大尾篤麥師傅 (已結業)

下晝去完龍尾灘之後，入得大美督，當然要去燒烤。我自己以前就食開巴希雅，但食過咁多次之後，都想試吓新口味。大埔景色真係好靚，喺度住咗30年，依然都仲係咁鍾意呢個地方。由龍尾灘步行大約10分鐘，就會嚟到呢到麥師傅。佢嘅旁邊有間燒烤王，我就由入口轉左試一試呢間。一入到去嘅時候，第一步嘅係第一個俾錢。每一個人人頭大概$170 ，由於係假期嘅關係，所以貴咗少少，另外亦都要加60幾蚊嘅開爐費。比完入場費之後，每人會分到兩張飲品券，亦都會有一袋炭，同埋膠紙、交叉、紙巾、蜜糖，同埋一包麵包。呢度嘅姐姐，開爐簡直非常熟手， 10秒即刻起到過爐。我哋搵咗個位之後，就放低晒所有嘢，出去食品領取處拎嘢食。第一轉嘅食物，係冇得揀嘅，佢會預先幫你安排好，有雞扒、豬扒、牛仔骨、腸仔、丸，都係偏向肉類，如果要蔬菜嘅話，就要喺入口度俾錢買金菇。我哋喺度燒咗三個鐘，發現食物嘅味道都比較偏濃，咁多樣嘢裏邊，我特別鍾意佢嘅牛丸、同埋金沙骨。都食晒成盤野之後先可以Refill。有姐姐幫手執，只需要點出想要什麼就可以。