大滿喜日本料理 (已結業)

同朋友旺角行完街，去左食放題，放題其實一早ＢＯＯＫ，因為聽人食物唔錯去左都有唔小選擇，不過梗係食刺身先刺身樣樣都好正，特係蝦刺身，好新鮮，三文魚都唔錯，幾好食。不過吞拿魚就爭小小啦火炎三文魚又係唔錯，飯團陪實刺身新鮮燒靖魚我最鍾意，骨唔多之餘魚肉夠曬滑，叫左２次ＴＩＭ呀

突然想食放題見到創興中心一班人排隊食大滿喜所以跟風試下價錢同其他放題店差不多不過食物種類和質素比其他店更好其中熟食燒物一口牛仔骨十分入味而且肉味濃烈羊架更加出色好香而且好滑又不會太肥到魚生這裡款式很多有主打的三文魚同油甘魚魚味濃濃而且肉質結實新鮮又冇魚腥味另外赤蝦大隻而又濃味希靈魚魚春脆口十分新鮮天婦羅即口即炸一口炸芝士炸到流心效果炸蠔又係必叫脆漿薄而不失口感而炸魚餅又彈牙又爽壽司類有日本連鎖店既質素件件手工精細而且比其他放題店細件易入口又可以食多D其他嘢而飲品有大量果汁同韓國飲品不過不失，有果汁先生飲!甜品3.6 牛奶布甸好重牛奶味好香好滑!!!!仲有大腳板可嫁選擇!

朋友生日飯，星期六晚食，早早星期一已經打電話訂位，印象中間野有分兩段時間兩段價錢，咁我book位既時候就問，我想book 8點半，但其實訂8點半同8點9有無分別？價錢同食既時間等等，聽電話既係一個男人，好爽快咁話無分別，都係食兩個鐘，價錢一樣，book 8點半同8點9無分別，咁我就book左8點半啦。到星期六果日，有個阿姐打黎，我都double confirm多次，8點半同8點9價錢有無分別，食幾耐咁，佢都係話無分別，食兩個鐘。卒之，我再上網搵就搵到佢原來有個fb寫明8點9之後入座有9折， 明明有9折，點解同我講8點半同8點9訂都一樣？差15分鐘明明就有折，仲要我問左兩次都同我講價錢一樣，我就再打去問「唔該我想問8點9後入座係咪有9折」「今日得返9點半有位」個女人答「你答左我8點9係咪有9折先啦」「係有9折，但今晚9點半先有位」，「咁唔該我訂左8點半，幫我改8點9啦」「8點9 full左，得9點半」我即時嬲嬲地「又係你話8點半同8點9價錢一樣，我先訂8點半，依家又同我講8點9full左？差3個字」「個價錢係一樣呀，不過有9折咋嘛，總之9點半先有位今晚」  我即時覺得有啲被騙

8月最多朋友生日，生日就不妨食豪d，揀食放題，就揀左出哂名嘅開飯熱點—大滿喜知道一定好多人，所以揀平日1730入場，岩岩開始都不斷有人入場入到去餐廳環境唔錯的，裝潢靚同舒服，服務員態度好又周到👍👍👍一去到就梗係嗌魚生啦～ 樣樣都嗌d，樣樣都試d，d珍寶赤蝦真係好大隻～ 又厚肉，滿足食魚生既慾望～ 有頭甜蝦同珍寶赤蝦都同樣肉質鮮脆，入口甜，令人回味魚生厚切👍，特愛三文魚😍，魚脂分布均勻，入口魚香十足～ 象拔蚌又爽甜，一流😍👍壽司款式多，嗌左芝士饅魚箱押，黑松露軟殼蟹卷～ 芝士饅魚箱押，芝味濃郁，令到饅魚更好食，壽司層次更多～ 黑松露軟殼蟹卷，黑松露夠香，軟殼蟹脆口十足左口魚壽司特別，面上有柚子，酸甜之感，令到魚入口清新，泰式虎蝦，甜辣口味令到蝦鮮甜味更出眾😋😋😋 燒羊架係我食過最好食，唔靭，燒得岩岩好～ 辣酒煮螺係推介～😍👍，螺肉又大又厚肉，唔算辣，幾惹味～ 雪花牛肉鍋，牛肉多厚，用鍋嘅餘溫令牛肉煮熟，熟度剛好，牛味十足素翅係推介😋👍，在場都勁多人嗌，味道不咸，似碗仔翅之餘，粒粒蟹子令個素翅口感更強，脆卜卜～ 甜品嘅3.6北海道牛乳，味道不太甜，牛奶味香濃，入口滑而即溶，呢個係牛奶愛好者

去到創興成座咩餐廳咩野食都有不過時間尚早而大滿喜又有早段1730入座優惠上到8/f 已經大排長龍一入座立即叫刺身有三文魚 油甘魚昵2款鮮味無腥味而且十分油潤再食八瓜魚同馬刀貝有咬囗而又不會難吞到了成盆的主角珍寶赤蝦超級大隻隻隻有手指公咁粗身肉質肥厚而甘甜而且上菜數目跟足點十隻真係上足十隻剩係呢種赤蝦已值回票價到壽司款始終係放題件件也做得細細件適合一啖一件食完又重有肚食其他火灸三文魚一燒D油出哂來好香好滑池魚甜而爽口 有D驚喜到燒物點了羊架同燒牛仔骨羊架真係好食唔羶朋友唔喜歡食羊都食左一件牛仔骨反而硬左少少不過咬多陣都食到不過始終羊架好味D另外點了燒菠蘿甜到笑最後甜品有任食雪糕同大腳板

尋日同朋友去左旺角創興八樓的大滿喜食放題，食物質素高、服務又好，真係不得不推薦呢間放題。首先，餐廳環境好有氣氛，燈光暗暗地配以紫色梳化櫈，餐廳全部座位都係梳化櫈來的，令人坐得舒服。我同朋友被安排坐卡位～正！兩個人坐夠寬敞，空間感十足，叫好多野食都唔怕冇位擺😁食放題的回本貨當然係刺身！我同朋友每樣刺身都點左少少來試～刺身上碟時有冰底墊住保持新鮮，賣相又精美，真係未食都已經流口水！大滿喜的刺身選擇比坊間的還要多，有少見的象拔蚌、榮螺、油甘魚、有頭甜蝦之外，仲有勁大隻的珍寶赤蝦，我第一次見放題有咁大隻嘅蝦食，勁正！有半隻碟咁大！肉質好鮮甜，仲要連頭，勁正！可以任食，抵～😁😁😁另外，三文魚、油甘魚等都係新鮮又厚切，好滿足！仲有另一回本推介就係海膽手卷，小小的手巻內卻有好多鮮甜的海膽～我最怕一d飯多但涵少的手卷，但呢個海膽就相反地飯少海膽多，正！另一龍蝦沙律手卷一樣涵多飯少又鮮甜，好味～大滿喜仲有好特別同放題中少見的箱押壽司，試左芝士鰻魚箱押，細細件一口一件，足料又惹味！另外仲食左黑松露軟殼蟹卷同特色芒果蟹肉卷，同樣好味又足料，飯又唔會卷到鬆鬆地咁，好少放題可以做到呢個質素。仲有，佢個秘法煮牛筋

放題我至愛丫！！呢d任飲任食嘅放題最岩我，今晚同朋友食大滿喜！我第一次食大滿喜，上到創興八樓一出，已經見到有人係度排隊，一定有信心保證，好彩一早book左枱，即刻入去有得食！四周環境都幾大，每枱都係sofa櫈，舒舒服服，一到位，我地就嗌刺身先，咩刺身都嗌d，哈哈哈！！點知吾洗好耐就上碟，一大碟！勁令丫！！先讚下三文魚同劍魚腩！厚切好新鮮，其他較特別就係螺，好少有呢種刺身食，都試左少少，爽口！仲有貝柱都好鮮甜好味，另外喜歡蝦嘅朋友一定好喜歡珍寶赤蝦！！勁大隻，我少少對蝦敏感都忍吾住試左條，肉吾會林，即係新鮮，好食，我朋友嗌左轉全部蝦！厲害！刺身整體好食新鮮，而且寫幾多就真係俾幾多，good！講下熟食先，因為貪心，哈哈，所以大部份都有試，so far全部都好食，但有d特別推介，一定要食！例如紫心香芋丸同吉列蠔，即嗌即炸熱辣辣，香芋丸中間少少流心香芋，甜甜地，另外炭燒雞肉串同燒雞軟骨串，都好惹味，雞肉串燒到雞肉仲好滑身，軟骨串就爽口好食！咖啡炒魷魚鬚都好香口，魷魚入晒咖啡味，好味道！秘法煮牛根同栗子煮豬手都比較少係放題有得食，幾特別，好林身入味，可以一試！網燒牛肋骨都好重牛味，又吾會燒得太u

今天和數位朋友相約外出到旺角,長大後份外珍惜和朋友一起的時間,開心的時光總離不開美味的晚餐,朋友預早BOOK了一家叫大滿喜的放題店,不知味道如何呢來到餐廳後,看見人龍那麼長,相信一定沒有選擇錯誤.我們一行4人被安排到一個卡位坐,相當舒適.吃放題,當然要第一時間點個刺身看看它們的功力,我們4人一起吃的話,全部刺身一起點當然不是問題落單後刺身船很快便駛來了,外型相當有氣勢,排列得亦相當美觀刺身們整體都是非常新鮮,其實最美味的是三文魚和三文魚腩,新鮮之餘,刺身亦相當肥美,口感和味道都是放題店來說頂級的,看來店家入貨時是刻意遷就港人口味蝦刺身亦相當新鮮多汁,而且蝦的體溫夠凍,所以吃起來十分爽快但珍寶赤蝦則相對地失色了,新鮮程度不及甜蝦,吃起來亦沒什麼特別炸物方面,天婦羅們都相當香口,而且份量較為珍寶,不會為了吃得太飽而發愁,而不夠的話可以再下訂單,相當細心炸蝦天婦羅,香脆的外皮亦不減內裡的新鮮感,一流的和食料理甜番薯則稍嫌不夠甜,但味道還是十分香口炸南瓜則是鎮店之作,南瓜相當新鮮,炸起來天婦羅的油味混和了南瓜的鮮味,入口感覺相當滿足店內的氣氛相當熱鬧,飲品亦是自助形狀,多種汽水及茶亦有供應雪糕

本來見Openrice award既winner心諗有質素保證但認真麻麻可能係咁岩好多人但星期二晚，又無理由咁...一坐低，就叫魚生比埋紙先跟住慢慢落串燒熟食好快上菜但係係熟食上先...據說係咖哩魷魚但無咩特別，同埋個賣相好麻麻...右邊是牛筋都係好麻麻，係林，但味道好淡呢舊已經唔記得係咩叫左數量一但係一黎果下以為個主菜比人食左得返伴碟...等左一輪，魚生仲未到諗住問係咪漏單時終於到左賣相都ok好一食，三文魚ok但八爪魚好乾..乾到得少少水咁...同埋好硬由於三文魚ok, 我地再叫呢碟明顯厚切過上面果盤好多呢個先ok叫左壽司一般無咩特別放題expect食魚生剌身但落完單20分鐘都係黎熟食，但又唔係好得已經扣哂印象分魚生一般唔係特別好..埋單仲要每位230..真心無下次..

由於一早已經訂位所以乖乖坐低就可以叫野食喇 刺身方面好足料, 三文魚刺身咁,片片都好厚身而且仲係魚腩tim, 叫20塊真係俾足20塊, 其餘既甜蝦、希靈魚、螺片、鮑片、魷魚和油甘魚全部很新鮮, 好鮮甜  炸物亦值得一讚, 一D都不厚粉，就算擺左陣食仍然好脆，其中吉列蝦, 炸蠔同芝士年糕都好好食 壽司方面都多選擇, 味道不過不失另外, 串燒方面, 揀咗牛肉串雞串，雞肉串出色，冧身夠入味，牛肉串也很香口不可不提燒羊鞍, 肉質肥美, 而且剛剛熟, 熱辣辣夠哂惹味。足足食左2個半鐘, 真係好滿足呀

小組六人reu , 放題係最佳選擇 , 今次黎咗他們極力推薦的大滿喜 , 我們食七點半 , 因為提前book定位 , 好快入座。上黎必點的芝麻雞翼 , 果然名不虛傳 , 新鮮炸出來滾燙熱辣 , 雞皮又脆又香 , 配上白芝麻 , 食到大家停不了口。一口芝士同香芋丸都正 , 香脆可口 , 蘸埋沙律醬正到爆。吉列蠔就普通 , 可能自己本身對吉列不感興趣。羊鞍也要push下 , 燒的啱好 , 羊味幾重 , 肉質都嫩 , 牛肋骨都係 , 嗌咗三五轉。串燒無點食 , 照燒雞 & 蟹粥 & 蟹肉翅都ok 。放題點少得了刺身 , 不過三文魚給的多是魚腩位 , 雖然香 , 但好容易膩。虎蝦大大隻 , 食起黎好過癮 , 但個人都係偏愛甘蝦的甜多些 , 象拔蚌唔推薦。btw , 呢間飲品選擇有好多 , 差不多有十種 , 都是支裝罐裝 , 十分方便。雖然食兩個鐘 , 不過上菜速度慢咗啲 , 位細咗啲迫啲 , 但可以一邊吹水一邊食 , 大家都好開心。食物質素真心唔錯 , 會再來。

放題，星期六夜晚8點個section去食，$250。放題來來去去都係果幾味，去過幾次，推薦幾款我覺得真心幾好既食物。烤菠蘿：酸甜多汁，開餐前開胃用，食左2-3舊左右，之後可以食更加多既野。芝士丸：一上來即刻食，d芝士會癡到一條條線咁樣。出面脆，入面香濃芝士。北海道奶凍：唯一我覺得好味既甜品，每次去都一定食 7,8杯（真心），就算食少d壽司、刺身都一定食呢個。好濃牛奶味，又白又滑，好快食完一杯。夜晚去唔好最後先叫，試過無曬。香芋丸：唔記得確實叫咩，但系香芋炸既丸仔。入面一咬開系香甜熱氣騰騰既香芋，配合炸脆既外皮，真係好好吃噢！赤燒三文魚壽司都很好吃！！！我地每次都叫n咁多舊，上來3分鐘搶曬，跟著即刻再叫，輪迴5次。

創與既放題一向多人 絕對建議要早點Book位 佢呢到過左8點半入座係最抵一來過左8編輯半有9折二來係過左8半就無時間限制可食到11點半熱野方面編輯佢個鍋物我推介牛乳鍋同肥牛鍋牛乳鍋又有豆腐同蝦,個湯仲好好飲之後係佢有個蟹粥好甜好好食係刺身方面基本既三文魚都幾好壽司可試下火灸既左口魚壽司同三文魚壽司都唔錯不過間野最大問題係都幾多人好容易漏單所以成日都要叫多次

冇book台8:00 walk-in 話9:00有台最後9:00上去 門口成廿幾三十人等最後9:45先有台入去坐低即叫刺身先 三文魚 蝦 帶子 油甘 再叫其他燒物羊架 海蝦 炸物 芝士球 香芋丸熟食 牛柳粒 壽司 三文魚 海鰻 轉個頭 除左刺身其餘黎曬 好！我當你漏單我再叫 其他亦都再食第2 round轉個頭 除左刺身其餘黎曬隔離台兩張遲過我叫都黎左 我最期待既畫面出現終於！終於有刺身黎！一放低 我XX老X   一隻細碟 上面有一片三文魚一片油金魚  我二話不說叫樓面過黎 叫你地話得事果個黎 我想了解翻 點解會出現咁既情況 姐係我兩個人 你都俾各兩片丫 點分？再者我叫兩轉都冇正正常常既俾我 算點先  於是佢叫我畫過 佢親自入去廚房拎  所以刺身都係食得兩轉  因為嚴重漏單整體黎講 羊架吾錯 手卷好細 壽司一般 小款 佢個牛柳粒好怪 好似豉招排骨咁既味 其他都過得去 坐位幾逼下

一班共同打拼的同學放學后慰勞自己，始終要去嘗嘗刺身的滋味。三文魚刺身是一定必選的，肉的質感非常好，油脂分佈不錯，肥美口感豐富，也非常新鮮。此外，鮮蝦的味道也不錯，蝦肉鮮甜美味，除了蝦肉外，還加上蝦頭，裡面包含的蝦膏連同蝦肉一起吃，海鮮的新鮮更加濃烈，值得一嘗。伴碟也十分精美，一盤魚生就好像是藝術品一樣。一大班朋友一邊食刺身一邊聊天，十分舒服。