每次來到大蕃薯都有好大驚喜, 它們的意粉同焗飯都非常出色, 我個人推介就係炭燒豬扒和香草海鮮意粉, 它們所用的食物材料都非常新鮮, 所以以一個茶餐廳價錢可以食到高級餐廳水準, 真係超級超值, 所以我們一班同事都唔介意山長水遠從上水廣場返工來到聯和墟食lunch. 最後, 記得一定要飲它們的咖啡, 如果喜歡飲咖啡的人, 保證一試喜出望外.

野食差同價錢唔成正比d單亂晒籠我後面有臺客已經係咁咋型叫個午餐"上海粗炒" 半個鍾都到唔到食物:日式雞扒飯d汁太甜d飯用本地米應該叫日式照燒汁雞扒飯湯用崩既碗好地地一間鋪點解要咁?最後我等左大半個鍾...決定唔要同waitress講waitress同我講收返餐飲錢...我問: "我乜都食唔到...杯檸茶啜一淡...你仲好意思收我錢? 不過如果你要收..我一定比!"之後老闆出黎...waive左...but...我已經決定black list呢間野我奉勸大家不論任何時間除非你好得閒同唔介質食唔好食既野否則......唔好去啦去者...同店名一樣..."大番薯"是也