大小姐冰室

營業中

休息中

不一樣的冰室今次品嚐左精選晚餐內的兩道小菜🌸牛類—茄子牛仔骨煲$128⭐️⭐️⭐️⭐️⭐️一上枱熱辣辣大大煲份量充足，而牛仔骨嫩滑及超大塊的，每一塊都好入味，茄子也先炸過而不是白烚，非常細心。🌸雞類—川味雞煲$138⭐️⭐️⭐️⭐️⭐️同樣熱辣辣大大煲材料充足，配菜有乾指天椒，爽脆青椒紅椒，洋蔥，蒜頭，辣得有點過癮，脷頭有點麻感覺，而雞肉又不會太嚡口，口感不錯。🌸例湯（跟餐）⭐️⭐️⭐️⭐️⭐️飲得出完全沒有加味精，真材實料，相當好飲，抵讚🌸白飯（跟餐）⭐️⭐️⭐️⭐️☆飯質軟硬適中有蝦米仔的感覺🌸熱鴛鴦（跟餐）⭐️⭐️⭐️⭐️☆咖啡香滑濃郁配奶茶茶味適中🌸凍西班牙特濃朱古力咖啡（跟餐加$9）⭐️⭐️⭐️⭐️⭐️超大杯，有特別濃郁朱古力味但不會搶晒西班牙咖啡的味道。頂還有忌廉同灑咖啡粉做裝飾。======詳情======大小姐冰室 (北角)北角英皇道165-175號公主大廈01及10-13號地舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #美食 #北角好去處 #北角美食 #RnT尖沙咀 #RnT川味 #雞煲

位於炮台山，現代式裝修嘅冰室，富有時代感，俾人感覺乾淨、悠閒；而餐牌上就係地地道道嘅香港菜式，果然係非一般的冰室。主菜：咖喱牛腩鍋上菜時已經聞到香味四溢，咖喱香料風味十足，牛腩亦都炆到非常軟熟，而且份量充足。咖喱汁配合埋白飯，令人食指大動。主菜：美極煎蝦蝦肉鮮甜美味、肉質結實，食得出係用新鮮蝦而非雪藏死蝦。用美極調味，配合香蔥大蒜，口感同味道都非常豐富。原盅燉湯套餐加$10可以飲原盅蟲草花燉湯，清甜滋潤。飲品：涷奶茶、凍檸茶

今日去北角搵朋友，放工時間見呢間茶餐廳應該係啱啱裝修，所以就入咗去試吓啦。自己本身較鍾意啲光猛嘅餐廳，又上Openrice見到d賣相幾靚，果然真係Okay! 晚餐有餐湯，主菜，白飯一碗連埋嘢飲，價錢都過得去，大概$80-$140左右。兩個人叫咗：不一樣咕嚕肉$108: 咕嚕肉色水都幾靚，同埋有驚喜嘅係佢加入咗紫薯，以為唔會好夾，但係食落去因為汁好惹味，自己都鍾意紫薯，出奇地覺得好有新鮮感。咕嚕肉本身材料都有特別挑選過，冇骨之餘，仲每啖都係肥瘦分明！而且菠蘿應該係想用咗新鮮菠蘿，加分！越式蔥油雞$118: 差唔多有半隻雞，雞煮得啱啱好，啱啱熟所以keep到自己本身嘅嫩滑。雞上面嘅蔥油同平時港式食落差唔多，都係鹹鹹地，惹味嘅！ 例湯應該係粟米蘿蔔。飲品叫左凍檸茶同凍華田，都係正常發揮。總結：晚餐份量好大碟，而且唔會吝嗇肉嘅份量。餸菜較濃味，但送飯一流。唔係一般hea嘅茶餐廳，有心之作。

仲諗住見新裝修，入去試吓點知啲野食擺晒係枱，坐咗8分鐘先有人落order同清枱抹都唔抹張枱新坐嘅人你眼望我眼，如果真係咁冇人手，不如唔好開咁大啲野食難食到嘔下次都係去其他度食

身為二小姐ge 我， 經過炮台山站附近嘅大小姐冰室決定一試😂 佢個餐牌 集百家之大成 ，台灣泰國中式港式英式， 你想食嘅款式都有👍🏻今日試咗店員推薦ge中式嘅飯餐, 佢推薦左蒸魚😳有d 餓就試埋先😂👉🏻蟲草花花膠燉雞湯熱辣辣嘅燉湯非常足料👶🏻好有驚喜👶🏻 雖然個湯係咁滾熱辣， 雞肉仲係相當 嫩滑 👶🏻不得了👶🏻👉🏻啫啫雞煲配客飯啫啫雞煲斬咗幾款雞ge 部位， 雞腿雞翼雞翼尖雞胸， 仲有啲非常咸香臘肉 同埋大量多汁嘅洋蔥配菜👍🏻 非常足料， 餸飯一流👶🏻👉🏻冬菜蒸黃花魚店員推薦嘅黃花魚可以非常之嫩滑👶🏻 食落都冇雪味，好新鮮👍🏻 美中不足嘅就係，冬菜蒸黃花魚 個豉油有啲鹹，同冬菜ge 咸味置叠加左🤔 如果佢可以用甜豉油嘅話應該更加好食😳👉🏻華田脆脆不得了Milo dinosaur 咁咁大杯🐒 非常之滿意佢大盛嘅脆脆份量， 一路飲一路keep住都仲有層脆脆❤️超飽😂P. S. 一路食一路見到店員同唔同座位嘅客人推薦菜式，非常friendly👍🏻就算人山人海都好有服務👍🏻ごちそうさまでした！

炮台山站B出口一上地面，就見到一間簡約裝修、光猛的餐廰 ~ 大小姐冰室！餐廳入面都幾闊落，座位都唔算多，有多張卡座，整體環境企理，裝修以白色為主色，簡簡單單，整體坐得好舒服！ 晚餐都多選擇，精選晚餐餐牌分類清晰，方便揀想食豬、牛、雞、海鮮還是蔬菜類~ 方便易睇易點 ~ 抵讚而一份晚餐包埋白飯、例湯、糖水、餐飲，而追加$10 仲可以改為焲湯，相當豐富。 法式紅酒牛尾煲，食落有淡淡紅酒味道，再加上蕃茄一齊煮，帶有少少酸甜味道，十分開胃。每舊牛尾都係大大舊，但又煮得十分軟腍，一夾開就易離骨，仲有啲肉連埋牛筋，感覺吃了啖啖骨膠原！廚司亦加了不少配菜，有洋蔥、蕃茄、燈籠椒，有啲配菜食返，感覺平衡返牛尾的油膩感。是日蒸魚就揀選了冬菜蒸黃花魚，沒有加上大量熟油，而肉質亦鮮嫩軟滑，沒有腥味，好味。

剛好事隔4個月，已經少左幫襯，今日又再去試試，可惜已經變咗質，叫左個咖喱雞飯，$62包湯及熱飲，－大碗咖喱雞，內只有4件細雞件，係雞髀位，應該－隻雞髀都冇，以為有薯仔，都係冇，白飯只係白飯，什菜欠奉，原來大家樂嘅咖喱雞飯，已經好好，去唔去，你自己決定。

是日局長行過炮台山北角一帶覺得天氣寒冷 打算搵一間餐廳食下D熱辣辣既野見到大小姐冰室 見到裝修新派又幾企理就決定入去試一試其實餐牌有非常多選擇 但見到二人餐真係非常之抵食而且仲有煲仔小菜 又真係唔需要諗!首先上左兩個足料靚湯係非常之熱 而且大家有眼見絕對唔係一般餐廳係例湯 係真係足料既靚湯清甜 唔油 潤 冬天飲真係一流我連湯料都食埋另一個我叫左韓式豬軟骨煲韓式豬軟骨煲味道好濃，入面佐料同食材醬汁非常搭配加上厚風味十足的煲仔真正展現出了韓國料理特有同香港味道既FUSION美味!另外一個「魚香茄子煲」都係一道唔錯既料理能帶出食材本來味道之餘 亦唔會太重口味令人停唔到口!油菜唔錯 夠爽脆唔老又無變黃 埋單200零蚊2個人2個煲仔菜2個飯2個湯2杯野飲哩個價錢 咁好既味道 無得輸!

今晚經過大小姐冰室，入去叫左個安格斯牛肉抄河同埋韮菜蝦仁抄蛋，首先評論一下個抄河，話晒招牌菜一定要試試，首先鍱抄河嚟到感覺吾係熱，只係暖，香味係有，但吾係果種有鑊氣即抄嘅香味，先夾左件牛肉擺落口，食落去係無味嘅，跟住再夾埋河粉擺落口，又係無味嘅，起初我以為係自己味覺有問題，跟住我女友食左幾啖之後都係覺得鍱抄河無味，就係呢個時候，我們不約而同咁搵下枱面有無鹽同埋美極之類調味，就係我人生中食干抄牛河要加落埋鹽同美極先可食完鍱抄河。好啦跟住嚟左第二個菜：韮王蝦仁抄蛋，見到呢鍱菜式感覺應該吾差啦，蝦又大隻又多，成鍱嘢多大鍱，我第一樣試下就係隻蝦，放落口到又係吾熱嘅，我都知係雪藏蝦仁，都吾會奢望有鮮味，但係一放落口就中伏啦，蝦仁一D味都無，而且仲係半生熟,首先我煮嘢食吾係話好叻，但係對食材的烹調都有D研究, 呢鍱蝦仁就好似未調味過一樣，估計係擺落個抄蛋到係咁而兜兩兜混埋落去就算，吾似係一齊抄，跟住試埋抄蛋，味道係正常夠熱，最後總算有d安慰。但係最奇怪一樣野就係，食完呢餐飯之後，我同女友個味覺都變苦呀！！食完雪糕飲左幾柸水，個口都係苦，呢樣嘢就係最大伏，如果你問我會吾會再幫襯，我好肯定答你，請我都

炮台山站出口對面就係嘅大小姐冰室門面好光猛乾淨，比佢吸引咗入去😂 入面都好大，座位好闊落舒服，仲有幾張大枱，見到都唔少一家大細帶埋老人家嚟食，天氣凍凍地，唔想煮飯食呢啲就啱哂。冰室都係食果啲野喇，小炒，煲仔小菜咁，夜晚有啲套餐，有餸有飯有湯有野飲仲送甜品，抵到爛。今次嗌咗個紅酒牛尾煲同椒鹽鮮魷餐。好耐冇食過紅酒牛尾煲喇，而家出面好似好少地方有得食🥲上到枱比佢嘅份量嚇親，做乜咁鬼大煲🤣🤣🤣勁多舊牛尾！啲牛尾好入尾好淋，唔會好鞋。個底仲有好多配料，不過略嫌蕃茄就整得唔夠淋~如果再炆耐啲就更出蕃茄味喇~碟鮮魷又係份量大到嚇親，平時$128一碟例牌都未必有呢個份量😂3個女仔嚟嗌2個餸都夠哂。鮮魷炸得好香，炸粉唔會太厚，魷魚好彈牙爽口。例湯係蟲草花雞湯，一盅盅上勁熱辣辣，入面仲好足料，仲有幾粒桂圓肉，長輩一定好鍾意。野飲方面嗌咗暴龍脆脆同爆珠雜果賓治。兩杯特飲又係巨大杯，好抵飲，唔建議自己飲成杯，會肥死🤣🤣最後以雪耳木瓜糖水作結。非常抵食嘅晚餐，唔想煮飯又想食家常便飯嘅首選地方。

今日同朋友過海行街，行到想休息下食下嘢就見到openrice有一間港式茶餐廳，個名重幾特別～叫做「大小姐冰室」，相當吸引，當然要入黎試下啦～～餐廳位於北角，不過如果係炮台山B出口出，大約行2分鐘就到👍地點相當方便😁餐廳主要以米白色同木色為主，而且座位都算多，今日星期日下午三點幾黎到，見到差唔多全場滿座，好多人黎食下午茶🍽鑊氣乾炒牛河🐮炒得好夠鑊氣！份量好足，牛肉唔會好難咬！星加坡海南雞喇沙湯麵🍜材料十分豐富，好大碗，配上大量芽菜同豆腐卜，食落味道相當濃，有椰香味，油麵亦都彈牙好味，海南雞好肥美、好嫩滑，雞皮唔厚唔油膩，重配左三種醬料，可以依照自己口味黎選擇👍係威既蝦多士伴沙律🦐賣相好靚，多士上面有蝦，重有幾粒爆爆珠同埋金箔，影相真係一流📸而且多士炸到好香脆，推薦！！！好好食😍😍黎到冰室一定要試下特飲啦🥤～呢度飲品相當大杯，我同朋友order左以下兩杯👇華田暴龍脆脆阿華田勁濃，味道一d都唔甜，加埋華田脆脆簡直係令成杯飲品更有層次！西班牙特濃朱古力咖啡咖啡上面有一層cream，咖啡好香濃，帶有朱古力味，成杯嘢飲好夾，好好飲😁❤️整體嚟講，大小姐冰室服務態度良好，食物好食，種類多，而且落單後食

咁岩同男朋友行開炮台山，見到大小姐冰室(炮台山站B出口對面馬路)，外觀簡潔乾淨優雅，上網看完評價一致讚好，一於抱握機會，試一試呢間冰室味道如何！男朋友最鍾意食干炒牛河！呢間大小姐冰室係用安格斯牛肉黎炒河粉！肉質彈牙！對比起出面茶餐廳，明顯有誠意同有心思好多，最緊要又大碟又好食！再配合特製嘅避風塘風味醬，的確另有一番風味！而我自己平時都鍾意食日式鰻魚炒飯（$48）,首先呢間鰻魚炒飯好大碟，完全唔似係下午茶餐既份量，唔會話好油，配料亦充足，炒飯口感亦一流。最後叫左兩杯桂花烏龍茶 ($28)桂花加烏龍，真的是絕配，飲起上黎輕盈可口，加上桂花散發出淡淡既醇香！絕對係是日MVP!總結:環境:9/10食物:9/10服務: 8.5/10地理位置:9.5/10

今日無意中經過炮台山，叫咗個二人套餐，價錢唔算貴，份量又多不單止仲要好食，服務員服務態度又好又貼心，真係意外收穫，有機會下次再幫襯，會介紹朋友來幫襯，好好好好好！

天氣寒冷最好吃煲仔菜，放工與同事晚飯，推薦去北角英皇道165至175號公主大廈01及10至13號地舖大小姐冰室川菜/港式菜，港鐵炮台山站B出口，步行約2至3分鐘，交通非常方便。店內全新裝修，環境時尚簡約，以米白色和木製傢俬為主，兩邊多數是卡位，感覺很寬敞舒適，店員禮貌招待介紹是日菜式，使人客滿意稱心。菜譜有幾款套餐選擇，而且有40多種款式，套餐包括兩款菜式、油菜、燉湯、白飯兩碗和兩大杯凍飲，還有其他單點菜式，任客人因應人數和款式自由配搭。雪梨燉雞腳瘦肉湯~坐下就即到燉湯，入口令身體提溫，熱騰騰的燉湯火喉十足，味道順喉舒服，清洗味蕾讓口胃大開。二人套餐$228~追加飲品每杯$9咖哩牛筋腩煲上枱熱騰騰，發出啫啫聲，香氣四溢，牛筋入口即化，炆得極淋滑，咖哩的味道非常特出又惹味，配上脆口三色椒和洋蔥，提升咖哩汁醬的美味，餸白飯簡直一流。芋頭滑雞煲又是熱騰騰的煲仔菜，誘人濃香的芋泥味，令人食指大動，粉嫩綿滑的芋頭滲透口內，滑雞嫩肉浸透芋泥醬汁，簡直是絕配，在寒冷的晚上添加暖意。浸娃娃菜份量頗多，新鮮甜嫩娃娃菜，不油不膩正好平衡口腔味蕾。追加凍飲仙草菠蘿冬瓜茶入口感覺很舒服，仙草類似涼粉，爽口又滑

上次幫襯好好食，沒想到第二次來就中招了。乾炒牛河的河粉本身炒得挺健康，沒有任何一間食店有佢咁少油乾身，食到最底不會見到浸住一湯匙油（連半茶匙都沒有），雖然油少的缺點就是鑊氣不足，只能說減肥人士如我會比較欣賞。而巨大的問題卻在於洋蔥上。我呢世人從未試過食乾炒牛河吃到生洋蔥！要說是半生都抬舉佢，大概是兩成熟有點溫度的洋蔥，連一丁點都沒有透明化，也沒有一丁點的軟化，白雪雪的仍有硬度，但凡入廚新手都知道未熟！未焦糖化的洋蔥，每一口都是辛辣的。好吧，我平時也吃沙律，生洋蔥還是吃得下，半點沒浪費。問題是辛辣的洋蔥搶晒牛河的味道，兩者唔係好夾。如果不是不小心，而是特意炒出爽口辛辣的洋蔥，我想要廚師要搞清楚的是洋蔥的美味在於焦糖化後的甜味，如果要爽口辛辣我自己會去點沙律吃生洋蔥。就像吃甜椒是為了吃它的甜而不是吃它的爽，爽則沒有焦糖化，這就浪費了食物的特點。後來拉了拉下面看，才驚覺這家的乾炒牛河已不是第一次收到劣評，每次還能劣在不同的地方，真是犀利。