大胃燒

營業中

休息中

好小食串燒，但今次朋友推介真係冇介紹錯呢間餐廳除左食串燒，仲可以打邊爐架既然一場黎到，梗係要試下啦食物款式好多選擇，真係咩都想試下啊！當中最想推介係個一口牛粒，燒娃娃菜 兩者都吾會燒得太乾，好有肉汁，而且配搭埋店舖自家製嘅辣粉味道更加係一流啊見到舖頭仲貼左好多明星光顧嘅相d姐姐服務態度又好好！十個like

David服務態度真係超級好！食咗呢間串燒好多次，就連疫情嘅時候我都會叫外賣！因為真係好好食，同時性價比超級高！😻😻😻我最鍾意叫大辣，因為佢嘅辣粉係用好特別嘅辣椒磨成粉，辣得好過癮👹👹燒豆卜 好脆 係意想不到咁好味😋燒貴妃蚌，熱辣辣，蒜蓉夠多，但仍然好鮮味多汁！😋😋😋燒多春魚真係好高難度，但呢度每一條都笑得好好味😋爆晒春！又夠乾身！蜜汁雞中翼，非常入味！蒜蓉燒生蠔🦪好抵食！嘩仲要每一隻都好大隻👻👻👻超級抵食！其實仲叫咗好多其他嘢，但掛住食唔記得咗影相！我仲好推介大家食牛丸、燒韭菜、燒菜心、燒牛舌！呢啲全部都真係好好！佢哋嘅服務態度好好，好值得幫襯！

之前試過喺呢間買外賣串燒返屋企食，雖然凍咗但都好食，所以諗住要嚟堂食！今日約咗3個朋友嚟食，我地帶咗兩支酒（每支$40開瓶費）我地落完單之後姨姨就送咗碟串燒俾我地！係下圖最右嗰碟，都幾好食呢間串燒樣樣都好食，印象最深刻係燒娃娃菜、燒韮菜、燒菠蘿、燒雞泡魚乾同燒豆卜燒牛舌都幾好食，易咬（燒魷魚乾有啲難咬，咬到牙痛）啲姨姨服務態度好好，最後老細（？）仲有問啲嘢食好唔好食我地坐咗4個鐘，慢慢食下飲下傾下計，埋單六百幾蚊，真係好抵！又冇趕我地走想食串燒一定會再嚟呢間

反左成日工都想食得開心的，有朋友介紹左呢間串燒店，雖然地方唔大，但環境坐落都舒服。除左有串燒食，仲有烤魚同涼菜串燒Menu分類:海鮮，燒肉同焗類 呢度加埋都有成百款選擇多 食落都有好驚喜，好食呀~上菜好快服務員有禮貌貴妃蚌$58 2隻 老闆好好人，見今日的蚌細隻左D仲比多隻我地燒南瓜芝士餅 $17 呢個我好中意食，表面層芝士脆脆地好香，加上南瓜好軟口燒菠蘿 $17好抵食一定要試，咁多，仲好甜，食左咁多串燒最岩中和下個口燒豆卜$16覺得有的乾，呢個有少少失望既燒玉子$16好食

自從上次嚟過大胃燒之後，一直念念不忘，適逢朋友生日，就帶佢黎食串燒喇。文英街有好幾間串燒店，但係大胃燒除咗食物價錢抵之外，員工服務態度亦非常好。我同朋友喺晚上八點幾去到，但係因為店舖空間不大，又坐滿人，所以我們唯有喺門外等，員工特登擔咗兩張櫈出嚟俾我哋坐，仲搬咗部風扇出嚟吹下我地，等我地無咁熱👍🏻入去坐抵之後，我地點左好多野食，有燒茄子、燒年糕、燒韭菜、燒扇貝、燒羊架、燒番薯、燒金菇、燒牛肉粒、燒雞翼……再加多杯啤酒，簡直係絕配！每一台都有一樽樽嘅辣粉，最鍾意灑滿係串燒上面，好辣但好野味！最後，仲送左雪糕糯米糍俾我地做甜品。埋單每個人二百幾蚊，已經食到非常飽。

星期日喺尖沙咀閒逛完，又唔想喺尖沙咀食貴野，可以行遠少少去渡船角覓食。渡船角最出名就係串燒，今日無booking，有好幾間都滿座了。呢間門面無其他咁開揚，但就貼滿左好多老細同啲明星既合照，仲有個姐姐喺門口派傳單介紹，雖然望入去好似無乜人，但由於唔係好肚餓既緣故，就諗住一試無妨衝左入去。餐廳得20幾個位，幾張卡位都坐滿了4人。我地2人就坐一張大長檯，隨時要同人搭檯，不過好在唔係好多人，我地隔離一直都無人，可以放袋。木製檯面都企理乾淨。可能因為可以食雞煲/烤魚呢啲會有好多煙既食物，餐廳內既冷氣同風扇都開都好大，吹住我地個頭，食到咁上下我地見唔係太多人客 ，問侍應可唔可以熄左一部風扇，佢地都OK。兩邊有兩部大電視，一直播住新聞，幾適合一大班朋友黎吹水～由於唔太肚餓，又未試過，先叫啲穩陣既野：燒娃娃菜：燒得唔錯，有啲汁唔會好乾身，略嫌啲孜然粉有啲太重味（本人比較偏食淡味）贈送的燒芥未章魚丸，都唔錯～可惜因為冷風好勁，好快吹到凍哂。咬落真係有醬爆既感覺。燒雞皮：好失望，真係淨係得皮⋯⋯好乾身，咬落去好硬。燒雞腎：不過不失，偏乾身呢個係是日推介燒蒜香帶子：蒜香味好濃，仲有啲汁唔太乾身，帶子好大隻

呢度嘅香茅豬扒麵真係幾唔錯，豬扒夠大件又煎得香脆，成件豬扒聞落真係非常之香，奶油脆脆豬烘得非常香脆，奶茶夠凍茶味濃，整個早餐都好有水準，最緊要價錢又唔貴，呢度嘅環境真係相當企理，衞生都得相當好，令我食得安心又放心

不止一次幫趁大胃燒，文英樓附近有好多串燒店，我地都試過幾間，惟獨最愛幫趁大胃燒，價錢合理味道不錯而且服務很好!所以每次想食串燒都會黎呢度!今日食左牛柳，茄子，雞扒，腐皮卷，扎肉，雞泡魚乾，司華力腸!另外店仲送了包心丸!今日店內未滿，我地覺得廚司燒得較有心機，所以比平時更好食哩!合共約180!不過店內都有烤魚但我地二人食唔到咁多而我對魚類一般所以無試過哩!今次都繼續滿意，店員每次都態度親切，真係好難得，我地得閒想食串燒會再黎!希望繼續保持水準!

慶祝十週年拍拖紀念日突然想食串燒，簡簡單單慶祝一下夜晚9點去到都仲係爆場幸好有位客人讓了冷氣位給我們裡面的位子雖然不太多但有種親切的感覺唔講咁多，總之睇相環境服務食物燒韭菜燒貴妃蚌燒和牛大蔥燒牛肉燒白鱔焗清酒蜆蜜糖扎肉燒扇貝燒菠蘿燒雞皮燒鴨舌燒蒜芯

今日同班朋友收咗工之後一齊過嚟食宵夜 呢度雖然麻雀雖小 但五臟俱全同埋亦都有好多菜式選擇 我地1行8個人 坐得都唔算迫窄 仲可以有位放袋 因為我地人多既關係 可以點多D唔同既菜色1齊分享 呢個就係人多嘅好處啦HAHA野食方面有 有呢個辣烤魚 都有幾多肉下 我地有成咁多個人都夠分 食完仲可以拎黎滚其他野食 一舉兩得呢碟田雞又係好好味 大大隻 田雞啖啖肉 燒得好惹味叫左太多野食 唔能夠一一介紹 大家自己睇圖片啦一睇就知色香味俱全啦 食到個個都好飽下次一定會再黎食過

文英街呢頭好多串燒 間間都喺門口拉客 不過我次次都被呢間既姐姐拉到我入去 因為佢眼神好誠懇又客氣😂價錢都算公道 味道亦好好味👍🏻👍🏻牛舌金菇肥牛菜心 (啲辣粉好惹味😋)脆肉瓜 夠厚切又夠juicy!!燒菠蘿 大大份好多汁👍🏻炙燒芝士丸 流心芝士湧出黎墨魚丸 燒得好香露荀 估唔到幾特別 芝士帶子 芝士有啲漏 但帶子好大粒👍🏻多春魚 惹味蒜蓉什菇蜜汁雞翼店內有好多明星相貼左出黎 食物高質 絕對值得一試！⭐️⭐️⭐️

由於地方就腳 ，近西鐵站 ，即管和朋友聚聚。 地方唔算大 ，所以book 位就比較穩陣雖然地方唔大 ，但尚算整潔 ，最重要係 老板好有禮貌 ，而且食 火鍋魚時 ，有碟火鍋食物感覺變質，佢都幫我們換過 ，而且無收費。令人感到喎心 一間咁親善的店舖，值得加分。火鍋魚 ，可能因為唔辣 ，所以味道普通 ，唔夠酸辣 ，味道較為清淡。魚質尚算鮮味 ，肉質嫩滑。小辣的糖心皮蛋 ，由於我自己唔太食辣，所以有些微辣 ，覺得剛剛好。皮蛋配蒜蓉辣油 惹味可口。麻辣豬耳 ，飯前爽口醒胃前菜 軟軟爽爽的。試過以下的燒烤品 ，基本上唔錯 ，香口好食，比火鍋魚吸引 ，牛舌香軟爽口。煙肉年糕: 外脆內軟 ，最喜歡佢 煙煙韌韌。羊扒 ，有輕微羊騷味，但尚可以接受。

有日深夜，心癢癢想食串燒。但係地方就腳嘅串燒店又略嫌價錢偏貴，唯有上網搵下有無其他選擇。睇到呢間四川風味嘅串燒店，地點唔算難搵，無乜負評，價錢看似合理，就即管試試。去到店內環境乾淨，無乜油煙味。由炭燒木製成嘅枱櫈令店內裝潢加入一絲中國風。店員見我地第一次黎都會介紹返有咩食。(其實個到除左串燒仲有雞煲火鍋可以揀)點菜個時店員會問食唔食辣，食幾辣？因為之後嘅野食會全部幫你加上辣粉。兩種口味嘅燒牛舌。(左：鹽燒牛舌，右：燒手舌)牛舌厚度差唔多1 cm, 但係食落唔算韌有咬口。燒手舌會跟一種類似沙茶醬嘅醬汁，但係放多左會過咸，加上可能本人唔太喜歡食醬，所以比較喜歡鹽燒口味嘅燒牛舌汁燒魷魚筒。魷魚筒食落口仲有佢嘅鮮甜味，但整體黎講如果後加嘅調味料輕手啲會令味道更加平衡。雞軟骨，係本人食親串燒都必食嘅一款。加左少少辣粉同孜然粉之後整個口味變得豐富。其實仲有叫其他野，但係因為太肚餓所以無影到太多相。呢間我諗主要係sell抵食，200幾蚊食串燒食到飽住走。三五知己聚埋一齊食下野吹下水，呢個價以CP值黎計算係咁，所以會encore 的！

情人節對我黎講又唔一要食西餐既🤔 一班人食飯其實仲開心啦🤘🏿 其實由頭到尾同男朋友都無plan做咩，因為2月14日只係365日中既其中一日。係無任何計劃下，男朋友建議不如一班人食串燒🍢🍡 於是就去左佐敦一間我地食開既「大胃燒」食飯❤️「大胃燒」出名服務好，老闆超級nice,因為我地5個人關係，等左一陣位，老闆都會顯得不好意思要我地久等。老闆熱情到請我地食麻辣豬耳同燒腐皮蝦卷❤️ 果日我地叫左一條魽魚麻辣烤魚+燒福壽魚+燒牛仔骨+金菇肥牛+燒秋葵😍+仲有好多串燒❤️ 特別要食的就係厚燒牛舌🐮食左好多野都只係大概$1200 除返5個人其實都幾抵的👏🏻

如題，看到有這麼高分就試一下唔知係d人品味唔得定點，我個人覺得好一般，去過後會同你講，下次可以試去第2間。。味道普普，而且不是炭爐燒總括我給3顆星，但愛吃蔬菜的你就再考慮一下要不要去吧桃雜莓味啤酒像草莓jelly味，飲下一杯第2杯才有啤酒味，不像酒，不會想特別再點翠肉瓜敗北作之一，這裡所有蔬菜都超水，不建議點燒的蔬菜，全都不太像燒過的，回到翠肉瓜身上，不好吃也不難吃敗北之作二超水，好似掉落獲，炒2下攞返上黎咁，勁難食，超愛冬菇的我都嫌棄它了肥牛娃娃菜卷。。敗北作3，做的人有吃過嗎？兩樣放一起超不配搭的，味道超怪，想說分開來吃會不會好一點，結果是牛肉還可以，但吸了娃娃菜味還是怪怪的。。至於娃娃菜，我只能再次強調到這最好不要點蔬菜= =這點醬也不會吃的有醬的味道蒜溶茄子忘了拍照，不好吃也不難吃，太水了，不像燒的，只能說不是我想要的，皮也能吃，超愛吃茄子的我表示，不特別想吃羊架 這個味道可以，有一點點羊味，不老，點薄荷jelly酸酸的更開胃，更不乾，更好吃煙肉露荀普普，煙肉味遮蓋了露荀味，單點露荀可能會比較好，但這個咬感也不錯明太子雞翼極少明太子，不是我想像中的明太子雞翼，我只能當自己在吃普