大榮華圍村菜 (已結業)

大榮華圍村菜既點心真係大件夾抵食，北菇雞飯既雞好大件，個飯又多汁，好足料。藥膳豬手味道唔錯，湯都好好飲。臘味糯米包都好大件足料又美味，包體好軟熟。錦鹵雲吞炸得好大件好香脆，點咗啲酸甜汁好好味。叉燒包好香軟好味，叉燒腸粉皮薄咸靚，豬膶燒賣啲豬膶都好大件，整體野食都有好有水準。#點心

蓮香樓無聲無息結業。繼蓮香樓之後，灣仔大榮華將會8月28日結業， 懷舊酒樓，又少一間！慶幸，趕得切喺佢結業之前再試一餐，蘇州過後冇艇搭， 真係襯有得搭快d搭！午巿黎呢度食點心，呢度嘅點心即叫即蒸，價錢公道，味道不錯！牛肉腸皮薄、牛肉新鮮。燒賣好食，豬肉爽滑、蝦亦彈牙新鮮！推介！呢度嘅馬拉糕，應該唔係用黑糖，所以望落去比較黃，不過亦鬆軟。雖然馬拉糕個人都係鐘意黑糖多d。而家飲茶唔係度度有豬腳薑！正呀！雖然一小碗，但份量十足！足料！好好補一補！

五十多年的風光陪伴灣仔街坊數載終要告別香港老牌酒樓愈來愈少往後會否只有連鎖酒樓或用手機點餐?知道呢個消息所以明知要等位等好耐都決定堅持下去當日係八號風球的中午我聽到知客打電話確認訂檯都話就算今晚八號波都照開🥹聽到真係好感恩如果有興趣在最後兩天支持可以飲最早一場11:00 (要12:30還檯)之後就係12:00開始派籌但之前已經好多人等緊等左差不多一小時點了馬拉糕, 腸粉, 糯米包, 釀青椒, 炸春卷, 蓮蓉煎堆, 糯米雞, 蝦餃, 燒賣, 鳳爪, 魷魚味道唔算太特別最喜歡是有潮式味道馬拉糕真係必點項仲有推介蓮蓉煎堆好似未試過係呢種餡料！餘下兩天 希望大家多多支持💪🏻老牌酒樓相繼結業 做到幾多得幾多💖

還有不到一星期，大榮華便會光榮結業了，趕忙與男友來作最後的光顧。最後一星期，沒有電話訂座服務，只接受 walk-in，用餐時間亦只限 1.5 小時，但老顧客應該沒有甚麼不滿，因大家都會想讓同好都有機會與老闆講句再見。是晚叫了大青斑兩食，半隻雞，當然不能少的是馬拉糕和豬油撈飯。餸菜大大碟，豬油撈飯一貫的對胃口。老闆滿場飛與顧客拍照留念。員工照舊勤快好招呼。食的是一種回憶，是店東與人客的連繫。希望將來有機會，各老牌子的食肆都可再捲土從來。

傳媒未講之前已經收到風話大榮華灣仔店將會結業。趁仲係容易book 枱時當然要來支持一下。椒絲腐乳通菜中規中矩。菜膽雞隻雞啱啱熟，骨裏面仲有少少血水。以廣東菜來講係perfect doneless, 不過唔係人人接受到。我就覺得冇問題。今晚嘅主角係龍躉兩味。炒球火候控制得非常好，裏面啱啱熟。另外夥計建議將啲骨用避風塘做法，好味到連平時唔肯食骨嘅朋友都食咗幾舊。嚟到大榮華當然唔少得嘅係豬油撈砵仔蒸飯。仲諗係第一次嚟到，淨係用豬油同頭抽撈食咗三碗飯

入到去見到兒時偶像滔滔滿場飛，影相來者不拒、見到有姐姐們要求滔滔俾個❤️，佢仲抵死地教姐姐們而家興返Yeah 手勢，真係笑爆嘴. 頭抽乳豬、圍頭雞、拖地叉燒灣仔就冇，因為冇燒臘檔、所以都係叫啲大路食物，陳皮豆豉爆蝦、通菜炒肉眼筋、花尾躉、椒鹽豆腐、菜脯肉碎煎蛋、煎蓮藕餅等，不過不失，主角豬油撈飯到場，一開樽豬油，香氣滿溢，個人認為香過枝dom 「笑」食完即刻通血管、降膽固醇，降血脂「笑」，五個人食一人$200，冇嘢可以投訴

得知佢8月28號將會結業，所以便再去幫襯，好在我們有book位，如果唔係，就有排等，不過book咗位都要等一陣，食食吓我們見到滔滔，佢個肚腩真係幾大😅1. 蓮蓉煎堆仔 - 略為硬咗少少2. 蒜蓉蝦春卷 - ok3. 脆皮炸雲吞 - ok 4. 蜜汁叉燒腸 - ok, 皮不算薄5. 蘿蔔糕 - ok6. 白灼菜心 - ok7. 煎釀青椒 - ok 8. 砂礓大雞腳 - 樣貌不討好😅，甩皮9. 蝦餃 - ok 10. 馬拉糕 - 唔錯 👍🏻11. 叉燒包 ok 12. 乾蒸牛肉 - ok 13. 三星燒賣 - 第一次見三星燒賣，原來類似棉花雞😂14. 鵪鶉蛋燒賣 - ok15. 上海煎薄餐 - 這個唔錯，脆脆地👍🏻16. 雞扎 - Ok舊式酒樓越來越少，睇吓結業前可唔可以再幫襯一次🥺

灣仔返工一個人外賣 特別好想介紹呢間燒味外賣鋪頭 樓上飲茶多人知 樓下燒味其實好好食 我都已經試過哂佢啲燒味最推薦食 - 燒肉 佢地啲燒肉個皮係脆架 好有口感又有水份 一啲都唔乾 （因為試過灣仔好多間既燒味個皮都好唔脆 一想食燒味一定會選呢間食其次推薦 - 鼓油雞 / 白切雞佢啲雞斬料斬得好靚好平均 最怕就係斬得唔好啲骨唔齊損舌頭 最主要佢地啲雞真係好滑 食落口感好好味第三推薦 - 叉燒我叫親都會叫肥叉 好肥膩但佢真係燒得好好食 唔會特別難咬 配返啲醬汁簡直一流最主要個價錢都好親民 係灣仔返工區外賣都40蚊up 而佢一個雙拼飯只係講緊32蚊 仲要跟一碗例湯 個湯成日都好足料又唔會太膩 所以好推薦來食外賣燒味可以黎呢間食

今午在灣仔一間較地道的酒樓用膳，點了乾蒸牛肉，牛肉不夠彈性又冧又鬆，相對鮮蝦腸粉比較合口味有口感，鮑汁北菇玉掌乾茹很爽有口感而鴨掌亦軟滑。蟹肉燴伊麵很清很滑麵也爽。

午間在區內張羅開餐地方見到這老字號👍先嘗了鮑汁北菇鴨掌㷛, 味道合格,芡汁有鮮鮑味, 北菇好爽口雖菇味未太重, 鴨掌軟硬適中入味鮮蝦腸粉熱辣辣好有咬感干蒸牛肉最失分肉散而無牛肉味主食蟹肉燴伊麵補番些分, 湯味清甜麵亦幾爽

1. 麻蓉包、馬拉糕麻蓉包內有香滑嘅麻蓉咸，熱辣辣的很好味。馬拉糕是普通的馬拉糕味，不過不失。2. Xo醬炒腸粉呢個腸粉係十分之新鮮的，雖然顏色唔係咁深，不過味道好足夠。3. 煎魚餅食落好香脆新鮮，點少少辣醬更加提升佢嘅鮮味。4. 粽糯米都十分之軟糯好食。5-6. 叉燒睇落好美味多汁，不過食落有啲硬同埋有啲筋，比想像中無咁好食。

我到來的時候限聚令還維持在6人一桌之前只可以4人。現在已經很開心了。今日訂位時間比較早。因為一班老友記，真係唔方便食太晚時間。我哋一進門口就叫到滔滔老闆。佢好似等緊我哋一樣。一到來已經好熱情。但其實我想講這天直到我們走時，酒樓一半枱都坐唔滿。生意係真係差。滔滔介紹咗幾款菜式比我哋，開頭我都好驚。雖然佢不停講唔太貴㗎，但我唔知佢對貴的定義是什麼呀以下係這餐的菜式：大部分都係一些懷舊菜。那些魚類菜式，我就覺得無一款係好食嘅。因為太多骨⋯其實今餐最好食，只係個芋頭煲。其他都好似唔係太夠鑊氣六個人食就差唔多食晒。但都有些餘下了。因為那些魚真係唔太適合老人家。我們還預訂了半打壽包。大家今日都好開心。因為可以食懷舊菜、見明星老闆、價錢還超抵。這間餐廳職員都幾熱情。佢哋的制服係榮華制服。真係好有趣。

呢間野喺灣仔已經好耐㗎喇，我第一次咁早經過，先知道原來有得賣點心，於是乎就外賣左啲返屋企試吓！阿姐同我講佢哋7:40先至開門。種類唔係好多嘅，不過都有我嘅心水╮(╯▽╰)╭眼睇佢嘅燒賣好大粒，感覺好飽滿！一如估計，佢嘅燒賣好好食，好大粒好足料！佢嘅叉燒包雖然熱辣辣，但個皮好硬，好似饅頭咁，啲餡嘅味道都OK。最失望最失望嘅就係佢哋嘅牛肉球╮(￣▽￣"")╭係就係好大粒，好似好抵食。但係裏面勁多肥膏，仲有好多立立雜雜嘅菜，有芹菜，有馬蹄，馬蹄嘅口感OK，但加埋嗰啲立立雜雜嘅菜，真係好難食。我食咗半隻，其餘全部放棄咗！應該冇下次╭(╯3╰)╮

以前細個會去元朗大榮華飲茶好開心㗎～ 灣仔依間都係第一次嚟感覺依間好似細少少Lunch hour 都要等幾張枱，食客都幾多㗎，我見好多客人都同啲知客侍應打晒招呼咁，睇嚟係多年嘅熟客仔😌😌佢哋有一張超多點心嘅點心紙，所以都幾花多眼亂。而且午飯時間，有好多粉面飯選擇，不過今次都係主要食點心😁😁😁珍珠雞 我覺得真係自家做我食個隻入面係有少少蠔豉！好好味！不過朋友食嗰隻就有少少未蒸透，可能係籠珍珠雞一嚟到就即刻食掛🤷🏻‍♀️ 建議可以放一陣等啲熱力滲透啲先食😄😄奶黃水晶包令人好失望，水晶包嘅皮太厚.....而且奶黃餡味道偏淡成舊都唔好食蝦餃唔錯，足料，又夠爽！另外切肉燒賣非常好食！不過冇影相😅😅夠大粒，而且豬肉夠爽

太耐冇飲茶， 此終係老餅， 心思思想食點心。今日好早就出門口， 11點就捕住大榮華開門。 疫情下大家都減少左外出，所以都好少客人。2個人叫左6個點心， 真係飽住個肚走。係咪好食，就應該唔係， 但真係用料好足， 而且味道都岩岩好。蝦春卷：脆口， 大粒蝦仁， 配埋喼汁真係一流。豬潤燒賣：大大塊豬潤，下面肉球有蝦仁， 味道唔錯。排骨：好多脆骨肉排， 豉汁入味。芫荽蝦餃：份量10足， 蝦仁彈牙。蝦仁腸粉：粉醬都唔算薄，又係大大隻蝦仁。魷魚肉餅飯： 冇諗到有半隻咸蛋， 配飯好正。 肉又香又滑， 里面有馬蹄，口感爽口。