大胃燒

營業中

休息中

冬大過年,雖則都吃了幾餐冬,但仍然很想念這條街的燒烤檔,之前試了兩次龍蝦燒,就是怕了那些煩厭的侍應阿姐,看到可網上訂座這一家,就膽粗粗的BOOK了,估不到也很不錯,但如果有埋刺身就更好了 ! 最衰只係影左幾樣食物相,影得唔多~ 那晚冬至確實人不多,應該是老板親自打點,還不時問我地口味是否OK,感覺不錯,有下次!! 還有燒香蕉送,飽到上心

是日妹妹為嘴刁小姐(^.^)慶生,搵左一大輪終於決定試下呢間唔太多食評的四川燒烤小店;6:35去到無咩人,店員好好禮貌,比我第一印象唔錯,讚!返左成日工餓到死梗係第一時間睇下有咩食啦,店員好熱心甘走過黎推介有咩好食;最後選左聖子&冬菇&雞翼&蠔&茄子&牛利&魷魚筒聖子燒得岩岩好,蒜蓉沒有澀味反而是有點甜味,讚!牛利夠厚,腍腍地,不夠爽口妹妹和嘴刁小姐向來鍾意食燒魷魚,見到餐牌上有梗係要點啦,估唔到又燒得幾好喔,魷魚鮮嫩又無燒到干爭爭,讚!食過好多地方的燒茄子,第一次食到甘juicy的,味道岩岩好,加點辣粉更惹味,Good!成晚最期待的是燒蠔(事關嘴刁小姐係生蠔發燒友),但但但呢個燒蠔竟然係我最不推介的,原因就係無咩特別,味道又唔太突出星爺話"燒雞翼我鍾意食"(我都鍾意),呢隻雞翼外脆內滑,口感幾好,係味道一般.總的來說呢間係一間有誠意的店子,食物ok又坐得舒服(嘴刁小姐好在意坐得舒唔舒服呢個問題),價錢尚算合理,是傾計的好地方.

10點幾先出黎搵食, 本身諗住食堂記點知佢無開…見到附近開左好多間串燒店就搵一間試下啦行過呢間職員話新開張會送小食俾我地咁就入去試下啦入到間店又係呢位職員招呼我地, 我估佢應該係老闆喇值得一讚既係佢張Menu係過左膠然後俾支marker你係上面填既呢個方法又環保又可以省返店既開支費我地2個人叫左好多野食, 樣樣都好似好吸引好想試本身叫左燒烏頭點知老闆話賣哂, 咁我諗住算啦~ 點知老闆話如果我想食的話可以去隔離店舖問下有無得借~雖然最後佢都借唔到, 不過見佢咁有誠意加佢分, 叫返份鯖魚啦D野食陸續上枱, 首先食左個前菜先啦涼伴青瓜: 味道做得唔夠好, 辣味未能夠深入青瓜入面; 青瓜亦未夠爽脆煙肉年糕:用煙肉包住韓式年糕黎燒, 外層搽左浸蜜糖令佢更加惹味, 再加上內裡年糕煙煙韌韌, 真係忍唔住大讚好味呀!燒茄子: 夠哂大份, 落左好多調味粉係面, 孑然粉, 都唔錯, 不過佢個底燒過龍, 有一部分燒焦左燒聖子: 不錯, 都幾爽口同新鮮燒玉米: 平時叫玉米都係得2舊而佢有一大支, 玉米好甜! 選料唔錯呀下芝士焗西蘭花: 好多好多芝士係面, 再加上蒜蓉, GOOD!燒鯖魚: 外皮燒到少少脆, 內

個日同左朋友一齊去行街....大家肚仔有D餓....大約六點就係佐敦附近....搵到間新野...."大胃燒"....見到個招牌都幾特別.....最後就揀左蒜香茄子...燒魷魚鬚...燒鯖魚...燒芝士丸...燒元貝...仲有個煙肉年糕同魚鮫....我同朋友講咩叫魚鮫...大家都唔知....結果問完大胃燒D伙記先知係魚既下巴....本來我想食烤魚....不過我朋友又唔係幾想...唯有留返下次同其他朋友啦...煙肉年糕食落去質感唔錯.....元貝同D魚都很新鮮.....其他野都好味....超開胃....不過D野都幾偏辣左D....

好耐無同朋友仔見面啦，約出來聚餐見哩間鋪頭派傳單話新開張有85折咪去試下點知要等位，等到不耐煩想走啦~~個老闆問我地介唔介意坐出面OK啦~唔好再企就得啦坐底叫左個烤魚先，又幾好食wor，8個人唔夠喉 ，so有order多條之後仲點左其他野，上圖先好味要重點推薦下先=）d羊架仲有薄荷醬擦，d騷味唔見左，連我個唔食羊ge fd都食到，真係抵讃下哩個送O(∩_∩)O雞泡魚干送啤酒好正，吹吹水飲飲酒又無曬，唔覺唔覺就食左三份 d野辣~我地又坐出面，食到成身汗，坐出面都好ge~~自己din下唔會吵到人一開始太餓，d野都無影相，到後尾先影返幾張=）總括來講d野都幾好味，係上野慢左dd咯希望keep到d水準啦

話說今晚同朋友2人係佐敦食完日式刺身後,仲想搵個地方坐底慢慢吹下水,於是就係佐敦四圍行,搵好食野~最後就搵到呢間鋪頭 --- "大胃燒"~~拎左張傳單來睇, 發現串燒價錢好鬼平,而且開張期間,做緊85折!!(PS:比起同街其他燒烤店平好多好多!!) 於是決定坐底試食啦~~ 不過當晚呢間店都幾多客,店內座位都坐滿晒~我地被安排坐係店外~~不過無所謂啦~~我地都係志在搵個地方食小食,傾計,咁食燒烤仲有風味啦~坐耐d都唔驚阻住人地做生意啦~~而且老闆同員工好好人,我地坐左2個幾鍾,都非常好招呼因為已食過晚飯,所以都唔係叫左好多野來食~~~btw d野真係好好味!!! 下次一定要叫多d朋友來食, 咁就可以叫多d款式來試啦~~順帶一提, 所有燒烤都可以選擇辣的程度~~由於今晚一齊食的朋友唔食辣,所以全部都係無加辣~聽聞加微辣會更好味!!! 下次一定要試下