大蕃薯

營業中

休息中

推使我寫這篇本人喺openrice既第一篇食評既動力，源於兩個字「出色」與男朋友搵地方食lunch，經過喱間餐廳，依稀記得OR既食評都係好多過壞既，都想試好耐啦，不如入去試吓啦。朝餐牌一望，選擇都頗多，但我和男朋友二話不說，已選了各自的最愛 極品牛肉麵同日式滑蛋豬扒飯。台式極品牛肉麵----- 一睇賣相，已經比濃濃既湯底吸引住啦，一入口，感覺就好似食緊九份既牛肉麵咁，湯底濃郁，麵條彈牙(後來先知原來係老闆自製架)，牛肉又淋又入味，真係好"正"。日式滑蛋豬扒飯----- 我男朋友話個飯好開胃，甜甜既汁，滑滑既蛋，用嚟撈飯真係一流呀...豬扒又炸得外脆內嫩，真係可以妣美出面果D正宗既日本餐廳呀。另外一人叫咗一杯蕃薯奶茶，又幾好飲喎可能因為冇乜期望，所以食完真係覺得好驚喜呀，一定會再嚟試其他嘢呀~~~

小妹一直住係聯和墟由佢裝修…到開張…到好多好評，好多報紙雜誌宣傳採訪~~一直都想黎試下~~可惜無機會咁岩今日同另一半想去食延苑(韓國野,都係係聯和墟)點知原來禮拜六6pm先開..失望而回,選擇得番大蕃薯同特餐特餐小妹以前經常食, 而且入去好多人於是決心一試大蕃薯見到menu,又中又西... 都估到午餐唔算係好pro,所以, 期望都唔太高~一入到去無人理, 自己走去坐低.. 然後望一望午餐我就驚死=_= 揀左個蕃薯西炒飯($28)諗住揀一個又係關鋪頭最出名既蕃薯 應該難食有限....之後, 另一半就揀左個 意式海鮮天使麵($38)我嗌左羅宋湯另一半嗌左個忌廉湯~~湯無咩特別之後先經典... 主菜來了。另一半果個海鮮天使麵, 有4-5個蜆仔, 有2-3個青口,然後有兩隻蝦....頭同一隻完整既蝦。 蜆5隻, 得2舊肉..而且有沙 其他係殼..青口有肉 但係, 腥的,:s .. 然後 蝦係有2隻只有蝦頭, 然後完整果隻蝦..係梅既.. 我另一半見到已經火起.. 之後都忍住啦忍住啦 將d海鮮拎起哂剩係食麵.... 海鮮唔係咁失準嘛....? (都幾失望)然後到我果個西

上個禮拜入去粉嶺同幾個朋友去聚下吹下水，去左我朋友個飯堂【大番薯】，佢地倆公婆一個禮拜梗會去2次，佢地話帶我去食好野wor~~羅宋湯+蒜茸包個湯就無乜特別…不過個蒜茸包又加返d分…聽d waiter講係自家制架！意式澳洲藍青口-->愛上了藍青口…一隻接一隻，好食到停唔到口！仲有青口d湯正到當湯飲…因為青口d鮮味融入左落個意式湯度嘉菲蟹疑似潮洲凍蟹…估唔到嘉菲蟹有咁既食法食落口好鮮甜好好味！一食就知用料新鮮！老闆果然無介紹錯！清湯牛利開頭仲估條利咁厚會好un咬唔開…點知淋到不得了塊牛利又淋又厚，真係大件夾抵食hehe…全碟最厚果舊比我夾鬼左！呵呵！P.S.個牛利汁用黎撈飯食一流……蘋果甘薯沙律不得不讚佢個蘋果甘薯沙律，好fresh既配搭！！！蘋果既爽甜配埋個番薯既香甜…真係唔識形容…你食過就會知道有幾特別！！美中不足既係………….無叫到咸豬手！！！d人話驚食唔晒d野wor！唔理！下次我要再黎大番薯！

上openrice見到咁多人激讚喱間餐廳，一心諗住同男朋友去試吓佢既早餐，去到先知原來每逢星期六、日及公眾假期先有早餐供應 唉...算啦,唯有星期六再嚟過啦~~~終於食到佢地既早餐啦，果然冇令我地失望，強烈推介... 牛肉通粉 --- 牛肉嫩滑，通粉夠彈牙，湯底又清喎，完全冇落味精，我真係覺得好好食呀~~ 大胃皇早餐 --- 我男朋友激讚"大件夾抵食"呀 嫩滑既炭燒雞扒，香脆既煙肉，又香又滑既炒蛋，自家制既鬆軟多士，仲有好特別既配菜"煎薯"先生同"水果"小姐 當消滅咗個早餐之後，佢話真係好滿足喎~~~ 香濃咖啡 --- 為我地既早餐畫上一個完美既句號下次要再試埋佢地既pancake先得，因為我見隔離檯食，好香呀~~~

我自從幾個月前去過一次，試過佢地o既食物同服務，我就個個禮拜都幫襯，除左對我來講好就腳之外，最重要係佢地o既食物質素好好，而且價錢好實惠！我最like食佢地o既早餐同tea，因為份量對一個女仔來說，可謂剛剛好！早餐我推介：1.蕃薯西多士：只此一家！佢地將甜美的蕃薯夾在平凡o既西多入面，效果出奇咁好taste，如果唔太嗜甜，可以連糖漿都唔使落！2. 意大利通粉：唔同一般茶餐廳o既整法，佢地o既廚師係用煮高級西餐o既方式，將平凡o既通粉加上香草，味道勁おいしい！3. 重量級早餐：對我同我妹兩個胃口細o既美少女係剛剛好，如果你係大食之人，就一定要叫呢一份啦！佢最特別係配菜「煎薯」，好香好特別，我暫時未係第二度食到！仲有多士好香脆，加上炒蛋勁滑，足以嫓美佐敦的澳洲牛奶公司(不過大蕃薯的服務態度好好多！)hehe~Tea set我推介：1. 蕃薯西多士：(同上)2. 蕃茄咸豬手拉麫：とでもおいしい！湯底真係好好味！我自己本身好like蕃茄o野，於是第一次去食tea，就點左個來試，估唔到真係出奇咁好味~湯底有少少蕃茄o既酸味，又有咸豬手o既咸味，味道奇配！加上本身個麫真係整到好彈牙，真係一流o既享

見到大家不停讚大蕃薯既豬手,就心思思去試下我地2個人去,叫左一隻豬手一個焗豬扒飯坐落之後發覺差唔多每台都叫雖然隻豬手本身唔算太有味,但勝在皮脆肉嫩(脆到扑扑聲),再加埋個蜜糖芥末汁就夠了而且只係賣88蚊...我地2個人,食完隻豬手都飽晒.結果個飯都食唔到幾啖,要打包可見隻豬手份量真係幾大另外,waiter有禮又醒目,不停自動加水

一直想試下脆皮咸豬手但只知道最近尖咀有某日上網search下原來聯和墟都有呀!!所以今日就係聯和墟食芥蜜脆皮原隻咸豬手(套餐) $88餐湯: 西蘭花忌廉湯+法包一塊餐飲: 蕃薯香蕉奶昔(特飲) 另加$10西蘭花忌廉湯 >> ok, 幾特別甘薯香蕉奶昔 >> 味道怪怪的飲唔到甘薯/香蕉味芥蜜脆皮原隻咸豬手 >> 正!!!!好大隻豬手皮好脆, d皮食落有骨膠原的感覺XDDDD芥蜜汁好好味, 配埋好good!!!意式牛肉千層麵 $48以為用茄膏原來係用新鮮蕃茄整汁食落無咁滯牛肉份量都好多~~滿足的一餐~~

我今日系第一次去食, 聽人講話好味, 就去食吓......... D嘢系就系好食, 但系出餐就慢咗D囉~ 我等到訓左教=.=" 20分鐘後先嚟~ 好肚餓丫V33V 我果日哎咗個重量級早餐, 有扒, 煙肉, 烤著, 炒蛋, 自家制多士, 仲有一嚿西瓜(當然仲有包埋飲品啦~) 我就哎咗個"蕃薯奶茶" 我覺得好好飲丫 有D蕃薯溶加入去奶茶到, 幾得意咖^V^ 不過, 總然而之, 讚!!!!! 我哋香港人要嘆丫嘛~ 我必定會同我屋企人去多次^V^

星期三，天氣十分酷熱，正午時份，街道上像火燒似的，消化系統嘅工作亦變得緩慢起來。一個人走在街上，只想有瓦遮頭，再加空調來冷卻身體。走進這家食肆，原因係曾經被雜誌介紹過。裝修是一般港式茶餐廳格局，但比較陰沈。空調力度不足，坐了良久，身體仍是熱騰騰的。叫得做「大蕃薯」，薯仔必定係拿手菜。之不過，筆者是日冇食薯仔嘅興趣，只是隨便的叫了一客午飯套餐，連餐湯及餐飲，盛惠三十二蚊(凍飲加兩蚊)。餐前湯係焗蒜薯仔忌廉湯，以焗蒜增加忌廉湯嘅香味，再一眾平民餐廳比較少見。加入切了粒嘅薯仔，有點咬口亦有淡淡的薯仔甜香，餐湯頗令筆者滿意；主菜係瑞士汁雜菇牛肉飯。雖云瑞士汁，但一點甜味也沒有，味道偏向清淡。雜菇粒爽脆，也散發淡淡幽香。主食嘅牛肉韌咗啲，而且食落有根，咀嚼也頗費勁。份量比較少，幸好如前文所講，筆者胃口麻麻地，否則三點三是少不免的了。行文至此，見網上討論褒多貶少，大部份都稱讚這裡的薯仔烹調技巧及晚餐。要一試此店嘅真正實力，睇嚟都要光顧晚市了。

女友愛食蕃薯, 知道呢度最近開飯都有唔少就走過黎試試, 睇下咩咁特別 店入面的牆都幾特別, 有點磚屋feel, 女友一早收集哂所有資料, 就交比佢拍板(做大爺) 芥蜜脆豬手飯 – 本人一向都唔太鍾意食豬手, 但既然係女友叫到, 冇所謂啦, 上菜真係有點嚇親, 好大隻豬手丫 , 仲啖啖肉, 皮燒得好香好脆 好似食乳豬皮咁, 個芥蜜醬幾特別, 用黎點少少茖豬手到, 令到 味覺更加豐富, 掂掂掂! 下次一定再叫 蕃薯焗豬扒飯 – 味道ok, 但好似有d醬油味, 重左少少, 蕃薯凍奶茶 – 三個字型容: 咁都得!? 從來冇諗過蕃薯同奶茶兩種野可以撈埋一齊, 味道唔錯的外 , 創意更值得嘉許! 果日有d肚餓的, 女友本來諗住唔叫豬扒飯, 叫白汁蜆意我食的, 但自己衰貪心, 驚唔飽…., 原來個豬手飯原來兩人食都夠….. 最從要夾硬清埋碟豬扒飯… 嗚p.s. : 見到老

上星期三，經過馬會諗住買番場馬仔玩吓，見到隔離間大蕃薯餐廳，之前喺openrice都有睇佢既食評，好似都唔錯咁，既然順路，就入去試下啦，結果真係冇令我失望喎一坐低就試下杯蕃薯奶茶先... 又幾特別喎，飲落去有啖啖既蕃薯蓉，而且唔落糖，反而飲到陣蕃薯既甜味，啱哂我d唔係食得好甜既人啦試埋個好多人推介既脆皮咸豬手先... 等咗15分鐘左右，隻豬手就嚟到我面前啦，望落真係好脆咁，跟住個侍應姐姐仲好好人咁幫我隻豬手起埋骨。一切開，d香味飄哂出嚟，皮脆肉嫩，仲好juicy~~~ (不過份量都真係幾多，食到好full)而且d配菜都好好味，用牛油煎過，又香又唔太油膩，Good~~~~~~~最後試埋件蕃薯批，唔太甜，批面既蕃薯蓉仲夾雜咗濃濃既薑味，真係唔錯~~~P.S. 食完隻豬手，仲順便過返馬會收錢，唔知係咪食咗豬手所以橫財就"手"d呢???

以前系聯和墟翻學，食lunch都食過呢間野，普普通通既一個飯跟飲品，味道吾錯但就無乜特別。估吾到晚餐系甘精彩！！今日請媽咪食飯，因為佢幾中意食南瓜，自己又想食西餐，睇完食評，就決定黎呢間食dinner！六點幾七點去到，只系得一張台有客，兩個人坐低之後就即刻拎菜單比我地啦。十五十六吾知食乜好，個女侍應就即刻介紹下今晚有咩特色菜，原本兩個人仲傻傻地想叫兩個飯既set，個侍應就問我地怕吾怕兩個都系飯太飽，介紹左幾款餸同麵比我地，真系好好服務！結果我地聽佢講叫左個磨菇芝士波菜天使麵，同埋羊架果個set。餐湯兩個都要羅宋湯，媽咪就嫌佢油左小小，我自己就okay，都合格既！之後上餐包，四四方細細塊既方包，擦左牛油焗好上台，真系冇得頂！嫌佢太少添。牛油吾會太多，香得黎又吾覺太油，香脆得黎好似食酥甘！吾似得果d焗過既面包會硬曬甘。磨菇波菜天使麵出乎意料甘好味，個汁食得到芝士味又吾太濃，而且岩岩好，吾會太亁又吾會太多汁，磨菇同菜都好夠，夾起d波菜就拉起一條條芝士絲，本身自己吾太好芝士，但系佢加埋d汁又吾會太濃，真系吾錯又健康！d麵話系老闆自己整，都幾好食。羊架就有少少失望，因為切開既三件，一件太生真系血

自從上一次光顧後，閒時便會與三五知己去食吓下午茶，實在欣賞該店的蕃薯奶茶同甘薯蘋果沙律。而其他美食亦從來冇令過我地失望。今次專程入去食晚餐，竟然又帶比我另一個驚喜... 南瓜忌廉湯配蒜茸包 (餐湯)我真係未飲過一碗咁好味既餐湯 濃濃既忌廉湯配上啖啖既南瓜茸，香濃得嚟又唔膩，加埋自家製既蒜茸包，外脆內軟，一個字"正" 燒羊架配飯 (主菜)羊架實在燒得恰到好處，外香內嫩，一口咬落去仍然感覺到有好多肉汁，一啲都唔乾。而最驚喜既係老闆竟然連做個配飯都咁有heart，唔係用白飯或者雞油飯，而係磨菇粒炒飯，冇得頂...而且，隨餐附上果兩款汁醬都係自家製架，配羊架真係好夾。 蕃薯奶茶 (餐飲)要為喱一餐劃個完美既句號，又點可以唔飲番杯又香又滑既蕃薯奶茶呢！見到老闆做每一款食物都咁用心，我又點可以唔繼續支持呢？

唔錯既西餐,個d cake 好食值得一試係佢個原味茄汁,同果d cake,事先聲明要係鍾意蕃薯同蕃茄既人,一陣自己本身唔"好"就話我呀..haha..d西菜真係幾好,價錢西餐黎講都算ok,雖然係粉嶺黎講偏貴既1) Cake and批 (必食,好蕃薯同南瓜or cake 之人簡直係恩物)2)蕃茄汁 (自己鍾意tomato,所以勁推)3) Burger仔(個ketchup 同塊牛勁 match)4)佢d晚餐,貴係貴d但味道真係唔錯5)咖哩 (有人食過話好正,我自己就麻麻地好陣味)p.s. 有d難搵..haha!!

:chopstick地獄雞 超正!!!隻地獄燒雞好滑好嫩,食落去好juicy!! 煙燻燒雞,好有田園風味!!! 用原有隻雞既油份去燒,原汁原味!!!! wow!!~d 配菜 都好正, d薯仔好重牛油味呀!~ 羊脾 羊脾真係好好味, 羊脾燒得岩岩好!!仲要連都燒得好脆 再配埋d Mint jelly,好夾!!!原來d Mint jelly係home-made, 自家製既味道好特別,0係係出面食唔到!!喲批同cake同麵包全部都係好home-made 0家, 好好食!! P.S. 0的麵包真係好正,好香牛油味!!! c:hopstick: 合桃批P合桃批令人回味!!合桃批內有提子干,超多合桃係批面,食落口,好有口感! 合桃味好香!! 薑汁蕃薯批好好好好好味