大本瀛日式放題

營業中

休息中

旺角就是多美食，尤其是日式放題價錢又平又抵食。今日同朋友又來兆萬中心10/F 大本瀛食過質素幾好就梗係再食多次啦環境其實幾好，唔會太逼我地兩個人食都安排到坐卡位當然先來盤刺身啦赤貝同生蝦都好新鮮帶子都算好厚身大件，唔係元貝咁細粒既貨色😌芝士雞球我最喜歡既熟食之一芝士比例好多，而且雞件好大件香濃既芝士都已經加哂分芝士焗蠔&帶子蠔肉好新鮮乾淨，味道唔會腥帶子肉雖有點細粒，但味道不俗叫左個肥牛拉麵，細細碗 份量剛剛好可以留肚食其他野😬😬牛油粟米 又係必點之一，未食都聞到好香牛油味，好香甜雞肉串醬汁先係精髓，有點似沙爹咁 好惹味清酒煮蜆平時食蜆都希望新鮮無沙，依到食放題都做到加埋清酒煮，好清甜。燒雞翼 細細隻，但整得好香口、入味！黑松露帶子海膽手卷芝士鰻魚卷火炙三文魚全部都係我地encore既壽司，份量小小的一件，岩哂我地唔想食飯既朋友😂😂飲品款式都唔少牛乳布丁木糠蛋糕食到幾飽都要食甜品埋單每人大約二百四，價錢合理食物質素亦滿意

今日行左成日街陪男朋友去買GAME，已經鐵腳啦!所以為左慰勞一下可憐既小象腿~要去食下放題先~食物有11張紙咁多~睇到眼都花埋啊~飲品雪櫃有3個~有2個係近門口既位置，另外一個係店最入面雪糕既雪櫃就放左係出口Reception位置~店舖終於地方唔大，枱同枱之間只有一張竹簾阻隔，不過唔會好嘈，隔壁枱既客人傾計都唔會聽得好清楚壽司~刺身~海膽~~~我最愛啊全部小食都做得很用心~燒菠蘿面層燒得剛好~鍾情芝士既朋友一定要點~芝士波波~繼續芝士~超大粒啊~平時D焗蠔焗海鮮都好細粒，哩度既焗物都超超超超級大件~唔會只得一堆芝士~真心抵食啊!!最後幾飽都好都要黎返個甜品作句號~雪糕就緊係要食紅豆味啦~仲有我好鍾意既雲呢拿雪米糍~心滿意足既一餐

係旺角行街 朋友想食放題 就去咗最多放題兆萬到搵食 呢間之前聽過朋友食過話唔錯 就上咗去試 眼見價錢正常 環境正常 人流正常 應該無伏 就入咗去食首先睇睇個menu紙有咩好叫先 有A-J咁多張 驟眼望都算多款式一開始必叫魚生啦，每款叫咗幾舊 都幾肥美 厚薄適中 都好生鮮 溫度剛好 唔會太凍或者暖哂 而且最重要係無異味 好多平價放題都有陣味再黎就當然係壽司啦有軍艦有傳統壽司卷物 全部都好好味 飯唔會係暖既 醋味都幾好 款式都幾多 但同行友人雞仔胃 食唔哂所有款式 再黎就係熟食 有海鮮 例如炒蜆 燒蝦 仲有好好味既燒羊架 一啲so味都好 燒得好香 肉質好嫩 完全唔似平野 放題有呢個質素非常滿意野飲選擇就少d 啱飲既就得呢兩款整體來說 呢間放題可以encore 生食同熟食既質素都有7分以上 總共比佢8分啦 如果係旺角想食 值得一試

款式多食飽飽@大本瀛日式放題 去旺角食放題到兆萬中心是常識吧，我們大食一家每個月總會去食番餐順便當GATHERING，一來大家都可以食到想食的東西，二來價錢不貴，即使一家人去食都不會太重皮 大本瀛是我們最喜歡的一家，食物質素是重要，但坐得舒服也很緊要，因為我們有老有少，至怕坐在很迫又小的地方，而大本瀛都是卡位為主，加上位與位之間都有竹簾遮蔽，私隱度高，也不怕小朋友打擾到其他客人 食物應有盡有，點單紙厚厚的一本 飲料是自助的，一進店舖就見到大雪櫃，多款飲品供食客任飲，有得飲茶最解膩呀！ 放題的亮點~刺身來了~ 叫十片來十片，沒有CUT單情況 店員以光速上菜，刺身都好新鮮，來食放題雖然是食量，質素也很重要，所有都沒有雪味，可能因為人流多，所以食物也流量快保持新鮮 甜蝦非常正，細細只但好甜美而且很爽口，就是食到停不了口 壽司也有好多款式，SIZE細細可以試多幾款! 媽媽怕生冷，火灸壽司最岩佢 燒過的壽司多了一份魚的油香和米香 黑松露帶子壽司是我的最愛，帶子鮮甜細嫩，加上矜貴濃郁黑松露香，令人回味 醉香雞翼，好香花雕味，而且好入味 人總想食點菜，點了一份蟹子沙律，不過沙律

慶祝考完midterm緊係要去食放題慶祝上網見到有人好評呢間放題就即刻決定同朋友黎一戰作為放題big fans 最鍾意就係瘋狂叫刺身然後一睇個刺身list竟然俾我發現有泰式生蝦！！！！！我同我既朋友都係泰式生蝦big fans但好少機會係放題有得食！即刻忍唔住叫左好多蝦！結果出黎個sauce都好正好搭 感覺上即刻覺得自己好抵平時出去食泰國菜生蝦都要成7x蚊而呢度就可以瘋狂生蝦放題 好幸福！另外值得一推既就係佢個焗蠔芝士落得好重料食落去勁香洋蔥又配得好好如果唔係因為飽都想好似當佢生蝦咁狂食另一個不得不提既推薦可能基於同朋友都係泰國菜既fans所以叫完1round冬蔭公湯就上左癮因為佢即使見我地得兩條友都俾左好大bowl我地飲平時食放題都會覺得可能飲湯好快飽好唔抵但佢呢個湯真係好入味 結果都encore左兩次其實所有野都好好食只係食得太忙形有d唔記得左影相hahahahhaha佢係飲品自己拎種類都好多！因為食得太飽就無食到甜品但overall都覺得係好幸福既一餐另外必需一讚就係間鋪好貼心 唔洗我地叫都會好主動好快咁幫我地清走d碟同換碟 ！nice！

好耐無放肆大吃特吃了決定約個朋友好好翻餐勁既兆萬有不少任食放題選擇最尾都係隨機選擇左大本瀛裝修佈置真係好具日本風一戔小燈暗暗的好舒服冷氣都好足餐桌乾淨整齊 已經有一大叠紙等住我去簡野食壽司飯粒粒分明而且飯既份量同濕軟度適中一啖可以一個刺身是新鮮的 生蝦亦完全無腥味 抵讚再來多個蟹籽沙津佢既青瓜屬於粗身既 好爽夠凍好清新栗米牛油味好香濃粟米夠甜夠正牛舌超軟糯的 鹵得頗入味 不錯一口牛好有牛味絕對五係普通牛 牛味香濃有油香味金菇肥牛大小都係岩岩好一啖五會太重負擔焗既雞同蠔都非常出色好邪惡但新鮮熱騰騰既真係好好味好香炒雜菌夠獲氣食落有醬油香味 而且有d菇仲好大塊 食得我好滿足不得不提豬頸肉有少少煙燻味 肉質嫩軟糯再加d泰式辣醬更加惹味了值得一試質素不錯牛仔骨可算是超級好吃一d都五硬好冧好香 充滿牛鮮味十分推介食完野口乾乾仲有兩個大雪櫃既飲品俾你簡雪糕方面有好多五同口味當日既雪米糍就係芒果口味既正正的奶凍是必食因爲並五淡 好重奶味

今日同朋友去左旺角行街，見行到攰想坐耐d，就去左兆萬食個lunch放題。上網見呢間放題comment 唔錯，就即管試試佢一坐底就見到一大幅日本街景圖，檯櫈都係木紋色，好有日本餐廳feel一坐落低就緊係即刻叫我地最鐘意ge三文魚同甜蝦刺生喇，三文魚好厚又新鮮，我地仲encore左幾次食完刺生之後就開始食肉，我同朋友都係食肉獸，難得放題就緊係叫不同類型ge肉喇!!有羊架呀 呢個值得食多幾轉，佢唔會燒得太燶，羊肉ge味岩岩好出到黎，肉質須好, 令人一再回味雞翼外脆內軟, 熱辣辣, 即叫即整,很香口 正!豬頸肉好大片又厚, 配埋泰式辣醬, 好味呀其中一樣肉就有雞球,一黎到 即哇! 勁大舊, 仲要好熱, 配埋芝士, 食落口真係好滋味最後仲試埋花之戀,  飯軟硬度適中, 有水準必食!最後因為食得太多肉了, 杯飽到食唔落雪榚同甜品, 可惜了!下次要食過!!!

近排大食左，而且今日出街做嘢勁攰，食放題就最啱，可以奬勵自己。同朋友約咗係旺角兆萬搵放題，朋友話之前食過呢間唔錯，見佢價錢又唔貴，所以入咗去食。刺身選擇不少，而且上菜嘅速度都好快，入邊有我最愛嘅三文魚，刺身好新鮮，而且溫度啱啱好，好抵食，我哋前後都encore左兩三次去放題除咗刺身之外，燒物都係我嘅最愛，尤其係椒鹽牛舌，調味係最出色，而且牛味係最重試咗幾樣炸物，天婦羅炸得唔錯，外皮粉漿唔會太厚，第一次試秋刀魚天婦羅，真係原條拎去炸，又幾好食喎最特別嘅係佢哋有泰式料理提供，佢嘅蝦餅好彈牙，連豬頸肉都有，而且質素都唔錯食咗咁多次放題，火炙壽司都係我哋必點之一，大推火炙左口魚壽司，油脂甘香，真係入口即化架，火炙三文魚壽司都係我哋另一個選擇，經過火槍輕輕燒過，魚肉更香。佢嘅黑松露系列壽司都有驚喜，黑松露好香，放入口仲有黑松露嘅香味。呢間放題有雪糕食，放咗喺出邊自己拎，有唔同嘅雀巢口味雪糕，特登點咗榴槤炸彈，咬開一半入邊嘅榴槤係流心架，連我對面朋友都聞到，超級正。各種食物嘅質素都唔錯，我哋早入去，兩個人連埋加一，大約$420以呢個價錢來講絕對抵食，下次出開旺角食放題都會再嚟呢一間餐廳。

同男朋友行旺角，經過兆萬見到傳單姐姐派傳單，發現大本瀛放題分時段收費，價值合理，當時太約下午6：30，見只需要$188一個人就可以食放題，又多選擇，又有刺身食，於是就同男朋友上去食個early dinner.到餐廳後還要有窗口位置，感覺好開揚，食飯心情都爽爽的。先去看看飲品，飲品絕對是這店的其中賣點，選擇之多，非一般只提供汽水選擇的放題店可比，只是單單飲品連啤酒種類應該已超過20種。及後當然是點菜哪，見到枱面的菜單，已經差不多10張菜單。看著哪麼多選擇的菜單，已經胃口開動，好想所有菜式都點點試試，第一個要點的，當然是刺身哪！排得靚靚的刺身上枱已經好吸引，每件刺身都厚切的。第一口要試的當然是三文魚，三文魚肥美，厚切的三文魚油脂很香口，放入口已經忍不住夾第二件了。很驚喜刺身還有泰式生蝦，還有很多泰式酸辣醬，完全符合我這醬怪的口味。而令人印象深刻的是200蚊不到的放題，竟然有象拔蚌壽司，而且象拔蚌口感，鮮味都很到位，象拔蚌成本不少，一向到其他放題店都難有這選擇，不難明白，成本高嘛，所以很值得一試啊！及後天婦羅上枱，上枱也是排得美美的，送到枱的時候食物仍然熱辣辣，好新鮮啊！吃酸的可以開開胃，令

提到放題，立刻會想到兆萬中心！！！從大廈廣告箱來看最少有著6間放題，價錢大都由百幾起跳，都hard sell 價廉物美👍🏻真令人眼花撩亂😣 最後去Openrice做一做功課，發現了這家大本瀛的壽司跟熱食相當多選擇♥️於是決定一試，六點半左右入座，價錢$188/1位，任食兩時間！食放題，當然要第一時間把每一款餐紙都拿一張出來，再瘋狂點一點囉🙈餐廳有足足十款餐紙！頭一round,當然是刺身跟壽司囉~刺身很新鮮，而且都是厚切！但比起刺身，小妹更愛壽司！全因有著小妹最愛的皇帝蟹棒😍🤤，令小妹Encore再encore! 另外還有小妹大愛的黑松露😱不得了👍🏻經過一輪冷盤🙈當然要試一試熱食囉！芝士焗蠔，入面有大大粒蠔，味道都唔錯👍🏻屬encore之選！另一encore之選，必然是羊架跟牛舌！燒得又香又juicy!一心打算玩票性質，點了一客人參雞湯！結果真的有人參，而且湯亦著點點甘香！！絕對是誠意之作！壽喜燒牛肉鍋，份量很大，味道都ok，就是有點太油了😣熱食還有雞軟骨跟炒雜菜都不錯！甜品是維記雪糕跟雪米滋♥️♥️♥️還有甜品紙可以order!由於已經食到太滿足的關係，所以只多點了一客3.6牛乳奶凍，口感很滑

難得同太太一齊放假，當然要去揀番間好嘅放題食下一如既往於最早嘅時段食放題必定係最平， 來到嘅時候人唔算太多唔需要等位炎炎夏日嘅天氣當然第一時間飲番罐啤酒啦相信好多人都同我一樣，食放題必定第一時間會點返一盤刺身拼盤! 而我亦都唔例外， 值得一讚嘅係呢度嘅刺身選擇算係非常多， 擺盤精美而且非常新鮮， 刺身唔會有任何腥味而且唔會太冰冷， 份量亦係點幾多就嚟幾多!海膽手捲份量中規中矩， 都幾鮮甜!壽司屬於有誠意之作， 賣相精緻，而且望落去好新鮮，食落口感味道都有水準煮蜆有驚喜，大大隻而且脹卜卜，非常鮮甜，熟既程度啱啱好。牛仔骨算高分之作，醬汁係佢成功之處，好入味，而且肉質有口感。炸天婦羅熱辣辣送上，而且外脆內軟，粉漿嘅厚度啱啱好，做到鬆脆嘅效果!而餐廳入面好食嘅食物仲有好多，不能盡錄! 若果說係一間放題餐廳， 倒不如話係一間日式料理更貼切!最後食埋雪糕就完結!總結:好多人話兆萬中心雖然餐廳多， 但係中伏機會大， 但今次我覺得呢間放題餐廳就打破咗我呢個諗法 平靚正抵食!

聽朋友推介黎到呢度今晚同奶奶兩個食放題呢度D刺身、壽司比預期中夠選擇，又夠新鮮，真心推薦！海膽一口卷海膽幾新鮮，食放題最好就係呢D迷你手卷，唔會太飽又可食到其他野泰式冬蔭公呢個必嗌，用料又多，有不少 蝦、蟹棒、蕃茄、香料、香菇，香濃好喝不太辣，不過都幾大煲架！成班人嗌就剛好！椒鹽雞軟骨幾香脆，有咬口，食放題必嗌哦台式鹽酥花枝丸細細粒好惹味自家制手打蝦餅好香，手打蝦餅好彈牙，我中意食天婦羅多春魚爆多魚春😁😁流心芝士年糕呢個又係必點，芝士湧出來，又香，超滿足貓山王榴連炸彈我唔食榴連架，但奶奶話好正日本吉烈蠔唔會一啖水，炸得幾香脆岩鹽燒牛舌不錯，不會有渣，惹味！板燒牛仔骨正啊，燒得微脆又入味燒有機菠蘿解膩一流，我食左3,4件🙈汁燒翠肉瓜食咁多肉，當然要食D瓜菜，翠肉瓜多汁，個燒汁好味燒海蝦彈牙鮮味金菇肥牛串新鮮滾熱辣，好入味，金菇夠爽口馬來沙嗲燒雞肉串幾嫩滑，沙嗲醬好有風味豉椒炒花蜆個味道拍得住大排擋，好滋味。重點好多肉，唔會淨係得殼芝士雞球大大舊雞啖啖肉，芝士味香而不膩香蒜煙肉焗北海道帆立貝好香蒜味有咬口，新鮮不會霉蟹籽沙律蛋黃醬配青瓜絲、蟹柳絲蟹籽，爽口超fresh燒雞翼我食曬成碟，雞翼

旺角可以話係香港其中一個最多人逛街嘅地方，因此亦相對較多食肆。無論是泰國菜、日本菜、韓國菜等等的你想到嘅都有～而今日心血來潮想食放題嘅我地就去咗兆萬中心嘅大本瀛一入兆萬中心要搭扶手電梯先可以轉到上十樓嘅𨋢，而大本瀛佔了十樓全層，話大唔大、話小唔小。我地係平日 8 點幾去食，呢個時間咁啱等 5 分鐘就有位！室內的環境挺舒適的，大多都是卡位。而我坐呢到中間有塊簾同隔離隔住，因此會比較有私人空間嘅感覺。當然，一入去我地就即刻填點餐紙，食物可以快啲到嘛！而佢細分咗好多唔同種類由刺身到天婦羅等等的日式料理都有。一共有A - J款咁多！我地點嘅刺身好快就到咗，賣相唔錯。我地叫咗北寄貝、挪威三文魚、帶子、有頭甜蝦、日本角螺等等⋯⋯個人覺得三文魚的味道挺好，而且係厚切的，唔會話薄薄地一片冇乜份量 而甜蝦是我最鍾意食的刺身之一，但叫了幾 round 有一啲得半截唔係咁完整，不過味道冇影響。刺身的溫度唔會好似一啲比較差的放題店般是室溫的，呢間夠凍，證明冇咁易受細菌污染。（畢竟食完最驚就係肚痾呀嘛～）呢間日式放題的刺身感覺比其他食物做得出色。另外，我地仲叫咗啲壽司。size 比較細，但可以方便我地試多啲唔同