大小姐冰室

營業中

休息中

今次再次去大小姐冰室到食早餐，印象中都有段時間冇嚟呢度食早餐，今次經過去北角順便食個靚早餐！我好鍾意食茶餐廳嘅經典，港式早餐，夠晒地道，而呢間嘅選擇都非常之多！menu如下：我每次都一定會叫嘅係：鮑絲火腿通粉本身已經好鍾意食通粉做早餐，呢碗仲多咗鮑絲，鹹香味十足。賣相亦都好好睇，碗湯唔係普通嘅滾水，係濃縮嘅雞湯，我真係飲晒成碗㗎🤣我哋亦都叫咗雪菜肉絲米粉，雪菜好新鮮，酸酸地同肉絲嘅味道好夾，比較特別適合鐘意清淡口味嘅人。不過嗰度都有辣油可以自己加，朋友都有加到，即刻有味好多早餐又點少得炒蛋同牛油多士，炒蛋好滑，好奇唔知道有冇加埋牛奶一齊炒呢！好奇想試吓呢度嘅雞扒同薯餅，雞扒新鮮炸起嚟又唔錯喎，個適量而且食落口感好脆，肉質都幾多汁。薯餅正常。叫埋杯熱奶茶同凍咖啡，真係一個好滿足嘅早餐。環境同之前一樣都好舒適，我好鍾意佢哋門口個牌，冰室嚟講都整得幾靚！食物質素同我上次一樣，我覺得一向都唔錯，下次再經過北角呢頭我都會揀返呢間😎

都係果句，飲嘢前係要打底嘅。由於都係飲cocktail ，我地唔需要放舊牛油入口，食飽就夠，最多唔飲嘢啦！聽講大小姐之前食物質素麻麻哋，不過睇到門口Menu，有嘢想食，所以堅持入去試伏。好彩呢度啲嘢係Ok嘅，相信依家有進步，比想像中好超多，嚇死寶寶了！舖頭門面係咁樣雲吞雞煲 $148雖然雲吞雞係湯，不過呢度叫雲吞雞煲，係有例湯同白飯一碗。呢度係簡易做法，將雞肉浸喺雞湯上面，然後放雲吞，幾鍾意呢種做法，起碼啲雞肉係食到嘅，唔係煲湯雞。呢度嘅雲吞係港式做法，蝦都幾多。同埋原來食完雲吞，浸左好多娃娃菜，都算足料。百花炸蟹钳 （2隻）$70百花即係蝦膠，外皮炸得乾身，裡面包嘅蝦膠，係幾爽，如果想食得清爽啲，可以點埋隔離個糖醋，酸酸甜甜，又一番風味。肯定好過街市凍肉舖，果啲魚漿產品。菠蘿海鮮炒飯 $108菠蘿海鮮炒飯，真係好多海鮮。黃薑粉炒飯炒得幾乾身，海鮮有魷魚、蝦仁、蜆肉同鳴門卷，呢間無落雞肉再炒，反而有三色豆，加多少少港式炒飯嘅感覺。唔錯但偏貴，$108應該貴在兩隻青口，方便俾我地打卡。總數 $326

冰室喺香港必去特色飯店之一，晚餐有好多港式傳統嘅小菜都好值得回味，烹調方法都有好多款式，可以揀蒸、煲或者炒菜都得，全部都可以試吓，價錢方面都好合理👍 呢間冰室之前朋友話質素普通，我覺得而家進步咗好多都幾好食😋中式牛柳 🥩 呢個係一個由細到大都好鍾意食嘅菜式之一，唔係好多地方都有，最值得讚嘅係佢嘅醬汁，將成個口感提升咗，好香口😍瑤柱肉碎蒸水蛋 🥚 蒸水蛋就係一個比較家常便菜嘅選擇，簡單得黎但好受歡迎，好滑嘅蛋配埋瑤柱肉碎粒超正🤩荷葉蒸龍躉飯 🍚 唔係間間冰室都有荷葉蒸龍躉飯㗎，所以見到即刻決定要叫呢個😛 因為佢係新鮮蒸既，所以要等大概15至20分鐘，一出爐就熱辣辣真係好好食😍 龍𧄌份量好多，口感好滑，係必試菜式 💯 華田暴龍脆脆 🥤當然要叫埋個飲品啦，其中一個特飲係阿華田暴龍😛 超級邪惡，不過好飲🤭熱檸水 🍋傳統啲嘅就可以揀返檸茶檸水或者咖啡奶茶 ☕️

Dinner at Missy Cafe! This place is located very close to fortress hill mtr, a good location! We ordered a few dishes, such as steamed fish of the day, Sirloin Steak, the XO sauce shrimp, and the steamed grouper with vegetables. before it’s heard that the food quality from this cafe was average, but now it has been improving and the food tastes better than i have expected! dishes we ordered as follows:Steamed fish of the day This is the dish of the night! the Steamed fish is fresh, have a balanc

今朝嚟到炮台山呢間大小姐冰室食早餐，店舖算是闊落，有圆枱有卡位，座位算是舒適。坐低望一望個餐牌，都有好多唔同種類既早餐選擇，上次試過沙嗲牛肉麵，普普通通，今次就試下佢個蕃茄濃湯，配了個牛肉公仔麵。牛肉同公仔麵都一般，冇甚驚喜，反而個蕃茄濃湯就甜酸味道幾均衡，幾開胃，仲有薯仔粒同蕃茄係個湯裡面，口感豐富不少。口味：🥚🥚🥚环境：🥚🥚🥚🥚服务：🥚🥚🥚🥚性价比：🥚🥚🥚

最近我同朋友去咗一間餐廳，呢度坐得舒服，聽講之前食物質素麻麻哋，而家有進步，而家進步咗好多，等我同大家介紹一下鮮果咕嚕肉咕嚕肉外面炸得金黃酥脆，咬落去肉質嫩滑，完全冇油膩感。佢嘅醬汁酸酸甜甜，正正就係我哋鍾意嘅咕嚕肉味道。竹笙扒羅漢齋竹笙質地滑嫩，帶有淡淡嘅清香，配合新鮮時蔬，例如西蘭花、紅蘿蔔同埋香菇，色彩繽紛，睇到都令人開心。醬汁用得唔多，保持咗食材嘅原味三色蒸水蛋三色蒸水蛋係一個經典嘅家常菜，呢個版本特別靚，蛋羹滑嫩，入口即化，唔會過鹹，適合配搭各種菜式。白色嘅雞蛋食落去唔單止好味，仲好有食慾。

想搵下午茶，細細份有杯奶茶坐一陣就ok.原本想試同區人氣‘渣X’，見佢成日排長龍，我企門口外面，睇下午茶menu就已經feel到待應個份‘態度’，我就係費時坐底先睇會俾佢‘拮’，點知我企門外未入都feel到，亦都好彩我望左先，佢地將普通輕量三文治都用白紙遮住左，其他都係飯，麵，炸雞髀，唔太啱食我就走左. 如果我坐低左睇完menu先話唔啱起身走，我唔想俾人問候所以我就轉去大小姐冰室，舖頭幾大，坐得ok, 待應ok, 無催趕.我order左魚柳飽+奶茶，有少少驚喜！個presentation都幾靚仔架，個飽有少少烘過，有蕃茄，沙律醬，炸魚柳. 魚肉唔會乾身，炸得唔錯，$38，我好滿意！

今日放假去朋友炮台山家玩，晚飯時間到，朋友提議去附近那間『大小姐冰室』－地址: 北角英皇道165-175號公主大廈01及10-13號地舖- 朋友話好鍾意去『大小姐冰室』食飯，平靚正好食有飯🍚有湯🥣有飲品☕️，加9元可轉大大杯特飲🍹 ，加10元可轉冇味精燉湯🍵，超級大件夾抵食。朋友話聽講『大小姐冰室』之前食物質素麻麻哋，而家有進步，比想像中好好多👍聽佢咁讃好期待㖭😋門口都算唔錯，茶餐廳算好好，企理乾淨整齊👍仲有好多其他菜式，價錢大眾化，中西都有，款式又多，不錯不錯👍👍👍我樣樣都想試，哈😂，今餐中西合璧啦😁我哋叫了經典西冷牛扒配薯條$88碧綠龍躉球$128金銀蛋浸白菜仔$78椒鹽孖寶（豆腐及茄子）$68𨍭特飲$9：華田暴龍脆脆送飲品柚子蜜，例湯及白飯超級多嘢食都係$371，勁抵🤩經典西冷牛扒配薯條牛扒大塊有牛味有口感，茶餐廳有牛扒專門店水準，難得👍碧綠龍躉球真係唔敢相信茶餐廳竟然有龍躉食😂大大塊啖啖肉超正😋金銀蛋浸白菜仔水準作品😋，白菜仔滲入晒湯嘅精華味道好好味😋椒鹽孖寶（豆腐及茄子）相片形容唔到真實味道，外脆內軟椒鹽味入晒茄子和豆腐入面，出奇的好食🤤華田暴龍脆脆勁好飲👍👍👍，濃濃嘅阿華田加

朋友推介咗炮台山一間叫做大小姐冰室嘅餐廳，今日就嚟一試究竟，叫咗炒貴刁、秘製醬汁單骨雞翼、叉燒鰻魚蛋炒飯同椒鹽魷魚炒貴刁同叉燒鰻魚蛋炒飯個份量真係非常之大，一上枱嚇咗一跳，兩個食物都炒得好乾身，雖然係炒嘅，不過唔會過分油膩，而且個味道好惹味，令人食得津津有味；個秘製醬汁單骨雞翼监着少辣，雞翼份量都好多，由於切咗一半，所以食得好方便，令人一件接着一件欲罷不能；至於椒鹽魷魚嘅魷魚好厚身，椒鹽亦都好充足，令人垂涎三尺呢餐廳地方都幾大，而且裝修新淨，環境乾淨，食物味道都好出色，推薦

放假一家人去食個 brunch，位於公主大廈嘅大小姐冰室位置方便，見入面坐滿晒人，門口都有幾個等緊外賣，加上餐牌早餐好多款式，食落果然係信心保證馬來沙嗲牛肉公仔麵 $45 深啡色濃濃沙茶醬，鹹香好有馬來風味，牛肉肉大大塊勁足料，配炒蛋同丹麥多士都係熱辣辣冇揸流攤蕃茄濃湯牛肉通粉 $45 粉麵餐勁犀利可以好似車仔麵咁係咁加餸😂 仲要全部都唔hea，見過蕃茄湯清清地加咗勁多餸一家人share雞扒 +$8 香煎金黃冇雪味好出色白豬仔餐肉 +$5 煎到脆卜卜放喺蕃茄湯面泰式滷水雞翼2隻 +$10 食落唔似泰式，就係普通滷水雞翼，係幾好食薯餅 +$5 早餐必食邪惡之選，金黃酥脆營養麥皮餐 配 芝士火腿三文治 $34麥皮冇咩落糖，唔知問佢攞兜煉奶使唔使加錢，不過我就鍾意麥皮原味，加上牛奶香滑已經好正，加$5有一兜果仁，浸落去一齊食，更有營養更飽肚。至於個三文治望落去有少少削，但食落又OK，麵包軟熟，芝士夾火腿都唔差特色豬扒包 $38 豬仔包比較厚身，但食落好脆唔難入口，包住多汁豬扒、蕃茄生菜同沙律醬勁開胃！茶記都有得飲即磨咖啡！跟餐同凍飲一樣+$3，即磨嘅係唔同啲勁香

今日接個friend放工，去咗依間冰室食飯，環境幾舒服，價錢親民又貼地。最重要係啲嘢食真係性價比之王！🧡黑椒茄子牛仔骨煲呢個煲仔一上枱，香氣撲鼻，店員仲好貼心叫我哋坐遠少少，因為仲係熱辣辣上枱啲汁驚炸到我哋。黑椒嘅辛辣同茄子嘅軟糯一齊爆發，牛仔骨炆得夠入味，肉質嫩滑又唔會太肥，咬落去仲有啲骨邊嘅膠質，口感好豐富。茄子吸晒黑椒汁，濃郁得黎唔會過鹹，配飯食一流！我同朋友都覺得呢個煲係全晚嘅亮點，熱辣辣端上枱，冬天食特別暖胃。🧡鮮果咕嚕肉呢道菜真係色香味俱全！咕嚕肉炸得金黃酥脆，外面薄薄嘅脆漿包住嫩滑嘅豬肉，咬落去仲有啲汁爆出嚟，酸酸甜甜好開胃。加咗新鮮菠蘿一齊炒，甜味好自然，食多幾件都唔會覺得膩，朋友話下次再嚟都要再點呢味！🧡是日燉湯 - 黨參赤肉雞肉湯一上枱就聞到淡淡嘅藥材香，飲落去清甜又滋潤，而且10分足料黨參同赤肉燉得好出味，湯底濃而不濁，雞肉炆得軟腍，啖啖都係精華。呢個湯好似屋企燉湯咁有心機，飲完覺得成個人都暖晒，特別適合忙碌一日後嚟補補身子。我同朋友都一致讚好，話呢個湯真係有養生feel，絕對值得大家一試！🧡金銀蛋浸時菜（白菜仔）我哋時菜揀咗白菜仔，呢道菜簡單但好有驚喜。白菜仔浸

今天跟老公送完囡囡上學不用趕著上班，就到旁邊的大小姐冰室吃個豐富早餐。我們共點了兩份早餐，都有送飲品，另外如有需要亦可額外優惠價加食物。我點的馬來沙嗲牛肉公仔麵餐麵底加$5轉了辛辣麵，非常正確的選擇，麵不會淋身，配點辣人都精神點。配的煎雙蛋內裡流心，加$5轉了薯餅茄汁也不用點，點些蛋汁已很美味。另外我還加了$5要了白豬仔餐肉，雖然只有半塊，但餐肉味濃郁，而且煎得香口。老公點的全日扒餐要了雞扒，配煙肉、炒蛋、雜菜、蕃茄、粟米粒和丹麥多士，超豐富呢﹗雞扒和炒蛋很滑身，煙肉不會死鹹。這個餐不止在早上提供，去到晚上九點半都可以點呢﹗兩個人坐在卡位再慢慢喝完熱檸蜜跟熱即磨咖啡，令今天有一個很好的開始。之前聽聞大小姐食物質素一般，但今天試過覺得比想像中好，可能是看到OPENRICE食評自我改進了，哈哈。 

【東區】【大小姐冰室】我上司春哥又升職，都唔知仲有幾多機會可以好單純咁一齊食吓嘢。講到好似好傷感咁，我個人係相信佢縱使之後升無數次職，都會樂意同我呢啲低級職員一齊食飯嘅。而今次佢都係喺有食飯嘅情況之下陪吓我食啲嘢咁，係非常抵得諗嘅，因為係我未食嘢。所以佢就好輕手咁叫咗個「下午茶餐」，揀咗 $35 嘅「傳統西多士」，亦都如佢所願唔算好大份，不過我試咗舊，覺得都唔錯，粗粒花生醬都落咗幾多，切到中間滿晒出嚟。飲品方面佢加 $3 飲「凍檸茶少冰」，屬於正常茶餐廳水準，冇驚喜但係唔算差嗰隻。我就食 $88 嘅「經典西冷牛扒」，餐牌寫到得下午茶時段先有，又唔差喎，唔係「茶餐廳爛鬼薄牛扒」，有水準。配菜薯條、沙律或薯蓉之中揀咗「薯蓉」，好味嘅，嘢飲「熱奶茶多奶」未算頂級但可以。埋單 $126，侍應夠幽默，用「康熙嘅刀」切扒，正。。。（地址：北角炮台山英皇道165-175號公主大廈01及10-13號地舖）#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybiteshk #hke

大小姐茶記食過幾次，近次食好似越嚟越進步涼瓜炆黃立倉涼瓜唔係個個人都岩，反而佢係我最愛，今次呢條黃立倉好大條，佢煎炸到金黃色再淋匙汁上去，幾惹味！秘製咖喱牛腩煲個侍應一拎到埋嚟，個煲牛腩又大又多，淨係睇見到非常超值，咖喱做得非常惹味，牛腩炆得夠腍又入味。上湯雲腿扒娃娃菜高湯濃郁好味，娃娃菜煮得好腍。百花釀炸蟹鉗蟹鉗炸得外脆內軟，蟹肉又多，非常正。是日燉湯-海底椰燉雞湯燉湯一啲味精味都冇，足料炮製，彷彿好似住家湯一樣。華田暴龍脆脆 呢個非常之有驚喜，加$9就有一杯大大杯華田暴龍脆脆，味道濃郁，加上美祿粉，配合適宜爆珠雜果賓治雜果賓治加爆珠，係前所未有咁夾，每飲一啖都又有粒爆珠喺個口度爆開，感覺好爽，一定要再試。

今日去港島區出沒，梗係要食個靚早餐先啦☀️ 呢個全日早餐好豐富，可以揀牛扒雞扒魚柳我就揀咗魚柳，新鮮嘅魚柳好鬆軟🎣配合沙律醬 大大塊，而且熱辣辣炸出嚟 夠晒新鮮然後就有滑捋捋既炒蛋 & 香甜既粟米🌽大量既沙律菜 + 芝麻醬、蕃茄🥗煙肉🥓 薯餅🥔早餐嚟講，呢個茶記嘅高級早餐$68 性價比高 好俾佢咗西餐廳食過all day Breakfast一樣加多杯鴛鴦，有咖啡味亦有奶茶味，夠平衡😉😉😗😗另外都有其他茶餐廳經典嘅早餐