大榮華圍村菜 (已結業)

榮華裝修左几个月,又改左做大榮華,就約左兩个老友去食晚飯,結果其實榮華的食物不嬲都麻麻,依家只係保持水準以前吾使等位,依家好多人而且貴左!叫左三个佐酒小食:炸魚皮-麻麻燻蠔-OK煙鴨胸-PK主菜四个:炒和牛-差蒸烏頭-肉吾掂燒肉-OK咸菜豬肚-吾掂冇味豬油撈飯-OK最好食收左五百幾其實不算太貴但係食品就真係麻麻!不時見到肥滔行來行去

由從前的榮華酒樓裝修數個月現改名變大榮華圍村菜，是日終可與家人共進下午茶，未到2時接待處已迫得水洩不通，等了一會終可安座，下午茶點心選擇多，點了多款點心及肉青炒河粉，還有蘿蔔牛根，腐竹胡椒豬肚及當歸豬手。上菜竟比快餐快速，最快竟是肉青炒河粉，肉青小量，河粉溫度不足，我想是因時間關係而預先炒了一大窩，味道一般。蘿蔔牛根，腐竹胡椒豬肚同時間送到，軟硬度合適，味道可以，而當歸豬手味道濃郁，很香的當歸味道，但食用後的下午覺得咽喉十分不適，應是這些味精作怪。其他即蒸點心尚可，若是要點些甜點，可以試水晶包及馬拉糕吧，因蓮蓉包比以前榮華酒樓的出品差一點。服務員有新的也有有舊員工，服務也算勤快。裝修後環境比以前緊迫，相信是因為太多客人而加檯，比較嘈雜，猶其座近門口的位置不好。若家人要求下次再來，可再試其他點心及圍村菜。

前灣仔榮華要味道冇味道，要服務冇服務，要衛生冇衛生，一早就應該摺埋，現在由肥韜親自接手，應該值得捧場卦！友人係他頭號粉絲，肥韜搞試酒宴，他即訂兩枱，我又有免費晚餐食o剌！明爐風沙燒米鴨，米鴨比上次九龍灣果隻好好多，風沙雖惹味但跟燒鴨，濃味鬥濃味，有D怪！蕎菜炒肉眼筋、玉如意，玉如意即係豬天梯，肉眼筋吾爽反而林，蕎菜幾好吃一D渣都冇。翡翠枚肉釀玉環，所謂梅頭吾係果回事，呢味菜真係做得幾差。杏汁鮮奶燉肺湯，落足陳腎＆火腿，味道OK。海鮮燴花膠仔，花膠仔個「仔」字你一聽就明乜事o拉！窩貼明蝦夾，冇食，但吾覺得有損失！陳皮絲蒸大青斑，大青斑從來一個「鞋」字，大有鬼用o羊！脆皮一品燒鷄，唔錯，再吾食就會餓住返屋企o剌！椰菜絲牛崧炒飯，嘩！茶餐廳炒得好過佢。結果，追加5個豬油撈飯+一碟义燒，咁樣食套宴真係聞所未聞！甜點沒食。最後知道每圍至2K幾，算係咁o羅，仲有紅白酒免費飲喎，想點先？

聽聞大榮華在灣仔開了新店，位置就係以前榮華酒樓同址，灣仔老街坊應該知道是那兒了。 沒有訂位，晚上7 點多才到達，好彩還有枱。看了一輪菜牌，加上四周觀察，發現大多數食客都係點九大簋，最終決定試試九大簋當中既菜式。陳皮豆豉蝦-- 蝦新鮮彈牙，炸得脆脆，香口美味。盆菜豬肉-- 豬肉未夠入味，可惜。可能係太多人點這味菜吧了! 香茜燒米鴨 -- 上菜已經香味撲鼻，肉質鮮嫩，太好味喇!!!!三個菜當中最正是這個。服務幾好，可能是食神晚晚親自監督的關系。 佈置雅緻，枱與枱不會太迫，但要有心理準備都幾嘈。因為如此價廉物美，確係良朋親友飯聚嘅好地方。埋單 HK$218.須改善嘅地方有二:1. 女洗手間中門大開，行去男洗手間時可以見到入面，似乎唔太好。2. 食滿三百元先可以用信用卡埋單，今時今日似乎….

誇張開了一星期還沒有便爆場幸好一早訂了位但還是要等十五分鍾，沒關係，貪新鮮嘛一進場便見到生招牌，哈哈明顯係生招牌，明明條路都唔寬，都係要搵個位比佢煮菜....(=.=)FINE，其實見到生招牌，不少人都好興奮，舉機合照無任歡迎菜餚5人點了8樣菜 (每樣62元，價格算經濟)說幾樣比較喜歡的好了(圍村五味雞?)(忘了詳細名..雞便是了)肉非常嫩，同行友人覺得有血水，不大愛肉質來說是很棒的。馬拉糕叫先即製，香香軟軟的雞脾茹豬頸肉汁濃剛好豬頸肉爽口，好吃牛腩撈麵一般般，食得飽肚便是。飯後再送甜點，紅豆沙，沒什麼特別可言。整體不俗，服務生有趣，會再來

裝修完重新開張唔夠一星期，諗住冇人知去試試新野，點知幾十人企係門口等位囉，好在有搭檯。等左十多分鐘，坐低，叫左壺龍井，龍井似乎係其他榮華係冇既。新裝修都叫做舒服啦，伙記做野都好勤力（似乎仲有少少緊張添），坐坐下仲見到班經理歡送一個叫做「六叔」既大客，仲問佢有冇「貼士」比咁話。兩個人食晏，點心叫左三款，加一碟飯：冬荀鮮蝦餃蝦餃size ok而且唔易散，蝦都爽既，但係味精落得比較勁囉。香滑麻蓉包現今好少酒樓會做，元朗總店都好似唔做。隻包冇濕水，麻蓉係乾果隻style而唔係「滑」，份量夠，仲有多少咬感。奶皇水晶包同元朗果間比，差天共地，個皮唔晶瑩又厚，奶皇餡稀湯湯，一pat野咁。大榮華炒飯一貫交足貨招牌水準，但係價錢貴過元朗，而且細碟少少。本來想試「經典炒飯」，但係又唔知係乜，部長話即係「楊州炒飯」不過冇蝦，要唔要試大家自己諗下啦。順帶一提灣仔店下午二時開始下午茶，有特價點心每款8蚊咖！