大瀛喜日本料理 (已結業)

旺角作於一個購物亦尋食隨地可見的地方，但人往往就係越多選擇的時候越難選擇！通常揀唔出邊方勝出，朋友們都會話算數啦又放題啦，不過旺角吃放題也是到處可見，今次就決定了吃大瀛喜！日式放題！！放題最可怕的就是唔怕價錢任你吃，通常帶著一位大胃吃的夥伴一起，都是有點尷尬的！尷尬在於食物多到放唔落檯面都要瘋狂加單加單其他唔多說，讓我覺得最讚的係壽司！件件都好鬼新鮮！好good，羊架都好唔錯，烤的汁多又夠入味而且唔難咬

唔想諗食乜嘢好，又要食得飽肚，打邊爐又嫌熱氣，最好就梗係揀放題啦。呢間日式放題餐廳地點鄰近地鐵站，交通方便，食飽飽返屋企都快啲嘛！一有位坐低見口渴，第一時間就沖左出去睇吓有咩嘢飲先，市面上有得賣嘅汽水呢度都有得任你飲。除此之外依度仲有幾款韓國飲品，好似蘆薈汁、芒果汁同埋乳酸飲飲料。另外又有唔同口味嘅乳酪供應。汽水唔啱嘅話，可以揀呢幾款酒精飲品。落單後隔左短短幾分鐘嘢食就開始嚟啦，首先試吓我最鍾意嘅帆立貝壽司先，帆立貝大大嚿都幾新鮮架，至於黑松露赤蝦壽司，真係估唔到原來兩樣嘢可以咁夾，蝦嘅鮮甜加上松露的香味真係好正！特別推介忌廉芝士鰻魚卷同蘆筍和牛卷。鐘意左口魚嘅朋友一定要嗌呢個鹽燒左口魚，油份十足，口感一流，而鵝肝帶子堅係有鵝肝味，配合埋帶子同啲醬汁，一個字，好味。魚生都好甜好爽口好新鮮！出奇地芝麻雞翼竟然係全晚我覺得最好食，非常香脆，仲有超級榴櫣球連我唔係榴櫣粉絲都覺得值得一試。芝士蒜香牛油苦蝦同埋和風帆立貝都係熟食類必食！

一早約咗好友食飯，朋友話想食放題，自己比較怕食生冷野，不過朋友叫到就去試吓啦。一入到去，間鋪頭好大，但係就坐滿晒人，開頭仲擔心會跟漏單又或者要等好耐啲嘢食先嚟，不過侍應嘅服務好好，而且所有單都跟足晒，等5至10分鐘啲嘢就嚟齊晒！頭先都講過，我唔鍾意食生冷野，不過呢度有好多選擇，就算唔食刺身，都好多嘢揀！朋友叫嘅刺身，都幾靚好新鮮，我食咗蝦同劍魚，唔會好腥幾爽口同鮮甜。呢度推介嘅海膽手卷，細細件，海膽都ok，食完唔會好飽肚，可以留肚食其他野。我個人就比較欣賞其他熟食，叫咗幾款小食，反而幾好食，細細碟咁，食啲其他嘢冇咁悶呀嘛！呢個虎蝦好似個個都叫，我都忍唔住要試吓，上枱嘅時候熱辣辣，上面啲芝士蒜蓉牛油好香，隻蝦又夠彈牙同入味，真係幾好味。我就最鍾意食天婦羅同埋炸物，因為全部都係熱辣辣，仲要夠脆同香口，特別推介炸鮮奶，外脆內軟，好正！另一重口味推介，就係超級榴槤炸彈，呢個真係第一次見，開頭抱住咩都試吓嘅心態，自己又鍾意食榴槤，點知呢舊嘢出奇地好食，外面脆，裡面啲榴槤又軟滑又香，鍾意食榴槤嘅朋友必試！仲有呢度啲串燒都好好味，雞軟骨同牛舌又係必食，好味！我自己唔係好大食，所以試唔晒全部野，所以我

今次一行三人一早訂左位去食大瀛喜.. 平時都知道呢度人很多.. 唔訂座就真係等到化石都未等到.. 我地都安排坐係好近飲品區嘅單位.. 經過睇到飲品種類很多仲有埋啤酒.. 最貼心嘅係仲有熱飲維他奶可選擇.. 刺身拼盆& 壽司類: 光看賣相是不俗的.. 特別是三文魚夠厚切.. 而且甜蝦都幾大隻夠鮮甜.. 略嫌就係帶子粒太細口感不夠.. 反而點帶子壽司會更好.. 大片好多.. 其他壽司都不過不失.. 如果怕飽肚就可以遲少少先點.. 但特別推介和牛蘆筍必食.. 非常juicy而且配搭剛剛好.. 肉味好香.. 串燒: 我地只點左羊架同雞軟骨.. 羊架燒得好香.. 雞軟骨都大粒啲有較口.. 調味亦剛好.. 基本上我覺得已經好味過專門做燒烤店.. 天婦羅: 重點一定要食一口炸鮮奶.. 這個口感獨特而且不是周圍可食到的.. 外脆內軟.. 咬開就有牛奶漿.. 如果不怕熱氣其他都可以一試..小食及炸物: 瑞士汁雞翼及一口牛肉粒都值得一試.. 雞翼的確多大隻啖啖肉炆得好入味.. 而牛肉粒加左洋蔥炒就肉汁滿瀉.. 而炸物方面我自己就偏愛炸蠔.. 外皮炸到金黃色.. 咬落去蠔汁就出晒來.. 不過朋友就鐘情於芝麻

作為去食放題來說就係放開肚去食先係最吃翻本就鬥邊個係大胃王啦！哈哈是日同兩位食放題食到要挖喉嚨來嘔嘅自認為係大胃王嘅出嚟食日式放題，大瀛喜！坐低嚟緊係不停咁寫寫寫寫食物紙啦！先來左魚生甜蝦唔錯夠新鮮朋友仔好鍾意食甜蝦叫勁多幾乎一個人食晒太恐怖我好驚佢返屋企會寫肚啊於視乎太恐怖鍾意食蝦都唔好咁掛點解全部都係蝦，好可怕啊又椒鹽又烤🦐蝦，食到個蝦我都覺得好恐怖囉唔想再要食蝦啦！真係好攞命呀作為跟有位蝦迷出來吃飯，而且放題可怕！我還是點我的其他吃吧

今天與M先生吃飯，他最愛吃刺身，所以還是選擇放題比較抵食。反正去一般單點的日式料理店舖叫幾款刺身已經幾百蚊了。大瀛喜一早已經訂了，座無虛席，幸好book了枱，不用等太久已經可以入座。二人座位並不大，不過已經很夠用。飲品又有凍又有熱，仲有普通水支裝，好衛生。餐牌選擇超級多，首先點了一盤刺身，每樣都有啲，三文魚好肥美；甜蝦唔爽口但係好鮮甜；仲有泰國虎蝦，榮螺等等都唔錯。就係小粒帆立貝唔夠甜～小食方面胡麻冷烏冬調味香同埋口感都有彈性，基本上呢種醬汁配咩都好食。仲有泰式鳳爪，小小酸辣勁入味，香脆到連啲骨都可以食。胡麻豆腐細細件，人手一件唔怕食唔晒，想食嘅先叫，最欣賞佢這個尺寸。菠蘿能夠保持裏面嘅水份，不過就外面唔會太香，整體唔錯。手卷仔又係細細件，唔好期望個味道太多，但係至少唔會搞到個人好飽，有得食海膽算係好好😿個個都話食牛油粟米好蠢，但係我就係鍾意人哋整埋比我食嘅感覺，估唔到個牛油幾香又好入味，而且唔會真係見到成舊牛油咁核突，份量適中都係食少少嘗試吓Ja。炒雜菜鹹香十足，又有芽菜、椰菜、豆等等，不過油份就多咗少少。如果講甜品就係食咗一個Q版心太軟，幾可愛，而且裏面真係有啲朱古力漿流出來！

我食放題貴精不貴多，無謂勞役自己個胃嘛炸鮮奶無諗過放題都有炸牛奶食一試，難忘。細細兩小啖食曬，唔會炸得好濃，牛奶味濃郁蟹棒天婦羅最怕天婦羅沾滿炸粉 睇圖都見到呢個只係薄薄的一層仲保留到蟹棒的鮮味 很不錯三文魚腩壽司此非放題必有食之一魚腩肥美適中，厚薄也剛好，帶點油份提升左鮮味。必食海膽手卷最懊妙之處在於它的size. 小小的大概手指尾咁唧大小食完都唔怕無quote 食其他野老實講，食放題有海膽食，夫復何求呢黃金蝦都有得食你服唔服 拍得上大排檔的水準外內都沾滿蛋旺，連蝦殼都要食埋先得燒菠蘿純粹個人必食喜好 食到中段可以整理一下 開開胃 然後繼續嘆美食燒牛舌牛舌的厚薄好能多影响整體口感呢個不論厚度，溫度都近乎完美。但切記小食多滋味喔蒲燒鰻魚回本之作，鰻魚燒到外脆內軟個汁都無妹仔大過主人婆。我一口氣食曬三件飲品種類繁多，就連清熱飲品都有食多點炸物燒物都不怕上火生豆豆啦

筆者係一個放題愛好者，但同時又好怕肥，到咁上下就想食翻餐放題，開懷放肆一下，好矛盾今次就來到旺角大瀛喜。點餐紙左上角大個ABCD 分好曬類！好清楚。左上係左口魚群邊壽司，入口即溶，但火炙得唔係。右上係火灸蟹棒壽司，大大條，正！左下係火灸三文魚，同樣地火灸得唔夠，可能星期六人多，太多柯打！右下三文魚魚腩，老實食放題就唔好對食物有太高要求，但呢個係出乎意料的好食，三文魚腩夠曬肥美:-)刺身大路的都可以點。三文魚中上水平。希靈魚不錯，唔腥亦不會太酸。天婦羅左：蟹棒，無沾滿炸粉，一讚。中：大蝦，合格到位。右：甜蕃薯，細細粒，味道甜美炸物芝麻雞翼熱辣辣，正！吉列蠔：能保持蠔味，難得:-)卷物 下：忌廉芝士鰻魚卷：個心有好大嚿芝士，同鰻魚好夾，可惜個汁有點搶味。右：蝦卷，圖都睇到個蝦好大嚿，好脆！甜品泡芺綠茶軟餅好食，皮薄，內裡的綠菜cream 好輕身，唔會令人覺得好濟。飲品好多選擇，罐裝枝裝，就連清熱酷都有！雪糕 雪條要提的係食物大部份都做到細細件 ， one mouthful 。咁樣就可以食多幾款不同的食物，不錯錯！ PS. 七點前離座八折，七點半前八五折。

好似太耐無食過放题，聽朋友講旺角有間唔錯，於是走去試下。餐廳好大，好試正，座位勁多，全場滿人，應該無黎錯啦！菜單成本字典咁厚，勁多款菜式選擇。坐低更係黎柸野飲解下渴啦，近大門入口有個大雪櫃有成十幾款食品選擇，好多新款飲料，我就擇左荔枝紅茶試下，味道唔錯，重荔枝味！點左既刺身壽司好快上枱，所有刺身非常新鮮，職員見我地有生蝦刺身重俾多個泰式醬我地，酸甜開胃，絕配！壽司大大件，賣相好，味道重唔錯。豉椒炒蜆，夠野味，正！燒雞軟骨&羊架，外脆內軟，唔會過火太硬，！最唔好就係最愛牛舌早就賣清試唔到 唯有下次！

旺角係九龍區當中的繁榮鬧市， 也是年輕人的飲食潮流指標，地點交通方便之於， 購物商場， 食店餐廳萬應俱全。 今日同朋友慶祝生日， 一於食好DD, 久違的日式放題係我地既最愛， 彷彿聽到新鮮魚生刺身， 壽司， 炸物天婦羅， 火煱的呼喚。 去到已見有好多人等位， 原來9:30後有85折， 10pm 後有8折的。 我地book 左9:30pm, 所以真係好抵食，有多款食物任食， 飲品任飲， 仲有折扣優惠， 難怪咁多人黎食啦！飲品是自助形式的， 我地一坐低就去飲品櫃揀野飲， 種類多所以花多眼亂，除了汽水外，還有一些健康飲品， 仲有唔同口味既乳酪，岩哂我！ 我先拎左支蜂蜜雪梨， 陣間食熱氣野都唔怕啦！刺身方面， 必食三文魚，甜蝦， 因為兩者都好新鮮肥美， 另外仲有鮑片，比寄貝都不過不失啦！珍珠帶子就真係有d 失望，還是大大粒帶子才有口感，夠正夠新鮮！ 不過最特別的是這種有泰國的虎蝦刺身， 由於唔係度度有， 所以小妹認為絕對值得一試， 加上貼心的待應還為我們提供泰國特色醬汁， 配上秘製醬汁的虎蝦實在太美味, 我再嘗試用其他刺身點這醬汁， 效果也很好， 大家也可以試下另外壽司也有很多款式的， 我們點

同友人出街😍   想坐低好好聚一聚 點知比我地見到呢間可以食3個鐘既午市放題！正！果日都好多人！不過呢間店地方大 有足夠位置 環境唔錯 唔會要我地等咁耐食放題梗係唔少得食魚生啦！啲魚生塊塊都好厚 咬落去啖啖肉 又有味！不過只有2個人食 所以我地唔係叫左好多！ 大家都咪做大晒鬼呀呢個手卷都好正！for你一口吃落去！咁就唔洗驚 整都周圍都係！而且我叫既呢個海膽手卷既海膽都好滿好新鮮呀 點埋豉油更加惹味仲有好多唔同既壽司同炸物～ 炸物唔會話好凍 真係feel到新鮮炸出黎 好脆入面既野都好有味

上星期約左同事同佢老公一行4人去旺角食放題、好彩早一日打電話去訂位、去到門口都好多人排緊隊、我地到左唔洗五分鐘、就已經安排到坐位俾我地、環境比較黑同迫。先黎叫左魚生、三文魚、甜蝦、紅蝦都好新鮮、帶子唔係好掂、可以唔洗叫。其他熟食有黃金蝦、炒蟹、黃金蝦好味、肉質彈牙、有淡淡鹹蛋香味、蟹無乜肉一般般、羊架肉嫩多汁、燒得啱啱好、好味！重有我最愛榴槤炸彈！炸芝士、真係好好味！另外、甜品都有好多選擇、芒果糯米糍、法式燉蛋、牛奶布丁、木糠布甸、味道都唔錯。其實食物真係唔錯、但服務真係一般、我地坐响有矮屏風既地方、侍應因爲貪方便每次都響屏風另一邊將食物放過嚟、所以所有食物包括熱辣辣既鍋物都響我哋頭頂經過、比較危險、希望餐廳會改善一下。

好耐冇食放題啦！今次食餐飽先！好多款壽司食啊！大蟹棒真係好大條！而且勁香蟹味！好正！仲有個鵝肝帶子壽司都好好食！鵝肝勁肥勁香！帶子又夠甜！鰻魚芝士卷有勁香既芝士味！鰻魚又好食！個蟹子炸蝦卷都好正啊！炸蝦勁脆！海膽手卷同三文魚手卷夠細件！唔會浪費我個肚既空間！仲有辣酒花螺過下口癮！食放題真係一定要食幾隻芝麻雞翼先得！芝麻雞翼好正啊！炸完好脆又唔會好油！入面既肉又夠滑！仲有榴連炸蛋同炸蠔！甜品有心太軟好正啊！去拎個雪糕再加個心太軟食好正！

貓貓今日去放題。好耐冇食好西啦。貓貓好耐冇試過午餐食放題。成個刺身拼盤得一個字，就係新鮮。劍魚好甜，冇諗過希靈魚冇好腥陣味，好鮮甜。大大隻蝦刺身，好食到貓貓就快融化啦。鰻魚芝士壽司味道好夹，越食越開胃。蟹子吉列蝦壽司口感豐富，出邊彈牙，入邊鬆脆。仲有好少係出邊食到既蘆筍牛肉壽司，幾符合貓貓鍾意的口味。放題好少見到有燒雞翼，貓貓即刻叫黎試下。蜜汁燒雞翼又真係幾好味，燒得夠曬水份。味道濃，葉得夠味。今餐放題都算高質，貓貓食到好飽。

首先題外話，食放題，即刻睇到d自稱高尚嘅香港人係幾無品！唔該d人唔好眼閣肚窄囉，唉..... 再講講有咩好處先！好處係服務態度唔錯，上餐快，重有，我臨時臨急去，居然有位！哈哈.... 可能唔係咁好食，所以容易囉到位。蒜香牛柳粒無牛味，連燒牛舌都係無咩牛味，普遍叫天婦羅都有提供嘅蘿白蓉又無，有d美中不足。天婦羅蝦彈牙新鮮，燒羊架好厚身同好淋，浦燒鰻魚夠厚，入口即溶，最深印象係黑松露蝦壽司，以為黑松露都係好淡，點知入口頗重黑松露味，唔錯。雖然場地唔細但座位比較淺窄，張點餐紙d字又鬼咁細，燈光又昏暗，睇得好辛苦！所以...... 只可以講，好壞參半，一試無妨。