影片
港鐵太古站 D2/ E1 出口
繼續閱讀
電話號碼
2885-3713
附加資料
無肉餐單詳情: 逢星期一、二及三午市供應素食菜式。
營業時間
星期一至日
07:00 - 22:00
以上資料只供參考, 請與餐廳確認詳情
招牌菜
團購瘋系列 – 天氣開始轉涼，又是時候去打邊爐了。早前從網站得知「大家樂」推出了多款「美國最牛火鍋」套餐，而且還以優惠價 $29 發售，由於兒子向來愛吃火鍋，所以亦買了兩客和家人來品嚐。其實這次的「最牛火鍋」，共有六款選擇，以美國穀飼牛做膽，再配以四寶、特級豚肉、海鮮、鮮雞等。選了一個平日的晚上到訪，由於老公和兒子都是愛牛一族，先選了一客雙份美國穀飼牛．四寶鍋配豬骨濃湯底 (原價：$58)，而老公就另點了一客穀飼牛．鮮雞．四寶鍋配沙爹湯底 (原價：$58)。在 counter 對換團購券時，收銀姐姐還提醒我倆當天星期四，火鍋配料有半價優惠，見反正有兩個《牛魔王》在場，就一於再加一份美國穀飼牛 ($10)、特級豚肉 ($10)、手打肉丸 ($8) 及兩杯特飲 ($10)。趁兒子到自助調味站『醬汁大本營』挑選沙茶醬配炸蒜、蔥花等醬料其間，就先來滾吓兩個湯底。講番 2 個火鍋，其實每款均配一客四寶及五色菜盤，而四寶即包括芝士丸、豬肉丸、餃子及炸魚皮。將芝士丸咬開，只有少量芝士汁流出，味道一般；反而豬肉丸水準不俗，除了夠新鮮外，吃起來更有粒粒冬菇口感，配埋灣仔碼頭水餃及脆口炸魚皮，整體食味都算唔錯。五色菜盤方面，除了唐生菜、娃娃菜、鮮冬菇、車厘茄、粟米、豆腐袋外，還有烏冬墊底，夠曬飽肚。幾款火鍋料當中，筆者就較喜愛三角形的豆腐袋，因其索汁力極佳，而且吃起來更不帶油膉味。又試試幾份薄切的美國穀飼牛，無論是套餐包的又或是加配的，看起來都肉色鮮紅，而且牛味都算唔錯。至於脂肪比例方面，均勻得來又份量十足，而且肉質咬落亦不覺韌，只是稍嫌有點嚡口。至於另一個鍋配的鮮雞，煮至熟透後，挾起一件品嚐，雖說不上肉味鮮濃，但肉質尚算鬆軟；而加配的特級豚肉，望落去脂肪不多，吃起來亦非常爽嫩，完全沒有羶味，水準不俗。另外老公點的手打肉丸，由於內裡加入了不少冬菇和馬蹄粒，咬落不單止有口感，更有帶起肉丸鮮味之效，加上肉丸質感細嫩幼滑，顆顆都鮮嫩鬆化，難怪老公吃得津津有味喇！飲品方面，原來只須加 $10 就可配兩大杯 22 安士珍寶特飲，非常經濟，所以亦點了檸檬可樂及綠茶利賓納各一杯，前者可樂無須多作介紹，不過後者綠茶利賓納，入口只有茶的甘甜，但就完全沒利賓納的味道，感覺有點欺場。
繼續閱讀
同一天兩次大家樂! 我真長情呀! 沒辦法，爸爸要我用哂優惠卷，我這位乖女當然照做。放工已是8時，我在太古城下班之後，肚子打鼓了。我都想違抗聖旨，不用卷，可是假期令這兒人山人海，我找不到位置，最後都是到了這兒。地方不同，弄的食物都不同。我點了一個荷葉飯。還有飲品送。看一看，飯都幾大，平時一個人我食不到，但是今天工作了長時間，無哂energy，所以我食哂。食哂的另一個原因是弄得幾好。佢炒到剛剛好，又熱，飯粒粒都入味，真的不錯。而且我食到好多雞粒，真是有肉，唔會話得個飯!幾surprised食到。用了coupon，$25，抵!
繼續閱讀
本來約媽媽在太古城看戲，怎知去到，才知道想看的一齣已經落畫了，我十分失望。但碰著了有一個懷舊模型展，媽媽就塞翁失馬，焉知非福。我卻沒甚麼興趣，人很多，擠不進去，二來也是因為太疲倦，於是便在這裏坐著看書等她。 這裏裝修過後，今次是第一次來，感覺光線比較充足，格局也較為現代化，但可惜冷氣還是這麼大，我一坐下便要披披肩，媽媽一進來便嚷著要換座位，這方面，店家可否留意一下呢？冷得完全受不了。 我們要的是咖喱牛腩飯和焗豬扒飯。媽媽特別鍾愛大家樂的焗豬扒飯，我看上去也感到賣相十分吸引，很大碟，很有看頭，而且可以看到鮮紅及飽滿的蕃茄，端出來的時候還冒著煙，夠熱。汁料也很好，略嫌不足的是，稍為過鹹。 咖喱牛腩飯方面，咖喱味濃，很惹味，卻沒有辣得入不了口，薯仔夠軟稔，入口即散，牛腩也完全滲進了咖喱汁的味道，十分可口。 在被冷氣冷凍了的環境裏，最適宜吃些熱食，吃完之後胃和全身都暖和些了。
繼續閱讀
5 Mar 8:30p.m.Piggy Couples終於試到啦(由piggy girl執筆)前言：之前見到大家樂個和風紙上燒既廣告已經覺得好吸引，跟住又係報紙剪咗張優惠券(平HKD4)，所以一直想去試。呢個和風紙上燒既selling point係自己係個鐵板上燒野食，繼快餐店打邊爐後，又一搞搞新意思但係上次九點去到，已經賣哂，所以今日早啲去再試。我地八點去到，但係又話暫停……咁唯有走啦，我地係太古城行呢行去，結果都係番番去大家樂，見到佢個和風紙上燒既牌又攞番出泥，唔理三七廿一，未揾到位都即刻買咗先。本身想叫個牛之選，但係冇哂，最後叫咗個豚之選。溫馨提示：如果你諗住食和風紙上燒的話，你一定要坐係舖頭入面(因為太古城呢間shop係喺商場入面，所以除咗賣野食area有位外，商場area都有大家樂坐位)，所以大家要記得係入面揾位喔！點選餐單&食物評價：豚之選(優惠價HKD41/ 原價HKD45)，包括：肥牛金菇：唔錯，牛肉唔會un豚肉：ok雞肉串燒：一般獅子狗：Standard冬菇：燒完都唔會好乾菜：落埋啲sauce一齊炒，都唔錯烏冬：可以選擇留啲菜同佢一齊炒環境質素：服務質素：，個阿姐好好人，見我地食和風紙上燒，但係又坐咗係商場既area，佢見到，即係幫我地係入面揾位，驚我地冇位。賬單價錢：HKD41 (每人平均消費HKD20.5)，我地因為唔係好肚餓，兩個人share一個都好夠輪候時間：5分鐘抵食指數：推介指數：整體評價：番兜機率：*所有評分以五為最高分
繼續閱讀
話說本人住係呢間大家樂附近, 其實佢D早餐係唔錯不過有日晏左起身, 去到食已經係lunch..見倒新出左千層香咖喱, 諗住試下啦, 加上呢個餐係可以加2蚊有技大可樂,仲要係玻璃樽我order左千層香咖喱燒雞,+$2可樂拎既時候已經開始令我不爽 首先份咖哩放左係度先, 但其他野仲未有, 原來等緊雞, 等左3分鐘先有,之後拎埋杯水俾我, "齊喇,多謝哂"我正想拎走時, e?! 我技可樂呢?!咁自然就會問佢: "我技可樂呢?"個經理好串咁話: "你有冇俾錢加咖?"嘩! 真係火都黎 "緊係有啦, 俾左34蚊咖, 我等左你個雞咁耐, 而家無埋技可樂!!?"於是個經理態度極差 "俾你囉"坐低, 食之前, 望下個雞個樣, 炸到黑哂, 得3件,1件係雞翼連雞翼尖,1件係縮水雞脾, 1件係眼鏡鏡片咁大既雞胸,唉 D 咖哩, 一個字 油 一D都無特別不過技可樂好大技, 我自己飲唔哂, 見其他食客都係飲唔哂.. 技可樂就抵 最衰就係落街食野電話都無拎, 如果唔係實影低佢
繼續閱讀