大漁屋台 (已結業)

黎親九龍灣次次都係去食德福或者淘大，完全唔會記得有呢個得寶商場🤣🤣🤣 今日都係行開價真棧先至會過到嚟呢邊🙈🙈🙈 估唔到原來呢度都有隱世美食 😂😂😂 一開始諗住食三哥 ，但經過呢間日本菜見到坐滿曬人就決定試下🐑🐑🐏🐑🐑鰻魚定食$88 : 有麵豉湯，沙律，中華海草，蒸蛋，鰻魚飯，甜品 (紅豆/豆腐/芝麻味雪糕)，汔水(另加$5)鰻魚燒得好好，都算厚肉👍 燒汁夠濃但又唔會蓋過啲鰻魚味 😋 魚底加左啲蛋 ，一齊食好夾😍😍😍btw 個商場應該翻新過， 入面d裝修幾得意，加左好多本土原素，無野做行下都幾好😂

今日去淘大商場買聖誕禮物，食哩晚飯先回家，朋友仔帶左我去九龍灣得寶商場食日本嘢，喺九龍灣地鐵站行十幾分鐘就到達，非常方便，餐廳叫大漁屋台，裝修好似日本地道餐廳，幾有風味喎。沙律：麻醬蕃茄豆腐沙律$52豆腐相當滑身，配上日本麻醬、蕃茄、爽甜生菜及大大粒魚子，感覺好清新又豐富！食日本野點少得叫刺身，左口魚薄切$128，刺身好鮮味，左口魚邊有少少爽囗，魚質半透明，刀工一流，滋味無比！碎三文魚蟹肉卷$68，估吾到三文魚配蟹肉味道好夾，還配上鮮味魚子，正！叫哩串燒先，每人食一串，杏鮑菇$16、雞腿肉串燒$22，值得推介呢道燒物，燒杏鮑菇好多菇汁，質地軟身，回味無窮，雞腿肉串燒，外面燒得香，但又不失雞肉嘅肉汁另外一個系秋刀魚$38，秋刀魚都算大條，秋刀魚外皮燒得脆身，魚肉鮮美，火候控制得好炸物：蓮藕食材非常特別，口感爽口，仲大大件，每件蓮藕$10，抵食，免治雞肉軟骨$24，免治雞肉軟骨咬落去食到雞軟骨，口感又軟又咬口，幾得意，吉列豆腐$12，炸得香脆，名副其實外脆內滑，豆腐非常滑身，正到小火鍋，泡菜黑豚肉鍋烏冬$78，熱辣辣彈牙日本烏冬，感覺好暖身，材料還有泡菜，黑豚肉、日本魚蛋，溫泉蛋丶香菇，幾

今日去左九龍灣，黎左呢間好有日本風味既餐廳，裝修，佈置都系日本🇯🇵feel。松葉蟹膏味增野菜沙律🥗$58叫左個好健康既前菜，啲菜好新鮮，仲好多款菜，好開胃，配埋佢個醬汁仲好味。深海池魚刺身 $118薄切，深海池魚🐟十分光澤，刺身切到好通透，魚鮮味好濃，配埋個特製醬汁👍🏻👍🏻👍🏻👍🏻味噌煮大根豬軟骨 $56蘿蔔非常入味同埋超級林，個湯底應該淆左好耐，豬軟骨唔會好肥。海膽蔥花拖羅蓉卷$78拖羅配海膽好夾，好新鮮。八爪魚關東煮🍢$12雞胸軟骨丸關東煮🍢$15食落去有一粒一粒軟骨，咬落去好爽, 好彈牙。大家可以黎試一試。燒日本原隻魷魚🦑$68份量都好多，仲好大隻😻 整得好入味，晤會好硬，加埋啲燒汁，好惹味呀。雜錦天婦羅手打烏冬$78天婦羅有鮮蝦，茄子，冬菇，雖然湯底比較清淡，但個烏冬好彈牙，唔會好林，仲炸到岩岩好，好香口，唔會太厚炸粉，呢個價錢我覺得合理。呢到真系唔錯，坐得又舒服，價錢合理，會再黎👍🏻👍🏻👍🏻👍🏻

因為朋友搬去了得寶花園居住，著我幫她整理新居的事，所以今日就被她帶到這個商場吃飯。這個商場並不是有很多餐廳選擇，我們走了一圈後就選擇這間溫馨的日式餐廳。坐下後店員說因為天氣變冷，今日新推出了一個刺身火鍋二人前，我們就決定點這個了。首先是松葉蟹野菜沙律，蟹肉配上黑醋沙律汁，酸酸甜甜的很開胃。這是我們加點的芥末八爪魚，每次來日式餐廳就必點的。然後是刺身拼盤，有三文魚、甜蝦、八爪魚、海膽及白身魚，刺身新鮮，海膽鮮甜，質素不錯👍然後是火鍋上場了，湯底是昆布清湯，我們選的是美國安格斯牛及沖繩黑豚肉。火鍋看似小小的，可吃起來份量很足夠，材料全都很新鮮，加上湯底清甜更帶出食物的原味。最後吃完所有食物，服務員留下一點湯再加上白飯及雞蛋烹調，最後的湯吸收了所有食物的精華，所以飯變得很好吃，朋友更搶著吃完整個呢。

好耐冇去九龍灣行街，又唔想去商場嘅連鎖餐廳食晚飯，地膽朋友帶咗去九龍灣有間叫做大漁屋台嘅日本既小店食晚飯，外到內好有日本海邊餐廳嘅感覺，我地好似置身日本一樣，今晚好肚餓叫咗好多嘢食，頭盤左口魚薄切刺身$128，非常鮮味，尤其是左口魚邊有少少彈牙，睇相就知非常晶瑩剔透，滋味無比，沙律：麻醬蕃茄豆腐沙律$52，豆腐非常非常滑身，配合麻醬入口好日本地度食法，好清新！碎三文魚蟹肉卷$68，三文魚配蟹肉幾特別，一口一個，上面有大大粒鮮味魚子，三種材料又幾夾喎。燒物：杏鮑菇$16及雞腿肉串燒$22，秋刀魚$38，非常推介呢度嘅燒物，燒杏鮑菇好多计，質地軟林林，估佢唔到，因為系出面食嘅燒菇好乾身，雞腿肉串燒，啖啖肉，表面燒得香，但又不失雞肉嘅肉汁，大條秋刀魚，外皮香脆，肉質鮮美，但小心骨，依度燒物火候控制得好，我哋點會少得叫炸物，朋友推介依三款，果然冇介紹錯，蓮藕非常特別，質地硬身，但有口感，大大件，每件蓮藕$10，免治雞肉軟骨$24，免治雞肉軟骨口感好似食緊雞肉包住雞軟骨，口感軟林林中間帶有少少咬口，好味，還有吉列豆腐$12有兩件，炸得非常香脆，名副其實外脆內滑，豆腐非常滑身，正，天氣咁凍梗係叫返

黎開牛頭角搵我表姐，佢話帶我黎佢屋企樓下既"飯堂"😳🤔 佢話係好抵食既日本野🤔☝🏻我就緊係跟住表姐搵好野食😌午飯時間，都好多人！不過好在鋪頭好大！唔洗等太耐就安排左入坐👏🏻😌定食價錢都幾抵bro!!! 好啦！就決定😳☝🏻 E 同G!海幸丼 （$88）有三文魚、牡丹蝦、海膽同埋吞拿魚腩蓉😍嘩🤤估唔到$88 會咁豐富！ 全部魚生都好鮮味😍 海膽好creamy 👏🏻👏🏻👏🏻鰻魚丼（$88）外層燒到脆脆！燒汁入曬魚肉到🤤🤤🤤係高質既鰻魚飯！88蚊真係驚為天人😳😳蟹子壽司🍣（$36）大大大大推🤗係我表姐all time favorite ☺️紫菜係脆身既！超級大讚！d 蟹籽多到爆曬出黎！足料😌👏🏻 唔會鯹♥️海鰻天婦羅（$18）一口番薯天婦羅🍤（$12）杏鮑菇🍄（$16）炸物都好出色☝🏻😌唔會好厚粉👏🏻😳 冬菇串燒（$16）鯖魚串燒（$18）大粒冬菇！鯖魚正🤤燒到個面有小小脆！一口魚☺️👏🏻紅豆、豆腐同芝麻 3種！食埋甜品真係飽飽豬🐷🐽兩個人坐左到吹左好耐水！食左一餐好滿足既日本野🤗

今日收工同男朋友食飯，諗住近d返屋企就去左九龍灣食，落車經過得寶行入去就見到有間食日本野好似唔錯就入左去。入到去見到有個二人餐，見幾多野食，又刺身、串燒，又有烏冬，好豐富咁所以就叫左呢set餐。叫完之後d野食好快就到，首先黎左前菜，佢唔似出面d日本餐廳用中華沙律，而係用左海蜇、 青瓜同木筍作為前菜，海蜇仲好爽口。之後再黎既就係蕃茄八爪魚沙津，蕃茄酸酸甜甜，好新鮮，配埋八爪魚沙津，味道相當夾之後就黎我最期待既刺身啦，唔單之望落去新鮮，食落去仲好清甜，好快就比我地清曬成碟食完刺身，就係食卷物，今次就係海膽蔥花拖羅蓉卷，海膽同拖羅呢個組合好match，又唔會太膩日本菜當然唔少得串燒同紙火鍋啦，今次紙火鍋既湯底用左豆乳而整，味道略為有點淡，如果想味道緊加突出，都可以加返少少豉油吊下味，味道會緊加豐富。至於串燒方面，最中意就係鯖魚串燒，細細舊咬落去仲啖啖肉，仲要冇骨，岩曬我啦。食到咁上下已經好滿足，但仲未完！仲有一人一個安格斯牛肉湯烏冬，烏冬夠曬彈牙又唔會太林，牛肉仲係半生熟，配埋熱辣辣既湯，就岩岩好，d肉又唔會太老。最後緊係唔少得甜品啦，食埋個綠茶雪糕，真係好滿足！

今日又黎九龍灣試日本野，壽司刺身唔錯（7分） 串燒好好食（8分）關東煮比較普通 （5分） 天婦羅ok(7分），服務好，不過客多食物等候時間有小小耐，整體（7. 5分），人均約$180*大漁屋台🍙🍱🍣*地址：牛頭角牛頭角道3號得寶商場地下123號舖 @大漁屋台

得寶同淘大有好多出色既小店😇依間係食幾次都吾厭既日式料理☺️☺️☺️屋台丼 ($169)黑松靈帆立貝油甘丼 ($109)海膽蔥花拖羅蓉卷 ($78)安格斯牛肉鍋烏冬 ($78)極選壽司十二點盛 ($268)味噌煮大根豬軟骨 ($56)芝士年糕 ($15/件)小漁屋台無論刺身熟食都好出色👍🏻所以每次都會吾小心叫到成枱食物🤣丼飯同壽司拼盤既刺身都好鮮甜 特別係牡丹蝦和海膽啊🤤豬軟骨煮得好淋好入味 小編最喜歡吃骨膠原👅以形補形😳😳這個芝士年糕是用焗烤方法煮 而非炸芝士年糕 罪惡感大減⬇️⬇️⬇️🤣另外天掃羅同串燒都有好多選擇 每次都可以食吾同既野👅

來到得寶商場巷子裡的大漁屋台日本料理，位置有點神秘，餐廳自成一角。餐廳環境舒適播著悠閒的音樂，整潔舒服。可坐吧台看著師傅以嫻熟的手勢認真製作每一件壽司。我們這次選擇了坐四人卡位，沙發椅寬敬舒適日式餐具擺放整齊見心思，餐紙、牙籤、調味料一應俱全。整體都見到餐廳既質素不錯，不過位置確實不易找，如果沿路有指示，相信對我地食下你講緊好一些。日本番茄八爪魚沙律，材料豐富，色彩繽紛有日本番茄、沙律菜、八爪魚、蟹子，酸酸甜甜開胃沙律　刺身盛是令薄切肉筫弹而爽，魚味香濃。三文魚魚生油脂豐富，肉質淡香又不肥腻，一啖入口，魚香慢慢從口中渗出，令我非常回味! 油金魚魚油豐盛，甘香可口、帆立貝味道帶鮮，食落香口。串燒拼盤：煙肉廣島蠔外面煎得香脆，内裏滑口無比，配上些少雪鹽，即可帶出蠔獨突味道。黑豚肉外皮猛火燒，鎖住肉汁， 仲有煙燻嘅味覺。鯖魚外層魚皮炸得悅目搶眼， 金黃色魚鱗、魚皮香口。翠玉瓜爽甜海膽蔥花拖羅蓉卷用的海膽味道鮮甜濃郁。而且非常新鮮，香甜幼滑，份量十足，飯粒圓潤軟糯，紫菜爽脆，加上拖羅蓉口感極佳，一試難忘！安格斯牛肉湯烏冬，和，牛100g都有6，7片，肉質果然無令我失望，好鬆化，有牛香食完個烏冬

今晚得我同阿媽兩個人食飯 我哋就一早約好咗近近地喺九龍灣食個晚餐小店既裝潢設計都幾有心思 入到去就好似置身係日本既屋台一樣 好有氣氛Menu就連價格上都係走屋台路線媽媽一坐低就叫左幾款刺身黎試下 分別有赤貝 ($38) 三文魚 ($32) 同油甘魚 ($52) 刺身 色澤好鮮明 三文魚同油甘魚都係厚切 食落夠新鮮 赤貝好爽口軟殼蟹水菜卷 ($58)卷物既擺盤好靚 賣相吸引 粒粒嘅蟹子包住炸到好香脆嘅軟殼蟹 再加上爽口既水菜感覺好清新 我都係第一次試雜錦天婦羅手打烏冬 ($72)天婦羅另上 有蝦 冬菇同茄子等等 食落唔會一口炸粉咁既感覺 手打烏冬偏腍但都夠彈牙味增煮大根豬軟骨 ($52)呢個煮到超級入味 豬軟骨好似用過慢火慢慢炆咁 非常軟腍入口即溶 就連白蘿蔔同冬菇吸盡精華 香甜可口清酒煮蜆 ($48)清酒味唔會太濃烈 蜆肉夠飽滿 份量都唔少 但係就略嫌有沙 偷睇到午餐嘅Menu 發現定食嘅套餐好似抵食好吸引 下次會再搵一日嚟試吓

最近有個老死推介左一間日本餐廳,叫我一定要試下,平時佢好少咁推介,間餐廳起九龍灣地鐵站行差唔多十分鐘就到,間餐廳一條小巷行入去嘅,入到去職員比左個卡位我地,兩個人坐坐得好舒服本MENU好靚呀！完全襯返間餐廳我地先食麻醬蕃茄豆腐沙律,蔬菜新鮮爽脆,加入冰涼的蕃茄豆腐最是消暑不過了,拌上日式麻醬令人胃口大開刺身有三文魚腩刺身、真鯛刺身、甜蝦刺身，三文魚腩刺身,魚身油脂分布均勻,有光澤眼見巳經很肥美好 like ,真鯛的肉質爽口鮮甜,口感彈滑，甜蝦身細長,鮮美有光澤,還有估不到的甜辣味鐡火卷,卷物不散開,辣味沙律開胃豚肉和紙火鍋,豚肉肥瘦均勻,口感軟滑入口甘香,微涼天氣食個火鍋暖入心味噌煮大根豬軟骨,用醬油浸大根豬軟骨、配合清甜的日本蘿白,豬軟骨煮得夠稔和入味。北海蟹丼,有肥美蟹㚒,撈埋蟹籽一齊食,特別滋味。蟹㚒已拆好,可以直接放係口入面品嚐到啖啖蟹肉既鮮甜,令人心情尤其興奮～丼飯飯底是赤醋壽司飯,食得出係選用咗日本米,粒粒飽滿,香口開胃。整體而言,整碗北海道蟹丼都好值得再encore！

放工食好D係好應該嘅，不過日本野都唔係間間好食。無中伏都要感恩，如果食到好食嘅好值得開心門面一睇已經係日系懷舊路線，有少少令我諗起一間去日本成日會見到嘅燒海鮮店。唔好話門面裝修唔關事，望落舒服都好影響食野心情架。其實menu好多選擇，不過見二人套餐好似應有盡有，唔洗諗啦~先來一個三式前菜 超開胃我最鍾意左邊螢光魷魚，好彈牙爽口，口感同味都一流。日本蕃茄八爪魚沙律超fresh嘅配搭，一片八爪魚加一片蕃茄咁食好特別，分開食亦都唔會覺得好單調。刺身盛三文魚，帆立貝哩D鐵腳就唔少得啦~另外會有 ( 時令薄切8片)，我今晚食嘅係立魚刺身師傅刀工好利害，片片平均。各款刺身都好鮮甜，絕對無腥味海膽蔥花拖羅蓉卷 4件的的色色，岩岩好一啖一件海膽味好突出，拖羅蓉亦都好香串燒拼盤(鯖魚，煙肉廣島蠔，黑豚肉，翠肉瓜)另外跟個汁係比鯖魚點嘅。其實4串串燒咩都唔點都已經燒得好香，火喉岩岩好個人好推介黑豚肉必食豆乳雞肉軟骨丸子和紙火鍋滑到一個點 牛奶嘅質感 但豆味濃好多入面舊豆腐當然好滑，其他配料都唔馬虎。D料索哂個湯底D味之後更加好味！安格斯牛肉湯烏冬平時D跟餐烏冬一般都係淨烏冬哩個好足料地加左安格斯牛肉片但亦

好少去德寶商場個一邊，通常黎得九龍灣呢一邊都係去德福廣場個頭食野。今次上網見到呢間餐廳既評語幾好，就決定去試下。我地就叫左個二人餐加d其他野食。首先係個前菜小食，中間橙色個個好過癮，應該係八爪魚黎但係個質感比八爪魚彈牙，食完d小食開完胃令到我更加肚餓。之後係刺身盛，有三文魚帶子油甘魚再加時令薄切，d刺身全部大大件啖啖肉，個個時令薄切應該就係鯛魚黎，配上一個特製酸酸地既醬汁，食落感覺好清爽，所有刺身都好新鮮。之後係海膽蔥花拖羅蓉卷，睇到個名都知佢豐富，拖羅蓉完美襯托海膽味道，一啖擺入口冇得輸。串燒有煙肉廣島蠔，黑豚肉，靖魚同埋翠玉瓜。我個人最中意黑豚肉串，夠惹味。個二人餐仲有個紙火鍋同埋烏冬，我自己就麻麻地個豆腐火鍋，嫌佢味道太清淡。我地之後再叫左關東煮同天婦羅。天婦羅炸粉份量岩岩好，皮薄餡靚。

之前上網見到呢間d海鮮丼好抵食，可惜我地夜晚去冇呢個offer,就叫左個二人餐。餐廳唔算好大，但都可以放到3-40個人.環境佈置到好似日本屋台咁，都幾特別。三色前菜（食左都唔知係咩黎,左邊個個似d 樹根/莖，中間個個有d似魷魚，煙煙銀銀，好有咬口，左邊就係青瓜）日本蕃茄八爪魚沙律（份量就唔算多，但係勝在夠新鮮，蕃茄超清甜，八爪魚都相當爽口彈牙）刺身（鯛魚8片，帆立貝，三文魚，油甘魚，二人份係就少左d,但都有質素ei,鯛魚配個醬油好清新再帶點點甘甜，帆立貝亦清甜爽口，不過不失。蔥蔥拖羅蓉卷（拖羅蓉加海膽勁鮮味，而中間夾左蔥花超爽口，口感同味覺都好刺激）串燒拼盤有翠肉瓜，鯖魚，煙肉包蠔同埋黑豚肉，我覺得燒鯖魚好好味，醬油燒左好香口，而煙肉包蠔都好有創意，之前都未叫食過呢個組合，好味。之後再有個豆乳雞肉軟骨丸子煱，平時係紙火鍋,但咁岩冇晒就用普通煱。男朋友勁鐘意，話用豆乳做湯底，味道好天然，清清地唔會好濃味好咸，豆乳配埋豆腐更重豆香，更滑。個丸子係有雞夾軟骨做成，入面有咬到一粒粒軟骨相當有咬口。最後仲一人一碗牛肉烏冬，成個餐份量都幾多，兩個人食一定夠最飽，呢個價錢有咁多款野食都真係算幾抵喇。