大家樂 (已結業)

一早起床後，從朋友家向外看，覺得景色跟自家周遭很相像，所以感到非常舒服，他家那一區給我非常不香港的感覺，除樓高差很多外，其他一切都像在自家一樣的舒服和放鬆，且發現到香港住宅區的周圍配套設施都很完整，基本上一區社區中間就會有一個小型商場，生活機能完善，讓居民不用特別跑很遠去購買民生用品，覺得超方便。(朋友家窗外風景宜人，雖然房子超像要拍全景呈現的bug，哈)(被山圍繞超舒服，根本不用開冷氣)(除了看出去樓高差很多外!!)(遠看別人家)(下樓後要去搭巴士路上，必經公共風雨走廊)(即使是上班日也很多居民在這走來走去)所以在要去城裡面晃蕩的路上，原本想直接進城找東西吃，可是當我經過小型商場區時，覺得太有舒適悠哉的放假感，所以決定就在朋友家這邊吃早餐，並決定吃完再出發去擁擠的城內旅遊，小型商場裡有兩間可以坐下吃的餐廳，我這一天選擇的是”大家樂”，雖然去過香港超多次，但我從沒吃過這間連鎖店的任何食物，所以一進去看到超大麵又亮光光的螢幕菜單時，一時無法聚焦選則玲瑯滿目的選項，最後看到左下角的天天超值選，其中”牛奶麥皮、火腿/腸仔、烚蛋、多士、配茶/咖/汽水”的套餐選項，套餐內容物我大部分都喜歡，可惜

今日係星期六，大家樂真係特別多人，其實只係想食個豐富早餐，因為陣間會入西貢行山，但係睇左餐牌好耐，都冇咩諗心水。呢間大家樂都算大間，搵位容易但係等拎野食就等左好耐，可能外賣既人都好多。深海炸魚柳+多士+銀針粉+可樂 $32最後我買左呢個銀針粉餐配深海炸魚柳，一定要講個銀針粉，咩都冇，清水銀針粉??明明見到如果要加銀針粉比既錢係多過加錢要雪菜肉絲米，但係呢個銀針粉真係咩都冇，仲要冇味，最後加左包辣椒油先覺得有啲味。個深海炸魚柳又凍冰冰= =，勁冇FEEL!!!竟然係塊多士最好味，雖然都係凍冰冰，但係多士中間都仲好鬆軟，加埋牛油，總算填包個肚。雪菜肉絲餐肉米粉+可樂 $28我朋友既米粉好似都好過份，又係清水米粉又細碗，再加半塊午餐肉，同埋一杯唔值錢既可樂，都賣到$28，到底真係物價太貴，定係大家樂HEA??可能太耐冇食大家樂，好失望。

朝頭早早起身得滯見有時間仲買到早餐就落去大家樂度買早餐返去食平日早餐時間真係好多人就算九點去定十點去 都起碼排一個轉叫咗一個魚柳餐轉左蘿蔔糕另外再加多個雪菜肉絲米份再要咗個吉列豬扒配厚多士早餐服務來講佢地真係算唔錯雖然每次都漏左比一舊牛油我 而我自己都成日唔記得嘅問佢地拎走先見佢有牛扒配薯餅個餐唔使行到去麥當勞買都有薯餅食下次試下先

懶得行嘅關係又冇心機煮就近近地去咗樓下到食大家樂做晚餐朋友見到佢哋新出嘅鰻魚石鍋飯就即刻試下先而我就繼續食返佢哋嘅海南雞飯雖然每次食佢哋嘅雞飯都會覺得佢哋個配菜木耳實在太乾個飯有陣時又會好lam可能食慣左既關係都懶得轉個鰻魚飯有驚喜連平時唔食鰻魚嘅我都會食幾啖去試吓佢放得耐都冇黐住個鐵絲網整體來講真係幾OK值得去食呢個鰻魚飯

噚晚放假去左大家樂買個外賣，珍珠貝福建炒飯，連熱飲先至係$33,確實非常超值，但炒飯炒得太濕，完全食吳出飯香，而真珠貝有少少腥，比較好係杯熱奶茶，夠熱，好香奶味，整體一般而已。

一字既之曰：差！這天去了婆婆家竹戰得地暗天昏，轉眼間便已是晚上8點多，本來想近一點吃一粥麵便好，可是同樣為了消夜時段的人也不少，最後得走多幾步吃大家樂。由於早幾天已吃過鐵板，所以還是吃回最習慣吃的焗豬扒飯。芝味厚切一哥焗豬扒飯 $44大概是焗得太久，表面的番茄與青豆已見乾涸，靠邊的飯粒也早已焗得失去水份。但很奇怪底下的飯卻有著過多水份，變了爛飯。雖然豬扒的味道還是可以，但整體來說比我家附近的那分店難吃得多。熱咖啡咖啡味道算是合格，但出餐的失禮卻是焦點。茶杯的四周都沾滿咖啡，在客人已經不多的時候，又是遇上不願做的店員嗎？以往覺得在家附近的大家樂也僅是合格的質素，在有比較的時候，其實廣福大家樂的質素已是不錯的了。

又黎街坊食堂。去骨海南雞飯因為爸爸牙唔好，所以差唔多次次黎都叫去骨海南雞飯。 大家樂都保持一向水準就係麻麻地。 海南雞同燒味白切雞差唔多，無味，係靠個汁頂下，d 黃油飯煲到爛晒，好似比小朋友食甘。跟餐中湯係冬瓜瘦肉湯，反而幾多料。另外工人姐姐食咖哩牛腩飯。 可能對印尼人黎講呢個飯唔會好辣。 我見除左牛腩之外仲有好多薯仔， 食咖哩點可以無薯仔？！加9 蚊有杯至cool 椰皇冰，姐姐都話好飲

經過朝早勞動，好很餓，食個大眾早餐，滑蛋雞扒+豉油王炒麵。加5蚊就有個咁大碟既豉油王炒麵，簡直就係抗通脹首選，政府既ibond都無佢賺得咁多，大家樂特色之處，在於主動係蔥，蔥的比例幾乎比炒麵仲多，完全感覺到個份青蔥氣息，人都後生d，立即年輕哂。個份炒滑蛋，滑得來全熟，係舌尖之間矛盾去旅行一樣咁特別。雞扒的香草味，配埋個汁，早餐來講算係唔錯，可以一食，更重要既一點，成個套餐可以減肥。有咩野好得過差唔多比左40蚊出來食個早餐，但份量比得少，呢種微妙既好處就好似fine dinning咁，比得多，但食得少，食得少，自然能減肥啦!

3點3 high tea, 見新出左呢個芝士碎旦吐司餐， 就諗住試下！個餐可加配粉面，雞翼，春卷，脆皮腸等，而我就揀左配碗仔翅！一試個吐司，覺得充滿驚喜！厚吐司個邊焗到超脆！吐司上面鋪滿左芝士，但我真係食唔出有邊4隻芝士，但就好濃芝士味！再有紅青椒，成日就好似mini pizza, 好香好好食！而個碗仔翅都唔差，今次好多料唔係齋水，但我覺得都要睇下你好唔好彩，因為我覺得大家樂d 質數都好飄忽芝士碎旦吐司一定encore!

老婆大人唔想煮飯，就去左落下既街坊食堂我叫左個去骨海南雞飯。 話明去骨，但雞翼係有骨的好在雞都算滑， 再點埋個汁， 味道都可以。 左無提供黑醬油而黃油飯就味道好淡，好似食白飯甘老婆就叫左個台式肉燥豬扒飯。 佢話舊豬扒幾鞋同硬，好難咬，好在d肉燥唔會太咸， 但同台式差好遠。

今晚食自己，就去左樓下食大家樂。估唔到個咖哩吉列豬扒飯幾好食！豬扒同咖哩汁分開上。 吉列豬炸到好脆，但一d 都唔鞋，好淋易咬，好好食，但當然如果係厚切會更加好最怕咖哩汁唔辣，呢個汁都幾辣，而且有有大舊薯仔，d 薯炸過，有誠意。個汁送飯一流！！！最搞笑係果2舊波蘿同豬扒底下d 青豆唔知想點總括黎講我覺得幾好食，由其是塊豬扒！

二月十二日 (星期二)婚禮就在年底舉行，也是時候拜訪雙方親友公佈喜訊和婚期其中年初三要算是最折騰的一天，行程是由先到馬鞍山,再到大圍,再到秀茂玶甚少到馬鞍山的架架妹，由架架仔帶領，先由大埔出發，以為要用上不少時間，原來坐小巴不消十五分鐘就可到達估計錯誤，早到了半句鐘，也好，首先在附近來個早餐抖擻一下精神選擇不多，就吃大家樂罷這是架架妹每個月總會吃一兩次的早餐配搭平日吃的賣相較討好，可能是新年期間太多人的緣故，賣相亦見走樣味道上差別也不大，整體上算合格雞扒份量比平日小，雞肉較為嚡口炒蛋不算油膩，多士則平平無奇吃得飽飽的早餐過後，充實的一天即將開始!

雖然話晒都係連鎖式經營, 但始終個質素都唔係間間一樣我覺得呢間既質素普遍黎講都好高........服務同食物質素都比新港城分店好 (因為新港城個間太多人?)首選推介: 咖喱牛腩/雞飯, 咖喱好香, 辣味適中, 又夠薯仔, 份量又唔欺場, 每次食都係咁好味 次選進介: 燒鴨瀨, 湯底夠味, 燒鴨啖啖肉, 好少話會畀d 少肉多骨你, 下午茶19元仲要加多杯飲品都好超值服務算唔錯, 員工都頗有禮貌, 所以絕對會成日幫襯~~

個南冰洋魚柳早餐簡直係cheat塊魚根本係平時個塊仲要厚粉左個fried egg又細，落極多牛油得牛油味無蛋味都係得杯奶茶好飲

一向不擴拒光顧連鎖快餐店，因其始終有其皇牌之處，其他的不說，就說說這裡的燒臘出品吧！這裡的燒臘不會比其他燒味專門店的賴，所點的叉燒不會像啖柴皮似的，而且是枚頭部份，腍腍香香的，而燒鴨亦不差，起碼不太乾身之餘鴨的甘香味道四溢。說到湯頭，雖攪不清是什麼高湯底，但起碼不會喉嚨乾涸，而裡面的瀨粉亦是爽口彈牙之，比很多地方好很多。下午茶連飲品一杯價錢是相當經濟，而環境亦是優靜之餘亦乾淨；歸納這幾點，還有拒於門外的理由嗎？