大澳德發 (已結業)

食熱炒小菜白飯，喺室內食大排檔嘅味道！雖然我自己冇成日食，但我都幾鍾意熱炒！今次嚟咗大澳德發，呢間晚市主打食小菜！
蒸扇貝

味道調得唔錯，粉絲喺面，吸收晒扇貝嘅精華！

漁村三寶蒸肉餅 （$88）

我自己係非常之推介呢個。佢超大碟又非常之下飯，肉品鮮嫩多汁，漁村三寶有蝦乾，土魷，魚仔，鹹香！

椒鹽九肚魚

呢個一定要趁佢炸好之後即刻食，先會脆卜卜，炸得唔錯皮薄魚香， 但因為最後幾夠我哋等咗一陣先食，已經淋咗啦⋯⋯

食完最後一定要加返個生菜煲

熱辣辣上枱，又大大碟，生菜軟淋吸收晒個醫汁，亦有蒜香！非常推介！

最後要講一講嘅係滿$400 ，就會送蟹仔一隻，

唔好以為送嘅普普通通，雖然細細隻，但就超多膏，一定要試！