大快活

營業中

休息中

行街經過呢度😄，下午2點幾都未食lunch, 因為趕時間，所以拿拿聲食番個下午茶餐。見到餐牌推介蜜味燒雞髀套餐，於是試下啦，佢個燒雞髀真好正🍗啖啖肉，加埋脆皮腸米粉真係好飽。

大快活呢個品牌真係開到成行成市，香港深圳我都會見到好多大快活，但係對我來講佢真係唔係樣樣都好食，但係佢個咖哩我就覺得真心係好，絕對係性價比高，咖喱有香味，牛腩好入味分量足夠配埋個白飯真係冇得頂

每逢星期六日放假，就想舒舒服服咁落低食個早餐，靜靜咁嘆杯「大快活」既熱奶茶☕️；我覺得連茶餐廳既絲襪奶茶都比唔上呢度既奶茶，真係百飲不厭🤤而且呢度既早餐都相當價廉，依家普通一間餐廳食個早餐平均都要$35-40或以上；係呢度都只不過係$29.5；仲可以慢慢坐，唔會比人趕😆除左普通粉麵之外，仲可以揀健康既無糖牛奶麥皮；如果唔想要炒蛋，可以揀另一個餐係烚蛋；更加輕怡健康👍🏻放假天想飲杯好飲有質素既熱奶茶，真係非「大快活」莫屬😍

好耐無食過大快活，我真係覺得呢排大快活D嘢食好食咗好多。我揀咗蜜糖燒雞脾配炒麵，飲紅豆冰。蜜糖燒雞脾好惹味，外皮燒得焦脆，肉質嫩滑，好入味。炒麵分量好多，而且係用粗麵，有好多芽菜，口感唔錯。紅豆冰就唔駛講啦，夏天飲真係好爽！講完嘢食講下環境，其實真係唔多喜歡大快活嘅裝修，燈光睇落好唔舒服。

今天病了沒煮飯，要外出用膳，就到大快活清清淡淡簡簡單單來個粟米肉粒飯，加碟油菜，怎知菜上加了些鹵肉汁是辣的🙈。幸好粟米肉粒飯也有些椰菜等，又夠多汁好味，一大碟我也吃得到。老公則點了什菜駝鳥肉飯，賣相及味道也不錯，駝鳥肉有少少甜味，肉質鮮嫩

成日食黎食去都係d西餐，日本野。反而樓下間快餐店真係少食。琴晚叫左個焗豬扒飯！好好食😍最正係佢有幾粒菠蘿放係面！同埋最正係佢d豬扒勁大塊！唔知係碟碟都係咁定咁岩我好彩啦haha，而且佢塊豬扒唔會太「鞋」！d蕃茄汁又多！岩哂我呢d鐘意撈汁食野既人。

下午茶緊係周圍去食好野，今日去左屋企附近既大快活食tea,原來都有好choices! 可以食bbq wing, 又食豬扒包等！不過我好肚餓就叫左叉燒米粉食，仲配杯hot coffee! 野食好快上左，原來份量甘大嫁！我都估唔到！叉燒都有成6-8舊，米粉一大碗！叉燒好好食，咬落去仲食肉汁既！唔錯！ 仲有飲埋熱咖啡好正呀！hot coffee always my favorite! I love the real hot coffee instead of instant!

去完銅鑼灣辦年貨，成街人山人海，行到脚仔軟軟，都係速速揾間大快活坐低醫肚先。每次嚟大快活，我都例必叫咖喱，因為呢度啲咖喱的確整得唔錯，香辣惹味，好好送飯。今晚揀咗阿活咖喱牛腩飯(HK$50)，賣相ok，保持一贯水準，牛腩炆得夠腍夠入味，加埋吸晒咖喱汁嘅薯仔，白飯迅即被秒殺。同行友人揀咗胡椒雜菌魚煲(HK$52)，熱辣辣上枱，賣相不俗，两件魚塊外皮煎得帶點香脆，惜胡椒味不足，雜菌亦唔多見，味道稍為遜色，有待改善。

多次外賣 只求正正常常 但……總是失望 真係咁僑？食材係好嘅 供應者粗疏？外賣早餐 ~ $39煎双旦腸仔泡湯麵 + 雪菜肉絲湯米即時坐底睇吓 ……煎双旦~旦黃散晒 黐住飯盒泡麵~湯水唔夠 得1/3 碗 咪玩啦…… 麵都浸唔倒點泡熱檸茶 堂飲 ~ 茶混濁 油面店員講係🍋檸檬皮嘅油腸仔~ 好咸 外賣 牛扒煎旦早餐 牛扒得半塊 即時問番店員……還好嘅係有投訴 就即刻換番另1次 咖哩牛腩飯 牛腩得2嚿冇茨仔 又係問就加番但係如果返咗屋企就要硬食啦大集團掌權者 都控制唔倒嘅嘢都明白生意好 店員太忙 但每1份食物都應該要尊重🙏

放lunch經過銅鑼灣 諗唔到想食咩 跟住見就腳就去左大快活食野 再加上呢排想食健康d 所以叫左個雞胸紅米飯個飯冇咩特別 雞胸十分有驚喜 多汁而且好滑 食落完全冇雞胸果隻鞋鞋地既質感$45黎講 十分推薦

今天到銅鑼灣上學，順道吃一個下午茶餐才走，剛好見到附近的大快活，一於就在這裏吃啦！這間大快活是在樓上的，地方很整潔及闊落，坐得很舒服。我點了一個雪菜肉絲米粉、熱狗及熱檸檬茶，味道不錯，米粉湯底夠味，熱狗麵包是即烤的，現只需$28，確是平靚正之選！

夜晚食完飯都仲好肚餓，行去搭車既時候經過豪大大雞扒，聞到好香既炸雞味😍 就諗住去幫襯下！佢門面唔大，但服務員動作好快，見您叫就已經幫您pack或整！我之前會食雞粒，但雞粒唔夠入味，味道都喺表層既皮，肉就冇乜味，所以之後轉食輕量雞扒，唔會太大份，消化唔切，又唔會唔夠食！炸雞扒真心一流，佢整到好入味，而且調味粉特製，唔會太淡，有少少辣味，當然啦，鍾意可以再加辣！ 但我覺得少辣最好食！而且並唔貴，輕量雞扒大大份都係$20正👍🏻👍🏻

本身約了朋友, 但朋友突然唔得閒, 所以經過大快活, 想簡簡單單一餐就算今次叫了個雞脾湯飯 $42蚊, 都叫平, 包可樂, 但隻雞脾就好細仔, 食曬都叫飽肚咁既價錢都Okay!

叫左叉鴨飯 個豉油係鹹到食不完 其實未飽想食埋D飯 但真的沒辦法因為平時食美記 樂記 從來都沒需要走豉油的 所以這次也沒有特別想需要走餸好少 個鴨薄到我覺得可以讚刀工希望管理層可以去試下味 佢個豉油鹹到已經不是一般正常範圍 如果有品質控制照道理試完都唔會推出街俾客食

今日星期日 周圍都係人 所以選舉了少一點人的方向走 去咗聖保祿醫院對面大快活食野原來都幾多人哦⋯⋯野食選擇都幾多下我選了下午茶餐：西多士加菠蘿肉碎炒飯加熱檸水好耐無食過西多士，有得選用煉奶或糖漿，我當然係要糖漿同牛油！熱騰騰，牛油溶溶地，又香又甜，好滿足！菠蘿肉碎炒飯：都油膩，菠蘿有幾塊，中型，肉碎分量都可以，飯都可以，不過唔算太熱 是溫溫的 熱檸水：竟然都有4片檸檬，好夠味！客人都幾多，食物質素以這價錢來說很抵及好食