影片
更多
2021-09-25
33 瀏覽
網上睇到有每人$398任食奄仔蟹加個小菜，見Openrice咁多好評，D蟹既相又幾靚咁，於是諗住去試下。 首先入到去，樓下收銀阿姐掛住聽電話覆客，完全無理我地入左黎，咁我地自己搭Lift上1樓，個個侍應好似好忙但又唔知做緊咩咁，要同幾個侍應講我地兩位先有人安排坐位。我地坐低左後，張枱上面仲有上手食剩跌左係枱上面既食物殘渣，但阿姐就直接放新既碗碟係果張上手用過既紙上面，要特別叮囑佢拎走張舊紙、抹枱、重新俾張新紙我地先得。衛生情況好似麻麻地...😅聽到侍應講蟹唔係好充足同埋怕d蟹唔得，所以我地無食$398任食奄仔蟹，轉左散叫，當中叫左隻鹽焗奄仔蟹$88，幾個餸加埋過$400又送多一隻鹽焗奄仔蟹即合共兩隻。 邊等野食時發覺d侍應好似唔知自己做咩咁，好亂又無乜做野；唯獨有個四眼叔叔雖然粗聲粗氣不過招呼得好妥當同埋亦比熟手好多。雖然佢好忙，但佢間唔中都會過黎幫我地睇下個蜆煲情況，又會幫我地跟其他餸。食食下，之前幫我地擺枱個阿姐中途拎走左我地放湯匙既大碗，點知佢轉頭又放返係水吧前面當新碗咁準備俾下個客用，睇到都驚驚🥴。 後來其他餸都黎齊，就邊食邊等果兩隻鹽焗奄仔蟹，期間聽到見到隔幾枱有食客投訴，聽
首先入到去，樓下收銀阿姐掛住聽電話覆客，完全無理我地入左黎，咁我地自己搭Lift上1樓，個個侍應好似好忙但又唔知做緊咩咁，要同幾個侍應講我地兩位先有人安排坐位。我地坐低左後，張枱上面仲有上手食剩跌左係枱上面既食物殘渣，但阿姐就直接放新既碗碟係果張上手用過既紙上面，要特別叮囑佢拎走張舊紙、抹枱、重新俾張新紙我地先得。衛生情況好似麻麻地...😅
聽到侍應講蟹唔係好充足同埋怕d蟹唔得，所以我地無食$398任食奄仔蟹，轉左散叫，當中叫左隻鹽焗奄仔蟹$88，幾個餸加埋過$400又送多一隻鹽焗奄仔蟹即合共兩隻。
邊等野食時發覺d侍應好似唔知自己做咩咁，好亂又無乜做野；唯獨有個四眼叔叔雖然粗聲粗氣不過招呼得好妥當同埋亦比熟手好多。雖然佢好忙，但佢間唔中都會過黎幫我地睇下個蜆煲情況，又會幫我地跟其他餸。食食下，之前幫我地擺枱個阿姐中途拎走左我地放湯匙既大碗，點知佢轉頭又放返係水吧前面當新碗咁準備俾下個客用，睇到都驚驚🥴。
後來其他餸都黎齊，就邊食邊等果兩隻鹽焗奄仔蟹，期間聽到見到隔幾枱有食客投訴，聽到好似話奄仔蟹食完頭一輪正正常常後都唔再得，臭、唔新鮮、煮法好唔妥，仲聽到其中一個男侍應反駁話個客，類似話「唔介意你下次仲黎唔黎幫襯」、 「豪俾你 （即投訴果位食客）」，雖然無聽晒成個對話，但見到個男侍應咁樣同個食客講野真係嚇一嚇，之後間就有個女人過去調停，食客解釋發生咩事，轉頭就走左。
我地兩隻鹽焗奄仔蟹最後都要催催佢地先係水吧拎過黎，但如同之前個食客講，真係有d怪，好似overcook燶燶地咁，隻蟹又已經乾晒身無味，一D都唔香，真係有d失望。食完個口仲keep住有果陣怪燶味 🤮
落樓下埋單阿姐又拎住部Payment機搞左一輪...
總括黎講：無下次，小菜還好但作賣點既奄仔蟹真係整得唔好食，再加上樓面衛生意識好差、雖然我以去排檔食飯既心態去，但除左其中一兩個侍應比較識serve外，其他樓面都混混噩噩咁、服務欠奉、真係唔明點解Openrice會有咁多好評。
張貼