大澳德發 (已結業)

今日公老出咗去銅鑼灣做嘢，佢係附近見到間大澳德發餐廳，今晚我哋就去試吓。😋三弄脆皮豬手，大大隻豬手，皮卜卜脆又香口肉質嫩，唔會好鹹好乾，加少少芥末醬有令一種美味。$188😋生啫唐生菜，熱辣辣，生菜爽好入味，配上乾蝦，肉碎加入少許紅椒，又惹味。$68😋椒鹽九肚魚，九肚魚炸得好脆好香，椒鹽唔會影響魚肉質鮮味，魚新鮮唔會覺得油膩。$88😋金沙鮮魷，外脆內軟鮮魷炸得好彈牙唔韌好爽滑，加入蛋黃炒更加香唔會太鹹，蛋黃調教得好。$98😋鹹檸檬七喜，簡單一杯鹹檸七，檸檬唔會太酸。$25員工有禮貌熱情，環境舒服，價錢合理，下次會再來。

大澳水鄉最近因為花燈節又再次熱鬧起來，不過如果只是想品嚐大澳水上人家菜，可以不用長途跋涉，在港島區兩間大澳德發都可以一試。炮台山的大澳德發一早已知，亦已經試過好幾次，原來銅鑼灣亦開了分店，是夜專程前來。銅鑼灣店有兩層高，所有食客都坐在二樓的一層，地下顯得比較冷清。銅鑼灣店的燈飾以水上人竹帽作燈罩，加強其主打大澳水上人家菜的特色。由地下行上兩樓，已經可以聞到濃濃的海鮮香烤味，眼見每枱都有個gas爐，不是正在煮蜆煲就是煮鹽焗奄仔蟹。蜆煲雖然吸引，不過人少又想多嚐其他菜式，就叫上其他海鮮菜式滿四百元以加送奄仔蟹。酒香鮑魚凍食酒香鮑魚最先上枱，鮑魚預先切開兩半，方便食用。鮑魚酒香味不濃，不過肉質非常煙韌彈牙。大地魚蠔仔肉碎湯飯 蠔仔湯飯兩人大概每人可分到兩至三碗，份量足夠。蠔仔湯飯與其他食店有點不同，加入了魷魚乾及蝦乾，味道鮮上加鮮。蠔仔細粒飽滿，肉碎芫茜份量平均。沙嗲銀絲中蝦煲蝦煲上枱時滾得熱辣，中蝦份量不少，每人有大約四隻，中蝦肉質結實，新鮮彈牙。配菜有洋蔥、彩椒、粉絲及金菇，吸收沙嗲醬及中蝦味道，非常惹味。濃湯野菌泡時菜魚湯味道很濃鮮，加上不少原粒熟蒜頭，雜菇白菜仔味道變得鮮美味濃。鹽焗

好耐冇約朋友食下飯吹下水🤣今日一約，帶我黎呢間位於銅記嘅「大澳德發」主打各款水上人家菜食遍中菜，西餐，日式，韓菜，印度菜嘅小編就係未食過蜑家菜！今次真係要食真D😍.【餐牌】.【孖寶B $258】推薦想黎嘅朋友仔order佢地嘅孖寶Set本身已經比單叫平左，依家仲做埋特價添！Set B有兩款：1. 沙嗲銀絲中蝦煲粉絲吸收哂醬汁嘅精華味道濃郁且吾會有油膩感，送飯真係一流👍仲有彩椒，洋蔥，蔥絲添😍當然，鮮蝦份量都落足，約有8~9塊蝦肉啖啖肉厚實彈牙😈2. 酒香/椒鹽鮑魚感覺有D似避風塘鮑魚🤣鮑魚外脆內煙韌，配上炸蒜嘅加持既脆又香口❤️.【蟹籽瑤柱蛋白飯 $98】炒飯用上絲苗米，入口乾鬆吾易爛，粒粒分明啖啖都食到瑤柱嘅鮮香同蛋白香加上脆玉瓜粒同蟹籽，口感更豐富😘.【陳酸木耳 $38】不錯嘅開胃小前菜木耳爽脆且帶酸香，不知不覺就成碟清哂😂.【龍鳳檸檬可樂 $10】跟餐價每杯只係$10仲要冰底上👍所謂龍鳳即係新鮮檸檬配醃漬咸檸檬酸咸甜互相衝擊加上強烈氣泡每啖都係Fresh。Fresh。Fresh😈

Be承認嚟開餐係因為早排見fd子post咗張拎住呢度餐牌打卡嘅相而起念嘅😂😂一見咁特色嘅設計應該真香港人都想持有(影相😍)！一於嚟試試呢間水上人家菜！點知食落道道菜都好出色添👍咁梗係要分享吓！. ✨菠蘿拔絲咕嚕肉 $88勁爆澎湃嘅拉絲😍😍一夾起就痴住拔出嚟！滿足哂視覺效果！正！仲要唔會好甜！食落脆皮得嚟又易咬開！酸酸甜甜好好味！！. ✨金銀蛋泡時菜(小白菜) $68叫番個食小菜必叫之一嘅菜式先👌皮蛋同鹹蛋嘅裡應外合令到經典味道重現口中！配合啱時節嘅嫩口小白菜＆肉碎！用匙羹連湯咁食！的確好唔錯！！.✨菜心炒牛肉 $68夠鑊氣哦！牛肉無醃得過火依然保持鮮味！肉質唔韌抵讚！仲有啲彩椒同菇菇令營養色彩都更豐富！而且菜心炒完都翠綠！Good! . ✨惹味卜卜蜆煲 $168滿滿鮮蜆共處一爐😋😋面頭鋪咗大量芫茜蒜蓉更惹味！令放入口腔嘅海水鮮味再上咗一個層次！加上蜆肉肉厚又冇沙！味道微微辣食得好過癮！一隻接一隻咁啜肉清殼😝

網上睇到有每人$398任食奄仔蟹加個小菜，見Openrice咁多好評，D蟹既相又幾靚咁，於是諗住去試下。 首先入到去，樓下收銀阿姐掛住聽電話覆客，完全無理我地入左黎，咁我地自己搭Lift上1樓，個個侍應好似好忙但又唔知做緊咩咁，要同幾個侍應講我地兩位先有人安排坐位。我地坐低左後，張枱上面仲有上手食剩跌左係枱上面既食物殘渣，但阿姐就直接放新既碗碟係果張上手用過既紙上面，要特別叮囑佢拎走張舊紙、抹枱、重新俾張新紙我地先得。衛生情況好似麻麻地...😅聽到侍應講蟹唔係好充足同埋怕d蟹唔得，所以我地無食$398任食奄仔蟹，轉左散叫，當中叫左隻鹽焗奄仔蟹$88，幾個餸加埋過$400又送多一隻鹽焗奄仔蟹即合共兩隻。 邊等野食時發覺d侍應好似唔知自己做咩咁，好亂又無乜做野；唯獨有個四眼叔叔雖然粗聲粗氣不過招呼得好妥當同埋亦比熟手好多。雖然佢好忙，但佢間唔中都會過黎幫我地睇下個蜆煲情況，又會幫我地跟其他餸。食食下，之前幫我地擺枱個阿姐中途拎走左我地放湯匙既大碗，點知佢轉頭又放返係水吧前面當新碗咁準備俾下個客用，睇到都驚驚🥴。 後來其他餸都黎齊，就邊食邊等果兩隻鹽焗奄仔蟹，期間聽到見到隔幾枱有食客投訴，聽

喺兩年前已經一直幫襯北角嘅大澳德發，出名夠鑊氣！知道近排大澳德發喺銅鑼灣開咗分店，而依間分店主打可以食海鮮，今日特登嚟試吓。新嘅分店比北角老店坐得更加舒服寬敞，有兩層高。上面嗰層主打食小菜。因為帶住小朋友，叫咗個大澳德發招牌炒飯$108份量都幾大，食落去甜甜地，有啲甜梅菜，炸魚仔，叉燒，燒肉，蝦。味道好特別，甜甜地，炒飯炒得粒粒分明， 10分開胃好味！推介！酒香花枝餅$108調味得幾好，食落去有的一粒粒嘅墨魚，雖然冇口感冇預期之中咁彈牙，偏淋，俾小朋友食係唔錯嘅選擇。整體ok粉絲蒸頭腩 $128用呢個價錢食頭腩真係幾抵，我諗大概有10 12舊，魚十分新鮮同啲石斑魚蒸得啱啱好，仲有木耳同埋紅棗，好滑好入味。唯一缺點係啲粉絲比較硬身。整體用餐經驗都好開心，侍應服務態度良好，座位喺茶餐廳來講坐得好舒服。小插曲，見到周圍枱枱啲人都食緊奄仔蟹，原來做緊奄仔蟹任食，後面嗰台幾個女人係咁食奄仔蟹，睇到都流口水，走既時候經過見到啲蟹仲係新鮮識得郁👍🏼Ps:我覺得佢啲海鮮好新鮮，而且比較起其他小菜，價錢合理！同埋佢嘅海鮮種類繁多，整得好好味，與其去酒樓食海鮮，不如可以來依度試下佢唔同款嘅海鮮！明白點解佢

今日去完銅鑼灣shopping，經過謝斐道見到呢間新餐廳開張，原來係食中菜的，見都幾多人幫襯，於是入去同朋友仔試吓先！我見每張枱都係食海鮮為主，相信應該都幾新鮮，而且呢度晚飯都幾抵食，有多款套餐選擇又有晚飯孖寶！菠蘿拔絲咕嚕肉$88份量都幾多，每舊咕嚕肉都啖啖肉，超級真材實料，做到外脆內軟，抵讚👍🏻👍🏻👍🏻蒜蓉粉絲蒸蟶子$84/2隻蟶子彈牙爽口，好新鮮，用蒸嘅烹調方法已經好好味，仲可食出原汁原味😋😋😋碧綠龍躉球$148龍躉球大大件，肉身夠厚，又冇腥味，炒得相當有鑊氣，鍾意食魚嘅朋友值得試試👏🏻👏🏻椒鹽九肚魚$88炸得金黃香脆，脆漿又唔過多，大大條九肚魚，魚質滑嘟嘟，加埋喼汁食一流😍😍總結：以銅鑼灣餐廳嘅價錢，呢度非常之抵食，兩個人食咗四樣菜埋單都只係$400 左右，而且食物質素亦唔差，絕對推介！

朝早搵地方食早餐，見到這間新開餐廳，原來北角有開分店睇食評都不錯，所以試一試，餐廳樓底高，有兩層，裝修時尚空間好夠座位舒服👍🏻餐廳的Menu是護照設計感覺特別📍大澳雪菜肉絲米粉$34淡淡的雪菜肉絲，米粉又夠好味😋腸仔炒蛋丹麥酥多士滑蛋真係炒得好不錯，丹麥酥真係第一次食，口感不錯一絲絲，甜甜地，帶給我另一番風味📍叉燒湯意粉足料叉燒，意粉夠味，湯底不錯，一點都不馬虎😋杯凍咖啡腸仔炒蛋丹麥酥這份早餐來講味道一流

食熱炒小菜白飯，喺室內食大排檔嘅味道！雖然我自己冇成日食，但我都幾鍾意熱炒！今次嚟咗大澳德發，呢間晚市主打食小菜！蒸扇貝味道調得唔錯，粉絲喺面，吸收晒扇貝嘅精華！漁村三寶蒸肉餅 （$88）我自己係非常之推介呢個。佢超大碟又非常之下飯，肉品鮮嫩多汁，漁村三寶有蝦乾，土魷，魚仔，鹹香！椒鹽九肚魚呢個一定要趁佢炸好之後即刻食，先會脆卜卜，炸得唔錯皮薄魚香， 但因為最後幾夠我哋等咗一陣先食，已經淋咗啦⋯⋯食完最後一定要加返個生菜煲熱辣辣上枱，又大大碟，生菜軟淋吸收晒個醫汁，亦有蒜香！非常推介！最後要講一講嘅係滿$400 ，就會送蟹仔一隻，唔好以為送嘅普普通通，雖然細細隻，但就超多膏，一定要試！

前幾日出銅鑼灣行街 見到呢間新開嘅餐廳, 上網搜尋下原來大澳德發喺北角都幾出名, 主打漁鄕菜式,價錢唔貴, 反正要食飯就入去試吓囉。廚師推介嘅菜式已印在餐紙上。好鍾意呢個Menu 夠哂創意仲有套餐 經濟實惠 適合選擇困難症😉惹味卜卜蜆煲超惹味, 火爐煲滾一打開蓋香噴噴😋食完蜆之後再落埋個大地魚湯, 加埋一碗飯落去,變成好鮮味嘅泡飯😋平時唔食飯嘅我, 都忍唔住食咗碗🤭脆綠龍躉球 鮮味肉厚，啖啖肉優惠孖寶餐 薑蔥霸王雞 金銀蒜蒸扇貝晚市食滿 $400 送奄仔蟹一隻朋友相聚 晚飯小炒漁鄉菜式☺️

大澳德發 Tai O Tak Fat 
係食大澳水上人家菜價格都幾親民😎佢個menu成本passport咁，都幾特別

優惠孖寶A $198
薑蔥霸皇雞
金銀蒜蒸扇貝
鹽焗奄仔蟹
(消費滿$400即送)

 薑汁炒芥蘭$58

卜卜海鮮煲 配 大地魚湯泡飯 $288好似係我第一次食
蜆肉唔算好大隻,但粒粒都好鮮甜同脹卜卜
加埋蒜香,芫荽同辣椒更滋味更香
食完蜆仲有元貝同蟶子
咁啱冇晒蟶子,換咗隻鮑魚(太開心)
食晒之後會加入湯汁再加白飯變成泡飯
啲飯吸晒海鮮味好惹味

金沙脆鮮魷$98
新鮮!爽口!彈牙!一啲都唔韌仲有少少酥脆
冇諗過放耐咗都一樣好食
魷魚配蛋黃，鹹鹹香香好正
(一定要食!!!!)

🌟沙爹銀絲中蝦煲 $138第一次食水上人家菜,佢個沙爹係比較偏甜
個人鍾意鹹多啲🙈🙈粉絲金菇芽菜吸晒啲汁，條條分明好有口感入味又香濃

呢杯薏米檸檬水好足料😂😂👍🏻👍🏻正醬油淮山（我暫叫佢呢個名🤣）係新菜式店員比我哋試😋好爽口又酸酸甜甜好開胃我同朋友都好鐘意🥰🥰

你有幾鍾意食蟹🦀？你又有幾快隊完一隻蟹🦀？如果有2個鐘比你任食鹽焗奄仔蟹，你估你可以食到幾多隻😂雖然佢主打水上人家菜但我地係比💥$398 任食奄仔蟹吸引咗入去，同埋想挑戰自己可以隊到幾多隻😏我開頭諗住我只食到4隻，但我最後係食到6隻🤣 人頭計每人有一小菜選擇，揀咗銀魚仔肉餅👍🏻 椒鹽豆腐，非常嫩滑👍🏻 炒菜🥬仲有我最愛既啤酒🍻呢個價錢我巳經回本了😜 如果佢有埋甜品或水果就完美哂🤣🤣

終於終於終於唔使特登入大澳都食到大澳德發每次入到大澳都會忍唔住食佢嘅海鮮而家喺銅鑼灣開咗分店以後都有得食😆希望佢同大澳食的水準一樣 最後都無失望不過今日冇冰鎮咕嚕肉如果唔係一定會叫所以我哋改咗要咕嚕肉拔絲其實同冰鎮一樣外脆內軟只係熱嘅版本送飯一流跟住就係必食嘅啫啫煲我哋今次揀咗生菜一開蓋嗰陣好香好香好香連隔離枱都問呢個係咩菜跟住就食埋重頭戲嘅海鮮我哋今次叫豉椒炒蟶子仲加咗$48炒米粉底😆佢係好似米粉餅嘅嘢俾你掂汁食之後再食我最中意的蒜蓉粉絲蒸扇貝啲蒜蓉粉絲拎嚟送飯一流，扇貝都唔會太過熟最後收尾一定要嗌龍蘇豉油王炒麵即係魷魚吵得好乾身唔會太鹹亦都唔會太油之後朋友話因為都想食菜所以我哋叫咗個油鹽水粉絲煮蜆 , d 蜆好足料最後大滿足！哈哈

銅鑼灣開咗間新餐廳🍴，主打水上人家菜😍，選擇好多，有海鮮、小菜、小食，晚市仲有優惠餐，價錢合理又好味😋，寶寶同我都好鍾意❤️孖寶B $258沙嗲銀蒜中蝦煲熱騰騰🔥嘅煲，沙嗲香味撲鼻，帶點辣，好惹味。中蝦夠入味，蝦🦐肉爽甜彈牙。 粉絲吸收咗醬汁，再配上爽脆青椒🫑及洋蔥🧅，好好味。椒鹽鮑魚 第一次食，估唔到雖然用椒鹽，但仍能保持鮑魚嘅鮮味。鮑魚外脆內軟，肉質肥厚，口感爽甜。蟹肉扒時蔬 $ 148絲絲雪白蟹肉及蛋白佈滿西蘭花上面，再加上醬汁及蟹籽，色彩豐富，西蘭花煮得爽脆，蟹肉甜美。仲有好多特色菜，如大澳鹹香雞、三弄脆皮豬手、酒香花枝餅、大澳海味雜菜煲等，下次一定要再試

這間以水上人家菜為主打的食肆，由北角去到銅鑼灣，今晚便來這裏測試一下。漁村三寶蒸肉餅$108，肉餅內有蝦乾、銀魚乾、土魷乾，不同的海味乾有不同的味道，令到肉餅的味道層次10分豐富，可惜魷魚乾帶點苦澀味，令到這個肉餅稍為遜色了一點。大澳鹹香雞半隻 $128，份量十足的鹹雞，雞肉嫩滑，鹹味不會過濃，如果鹹香味可以再濃一點更好。招牌小炒王$118，韭菜花、腰果、銀牙乾、蝦肉、魷魚酥、蝦乾和冬菜絲，小妙王鑊氣十足，味道惹味，用來佐飯就最合適不過。紅豆冰跟餐$10，紅豆軟腍可口，甜度適中。龍鳳檸檬七喜$25，檸檬和鹹檸檬的味道，令到味道的層次感更豐富。