大手町 (已結業)

上個星期同bf 黎呢度食晚飯, 店子並不起眼, 但都幾好味喎! 牛油果鰻魚卷: 好耐無食鰻魚啦, 呢度係由日本直接入口, 所以都食得安心豆腐雜綿煮沙白: 呢個麻麻地, 咯欠唔夠味雜綿魚生飯定食: 呢度既魚生好新鮮, 有多款魚生,有吞拿魚, 三文魚, 牡丹蝦, 北寄貝, 墨魚等. 幾好味! 值得推介!雞軟骨棒: 這個沒有什麼特別整體黎講, 呢度d 食物都新鮮

Lunch 試過去幾次, 好多人,位好迫,坐得唔舒服, 最唔好就係趕客!!!試過7個人去食, 半個鐘後就收哂d 野, 直接比張單要找數!! 快餐都唔止食半個鐘啦!!食物方面我覺得一般, 刺身不大新鮮(唔通lunch 係前晚o既貨尾?!?!) 價錢唔係特別平, 同價o既, 去附近'春樹' 食好過! 多選擇, 好味d !或比貴少少去SAE!!!

整體而言這裡的刺身都是很新鮮,雖然價錢比較貴,但老闆娘是親自打長途電話到日本魚市場訂貨的,絕不戲場,可謂'一分錢一分貨'.老闆娘很友善,很健談,熟悉什麼海鮮合時.今次特地介紹我們吃'帶子皇壽司',嘩!鮮甜得不得了,真的從未吃過如此好吃的生帶子!!!!!!~甜蝦壽司也很好吃,比起別的店來得大隻和扎實.很新鮮上回吃過的'吉列牛肉餅'也值得推介,因為裡面的是和牛肉碎,很滋味. 還有不要錯過的'柚子雪糕',柚味甘香,還有粒粒柚皮,十足在吃冰柚子茶!!!至於環境,勝在寧靜,吃得很舒服

看演唱會前的晚餐, 朋友提議試試這間不起眼的日本食店, 於是便試試. 叫了個刺身拼盤和清酒煮蜆, 刺身都幾鮮味, 蜆就酒味不太濃, 都ok la, 但店子不大, 突然有人要搭枱就不太好.

星期日,行完書展.我和bf走入一間不太起眼的日本店eat dinner.坐了一會,樓面介紹今曰有幾款新鮮魚生,我起初只点了三文魚喃和赤貝..嘩!!!好鮮甜..於是我再點了老板娘推介的秋刀魚刺身..嘩!!!好香甜'又鮮味,原來他們的魚生是從曰本來..的碓做得好過酒店的水準.....但天婦羅就不太好..可能因店子太旺..但老板娘的親切.招呼''令我們食得很滿足:>我下次一定要試下他們的鱼生反,,,因我眼見很多客人叫這個魚生反

Came here on a Saturday afternoon. The manager recommended a few special dishes. Lots of variety including dried puffer fish 雞泡魚乾which tasted OK. 池魚魚生有点腥. Could have better choice for the same budget.

呢度好旺，好彩我地book 左位je，我地兩個女子各點了set加一個小食：魚子魚生飯：係我去到邊都會點既至愛，第一次來呢度都點番個先，飯唔多，三文魚生大大片，雖然味道唔係好甜美，但好新鮮，魚子亦好大粒，好似仲有d切成絲的蟹柳；雜錦魚生飯：呢個就係我個fd既至愛，睇落又大碗又多魚生喎，佢話好好食wor；酥炸生蠔：呢個係小食，有5個，炸得好香脆，d蠔好新鮮好甜，不過就「漏」左少少。整體都好食，一坐低就有個麵豉湯，同一小碟芽菜仔。店仔細細，坐得較迫。服務一般，因太好生意，一見你食完，即「隊」張單埋來要你找數，然後又話book左檯既客到左，要你即刻走，真係……

過去兩年, 平均每兩個月都會幫趁一次. 昨晚order 了馳名的魚生飯+豬扒蛋飯, 十分失望! 首先, 魚生飯無論魚生或白飯都縮左水, 以我昨晚唔肚餓o既女仔黎講食完都唔飽. 男友仲慘, 叫o左個豬扒蛋飯, 原來唔係好似一般咁一碗上, 而係分開, 先講豬扒, 份量都ok, 不過俾好多似水o既汁浸住, 影響味道! 但最離譜係d 飯, 只係得茶樓叫白飯咁o既size, 白飯應該唔係好貴o者, 成個餐都要成$70, 你都俾多d飯人呀! 可憐我男朋友好似食小朋友餐咁! 食完都好似無咩點食過o野, 埋單要去食第二輪!

我在灣仔返工, 所以時時會幫襯, 它由開業至今都可以保持水準, 值得一讚! 其實除左刺身新鮮外, 我最鍾意它的烏冬, 很彈牙, 湯底又清, 夏天食最match! 不過lunch hour最好book位先啦!

兩個人叫o左四樣食物,份量剛好,百鬆d埋單,值得再o黎.雜錦刺身飯定食:有三文魚,吞拿魚,墨魚,牡丹蝦,帶子,三文魚子,北寄貝. 基本上件件都幾好,唔錯.海螺刺身:一客有兩大隻,好多肉,比起赤貝更見食. 肉質爽口,鮮甜.三文魚鼻骨漬物:味道係凍凍地,酸酸地. 甄甄un un,幾開胃,又有o趙口.炸雞軟骨雞肉餅:好似魚手指size,免治雞肉內有雞軟骨碎,唔會得啖肉. 幾好!唯一美中不足係個廁所唔得.

長週要返工, 剛巧男友在附近, 佢\提議來呢度食晏. 可能係星期六的關係, 我地由十二點幾食到點幾都唔算太多人.我要左雜錦魚生飯定食, 男友要左侍應推介的白鰻秋燒. 魚生飯的魚生份量都唔少, 不過上檯速度有點令我相信魚生唔係新鮮切的. 相反, 個白鰻燒要等左一陣先到, 上檯係一隻長碟上放左四件鰻魚卷, 熱辣辣, 應係即燒. 個汁酸酸甜甜辣辣, 好好味, 淨係用來撈飯都掂. 鰻魚卷幾厚身, 因為燒的關係, 外面脆脆的, 唔腥好香口. 見之前的食友講過有位幾好的老闆娘, 當日就見唔到, 但對其中一位女侍應就印象麻麻, 其實我地在門口見到佢\地有午市定食, 但我地就唔見檯上有呢個餐\牌, 但個女侍應由我地一坐低就不停叫我地叫刺身, 於是我問佢\有冇門口的定食餐\牌, 佢\先面黑黑的拎俾我地, 雖然我地最後都無叫那些午市定食, 但我覺得佢\的態度令我有點反感呢!!!ps. 下面的4分係俾鰻魚定食, 魚生飯則只是一般呢!

跟女友來這兒吃午餐，甫坐下，便送上一小碟泡菜。是微辣的芽菜，爽口開胃。點了：土佐豆腐、燒鰻魚串，燒銀鱈魚，以及一份壽司定食。豆腐份量十足，香脆熱辣；鰻魚串和銀鱈魚燒烤得甘香，肉質肥美，作得絕不馬虎！口感略油膩。壽司套餐裡，有麵豉湯、壽司（鮭魚卷、鮪魚壽司、鯖魚壽司、鮭魚壽司、玉子壽司、北寄貝壽司…等，共八件。）、加十塊錢由白飯轉湯拉麵一碗。麵豉湯淡如開水；作壽司的刺身唔新鮮，只比超市貨色好丁點兒而已；倒是拉麵夠彈牙爽口，可一試！埋單$212，有點豪。以此食物質素，就唔算貴。結論：魚生麻麻。土佐豆腐、銀鱈魚、鰻魚串相當可口美味。拉麵可一試！環境暗暗，吃完一身油煙味，通風系統有待改善。有小小強出現，環境麻麻。

生日飯食不完，嘻嘻！今日又有老友請食生日晏，地點當然由東家作主。東家平日係夜晚九點後至黎晚飯的，所以唔知會旺場到咁，佢訂左位一點鐘，十分鐘前已黎到，點知入口塞滿人，我地都要等到成一點半至有檯！三個人叫左一個魚生飯同一個三文魚親子魚生飯定食，外加招牌波子壽司三件、池魚刺身、海膽劍魚天婦羅同安康魚肝。定食的麵鼓湯暖暖地，飲左一啖就放棄。兩款魚生飯的用料都算新鮮，但係D壽司飯就完全唔掂，好「笠」口，唔好講米的質素，連煮同調味都唔及格。招牌波子壽司係碎吞拿魚加海膽，兩樣材料都幾鮮甜，又係敗在個壽司飯咯。池魚刺身幾鮮甜，OK。個天婦羅就賣相幾好，食落卻完全食唔倒素材的味道，感覺係食左一串炸野咁咯，而且沾汁放在一個兜內，根本點唔倒黎食，好失敗！安康魚肝係東家朋友的至愛，味道的確唔錯，淡醬油加蔥粒灑面，魚肝亦幾鮮美，幾好。埋單都要570 元，以材料計唔算貴，但以成品計卻係完全唔值。個人而言係冇下次啦！不過都好多謝東家朋友的招待就是了。

個日我同男友兩個去食dinner 叫左一個魚生飯同一個壽司拉麵定食個飯好大碗D魚生都算幾新鮮以咁既價錢黎講水準叫做唔錯不過由於有個女侍應(短髮) 過份殷勤既服務態度就令我地食得唔係幾開心

這間日本料理小店，其實如果唔係在等巴士時無意中看到，都幾易走漏眼。是晚一行4人來這兒dinner，翻開餐牌看見有多款定食，份量與選擇都相當多，但友人都說夜晚不想吃定食，於是決定散叫。先叫了青火龍船(牛油果軟殼蟹反卷)、串燒拼盤、加串燒牛舌同盬燒雞翼，味道都不錯，不過略嫌燒得不夠香，而牛舌亦過肕，第二輪要了天婦羅拼盤、針魚刺身、燒三文頭、炸蠔同一個稻庭冷烏冬，全部水準都不俗，最正係三文魚頭同針魚刺身，天婦羅上檯時已有少少腍，不夠脆，尤幸裡面還是熱呼呼，最失望是個稻庭冷烏冬，雖然個汁好好，但麵條仲o鞋過o的上海麵。最值得一讚是老闆娘招呼殷勤，想著她幫忙介紹招牌菜，她並沒有盡推薦一些貴價菜，還提議給我們試一點，覺得好味才落單都可以，最後更送雪糕，真係冇得頂。