大家樂 (已搬遷) 新店位置

對於大家樂的拉麵當然不抱很大期望，純粹貪新鮮而試試，不過其「爽嫩豬頸肉湯拉麵」($27)還是不能令人滿意。拉麵是硬身而非彈牙，並不軟滑。湯算滑但不夠濃。至於豬頸肉算做到爽嫩的感覺，不過也救不了多少。咖哩則一向有水準，今次試其「咖哩吉列豬扒飯」($27)，包有很多洋蔥的咖哩汁仍是香而小辣，豬扒則鬆化，而用添上一些紫菜的麵包糠炸出來的表面亦頗脆口，下次可以encore。

喺太古城training, 四日有三日都嚟呢度食早餐, 唔係因為好食, 只係有coupon, 用埋佢咁解。不嬲都覺得大快活好過大家樂, 所以好多年無去過大家樂食嘢, 但原來, 都無乜進步。三日分別食咗魚柳腸仔餐($18.5), 奄列餐($17.5)同埋餐腸麵餐($15.5)。三個餐最好味係餐腸麵餐, 兩片厚厚餐肉+一條腸, 個麵都叫剛剛好, 尚算可以啦。但另外兩個餐就唔得, 因為D多士完全唔熱, 魚柳尚可, 奄列0既蛋熟得滯, 麻麻地。最唔開心係佢0既奶茶係好淡, 無味0既, 咖啡都叫好少少, 如無意外, 都應該唔會再嚟lu~

想在太古城大家樂買外賣午餐，懇請在十二時半之前排隊，包無人龍。十二時五十分之後半小時不宜排隊，數十人在排，人多得排出店外，等外賣堂食一樣要等上最少十五分鐘。上海排骨菜飯($25)恆常保持水準，排骨酥軟好味，又有配菜。咖哩龍脷柳飯($26)咖哩香辣，辣味入口過後很快煙消雲散，留下香味。龍脷柳塗上蛋漿後小煎，香口好味。西湯之羅宋湯好喝，但湯料分量時多時少。

大家樂的早餐實在談不上水準，份量不多卻要收$18.5，最新的所謂脆雞堡早餐，不過是牛扒／魚柳換上類似麥香雞的炸雞塊而已。早餐一般僅能入口，在太古城根本毫無選擇，因此寧願吃已經偷工減料許多年的公司三文治($16)。另外，千萬不要買下午茶餐的扒火腿菠蘿多士，僅得兩片壓得薄如紙的麵包，加少許火腿及菠蘿，竟然夠膽收$14，況且不是特別好吃，搵笨之最。

此店在太古城好像是十多年了, 翻修了幾次, 至今仍然每日排隊, 大集團經營快餐食物, 唔會驚喜亦唔會失望.

新美食廣場價錢高，份量少，質素未如理想，人潮繼續湧向大家樂。午市新出兩款三文治套餐，先試其中一款。黑椒牛肉酸青瓜芝士三文治，顧名思義，材料有黑椒牛肉片、酸青瓜片、芝士一塊、生菜和加入大量黑椒粒的mozzarella。整個麥包三文治又酸又辣，相當西人口味，不是人人可接受，在下覺得特別，可減少黑椒份量。套餐可選餐湯（沒有沙律），蘋果粟米沙律配凍低糖蜜桃茶或其他飲品。蘋果粟米沙律爽脆。$27的套餐，三文治質量中上，新包裝媲美其他三文治專門店（有同事誤以為是Mc Cafe），還有飲品，比Starbucks便宜，是物超所值的新選擇。

甚少去連鎖式快餐店吃快餐，因為總不會吃到滿意的，是次又是一例。星期五同太座趕住去打牌，趕頭趕命的吃點東西就要上陣，不去老麥又避開肥佬上校，就吃了這裡的「脆皮芝麻包系列」，分別要了蜜糖脆皮腸及汁燒豬扒。已是買了五分鐘內就吃，一開膠盒，個包用個紙袋包著，塌塌的，不用說也知好吃極有個譜。芝麻包絕不脆皮，還有點堅韌皮，沒有牛油及沙律醬，只有幾圈洋蔥，無論蜜糖腸或豬扒都麻麻地，止於「維生」的標準，行貨非常。杯熱咖啡反而不太差，盛惠15個半，下次就算趕，食碗粉仲好過。

晚市的鮮菌肉醬意粉($29)跟飲品，肉醬香濃，雜菌切得細碎，嘗不出味，配料另有芝士、車厘茄、黑水欖和西蘭花，趁熱吃最好。

近來日本下午茶餐中，蝦棗換走了不知所謂的章魚丸，好味得多。眾口齊讚薯茸沙律最足料好吃，整份茶餐往往吃得一點不剩。

日本下午茶餐算是近月廣受好評的茶餐，$18.5有熱飲、海鮮拉麵、薯茸沙律、章魚丸和車厘茄各兩顆和春卷。雖然章魚丸一口麵粉漿，海鮮拉麵之蟹柳和日式魚片(各兩塊)沒有海鮮味，但份量足以彌補一切缺點。沙律足料又夠冰冷，春卷香脆亦能加分。比起西班牙餐，日本餐更抵食，所以很快售罄，要買趁早。

1月20日，12:45中午下著毛毛雨，不願往外跑。便到這裡來盅章魚雞粒蒸飯。飯：不算特別好，偏軟。章魚：粗粒，有咬口。整體不值HK$23.-，大家樂算是貴價快餐店。但員工服務態度真的很好。

美食廣場裝修期間，大家樂幾乎是唯一的選擇，多人吃不代表水準高。試過下午茶買幾盒公司三文治，麵包全是發霉的要悉數退換；早餐的牛扒配那些形跡可疑的茄汁令人胃口全無，蘿蔔糕永遠像一團粉。中午那些日日有款水準還過得去，穩陣之選。可是越來越貴，不花廿多元也吃不飽。

今朝去出灣仔拎野，搞掂晒ｄ野返屋企就係ｌｕｎｃｈ　ｔｉｍｅ，本來諗住就咁0係Ｐａｎａｓｈ買個包就算嫁喇！　不過諗起自己好耐都冇食過大家樂，咁就去買外賣喇！！我就0係排骨菜飯同鴛鴦炒飯次間做決擇‧‧‧最後都係決定食鴛鴦炒飯（＄２４）唔包野飲。一返到屋企打開0黎睇．．．．．．．．．．．．得紅汁同白汁．．．．．．．　都冇“送”既！？？？紅汁就有ｄ洋蔥同幾條肉絲，而白汁就有蟹柳同幾片蘑菇。本來仲以為有“送”ｔｉｍ．．．．．．好失望呀！！！！！！！！！！！！！！！不過呢兩個汁都ＯＫ既～～得兩種汁，加個炒飯，就要＄２４．．．好似唔係好抵喎．．．今次純粹係我自己選擇錯誤！！！！！！！＞＜”

$10有一塊油占厚吐司再加一杯即磨咖啡, 抵就係好抵, 但係個吐司好乾, 而且油占份量太少, 吐司有1/3仲係白"屣屣", 質素唔掂!咖啡係一貫"捷榮"質素, 可幸都夠濃, 可以挽回dd分數.

下午食了個上海排骨鮮魚麵套餐，價錢$17.5。有排骨魚麵一碗（排骨細塊，少許菜鋪，最差的魚麵，又鞋又難食），兩粒燒賣（不過食完都不知詳味），一個菜肉飽（這個好食皮薄餡好食），最好是杯汽水，又凍又好汽。