大尾篤麥師傅 (已結業)

疫情稍有好轉，見好耐都冇出去bbq，決定同埋屋企人去之前去開既大尾篤麥師傅黎個夜燒每人$170 另外就係$60蚊開爐費 包兩包炭食5個中都夠用既 一入場會有紙碟 膠手套 膠叉 燒烤叉 蜜糖 同埋方包 食物方面種類都幾多 豬排 牛排 雞排 3種味道既雞翼最正就係個豬肋骨 醃得入味 肉質鬆軟丸類有墨丸 黑椒牛丸 芝士丸 芝士魚腐 龍蝦丸 海膽丸 芝士腸 紅腸 質素唔錯另外仲有多春魚 咖喱魷魚 雞腎 翠肉瓜 燒粟米都係必試之選場內仲有小朋友好鍾意玩既彈床 撈金魚 同夾公仔機 帶埋小朋友黎放電就岩哂

趁假期當然約朋友一齊燒烤啦，今次揀咗麥師傅燒烤場，之前食過覺得 佢哋蔬菜類太少選擇，令到我呢個鍾意食菜嘅人有啲失望，今次因為朋友想食所以就去咗😂點知!!!! 佢哋而家有新Menu，多咗好多款蔬菜類同埋素食🥳多咗好多選擇俾我哋呢啲鍾意食菜or素食嘅人🙈Btw，佢哋咖喱魷魚同埋豬扒嗰啲，一樣都係咁好食😆除此之外，佢哋而家仲加多咗網燒爐🤩，可以俾我呢啲咁懶得燒烤嘅人和成日叫人燒埋比我既人，都可以好方便自己燒到😂麥師傅佢係任食5小時，比起其他燒烤場的燒烤時間長 ，雖然只係包兩罐飲品，但係其實場內啲飲品價錢都唔係話特別貴😂都係$8-$20左右，所以覺得都接受到😌最後令我驚訝嘅係....原來麥師傅開咗social media😂，估唔到麥師傅會咁in跟上潮流，好事黎好事黎，希望你地可以越做越好啦😂😂✨個人推介✨: 洋蔥豬扒，金沙骨，叉燒，牛柳扒，咖喱魷魚，台灣腸，素牛丸，台灣麻辣湯包丸，素魚豆腐服務態度: 正正常常，多數都係後生仔😂

35度黎大尾篤BBQ，朋友問我大概是發瘋了吧🤣 但黎到又有幾百人同我一齊癲wor 🤣 睇黎大家都怕悶多過怕熱🙈🙈.大尾督都幾多燒烤場，但其實我成日都黎呢間「麥師傅」，無他既，因為我係大埔都買開佢既醃肉返屋企氣炸🤣 咁去佢度燒野食感覺真係好抵😅 . 星期六/日公眾假期每位$170，另加開爐費$60，包括2包碳同2罐汽水，時間就係5小時任食。環境就有分有蓋同無蓋，仲有一個大既吹氣滑梯俾小朋友玩🤣 .食物方面就都係燒野食個d, 包括：牛、豬、雞、丸、腸.... 個人覺得呢度bbq必食既係佢既醃物，丸腸個d就正正常常。最正係個雞翼，有4種口味，蒜蓉/麻辣/咖哩/孜然。個人最鍾意食金沙骨，醃得好入味又唔會太咸。食物種類都算不錯👌🏻只係蔬菜類比較少，同埋無菇類/錫紙包咁。不過其實食肉都食到好飽🤣🤣 .最緊要係bbq可以一班人，又免費泊車😍😍岩晒屋企人一齊去玩返半日

下晝去完龍尾灘之後，入得大美督，當然要去燒烤。我自己以前就食開巴希雅，但食過咁多次之後，都想試吓新口味。大埔景色真係好靚，喺度住咗30年，依然都仲係咁鍾意呢個地方。由龍尾灘步行大約10分鐘，就會嚟到呢到麥師傅。佢嘅旁邊有間燒烤王，我就由入口轉左試一試呢間。一入到去嘅時候，第一步嘅係第一個俾錢。每一個人人頭大概$170 ，由於係假期嘅關係，所以貴咗少少，另外亦都要加60幾蚊嘅開爐費。比完入場費之後，每人會分到兩張飲品券，亦都會有一袋炭，同埋膠紙、交叉、紙巾、蜜糖，同埋一包麵包。呢度嘅姐姐，開爐簡直非常熟手， 10秒即刻起到過爐。我哋搵咗個位之後，就放低晒所有嘢，出去食品領取處拎嘢食。第一轉嘅食物，係冇得揀嘅，佢會預先幫你安排好，有雞扒、豬扒、牛仔骨、腸仔、丸，都係偏向肉類，如果要蔬菜嘅話，就要喺入口度俾錢買金菇。我哋喺度燒咗三個鐘，發現食物嘅味道都比較偏濃，咁多樣嘢裏邊，我特別鍾意佢嘅牛丸、同埋金沙骨。都食晒成盤野之後先可以Refill。有姐姐幫手執，只需要點出想要什麼就可以。

星期日同兩個囡囡去遠啲玩下，上網揾過近大美督附近有幾個燒烤場，一於去燒烤。去燒烤場都好方便，係大埔墟巴士總站搭75k，一落車過對面馬路左手邊行入去就係，沿路都有大banner，入去前先探體溫，登記，買飛，小童90cm以下唔駛錢。開爐之後就可以去拎野食，一開始會俾一大盤預先執好既食物，差唔多每款都會俾啲，都幾好。一拎返去就可以開始燒。食完就拎個盤出去refill。肉類都算多，預先醃好，味道非常足夠，比較中意有一口牛同一口豬，好的骰，燒完一啖放落口，juicy好味😋。火雞腎大大舊，厚得黎好爽口。紅腸都厚切，呢點我幾欣賞（以前去過其他燒烤場，切到好薄，一拮就爛）。大約二點幾，見工作人員開始預備充氣既大瀡滑梯，係好可愛既恐龍🦖造型，小朋友見到勁開心，可惜140cm以下先入得，其實我都好想玩。我地自己拎左泡泡槍黎玩，呢度場地大，就算今日都多客人，仍然都有足夠空間俾我哋玩下吹泡泡，見呢度都有間士多有玩具買，旁邊仲有啲遊戲機，夾公仔，仲有啲小型機動車，甘小朋友就唔怕悶了。總結今日係玩得好開心🥳小朋友有玩樂設施，大人又可以慢慢燒慢慢食。最緊要交通方便，帶住兩個小朋友我哋都唔駛call車🤘🏻就去到。

入開大美督踏單車就順便BBQ下大埔朋友就介紹我食麥師傅星期六、日$170/一位大人任食5小時加2罐野飲包二包碳，仲有一卷廁紙，紙碟、叉、蜜糖、一袋方包比你！門口比完錢自己搵位，就有人幫你開爐，快靚正！第一轉食物會比一盤你樣樣都有嘅金沙骨超好味！肉多又淋，蜜汁味都好香！豬扒都好食，大塊厚得嚟又唔硬。其他食物都ok，不過蕃薯同金菇就要另外比錢。當日好熱但個場都爆爆地。最開心係我地帶小朋友去有吹氣彈床免費玩興奮到不得了，我地好好彩職員話第一日開返咋仲有撈金魚同彩畫玩，另外收費

「食物」-食物選擇十分少，一開始夾硬俾一盤你，冇得自己揀野食，但入面有啲肉唔係人人啱食，丸類勁難食，冇人食咁濟，結果就造成浪費😢-基本上冇蔬菜🥬呢點扣好多分！！-蒜蓉金菇、番薯要另外俾錢🥲-得咖喱魷魚好食，其他都普普通通。「環境」-風扇冇得教速度，一係冇風，一係超強風，吹到個人好唔舒服🤨-設施破舊山長水遠入到黎，真係令人失望🥺「建議」1）提供特色串燒2）一開始就俾人自由選擇食物3）提供多啲蔬菜4）提供特色醬汁

我冇諗過麥師傅出名的牛仔粒同金沙骨都係變得咁樣。。。利申食過好幾次，又會去門市買肉，近近地諗住燒下野食，大尾督啦～又唔洗自己起爐，兩個人人就講真哩個價錢170蚊一個包一杯飲品，其實真係偏貴，因為佢質素大不如前，每個味道都一樣，食到我懷疑人生，點解燒咩都係蒜味？燒丸都係？定係食到“where“左，全部都有嗰陣味推介：燒麵包加蜜糖

星期日踩完單車同成班friends一行8人黎左呢到bbq, 價錢185一位，including one can of soft drink. 本身揀呢間係睇落食物選擇較多，但點知就伏左。勁少野食揀囉，真係得果普通咩腸仔豬扒牛扒果啲。唯一有驚喜既係個魷魚幾好食，一啲都唔 chewy. 不過俾我揀下次真係唔會揀呢間。

無咩食物種類選擇，同朋友入去，打算個場好似舊式燒烤場咁咩都有得食下，蔬菜類點都有一些可供選擇，總之一定會有我食得的食物，原來係自己太天真，係無ga.... FML，最後有一樣要俾錢先食得，水都唔送支，飲品卷得一張，同行朋友都大意左，無細問場地食物總類，大家點知呢個會係一個無蔬菜的場地 ，所以，我的結局係俾160蚊入去坐下，買佢地唯一可以食的東西，同吸下燒烤味。仲有想洗手的話 自備洗手液，想用時係無曬的，疫情低下無洗手液真係衛生情度有限，零彈性無人情味垃圾到爆的一個燒烤場。

山長水遠走到去一試，非常非常非常失望...........只有肉類同多春魚，其他全部另外收費，金菇菜都無條..........一埋枱已經有盤食物可以燒，再拎要排隊，等呀姐派食物有種電視睇座牢排隊拎飯既感覺😅今日只排過一轉，需時15分鐘以上，同朋友一齊去拎，個呀姐都好好笑，我話想要辣雞翼，佢俾左2隻，同佢講想要多2隻，佢俾左，之後朋友話想要唔辣雞翼，佢俾左2隻，但收返4隻辣雞翼😑咩我食辣我朋友唔食辣，咁唔可以一次過拎架咩😑😓真心...人頭$170＋每個爐開爐費$60,大把選擇好過佢😓

青山依舊在 幾度大尾篤總覺得自己有資格寫寫麥師傅的食評，畢竟來過四，五次。算是回頭率很高的老顧客吧！烤暖寒冬；燒紅十月。我們來麥師傅，主要是想在上午開始燒烤，而大尾篤附近，只有麥師傅一家早上是營業的。爐火熊熊，見證職員工多藝熟。食物種類繁多，有牛排、豬排、雞排、香腸、排骨、多春魚、魷魚、雞翼及各式丸子。雖不能說是美味，也算過得去。其中最受大家歡迎的便是咖哩魷魚，燒出來香噴噴，有嚼頭而不靱。個人覺得雞翼也很好，燒出來的，肯定比放題店的芝麻雞翼好，起碼新鮮熱辣。汽水只包一罐，肯定不夠，要再加。當然棉花糖、南瓜、番薯…這裡是沒有供應的，要吃的話，只可以'靜雞雞'黑市帶來。在沒有其他客人的日子裡；職員的視線之外，還是可以偷偷摸摸地、抓個機會燒。當然大家要低調些，切忌高姿態。我不是說麥師傅有多好，但幫襯燒烤場，真是很方便。這裡有很多盥洗池讓你洗手，廁所近在咫尺，乾淨衛生。篷頂下涼風習習，盤子裡食物豐富 ，「乾手淨腳」，已是得到。

環境一般，食物一般，全部都係同一個味，除左魷魚係辣味。🤷🏻‍♀️食物感覺不太新鮮。麵包發左毛都照拎俾客，上面係無生產或者有效日期，不過店家都肯換，但都係無食到。俾錢買個架，會連埋個夾，個夾污糟ge？！投訴先俾個全新有膠袋嘅我。唔知係咪上一手用過啦，但再賣俾下一個客人好似唔多妥當。仲要成50蚊一套，我就買左兩套。最後臨走前望住佢啲工作人員將我哋個網俾左其他客人用。肯定唔會再嚟，其他睇到評論自己衡量，山長水遠走入黎，食啲咁嘅野，有啲咁嘅服務，去九x徑啦不如如果仲想嚟嘅人注意，呢度只有肉，菜啊牛油啊蒜茸啊菇啊粟米啊醬啊全部自己買啦。其實你基本都買曬可以自己去公園搵爐燒咖，不過當然係疫情過後啦。呢度要收開爐費咖，等於去任食火鍋收湯底囉。唔開爐唔通生食？飲品張單其實就係買燒烤網費，依家望返張單先知居然有粗口，thank嘟you喎居然🤷🏻‍♀️

今日踩單車入大埔 一早搵定地方燒野食今次就揀左麥師傅$160/位 包一罐飲品 $60開爐費首先 環境比同區巴X雅簡陋 感覺比較殘舊我地一行四人 去換食物時 佢會比一大盆你冇得自己揀 感覺差少少 而且好多 食完一大盆 都冇辦法再揀其他燒燒下有麥師傅教我地吉肉 同燒肉 學左唔少野 同埋好好食既啤酒$10/$15/$18 價錢比一般燒烤場貴 亦有啤牌賣 $20肉類處理得幾好 亦唔會梅左 因為同朋友玩啤牌 玩到好晏 佢地都冇話清場 呢個真係好貼心😋

嚟得燒烤場就係想方便！兩手fingfing嚟 兩手fingfing 走紙巾、蜜糖、麵包、燒烤叉碟樣樣齊，拎票拿食物 拿野飲，牛油金菇要入口自己比錢買叫工作人員開爐就開始燒得👍🏻燒烤場來講都算乾淨聽說麥師傅以前是廚師，所以肉類自己醃。肉類魚類解凍很好，唔會結冰無食粉味，無醃太鹹或無味情況腸、丸 正常冇特別特別在有個大banner 教你咩肉點燒、燒幾耐；最記得：「大火低燒，避開油火」咖喱魷魚🦑醃得最出色！ 狂食已來了4次這燒烤場，有次見到麥師傅同客人一齊燒，仲教路點燒印象加哂分因為悶試過「對面場」，食物無味 似自己燒串燒咁一直自己落孜然粉同鹽先有味。另外送個兜蜆好多沙，唔講以為係出面沙灘摸的個場又大煙，對比太大，因此寫這食評。